Irena Seli 40 vjeç, nje tjeter e zhdukur.

[Pride]

Nje teme per zhdukjen e Irena Selit eshte fshire.
Sic duket e kan gjetur shendosh si molla moderatoret.



.

GSH

Flet Agim Musha, bashkëhorti i gruas së zhdukur, Irena Seli, për lidhjen e tij të re

"E dashura më kërkon martesë"
"Por unë jam ende i padivorcuar me Irenën"


---------------------------------

fe. de.


TIRANE

Agim Musha duket një tjetër njeri. Ish-proneri i kompleksit tregtar të fuqishëm "Bruno" dhe bashkëshorti i gruas së zhdukur, Irena Seli, duket më në fund ka gjetur qetësi jashtë kufijëve shtetërorë. Pas kalvarit të kaluar në Shqipëri, i gjendur mes presionit të dënimit kolektiv pas hipotezave se mund të ishte vrasësi i gruas së vet si dhe i vënë në darën e hetimeve maratonë të Prokurorisë së Krimeve të Rënda e i survejuar në çdo hap, Musha tashmë thotë se gëzon një shëndet të plotë dhe se pothuaj gjithë ditën e kalon në shoqërinë e në krahët e një gruaje të bukur, gjermane, të quajtur Silvia Shmidt. Pas akuzave të lëshuara në adresë të gruas së tij të zhdukur, sipas të cilave ajo e kishte braktisur pasi kishte një tjetër lidhje dashurore, Musha duket ka gjetur ngushëllim në shoqëri me një tjetër femër. Ndërkohë që zbulimi në Durrës i kokës së prerë të një gruaje, sipas tij, nuk e ka shqetësuar.

Zoti Musha, pasi mësuat nga mediat për zbulimin e kafkës së një gruaje në një zonë të Durrësit, ç'menduat?
Sipas besimit tim Irena ende është gjallë. Kështu që kafka nuk ka lidhje me ish-gruan time. Pastaj unë kujtoj me përpikmëri që ajo ka proteza pothuaj të gjithë dhëmbët e sipërm. Madje i ka mbaruar së vëni më 25 tetor 2004 në Tiranë, pak ditë para se të niseshim për në Gjermani. Kështu që identifikimi është i thjeshtë, edhe pse unë besoj se ajo është ende gjallë.

Pse mendoni se është e gjallë?
Sepse iku me dëshirën e saj më 16 dhjetor 2004, gjatë kohës kur po zbrisnim nga trageti. Sepse unë e kam thënë gjithmonë se pas ish-gruas sime qëndrojnë njërëz me pushtet në Shqipëri, të cilët përgatitën dhe dinë gjithçka. Janë njerëz të shërbimit sekret, të cilët më mbushën shtëpinë me përgjues, ish-ministra etj, të cilët një ditë do të përgjigjen për shkatërrimin e jetës sime. Janë të njëjtët njerëz që më bllokuan në mënyrë të paligjshme pasaportën dhe llogaritë bankare.

Si qëndron e vërteta e lidhjes suaj me një femër në Gjermani?
Është e vërtetë që shoqërohem prej disa kohësh me një femër. Është gjermane, quhet Silvia Shmidt dhe është mikesha ime. Në shoqërinë e saj e kaloj gjithë ditën. Më ka bërë mirë pushimi në Gjermani pas asaj që hoqa në Shqipëri. Madje kam rënë në peshë dhe nuk kam nxjerrë më gjak nga fyti. Kësaj mikeshës sime i ka rënë në kokë të martohet me mua. Por unë nuk mundem, pasi figuroj ende i martuar me Irenën dhe nuk kam dokumenta qëndrimi në Gjermani.


Vëllai i Irenës nuk lejohet të shikojë kokën e prerë në morg

Drejtues të Morgut të Tiranës nuk kanë lejuar dje Ylli Selin, vëllain e Irenës, që të shikojë kokën e prerë të gruas misterioze që ndodhet në këtë morg. Ylli, mëngjesin e djeshëm, pas lajmeve mbi gjetjen një koke gruaje të prerë dhe pas dyshimeve të hedhura se koka mund t'i përkiste Irenës së zhdukur, ka kërkuar të shikonte kokën e prerë për identifikim. Por megjithë pritjen e gjatë ai nuk është lejuar, pasi drejtuesit e morgut i kërkuan një leje të posaçme nga Prokuroria e Durrësit. Rreth mesditës së djeshme, Ylli ka shkuar edhe në Prokurorinë e Durrësit, ku sërish e kishin përcjellë për në Tiranë, me pretendimin se do të kishte mundësi ta shikonte sot kokën e prerë. Pas këtyre sorollatjeve, vëllai i Irenës është shprehur tepër i indinjuar me qëndrimin që ishte mbajtur ndaj tij. "Unë jamë familjari i Irenës dhe përveç ankthit që kemi dhe që duam të verifikojmë këtë dyshim, edhe hetuesve do t'i shërbente shumë verifikimi im, pasi jam në gjendje që me një të parë edhe të konstruktit të kafkës të përcaktojë nëse është apo jo koka e Irenës", është shprehur Ylli Seli për Gazetën. ga.ja.

.

[shkodrane82]

Per mendimin tim personal pasi kam lexuar shume per kete ceshtje, them
qe Irena Seli eshte gjalle dhe se luan topi. Koka qe eshte gjete s'ka te beje
hic me Irenen.
Dje po shifja lajmet te Top Channel dhe me beri pershtypje sesa me syrin
kokerr po jepte i vellai interviste. Gjasme kishte shku me pa mos eshte
koka e te motres, dhe s'ju dridhte syri..pff.
Ato e dine se ajo eshte gjalle po kush e di sesi i kane rrethanat e brendshme
dhe bejne kaq buje. Sado te kembenguli i shoqi, po femijet qe nuk interesohen
ne kete mes..dmth dhe ato se dojne nenen, dhe sduan te dine ku eshte...??
Ku ka femi qe s'do nenen e vet..por dhe ato jane merzite me aventurat dhe
dashnoret e te ames them une.

[ClaY_MorE]

Per mendimin tim personal pasi kam lexuar shume per kete ceshtje, them qe
Irena Seli eshte gjalle dhe se luan topi. Koka qe eshte gjete s'ka te beje hic me Irenen.
Dje po shifja lajmet te Top Channel dhe me beri pershtypje sesa me syrin kokerr po
jepte i vellai interviste. Gjasme kishte shku me pa mos eshte koka e te motres, dhe
s'ju dridhte syri..pff. Ato e dine se ajo eshte gjalle po kush e di sesi i kane rrethanat
e brendshme dhe bejne kaq buje.

Jam me mendimin e Shkodrane82 kushedi se c'fare luhet pas.