ANALFABET NE SHESHIN "SKENDERBEJ"!!

[Shpirt Njeriu]

Natën e gjatë të ndërrimit të viteve, ashtu si edhe shumë qytetarë të Tiranës, mbas darkës familjare, e kalova në sheshin "Skënderbej ", me mikrofon në dorë, i shoqëruar me telekameran e stacionit NEWS 24, nga kolegu Olsi Shehu.
Qëllimi: të pasqyronim festën që banorët e kryeqytetit do të bënin në qendër.
Zhgënjimi ishte i shpejtë. Sheshin e mbushën njerëz të varfër të ardhur nga periferia. Përgjithësisht të rinj. Veshur keq. Me fytyra të lodhura. Njerëz të cilët na thanë se tavolinat boshe dhe mungesa e dritave i kishin bërë të linin prindërit në gjumë dhe t'i turreshin sheshit. Aty kishin dëshirë për t'u ngrohur me ulërimët e veta, me zhurmën e koncertit të Vitit të Ri dhe djegien e parave të fundit. Djegien e parave me fishekzjarrë, të cilët, në vend që të sillnin hare në shesh, mbillnin ankth, tmerr dhe frikë. Kishte shumë grupe të përbëra nga të rinj me gojë pa dhëmbë dhe plot sharje. Me grushta gati për t'u përleshur me këdo që do t'u kërkonte të mos e bezdisnin tek shëtiste i shoqëruar me motrën, gruan, kushërirën a të fejuarën. U tmerrova nga guximi i tyre për të bërë keq. Na i hidhnin fishekzjarret surratit, tek intervistonim bashkëqytetarët tanë. Të shkretët këngëtarë, valltarë dhe spiker të koncertit! Detyroheshin të qëndronin në fund të skenës, për të shpëtuar nga goditjet me fishekzjarre! U detyruan t'i luteshin spektatorit që "e duan shumë" për të mos i qëlluar! Dhe kur mbaronin pjesën e kënduar, të kërcyer a të recituar, me frikë në zemër, largoheshin plot mallkime në vend të urimeve për Vitin e Ri. Natë ferri, vërtet natë ferri ajo e mesnatës së ndërrimit të viteve në sheshin "Skënderbej"!
Aty nuk pashë njerëz publikë, nga ata që i kemi votuar për të na qeverisur! Pashë forcat e Rendit të shpërndarë nëpër shesh. Të gjorët policë! Ata bënë ç'ishte e mundur që pasojat e eksitimit të turmës të ishin minimale për vetë shëndetin e saj. Për fat, prania e forcave të Rendit evitoi aksidentet që ndodhin në kësi rastesh.
Njerëz të paedukuar takova në shesh. Pra, njerëz të rritur keq, të arsimuar keq dhe të pa formuar për të qenë qytetarë të një shoqërie të hapur. Kush do ta bëjë këtë? Ministria e Arsimit, që merret me shkencën e tenderave?
Dhe unë me mikrofonin tim gënjeja! Bëja sikur nuk e shikoja atë tmerr! Tregoja gëzim, ndërkohë që isha i trishtuar. U zura natën e Vitit të Ri. Shava shumë njerëz me fjalët më të ndyra të fjalorit të shqipes dhe pastaj i dërrmuar u futa në një restorant shik të Tiranës, ku fytyrat e derrave të kënaqur më kujtuan se ishin më të bukura ato fytyra që kisha lënë në shesh, mes tymit maramendës të fishekzjarreve.
Ulur në një cep, ndjeva erën e mariuanës. Ktheva kokën dhe pashë tek thithnin hashash fëmijë të derrave të kënaqur. Në restorantin e Tiranës, ashtu si edhe në restorante dhe hotele të tjera, festonte borgjezia e re shqiptare, dalë nga korupsioni, vjedhja e parave publike, mashtrimet e qytetarit dhe fitimi i shpejtë që japin trafiqet gjithëfarëshe. Jargaviteshin duke përtypur gjel deti dhe duke parë nga larg nëpërmjet dritareve turmën e sheshit "Skënderbej", tek kotej dhe thithte tymin e rëndë të barutit të djegur.
Ora gjashtë e mëngjesit më gjeti mes puntorëve të pastrimit të sheshit. Kafenë e parë nuk mund të pija në pasticerinë e Pallatit të Kulturës, aty ku moshatarët e mi e kishin si vend ku çonin të dashurat për akullore, kasatë a ëmbëlsirë. Ajo pasticeri në katin e sipërm të Pallatit të Kulturës është mbyllur. Hapësira e saj është kthyer në zyra pune për policinë ndërkombëtare. Nga sheshi, silueta e një burri të gjatë me uniformë policie të huaj më bëri të kujtoj se vendi im është shumë problematik për sigurinë e të tjerëve rrotull.
Por policin ndërkombëtar e harrova shpejt!
E papritura e parë e vitit 2005 ishte takimi në orët e para të mëngjesit të datës 1 janar me një analfabet.
Ishte katërmbëdhjet vjeç. E gjeta mes një grupi qytetarësh, tek intervistoja dhe bëja pyetjet e zakonshme në lidhje me dëshirat për Vitin e Ri.
Biseda mes nesh ishte kjo:
- Sa vjeç je?
- Katërmbëdhjetë.
- Ç'të solli Viti i Ri?
- A?
- Viti i Ri, çfarë dhurate të solli?
- Ndonjë bluzë, ndonjë biçikletë-tha djali, duke shprehur dëshirën për ato dhurata të papasura.
- Unë të uroj suksese në shkollë-i thashë djalit.
- Nuk jam në shkollë-më tha ai.
- E ke mbaruar?-vazhdova.
- Jo, nuk kam qenë kurrë, nuk kam bërë asnjë klasë-tha djali i një punëtori të kryeqytetit. Lindur në Tiranë ky djalë dhe rritur pa plotësuar detyrimin ligjor për ndjekjen e shkollës tetëvjeçare.
Sa të tillë analfabetë ka Tirana?
E kush e di! Se mos ne qytetarët kemi votuar për njerëz që të na qeverisin në të mirën tonë! Se mos kemi gjetur mes nesh ata që do të digjen si qiriu që të na ndriçojnë për të parë më mirë!
Jemi ende në atë fazë të zhvillimit shoqëror, ku votojmë njerëz që na mashtrojnë, që vjedhin paratë e buxhetit të shtetit, të caktuar për arsimimin e fëmijëve të Republikës së Shqipërisë.

[KoTeLja_VL]

turp.......

[Brari]

esht variant nanoist qe lumpenin ta len te bej qejf ne rrug e vet te ikin me dashnoret ne NYS sikurse Edvini me Rudinen kto dit e ai bo.le madhi tjeter ne Dubai..
kuptohet para se te ikin ja kan marre porezin (thesin me miliona) atij mafiozit qe ka prure vaporrin me fishekzjarre nga Kina..
Ti shit kapsollat e fishekzjarret o m.ut i thone e ..te dalldisen pis mileti e eja ktu e tundi tek Moni..ato miljonat se na duhen shpejt per Lugano e Bruklin..
Le te digjen injorantet e te nxjerrin syte ..na vemi atje ku eshte lezeti..




oj tironsit..katundar mbeten..len shpijat me u pompu me squfur e fosfor nja tre or te mira te sheshi leshit me i ba bloz mushkrit e fmive te vegjel .. qe te duket se "feston Shqiperia socialiste nga gezimi""..
me m.ut milet qe ka tirana..as ne terbac e levan nuk e gjen..

[Dito]

Mire e ka brari kur zbret tjetri nga maja malit dhe kerkon te bej hajer ne kryeqytet ca pret mo. Nejse se ka shume si puna e ketij rasti qe the edhe do vazhdoje te kete perderisa ska ligj qe te rregulloje sistemin shoqeror, sepse ligjet shkruhen por nuk zbatohen.

[Era1]

Problemi ne Shqiperi nuk eshte se ligjet shkruhen por nuk zbatohen por qe ligjet nuk shkruhen fare sepse te pashkruar e bejne me te lehte qeverisjen.
Nuk eshte viti i pare ky qe festa ne qender te Tiranes vizitohet vetem nga prapambetja e kryeqytetizuar por ja qe ky eshte realiteti .... i hidhur ....mendoj se eshte me shume se i hidhur por thone qe çdo popull ka qeverine qe meriton uroj qe per ne te ndryshoje.

[ledio]

Shpirt Njeriu, welcome to Albania.
Tani mos be edhe ti sikur nuk je takuar me Shqipetare ndonjehere.
Te tere e dime qe ne jetojme si kafshe. Nje gje te bukur te shohim shkojme edhe e prishim.
well, that's us.

Ledio

[Veshtrusja]

Se mos kemi gjetur mes nesh ata që do të digjen si qiriu që të na ndriçojnë për të parë më mirë!
Jemi ende në atë fazë të zhvillimit shoqëror, ku votojmë njerëz që na mashtrojnë, që vjedhin paratë e buxhetit të shtetit, të caktuar për arsimimin e fëmijëve të Republikës së Shqipërisë.

Cfare fatkeqesie!

(Zoti na ndihmoft, por jo ne qoftese ne sduam te ndihmojm veten!)

P.S: Shpirt Njeriu, beret mire qe e postuat k'tu ate artikull.

[MI CORAZON]

Qenka mbushur kjo tema me "lot" .
A keni hallin e varfërisë që s'ka e s'do ketë derman kurrë e kudo... apo hallin e borgjezisë shqiptare që bën qejf ?
Si s'u lodhët....?!
Dilni jashtë e gëzoni atë që ju ka ra për risk , se edhe atë përkohësisht e keni.

Fjalën mu* pranë Tiranës mos e shkruani më.

[friendlyboy1]

Keshtu si thoni ju mua me duket se aty ka qen me bukur se ne boston. rremuj fare cdo njeri shpreh ate qe ndien dhe feston ashtu sic ndien ca te keqe ka pse ankoheni.

[Veshtrusja]

Qenka mbushur kjo tema me "lot" .
A keni hallin e varfërisë që s'ka e s'do ketë derman kurrë e kudo... apo hallin e borgjezisë shqiptare që bën qejf ?
Si s'u lodhët....?!
Dilni jashtë e gëzoni atë që ju ka ra për risk , se edhe atë përkohësisht e keni.

Jeta nuk eshte aq e thjesht sa te thuash vetem "seize the moment". Sigurisht ajo duhet shfrytezuar sa e kemi mundesine por cfare ndodhe kur njeriu do me teper mundesira? Cfare ndodhe kur ka njerez (perfshi k'tu edhe qeveritar) qe te limitojn mundesite ne k'te jete... atehere cfare?

Fatkeqesisht ne shoqerine tone duhen ven ne dukje vazhdimisht (ato mangesira, probleme) sepse ka njerez qe ju duhet rifreskuar truri ... per mangesirat qe ka vendi yn, dhe per te mirat qe kan ata qe jan jashte vendit (qe patjeter duhen shfrytezuar)...