Berisha dhe Mediu të ftuar në darkën e fitores së Bushit

[Albo]

Kryetari i PD-së dhe ai i PR-së kanë takuar drejtuesit e fushatës së presidentit të SHBA

Berisha në darkën e fitores së Bushit


A. Rama

TIRANE - Kryetari i Partisë Demokratike Sali Berisha dhe kreu i PR-së Fatmir Mediu, morën pjesë dje në darkën e veçantë të shtruar nga republikanët për të festuar fitoren e tyre në fushatën e fundit elektorale “Bush & Cheney ‘04”. Berisha dhe Mediu, mbërritën dy ditë më parë në Uashington DC, pas ftesës së ardhur në drejtim të tyre nga Barbor Griffith dhe Rogers, për të marrë pjesë në këtë ceremoni të veçantë që republikanët zhvillojnë pas rezultatit të arritur në zgjedhjet e nëntorit të vitit të shkuar. Në darkë mori pjesë edhe sekretari Andrew Card, shef i stafit të presidentit Bush dhe Ken Mehlman, drejtor i fushatës elektorale, i cili së bashku me Karl Rove ishin arkitektët e fitores së presidentit Bush përballë kandidatit demokrat Kerry. Sipas një njoftimi për shtyp nga PD, Berisha dhe Mediu kanë zhvilluar një takim më vete me Lan Grifith, drejtor ekzekutiv i Barbor & Grifith, strukturë që ka organizuar dhe mbështetjen elektorale dhe financiare të presidentit Xhorxh Bush. Dy përfaqësuesit e opozitës shqiptare, gjatë takimit janë përqëndruar kryesisht tek situata parazgjedhore në vendin tonë. Ata e kanë vënë theksin tek nevoja e zhvillimit të zgjedhjeve të lira dhe të ndershme. Lan Grifith ka premtuar mbështetjen elektorale për opozitën shqiptare. “Opozita shqiptare do të ketë mbështetjen e drejtpërdrejtë të Barbor Grifith & Rogers në fitoren e zgjedhjeve të ardhshme parlamentare dhe në ndërtimin e partneritetit të qartë para dhe paselektoral”,- thuhet në njoftimin për shtyp të selisë blu. Pas përfundimit të kësaj vizite të shkurtër në SHBA, kryedemokrati Berisha do të udhëtojë sërish përtej oqeanit për të marrë pjesë në Mëngjesin e Lutjeve, takim i përvitshëm që zhvillohet me pjesëmarrjen e liderëve të ndryshëm botërorë.

[Veshtrusja]

Sipas një njoftimi për shtyp nga PD, Berisha dhe Mediu kanë zhvilluar një takim më vete me Lan Grifith, drejtor ekzekutiv i Barbor & Grifith, strukturë që ka organizuar dhe mbështetjen elektorale dhe financiare të presidentit Xhorxh Bush. Dy përfaqësuesit e opozitës shqiptare, gjatë takimit janë përqëndruar kryesisht tek situata parazgjedhore në vendin tonë. Ata e kanë vënë theksin tek nevoja e zhvillimit të zgjedhjeve të lira dhe të ndershme. Lan Grifith ka premtuar mbështetjen elektorale për opozitën shqiptare. “Opozita shqiptare do të ketë mbështetjen e drejtpërdrejtë të Barbor Grifith & Rogers në fitoren e zgjedhjeve të ardhshme parlamentare dhe në ndërtimin e partneritetit të qartë para dhe paselektoral”,

Le te shpresojm qe ndikimi Amerikan te jete i forte.

[laguna blu]

[/b][/size]

Le te shpresojm qe ndikimi Amerikan te jete i forte.

Dhe poashtu shpresojmë se shqiptarët do të dinë se për kë duhet votuar. Unë për Berishën...se ai na bje pastaja dhe mbretin.

[Elna Durrësi]

Dhe poashtu shpresojmë se shqiptarët do të dinë se për kë duhet votuar. Unë për Berishën...se ai na bje pastaja dhe mbretin.

Po dhe atë të bëjmë të votojmë BERISHËN e të vemi e të mbyllemi bashkë me të në psikiatritë e botës.
Ai është njeri dhe mjek shumë i mirë, por politikan shumë i dobët, ose më tull: Hiç fare politikan, por dikush që pëllet sa me zë po aq me xheste saqë dhe ata që s'kuptojnë shqipen kuptojnë që paska ikur dikush nga psikiatritë.

Me shumë respekt për BERISHËN mjek-njeri, dhe me aspak respekt për BERISHËN politikan, ju përshëndes,

Elna.

[ErionB]

Berisha. Alergjia me e madhe e c'do Shqiptari qe jeton Tirane e poshte. Perse? Politika e ti e gabueshme? Apo propaganda Nanoiste qe i ka futur lepurin ne bark popullit dhe ua ushqen me analista, media dhe pa pune?

Para se te hy me shume ne diskutim do tu rekomandoja qe te lexonit librin e fundit te Barbara Bush ku flet per miq dhe udhetime dhe dikund nga mesi i librit do te gjeni se si flet dhe per ish-Presidentin dhe familjen e Sali Berishes.

Sikurse Partia e Punes edhe Partia Socialiste beri te njejten lufte per sllaverimin e popullit Shqiptar. Ne nje kohe kur Partia e Punes fliste se sa keq ishte kapitalizmi dhe bota matane detit adriatik, Shqiptaret pavaresisht faktit qe jetonin ne tollona, i trembeshin ndryshimeve. E njejta gje ndodh edhe sot. Socialistet e kane bere armikun e popullit Shqiptar pikerisht njeriun qe udhehoqi levizjen kunder komunizmit i cili na piu gjakun per dekada te tera. Pikerisht ky njeri paraqitet si njeri i "cmendur" dhe qe eshte e keqja e Shqiperise. Si ka mundesi qe asnjehere asgje nuk merret ne kontekstin e Partise Demokratike, por vetem Berishes. Si ka mundesi qe asnjehere nuk merret ne kontekstin se jo me pak se 40% e elektoratit Shqiptar e mbeshtesin dhe besojne tek ky njeri, por merret ne kontekstin e analisteve te shitur per nje rroge?

Gjitashtu, qe nga momenti qe Berisha doli si lider, filloi perdorimi i fjales "malok" ne diten e perditshme. U mbyt se ankuari jugu se na erdhen "maloket" kur ne c'do reng shoqeror thjesht erdhi nje ballanc i plot midis te gjitha krahinave. Edhe qeveria u ndertua ne baza gjeografike dhe fetare. Nderkohe qe qe nga ardhja e Socialisteve ne pushtet sheh vetem nje fenomen; fenomeni i zhdukjes nga pushteti i c'do njeriu verior, dhe qeveritare nga jugu dhe mundesisht ortodokse. Mos eshte ky fenomen aksidental, apo i kalkuluar mire nga think-tanks greke ne Amerike?

Analizoni Berishen si politikan. Eshte lideri qe ka ndryshuar e shume qe nga fillimi i demokracise. Eshte politikani me i pjekur ne arenen politike Shqiptare. Ka pranuar gabime te cilat qeverija nen drejtimin e ti ka bere, sikurse dhe ka vene ne dukje se c'fare gabimesh po behen sot. Ku ishin Socialistet gjate viteve '92 - '97 te ngrinin zerin dhe te thonin qe piramidat do na shkaterrojne? Apo mos valle kishin gisht vet ne keto pune dhe nuk mund te flisnin?

Nese Berisha sipas forumsave do te quhej politikan po ta merrte Shqiperine me gjak, per mendimin tim ai eshte politikan i pjekur qe po e con Shqiperine drejt nje rrotacioni natyral. Ndryshimi i qeverisjes ne 2005 do vi me vote te lire sepse ai vete si lider beson ne nje gje te tille. Vizita e tij e fundit ne Amerike dhe vizita qe do te bej brenda dy javesh serish ne Amerike vetem qe do ta betonoje besimin e Amerikes ne nje lider qe do ta forcoje nje aleate te Amerikes, sikurse dhe do ta coj Shqiperine drejt Europes.

[Veshtrusja]

Para se te hy me shume ne diskutim do tu rekomandoja qe te lexonit librin e fundit te Barbara Bush ku flet per miq dhe udhetime dhe dikund nga mesi i librit do te gjeni se si flet dhe per ish-Presidentin dhe familjen e Sali Berishes.

Titullin (?), ju lutem.

Si ka mundesi qe asnjehere asgje nuk merret ne kontekstin e Partise Demokratike, por vetem Berishes?

...
Analizoni Berishen si politikan. Eshte lideri qe ka ndryshuar me shume qe nga fillimi i demokracise. Eshte politikani me i pjekur ne arenen politike Shqiptare. Ka pranuar gabime te cilat qeverija nen drejtimin e ti ka bere, sikurse dhe ka vene ne dukje se c'fare gabimesh po behen sot. Ku ishin Socialistet gjate viteve '92 - '97 te ngrinin zerin dhe te thonin qe piramidat do na shkaterrojne? Apo mos valle kishin gisht vet ne keto pune dhe nuk mund te flisnin?

shume pyetje me vend dhe jam plotesisht dakort

Ndryshimi i qeverisjes ne 2005 do vi me vote te lire sepse ai vete si lider beson ne nje gje te tille. Vizita e tij e fundit ne Amerike dhe vizita qe do te bej brenda dy javesh serish ne Amerike vetem qe do ta betonoje besimin e Amerikes ne nje lider qe do ta forcoje nje aleate te Amerikes, sikurse dhe do ta coj Shqiperine drejt Europes.

Ju lumt dora.