FDH: Trupa të pajetë të shqiptarëve nga Kosova janë varrosur

[Irfan]

Beograd, 24 dhjetor (presheva.com) - Fondi për të Drejtën Humanitare (FDH) nga Beogradi ka njoftuar se posedon informata se në Serbi ka ende varreza masive ku janë të fshehura eshtrat e trupave të pajetë të shqiptarëve të Kosovës. FDH-ja ka bërë të ditur nëpërmjet një kumtese se gjatë bombardimeve të NATO-s, në disa fabrika me furrëlarta ka pasur djegie të kufomave, ka njoftuar agjencia “Beta”. “Fondi ka marrë informacione nga shumë burime të pavarura se gjatë bombardimeve të NATO-s trupat e pajetë të shqiptarëve nga Kosova janë varrosur nëpër shpella të lokaliteteve të papërshtatshme në hapësirën Bujanoc -Vranjë ose janë djegur në furrat të cilat e zhvillojnë temperaturën e duhur për asgjësimin e plotë të provave”, thuhet në kumtesë. Me këtë rast përmenden dërgimi i kufomave në fonderinë e Borit, Smederevës, fabrikën “Maçkatica” të Surdulicës në Serbi; si dhe në minierat e Trepçës dhe termocentralët e Obiliqit në Kosovë. Fondi për të Drejtën Humanitare i cili drejtohet nga Natasha Kandiqi ka kërkuar të shtunën nga Kuvendi i Serbisë formimin e një komisioni hetuese për vërtetimin e fakteve lidhur me varrezat masive në Serbi dhe asgjësimin e provave mbi krimet në Kosovë. Kjo organizatë joqeveritare ka pohuar se Serbia ende nuk i ka dorëzuar 500 kufoma të shqiptarëve të Kosovës të zhvarrosura nga varrezat masive në Serbi në lokalitetet Batajnicë, afër Beogradit, Petrovo Selo dhe Peruçar afër Bajina Bashtës, ndërsa fati i rreth 2000 shqiptarëve tjerë nuk dihet ende. “Duke i fshehur të dhënat mbi fatin e shqiptarëve të pagjetur të Kosovës, Serbia po shkelë detyrimin shtetëror që t’ua kumtojë të vërtetën familjeve të personave të pagjetur mbi fatin e më të afërmëve të tyre dhe me këtë ta pranojë përgjegjësinë për vuajtjet e viktimave shqiptare gjatë vitit 1998 dhe 1999”, nënvizon kumtesa. Sikurse theksohet, asnjë procedurë penale nuk është inicuar për shkak të krimeve mbi shqiptarët e Kosovës, trupat e pa jetë të të cilëve janë gjetur në varrezat masive në Serbi.[/quote]

Presheva eshte nje qyteze.NJe qytez me e madhe qe ben pjese ne teritorin e Lugines se Presheves.Kufizohet, ne ver-lindje me bujanocen dhe nje kumun serbe,ne jug dhe jug-perendim kufizohet me Maqedonin dhe Kosoven.Ne Presheve jetojne 100.000 banore,prej te cileve 98% jan shqipetar....

Bujanoca eshte nje vendebanim i jo shume i madhe(qyteze) me banor shqipetare 65%,serb35%.Eshte ne mese te Presheves dhe Medeveqes.
Medevegja eshte nje vendbanim,me popullat me shume serbe,por qe dikur ka qenen me shumice shqipetare.Tash,Pas luftes se Kosoves,ne kete vende banojne 30% shqipetare,serbe65%.Eshte ne veri te Lugines se Presheves,ne veri kufizohet me Vranje(KOMUN SERBE).
Keto tri komuna shqipetare gjate kohes se luftes se ngrohte ne mese Kososves dhe Serbis dhe pas luftes se kosoves u quajten rajoni i Lugines se Presheves.(1999-2004).Rajoni i luginese se Presheves eshte nje rajon qe ka mbetur nen pushtetin Serb,edhe pas luftes se Kosoves......!!!

[LeNNoN]

Shpreh keqardhjen per te afermit e viktimave...





LeNNoN !

[Irfan]

Beograd, 27 dhjetor (presheva.com) - Ndërmarrja “Maçkatica” nga Surdulica ka mohuar të hënën se në këtë fabrikë janë djegur trupat e pajetë të shqiptarëve të Kosovës gjatë luftës së vitit 1999. Në kumtesë ceket se konstatimet për djegjen e kufomave dhe për kontaktet me ish- komandantin e Njësisë për Operacione Speciale (JSO), Millorad Ulemek –Leginë “janë të pasakta dhe të njohura vetëm për ata që i paraqesin dhe që i plasojnë rrejshëm në opinion”.

Fondi për të Drejtën Humanitare (FDH) nga Beogradi, i cili drejtohet nga Natasha Kandiqi ka njoftuar para disa ditësh se ka marrë informacione nga shumë burime të pavarura se gjatë bombardimeve të NATO-s trupat e pajetë të shqiptarëve nga Kosova janë varrosur nëpër shpella të lokaliteteve të papërshtatshme në hapësirën Bujanoc –Vranjë, ku ndër të tjera edhe në ndërmarrjen “Maçkatica” të Surdulicës. Në kumtesën e kësaj ndërmarrje, të nënshkruar nga zëvendëskryetari i Këshillit drejtues, Dragan Llakiqeviqi thuhet se pohimet e Fondit i kanë sjellur dëm të madh fabrikës dhe se kompenzimi i dëmit do të kërkohet me rrugë gjyqësore.
Fondi për të Drejtën Humanitare, nga ana e tij, ka kërkuar të shtunën nga Kuvendi i Serbisë formimin e një komisioni hetuese për vërtetimin e fakteve lidhur me varrezat masive në Serbi dhe asgjësimin e provave mbi krimet në Kosovë

[Brari]

I lumte Natashes..
Respekt per kete qytetare te vertete..

Duhen eksperte nderkombetare te bejne analiza atje ..ndonse eshte vone por.. me mire von se kurre..

[Llapi]

Një prokuror serb thotë se trupat e shqiptarëve të zhvarrosur në Batajnicë janë viktima të ekzekutimeve masive

Beograd, 30 dhejtor - Rreth 800 trupa të ekshumuar të shqiptarëve nga varrezat masive afër Beogradit janë viktima të ekzekutimit masiv, thotë prokurori special për krime lufte i Serbisë, Vladimir Vuçkoviq. Ai është zyrtari i parë serb, që pohon një gjë të tillë.
"Pas ekshumimit dhe autopsisë është bërë e qartë se këta njerëz nuk janë vrarë nga shpërthimi i bombave, por plagët e tyre tregojnë se ata janë ekzekutuar", ka thënë Vuçkoviq. Ai ka thënë se zyra e tij do të bëjë publike atë që ka ndodhur gjatë luftës së vitit 1998-1999 në Kosovë, njofton Frans Press, duke u mbështetur në burimet serbe.

[Llapi]

Dëshmitari pohon se di për ndezjen e trupave të vrarë shqiptarë


Beograd, 30 dhjetor (Kosovapress) Time: 16 : 00

Për çdo ditë në mëngjes kam parë të kenë ardhur pjesëtarë të sigurimit shtetëror në fabrikën ‘Maçkatica” në Surdulicë. Në rrethin e fabrikës ata hynin me vetura me drita të ndalura. Mendoj se në mesin e tyre ka qenë edhe një pjesëtar i sigurimit publik. Ata njerëz i kam parë duke hyrë dhe dalë nga fabrika.Nga biseda kam ditur se aty ka të bëjë diçka që është në lidhje me Kosovën: viktimat, kryesisht shqiptarë të Kosovës, të cilët ishin vrarë në Kosovë dhe të cilët po i sillnin në fabrikë. Fabrika është në vendin më të afërt në rrugë prej Kosovës për në Serbi, ka furra të larta dhe është e përshtatshme për diçka të tillë, sepse është e pamundshme të jepen fakte se kufomat kanë qenë aty para se të ndezeshin. Unë nuk jam i vetmi që kam parë këtë, disa njerëz dinë për këto gjëra dhe dinë atë për çka ka ndodhur. Ka pasur urdhëra, kërcënime dhe presione që të mos tregohen këto gjëra, pasi që kjo ”është në interesin e të gjithë neve që të luftojmë kundër shqiptarëve në Kosovë,” ka thënë për mediat serbe një person, i cili pohon se është dëshmitar i ndezjes së kufomave të shqiptarëve të vrarë shqiptarë nga forcat serbe gjatë luftës më 1999 në Kosovë.

[Llapi]

Kosovë: Familjet e të zhdukurve padisin zyrtarë dhe ish-zyrtarë serbë
Linda Karadaku-Ndou
30 dhjetor 2004


Shoqatat e familjarëve të personave të zhdukur në Kosovë njoftuan të enjten ngritjen e një akt-padie penale kundër presidentit të Serbisë Boris Tadiç, kryeministrit Vojisllav Koshtunica, ministrit të jashtëm Vuk Drashkovic, ish-ministrit të brendshëm Dushan Mihajllovic, ish ministrit të jashtëm Goran Svilanoviç dhe ish-zëvëndëskryeministrit Nebojsha Çoviç, nën akuzën për pjesëmarrje active në luftën e Bosnjë-Hercegovinës dhe Kosovës, mosdënimin e krimeve dhe genocidit në këto vende, fshehjes së të akuzuarve per krime lufte nga gjykata e Hagës, fshehjes së provave të krimeve të luftës, fshehjes së informacioneve për vendndodhjen e personave të rrëmbyer dhe të zhdukur dhe mbajtjen peng të kufomave të shqiptarëve të gjetura në varrezat masive në Serbi.
Të gjithë këta zyrtarë dhe ish-zyrtarë të lartë serbë akuzohen se kanë shkelur të drejtën humanitare dhe konventa të tjera ndërkombëtare ne lidhje me vepra që cilësohen krime kundër njerëzimit. Kjo akt-padi i është dërguar kryeprokurores së gjykatës së Hagës Karla del Ponte, kryeprokurorit public të Kosovës Ilmi Zhitia dhe prokurorit ndërkombëtar në Kosovë.

Shoqatat e familjarëve të personave të zhdukur, theksojnë se provat për këtë akt-padi penale mund të gjenden në komisariatin e lartë për të drejtat e njeriut në Prishtinë, komisionin ndërkombëtar për personat e zhdukur, me seli në Sarajevë, zyra e UNMIK-ut për persona të zhdukur, këshilli për mbrojtjen e lirive dhe të drejtave të njeriut, fondi për të drejtën humanitare me seli në Beograd, avokati i popullit në Kosovë, Marek Antoni Novicki, dhe organizata të ndryshme ndërkombëtare dhe vendore.

Deri tani nga Serbia janë kthyer 354 trupa ndërkohë që nga 1170 zhvarrime që janë bërë, janë identifikuar 849 trupa të cilët u janë kthyer familjeve të tyre. Prej tyre, 641 janë shqiptarë dhe 98 nga komunitetet jo-shqiptare. Për identifikim përmes analizës së ADN-së janë dërguar 2160 mostra që paraqesin 2009 persona, nga të cilët komisioni ndërkombëtar për persona të zhdukur ka kthyer 797 rezultate, nga të cilat, 613 kanë qenë positive që do të thotë se këto trupa janë identifikuar.

[Llapi]

SERBI, Gjykata e Krimeve te Luftes: Policia te verifikoje pohimet per kosovaret e djegur
Lajmi i ores 9:15 AM



BEOGRAD (3 Janar)- Prokurori special i Gjykates per Krime te Luftes ne Beograd, ka kerkuar nga policia e Serbise qe t'i verifikoje pohimet e drejtores se Fondit per te Drejten Humanitare, Natasha Kandic se ne fabriken "Mackatica" ne qytetin e Surdulices, ne Serbine jugore, jane djegur kufomat e shqiptareve te Kosoves, gjate luftes se vitit 1999. Prokurori special, Vlladimir Vukcevic ka deklaruar mbreme per Radiotelevizionin B 92, te Beogradit se per keto akuza serioze ka mesuar nga shtypi dhe eshte i obligueshem t'i verifikoje menjehere. Ai ka thene se prokuroria e tij tani me i ka filluar verifikimet sipas obligimeve ligjore, duke u nisur nga pohimet ne tekstin e Natasha Kandicit, botuar me 24 dhjetor ne gazeten Danas bm/bm (Balkanweb)

[Llapi]

BIA kërcënon dëshmitarët


Beograd, 18 janar (Kosovapress) Time: 10 : 42

Fondi për të drejtën humanitare të Serbisë ka bërë të ditur se përfaqësues të agjencisë së zbulimit serb BIA në Surdulicë, Vladiqin Han dhe Vranjë janë duke i verifikuar qytetarët, i kërcënojnë ata dhe organizojnë akte terroriste me qëllim të zbulimit të burimeve të fondit rreth posedimit të informatës për djegien e trupave të shqiptarëve të vrarë në një fabrikë në Surdulicë nga forcat serbe gjatë kohës së luftës në Kosovë më 1999.