Konkurs per Kryetar

[Kosovari_78_Ca]

LËVIZJA

shpall

KONKURS

Për plotësimin e vendeve të punës:



1. Kryetar të Kosovës
2. Kryetar të Kuvendit të Kosovës
3. Kryeministër të Kosovës
4. Ministër (14)
5. Deputet (120)

KUALIFIKIMET E PËRGJITHSHME

Kandidatët të kenë kualifikim superior; magjistraturë apo doktoraturë (përparësi kanë kandidatët me tituj shkencorë të fituar në periudhën 1991-2004 në UP)
Të mos kenë aftësi komunikimi në asnjë gjuhë të huaj (madje as në gjuhën shqipe)
Të kenë karakter të dobët dhe labil
Të jenë servilë
Të jenë të pasionuar për udhëtime zyrtare jashtë vendit, qoftë edhe pa nevojë
Të mos kenë lexuar kurrë: Marrëveshjen e Rambujesë, Marrëveshjen Tekniko-Ushtarake të Kumanovës, Rezolutën 1244, Kornizën Kushtetuese të Kosovës, si dhe Marrëveshjen Haekerup-Çoviq
Të kenë aftësi dhe përvojë në keqmenaxhimin e shumave të mëdha të parave pa evidentim, pa regjistër, pa transparencë, pa llogaridhënie dhe pa limit
Të kenë ambicie të pasurohen përgjatë ushtrimit të mandatit përmes shpërdorimeve financiare
Të kenë farefis sa më të gjerë, në mënyrë që të kontribuojnë në zvogëlimin e shkallës së papunësisë
Të kenë pasaporta valide të ish-Jugosllavisë
Të kenë diagnozë mjekësore që vërteton lëngimin nga vesi i të gënjyerit


DETYRAT DHE “PËRGJEGJËSITË” E PËRGJITHSHME

Të jenë të papërgjegjshëm
Të merren me çdo gjë tjetër, përveç interesave kombëtare
Të dëgjojnë dhe të zbatojnë urdhërat që vijnë “nga lart”


PËR POZITËN E PARË (KRYETAR TË KOSOVËS)

Të përfaqësojë përçarjen e popullit
Të qeshë vazhdimisht pa nevojë, lidhje-palidhje
Të mos i përzihet PSSP-së në asgjë
Të mos jetë serioz
Të dërgojë fëmijët e tij te dajët me aeroplan privat (i paguar nga buxheti i Kosovës)
Të mos ketë vizituar asnjëherë kompleksin memorial në Prekaz, dhe familje të tjera të dëshmorëve
Të ketë flamurin dhe himnin e tij personal
Të dijë të bekojë (s'ka lidhje çka: mund të jetë degë e partisë, Papë, kryetar shteti, KFOR, gurë etj.)


PËR POZITËN E DYTË (KRYETAR TË KUVENDIT TË KOSOVËS)

Të jetë i lajthitur për pagabueshmërinë e tij
Të jetë demagog
Të jetë autokrat në përdorimin e teknologjisë (ndaljen e mikrofonit)
Të jetë dorëlirë: t'i qerasë gjithë deputetët me nga një kafe (paratë s'është e thënë të jenë nga rroga e tij)


PËR POZITËN E TRETË (KRYEMINISTËR I KOSOVËS)

Të mos ketë parë as ëndërr të bëhet Kryeministër
Të mos ketë kompetenca
Të jetë Kryeministër kukull
Të mos flasë me gjysmën e ministrave të kabinetit të tij
Të dëshirojë të jetë Kryeministër edhe një mandat tjetër (anipse do të dështojë në mandatin e parë)


PËR POZITËN E KATËRT (MINISTËR)

Të mos “marrë erë” në punët e ministrisë që drejton
Të shpallë dhe rishpallë sa më shumë tenderë; të kujdeset vet për “mbarëvajtjen financiare të tyre”
Së paku gjysma e personelit që do të punësojë në ministrinë e tij të jenë me të njëjtin mbiemër
Të jenë të shkathët fizikisht në “qërimin e hesapeve” me personelin e ministrisë
Të jenë entuziastë të “takimeve joformale”, përurimeve dhe spektakleve
Të mos dallojnë: statusin nga statuti, testin nga teksti, entitetin nga etnitetin, autoktonen nga autentikja