Rugova për Nanon: "Kosova nuk është tokë pa Zot"

[Arb]

RUGOVA, SHUPLAKE DIPLOMATIKE NANOS

E Shtune, 15 Janar 2005

Presidenti i Kosoves kritikon nga Prishtina marreveshjen mes Nanos dhe Buckovskit per kufirin. "Kosova nuk eshte toke pa zot. Shqiperia mund te thote ndonje fjale te mire, por ne jemi ketu"

Presidenti i Kosoves, Ibrahim Rugova, i ka dhene dje nje shuplake diplomatike kryeministrit Nano duke hedhur poshte marreveshjen verbale te kryeministrit shqiptar me homologun e tij, Buckovski. Tre dite me pare, Nano ra dakord me kryeministrin e Maqedonise qe te "bekoje" marreveshjen Serbi - Maqedoni per kufirin. Presidenti Rugova deklaroi se kjo marreveshje nuk njihet nga Kosova, por duke e injoruar kete fakt, Nano i premtoi mbeshtetje Buckovskit.

Per kufirin e Maqedonise me Kosoven eshte nenshkruar edhe nje marreveshje mes Beogradit dhe Shkupit, e cila nuk u pranua dhe u hodh poshte nga te gjitha partite politike dhe institucionet qeverisese ne Kosove. Qendrimi i Prishtines vleresohet si i drejte, sepse ceshtja e kufirit mes Kosoves dhe Maqedonise duhet diskutuar dhe te jete rezultat i marreveshjes mes Prishtines dhe Shkupit. Serbise nuk i takon asnje e drejte mbi ate kufi.

Presidenti Rugova, duke u pergjigjur per nje pyetje rreth shenimit te vijes kufitare me Maqedonine, tha se kjo ceshtje duhet te behet vetem me institucionet e Kosoves, nderkaq marreveshjen mes Shkupit e Beogradit rreth kufirit Maqedoni-Kosove e quajti inekzistente.

"Demarkacioni duhet te behet me institucionet e Kosoves. Une jam per ate qe te mbetet ajo vija e vjeter e kufirit. Ju e dini, eshte nje marreveshje qe eshte bere dhe per ne ajo eshte ilegale, jo e vlefshme.

Vija e shenimit do te behet nga institucionet e Kosoves, me UNMIK-un e me KFOR-in. Kosova nuk eshte nje toke pa zot. Ne jemi ketu. Shqiperia mund te thote ndonje fjale te mire, por ne jemi ketu. Kjo ceshtje do te zgjidhet hap pas hapi", tha presidenti Rugova.

Takimi

Komentet rreth autoritetit te Kosoves per te percaktuar vijen e kufirit me Maqedonine, Rugova i beri pas nje takimi me kreun e Gardes se Nderit te TMK-se, Agim Ceku. Presidenti i ofroi perkrahjen e Presidences ne te gjitha fushat edhe ne transformimin e tyre ne nje force mbrojtese te Kosoves.

"Por kjo do te behet edhe me shpejt pas njohjes se pavaresise se Kosoves", tha ai. Nderkohe tani e tutje Garda e Nderit e TMK-se do te marre pjese ne ceremonite e organizuara nga institucionet e Kosoves.

"Qendrimi yne eshte qe ne ne te ardhmen te kemi nje force mbrojtese per Kosoven. TMK-ja tash per tash i ka keto detyra dhe do te zhvillohet ne te ardhmen dhe kjo gjithsesi varet sa me shpejt te njihet pavaresia e Kosoves, per te cilen ne po punojme", tha Presidenti i Kosoves. Presidenti mbeshteti idene e Shtabit te Pergjithshem te TMK-se qe nje njesit i saj te shkoje ne vendet e goditura nga Cunami ne Azine Juglindore per te ndihmuar ne lehtesimin e demeve.

Nga ana e tij, komananti i TMK-se, gjenerali Agim Ceku, theksoi sfidat e vitit 2005 per te gjithe qytetaret dhe institucionet e Kosoves. "Prandaj te gjithe duhet te jene te gatshem per t'u perballur me to", tha Ceku.

Ai beri te ditur edhe kesaj radhe se ka marre mbeshtetjen e Presidentit te Kosoves per TMK-ne. "Edhe nje here Presidenti na ofroi mbeshtetjen e parezerve te tij ne perpjekjet tona dhe ne besojme se me nje bashkepunim te ngushte do te ecim perpara dhe ta cojme perpara TMK-ne dhe do te arrijme atje ku synojme te gjithe".

(Koha Jone)

[Arb]

"Demarkacioni duhet te behet me institucionet e Kosoves. Une jam per ate qe te mbetet ajo vija e vjeter e kufirit. Ju e dini, eshte nje marreveshje qe eshte bere dhe per ne ajo eshte ilegale, jo e vlefshme.

Vija e shenimit do te behet nga institucionet e Kosoves, me UNMIK-un e me KFOR-in. Kosova nuk eshte nje toke pa zot. Ne jemi ketu. Shqiperia mund te thote ndonje fjale te mire, por ne jemi ketu. Kjo ceshtje do te zgjidhet hap pas hapi", tha presidenti Rugova.

Shuplaka diplomatike ndaj Nanos, vlen edhe per te gjithe ata individe, posaqerisht per figurat si Thaci, Qosja, Surroi, e te tjere, qe flasin ne emer te Kosoves, ata te cilet akoma se Kosova ka perfaqesuesit e saj legjitim te dalur nga vota e lire e popullit.

E tash po kaloj ne dicka tjeter:

Nje profesor kishte zakon qe kur nxenesit benin zhurme, ai ne vend qe t'i drejtohet studentit qe bente zhurmen, i drejtohej nxenesit me te pa-zhurmshem, me te sjellshem ne klase. E pastaj iu drejtohej te gjithe nxenesve duke iu thene se, "Po i drejtohem ketij/asaj, qe ju te tjeret te kuptoni!

Rugova ben te njejten gje, ka perdorur Nanon ne kete rast.

[RTP]

Ah Rugov ta puthsha ballin!
Te lumte!


Vertet Rugova nuk reagon,heshte ne te shumten e rasteve.Ama kjo ishte teper!

[Llapi]

CILËN KOSOVË PO E DECENTRALIZOJNË ?



Shkruan : Xhevat Bislimi

Njëra prej fjalëve të përdorura dendur në Kosovë është edhe fjala «decentralizim». Nuk ka gazetë ditore, nuk ka emision lajmesh në radio apo televizion që të mos e lakojë këtë fjalë. Ne që marrim pak vesh, por edhe sipas fjalorëve shpjeguesë, me fjalën decentralizim kuptojmë shpërqëndrimin e pushtetit qendror, duke ua kaluar disa funksione dhe kompetenca organeve drejtuese vendore, pushtetit vendor, e të tjera. Mirëpo, në Kosovën tonë, edhe çështja e decentralizimit ideohet, konceptohet, inicohet, dhe ka përpjekje që të realizohet për qëllime të afërta dhe të largëta segmentuese në dëm të Kosovës dhe të popullit të saj shqiptar. Si shumë çështje që lidhen me Kosovën dhe të ardhmen e saj edhe çështja e decentralizimit është filluar pa rend e pa vend. Pothuajse për çdo njeri normal (përveç për politikanët e Kosovës) është e qartë se ne ende nuk e dimë se çka do të jetë Kosova nesër: a do të jetë shtet më vete?, a do t’i bashkohet shtetit të saj, Shqipërisë?, a do të jetë pjesë përbërse e Unionit Serbi-Mali i Zi?, a do të jetë një rajon i Bashkimit Evropian?, a do të jetë unike (me këta kufij të trashëguar nga copëtimi i saj) apo do të ricopëtohet?, a do të jetë… ? Vetëm kur ta dimë se çka do të jetë Kosova mund të mendojmë për rregullimin e saj administrativ e territorial dhe për decentralizimin e pushtetit qendror. A thua e dinë politikanët dhe drejtuesit e institucioneve kukulla të Kosovës se pushtet qendror në Kosovë, për fajin tonë, ende është UNMIK-u? Shtrohet pyetja: a pranon UNMIK-u decentralizimin e pushtetit të tij absolutist e diktatorial? Deri në përmbushjen e misionit të tij sigurisht se jo. Po cili është misioni i tij? Sipas asaj që kemi parë, lexuar e dëgjuar deri më sot, UNMIK-u ka për mision thelbësor pacifikimin dhe nënshtrimin ekonomik e politik të Kosovës deri në atë shkallë sa populli i saj të heq dorë nga kërkesa e tij «ekstremiste» për jetë të lirë, të pavarur dhe vetëvendosje. Për këto pesë vjet të sundimit me dorë të hekurt, UNMIK-u, si instrument i Fuqive të Mëdha, ia ka dalë, ku me dhunë psikologjike e fizike, me arrestime, burgosje e dënime drakonike dhe ku me joshje (me karrotë) e forma të tjera të korruptimit moral, politikë e material, ta thyej unitetin dhe ta përçajë klasën politike atdhetare që përfaqësonte vullnetin politik dhe kombëtar të popullit shqiptar në Kosovë. Ky është një fakt i dhimbshëm, por i vërtetë…

E kemi fjalën që gjithë kjo politikë që po ndiqet nga UNMIK-u dhe qeveri e qarqe të tjera ndërkombëtare në Kosovë dhe ndaj saj është në funksion të pengimit të proceseve progresive dhe demokratike të vendit tonë të çliruar me aq përpjekje, gjak e sakrifica. Decentralizimi i Kosovës ka për qëllim legalizimin e enklavave serbe dhe të strukturave të tyre, madje, nëse mund t’ia dalin, edhe legalizimin e ndarjes së Kosovës. A thua klasa politike e Kosovës (veçmas pjesa që nuk kolaboroi me pushtuesin) nuk e dinë se Kosova veriore de fakto është e ndarë dhe se qeveriset nga Serbia? Nëse e dinë, atëherë pse nuk këmbëngul që së pari të bëhet bashkimi i Kosovës, të shpërbëhen strukturat paralele serbe, që drejtohen nga Beogradi (me ndihmën ose mirëkuptimin e UNMIK-ut), të ndahet Kosova edhe de jure nga Serbia, e pastaj të mendohet për «decentralizimin» e famshëm. Por, me sa duket, qofsha unë i gabuar, te politikanët tanë ka zënë vend mendimi i dëmshëm: «hajt bre, se mos është Kosova veç e imja»? E vërtetë. Kosova është e të gjithëve, por jo të gjithë kanë kërkuar besimin dhe votën e popullit. Nëse vazhdohet me këtë mendim dhe me këtë sjellje ka shumë mundësi të përsëritet ajo që jemi mësuar ta shohim shumëherë në Kosovë: populli të derdhet rrugëve, shesheve e madje edhe maleve, të burgoset e të vritet për të drejtat dhe liritë e tij, për çlirimin dhe mbrojtjen e Kosovës, ndërsa të zgjedhurit e tij të rrinë në shtëpitë e tyre luksoze (ndonjëri edhe gju më gju e gojë më gojë me pushtuesit kriminelë)!

Klasa politike dhe «institucionale» e Kosovës e pranoi (pa ndonjë shtrëngim) edhe politikën e krijimit të një Kosove multietnike! Këtu i ka rrënjët edhe decentralizimi i sotëm. Si mund të jetë një vend me mbi 90% të popullsisë shqiptare multietnik? Kosova për nga popullsia bënë pjesë në vendet me popullsi kompakte. Letonia ka vetëm 54% letonezë dhe 33% rusë. Edhe Estonia ka 65% estonezë dhe 28% rusë. Megjithatë Rusia nuk e ngriti as çështjen e multietnicitetit, as nuk kërkoi copëtimin e këtyre vendeve dhe as decentralizimin sipas shijes dhe interesave të saj. Nëse Rusia nuk mundi t’i pengojë këto ish-republika të Bashkimit Sovjetik të mëvetësohen dhe të krijojnë shtetet e tyre si paska mundësi Serbia ta mbaj peng lirinë dhe të drejtën e Kosovës për vetëvendosje? Apo Serbia ka edhe përkrahjen e disa fuqive dhe qarqeve ndërkombëtare? Përveç kësaj, Serbia e ka më lehtë sepse, Kosova ka një popull liridashës dhe të vendosur për lirinë e tij, por ka një klasë politike të mjerë, servile dhe të gatshme për kolaborim!

Pavarësisht nga ky realitet, pavarësisht pse klasa politike e Kosovës është e gatshme të kolaborojë, Bashkësia Ndërkombëtare (Fuqitë e Mëdha) duhet të jenë të kujdesshme dhe të arsyeshme në çështjen e Kosovës dhe në çështjen shqiptare përgjithësisht. Ricopëtimi i Kosovës, sipas planit të Koshtunicës (Beogradit) dhe mohimi i të drejtës së Kosovës për vetëvendosje do të ketë pasoja të paparashikueshme për Ballkanin dhe më gjerë. Politika që po ndiqet në Kosovë dhe ndaj saj nuk mund të prodhojë liri të lëvizjes për qytetarët (shqiptarët ende nuk mund të kthehen në shtëpitë e tyre në Veri të Kosovës), nuk mund të garantojë kthim të atyre që duan të kthehen dhe nuk mund të prodhojë siguri dhe stabilitet afatgjatë. Pastaj, bota dhe para së gjithash klasa politike shqiptare e Tiranës, e Prishtinës dhe e Shkupit nuk guxojnë ta harrojnë çështjen e Luginës së Preshevës…



Në fund kam menduar ta ngrisë një çështje që për kah rëndësia do të duhej të ishte në krye të shkrimit: rolin e Tiranës zyrtare. Klasa politike e Kosovës ka dëshmuar një prirje të çuditshme dhe absurde pas Luftës Çlirimtare në marrëdhëniet e saj me Tiranën. Kjo klasë me deklaratat, me veprimet dhe sjelljet e saj është munduar që shtetin shqiptar ta mbajë larg Kosovës dhe çështjes së saj. Të krijohej përshtypja se Kosova është pronë e kësaj klase politike dhe e Serbisë. Po e them këtë, sepse klasa politike e Kosovës ishte dhe është e gatshme edhe sot të bisedojë (dialogojë) me Beogradin zyrtar për çështjen e Kosovës në çdo kohë, por jo edhe me pronaren e ligjshme, Tiranën zyrtare! Me politikën e tyre, natyrisht të diktuar nga qarqe të caktuara ndërkombëtare, kjo klasë politike faktikisht e ka bërë Beogradin partner në «zgjidhjen» e çështjes së Kosovës! E dëgjuat përgjigjen flakë për flakë që Rugova i dha Tiranës zyrtare pas komenteve të saj për bisedimet me Kryeministrin maqedon? “Kosova ka zot, tha ai, Kosova ka UNMIK-un, KFOR-in dhe institucionet e saj”. Midis atyre që Rugova quanë zot të Kosovës është edhe Beogradi, por këtë nuk e ka guximin ta thotë. Porosia për Tiranën zyrtare ishte e qartë... Por, populli i Kosovës e dinë se ky zot i Kosovës (Rugova) gjatë kohës kur Kosova luftonte për jetë a vdekje ruhej nga forcat serbe dhe shkonte bisedonte e zgërdhihej me kryekasapin e shqiptarëve. Populli i Kosovës e dinë se ndihma dhe mbështetja e shtetit shqiptar dhe e asaj pjese të popullit tonë ishte vendimtare për dëbimin e forcave serbe nga Kosova. Po të ishte për Rugovën pushtimi serb do të përjetësohej në Kosovë...

Nuk është pa faj edhe Tirana zyrtare. Ajo do të duhej të ishte më aktive, madje më «agresive» në çështjen e Kosovës. Tirana do të duhej dhe duhet t’ia bëjë me dije klasës politike dhe «institucionale» të Kosovës se Kosova nuk është pronë e tyre, por është çështja më e madhe dhe më e ndishme shqiptare, se në Kosovë zhvillohet beteja më e rëndësishme për kombin shqiptar, për paqen dhe stabilitetin në rajon e më gjerë. Prandaj kjo çështje nuk mund t’i lihet në dorë një klase politike naive, të papërgjegjshme dhe kolaboruese, sepse do të ndodhë ajo që ka ndodhur shumëherë në historinë tonë tragjike…

[RTP]

Llapi sikur ka probleme me sy?!

Do ta rekomandoja nje opticient(nuk di si i themi shqip) te mire o Llap,vetem na shpeto neve prek ketyre marrezirave miniskropike

[Brari]

bislimi ..mos eshte nga keta te Njesiteve me "tre gishtrij" qe u cfaqen ne Vlore 97?

Me nji fjal Bislimi qe kinse eshte kunder Beogradit proteston pse Rugova kerkon respektimin e sovranitetit te kufijve te Kosoves..

hajde Bislim Buckovski hajde..

per Nanon jan gati te behen bislimat her Millosha her Arapa her Causha her Buckovska her asfalista..

ktej i thone Pse ti Moisi i shtetit shqiptar pret rugoven..( Bislimi i qoses) Ktej thone te respektojm Tiranen..

[Llapi]

Llapi sikur ka probleme me sy?!

Do ta rekomandoja nje opticient(nuk di si i themi shqip) te mire o Llap,vetem na shpeto neve prek ketyre marrezirave miniskropike :)

Jo qe kam probleme me te sy,por pjesa e eperme e shkrimit nuk ka te bej me temen por me Decentralizimin ne Kosove,ndersa kjo pjesa e fundit qe eshte me e theksuar ka te bej pikerisht me temen oer bal.

[dodoni]

Dardania, fakt që më së shumti i takon shqiptarëve që jetojnë atje, por përderisa është tokë shqiptare, është edhe pasuri e gjithë kombit tonë. Pikërisht për këtë fakt, kjo pasuri sikur gjithë pasuritë tjera tona kombëtare duhet të ruhen, mbrohen, dhe zhvillohen e kultivohen gjithë kohën, e jo të falen. Ne nuk kemi tokë dhe pasuri për të falur.

Qeveria dhe politika shqiptare në Tiranë, në përgjithësi, jo vetëm që kanë të drejtën por edhe janë të detyruar që të angazhohen në mbrojtjen, zhvillimin, dhe kultivimin edhe të kësaj pasurie tonë kombëtare, sikur të të gjitha pasurive tjera tona kombëtare.

Në rastet si ky, Nano apo edhe kushdo politikan tjetër shqiptar, mund të falin vetëm pasuri të tyre personale, po deshën të falin, e jo pasurinë tonë kombëtare sepse kjo pasuri është e gjithë kombit e jo pasuri e tyre personale. Përndryshe tjerët si Rugova (në këtë rast), e edhe gjithë shqiptarët, me plot të drejtë dhe mençuri nuk lejojnë falje të pasurisë të tyre kombëtare dikujt tjetër.

Sllavo-maqedonasve duhet t'iu bëhet e qartë se ata mund të kenë marrëdhënie të mira me Tiranën dhe Prishtinën, vetëm duke pasur marrëdhënie të mira me shqiptaro-maqedonasit. Kështu që, herave tjera delegacione të tilla (pa asnjë shqiptarë) as që duhet të ftohen e priten në Tiranë, kur në të nuk përfshihet asnjë shqiptarë nga koalicioni qeverisës atje.

Tung