Ty...ti mos qofsh

[Wireless]

Ty...ti mos qofsh


Symbyllazi merr hapin
Vrapin
Rrugëtimet qëndisin ngushëllimet
Në hartën e përgjakur
Të ëndrrave të tua

Papritmas ndal hapin
Vrapin
Ke ndeshur si vala në shkëmbinj
Në hijen e pashmangur
Rob i ëndrrave të tua

T'i falësh vetes mëkatin
Për fatin
Që të dhunoj kujtimin e virgjër
Të thinjur, të mplakur
Të gabimeve të tua

Përsëri merr hapin
Vrapin
Me nën sqetullë kurban
Një engjëll që bardhësia
I rridhte si krua

Vazhdon ti hapin
Vrapin
Duke pirë nga ai krua i bekuar
E shterre moj e sprapë e shterre
Veten për të shpetuar

Besimplotë merr hapin
Vrapin,
Hidhe atë engjëll të përgjakur
Të ligur e tharë
Nga të thithurat e tua

Mëshirëplot ai merr hapin
Vrapin,
Për të të kërkuar
Se po e vret mendimi
Se s'paska qenë aq i aftë
Sa për të të shpëtuar

Pa kthyer kokën ti vazhdon
Vrapin
Gjersa përsëri
Si valë e tërbuar që rreh shkëmbinjtë
Pa drojë
Ndeshe përsëri ti në hijen tënde
Të shtangur

Ik prap
Si bushtër e lënë
Ik edhe nga pjella jote
Se nga gjinjtë e tu po thithi ajo prap
Vec helm do të gëlltite
Gushë e saj

Me atë pak forcë që kishe
More vrapin
Në kërkim të atij engjëlli
Kurban
Përsëri e vure nën hanxhar
Të shtriu qafën ai përsëri

E hodhe moj prap e hodhe
Të ngratin
S'diti se shpëtoi ai
Ndaj ndjeu keqardhje
Përsëri

Ti vazhdon me vrapin
Për të rënë përsëri
Përtoke
Ai engjëll s'do të të jetë më pranë
E para se të kërkosh një të ri

Zhvishu e dil para botës
Para vetes lakuriq
E shëmtuar ashtu
Perulju qiellit
Ose rri si bushter
Tradheto si tradhtove
Me djallin
Dhe pjell lugjeve të ferrit.

[whisper]

bravo...shume e vecante...me pelqeu kjo menyre te ardhuri ne forum......

[Wireless]

Flm per mirepritjen

[liliella]

ti ... ti mos qofsh e imja
eshte e padurueshme dhimbja