2005 Erdhi!

[Agim Doçi]

U ktheva nga nje ikje dhe hyra në Forum
Kjo "herë e parë" na qenka paksa e vështirë
Se vargjet që po shkruaj, nga "thesi" po i shkund....
Ky vit që sapo hyri, lus Zotin të bëj mirë!

E di që nga unë prisni, të them diçka të bukur
Por ja që kam "shterruar"... më duket përkohsisht!
Betohem se çdo natë, unë Zotit i jam lutur
Të sjellë pak LUMTURI ky vit që është i BRISHT!...

Askush nuk dëshiron, të ketë në sy trishtimin!
Sa herë që psherëtin...e pret një Ditë të Mirë.
Sejcilit i përcjell nga zemra unë URIMIN:
SHËNDET dhe LUMTURI, dhe JETË PAK MË TË LIRË!

Vërtet çmimi i bukës, i rrymës dhe ushqimit
Ky vit që sapo hyri i çoj në stratosferë!!!
PAK JETËZ MË TË LIRË...(i nxirrni vetë kuptimin)
Është fjala për USHQIMIN që ka një tjetër VLERË!

USHQIMI SHPIRTËROR që rjedh nga fjalë e ngrohtë
USHQIMI SHPIRTËROR që cak merr veç nga zemra!
USHQIMI SHPIRTËROR që sinqerisht t'a thotë
Njeriu që të don, dhe që të vjen ndër endrra!

Pra merreni TRISHTIMIN dhe flakeni përjashtë!
Nëse ngulmon të rrijë, e nxirrni nga shtëpija
Se JETA vjen një herë, dhe veç njeriu i mbrapshtë
USHQIMIN SHPIRTËROR helmon nga ligësia!...

[SkenderRusi]

pershendetje Agim, qe ke mbetur perhere ai djalosh qe kam njohur dikur( sidomos ne poezi), per te cilat te uroj me gjithe shpirt. Une nuk do ta largoj dot gjithe trishtimin tim prej vetes, ashtu sic thua ti ne poezine e fundit, sepse nuk dua ta ndaj ate me te tjeret, sidomos me ty. Pershendetje Skenderi

[Era1]

Nuk e ndiej veten aq larte sa te mund te analizoj krijimet tuaja.
Dhe vetem mund te them qe me pelqejne jashte mase.Por me shume me ka pelqyer intervista juaj tek TV 2000.

[Brari]

Ku humbi Gim Doci?

Na mungon o usta..
ne c'udhe ke mbetur..
a gripi a bora..
qe rrugen ske gjetur.
te pengon qe te cfaqesh..
me penden e mprehur..


...