SHBA deklaron: I forti te rreh dhe nuk te le te qash!

[bunny]

Jo mo jo nuk ka aspak....
ato akuza qe SHBA po i lexon Sadamit ne gjykate sot...mund tia lexonte para se tu fuste edhe te vriste aq sa ka vrare Sadami...(pasi numri i viktima nuk jane aq ndryshe nga te 2 palet)ky ishte ndryshimi...Qe Sadami mund tu rrezonte ne thyrje te drejtave te njeriut(pasi keto jane edhe akuzat qe po e denojne) ....

[FLORIRI]

drejtesia eshte perdhunuar si fjale qe nga dita qe u shqiptua.

..................................

Une deri para pak kohesh kam qene kundra nderhyrjes amerikane ne irak.Tani nuk jam,per me teper pergezoj inciativen e ketij shteti si dhe ndihmen qe i eshte ofruar nga vendet evropiane duke mos lene pa permendur edhe shqiperine.Nuk po zgjatem se tepermi te shkruaj per menxyrat e semitit me te shpifur qe ngrohu dielli.Sadam huseini kucedra qe per te dyten here perflaku me gojet e saj lindjen e mesme.Besoj qe i dini manovrat kriminale qe beri me popullsine e pambrojtur kurde,krimet e shemtuara neper fshatrat e iranit,dhe goditja pa asnje shkak popullsine civile ne tel-aviv te israelit.Lindja e mesme eshte problemi me i fuqishem qe shqeteson boten.Me problematiket nder shkretinoret jane arabet.Ata kane qene gjithmone te paret qe e kane ndezur zjarrin.Po te zhytesh icik nder librat antike te historise lindjes mesme do te shikosh se si muslimanet arabe i perzune me dhune hebrenjt nga banimet e tyre.I detyruan te leshojne vendin e shenjte te jeruzalemit dhe ne vend te tyre futen kolonet palestineze.Te qenit me problematiket kushtezohet nga dy gjera qe duhen te perfillen

1-Ideologjia qe permban feja e arabeve nxit urrejtje ndaj atyre qe nuk i perkasin asaj.Ne kete ideologji shprehet qarte urrejtja qe duhet te kete cdo arab ndaj cifuteve.Nder te tjera ne kete fe thuhet qe cdo pabesimtar nuk duhet lejuar te jetoje ne gadishullin arabik.Tashme jeni deshmitare edhe vete per katrahurat e pengmarrjeve per pretekstin qe permenda me siper.
Bota perendimore reflekton sepse eshte e regjur me perndjekjet e revolucionet.Perendimoret e dine qe nje ideologji e tille mund te jete problem per etnite e tjera qe jetojne ne rajon.

2-Problemi tjeter eshte se nder beduine ka rritje te madhe te analfabetizmit,mungese lirie,si dhe grupe qe pergatiten dita dites per te shkaterruar tolerancen dhe paqen ne bote.

Iraku ishte nje prej vendeve qe pat dhene prova te mjaftueshme agresiviteti ne rajon.Nese do te fuqizohej do te behej problem per paqen boterore.Ndoshta jo ne menyre direkte por nuk ka dyshim qe do te ndihmonte grupe qe i shpallin lufte perendimit.

.....dhe populli yne trim thote "gjarprit shtypja koken sa eshte i vogel se po u rrit...e dini vet me tutje.Cfare iu duhen armet kimike.....kur ka gjera me te rendesishme.

Pse thu te jene aq budallenj amerikanet qe per te mos u dukur genjeshtare ndaj botes te mos vinin ca arme te prodhuara ne Usa mbrenda shkretires irakut.
Shkurt muhabeti armet kimike te irakut u tranportuan nga qeveria e sadamit ne Iran....

[ATMAN]

Islamizmi apo bota Islamike?

Douglas E. Streusand

Nëse pamja e zymtë e Osama Bin Laden-it personifikon aspektin më kërcënues të myslimanizmit për amerikanët, në Evropë e barabarta e kësaj do të ishte një grua myslimane me fëmijët e saj. Evropa ka shifra të ulëta lindjesh dhe popullsi në moshë të vjetër. E kombinuar me shifrat në rritje të emigrantëve myslimanë dhe shifrat më të larta në lindjet e tyre, kontinenti mund të përballet me një transformim demografik dhe kulturor gjatë dy brezave të ardhshëm. Megjithëse Evropa nuk është e paprekshme nga dhuna totalitare islame, perspektiva a largët e shkrirjes kulturore ia kalon rrezikut të menjëhershëm të terrorizmit. Regjimet Evropiane, madje edhe ato të cilat janë kritike ndaj politikës së Shteteve të Bashkuara në Irak, po bashkëpunojnë në mënyra të ndryshme në luftën globale kundër totalitarizmit islamik. Por kjo luftë është anësore në krahasim me përpjekjet e qeverive të Bashkimit Evropian, individualisht dhe kolektivisht, për t’u marrë me pjesën në rritje të popullsisë së tyre myslimane.

Print
Mail a Copy
Comment on this article
Subscribe
Permission to Republish
Numri i lindjeve të popullsive indigjene të vendeve të Bashkimit Evropian ndodhet tani poshtë niveleve të zëvendësimit me 2.1 fëmijë për çdo femër. Pa emigracion, popullsia e Bashkimit Evropian mund të bjerë deri në 100 milion në vitin 2075. Përveç uljes së numrit, popullsia e Bashkimit Evropian po plaket, gjë që do të thotë se gjithnjë e më pak punëtorë do të mbajnë sistemet e pensionit dhe të sigurimeve shoqërore Evropiane. Si rezultat, qeveritë e Bashkimit Evropian ndodhen para një nxitjeje të madhe financiare për të forcuar krahun e tyre të punës duke pranuar sa më shumë emigrantë.

Për momentin, popullsia e Bashkimit Evropian është rreth 5% myslimane; ndërsa Franca është 10% myslimane. Pa marrë parasysh pranimin e mundshëm të vendeve me popullsi të madhe myslimane si Turqia dhe Bullgaria, pjesa myslimane e popullsisë së Bashkimit Evropian ka mundësi të rritet në 10% nga viti 2020, nesë vazhdojnë tendencat e tanishme. Megjithatë, nëse shifrat e emigracionit rriten, pjesa myslimane do të rritet shumë më shpejt. Disa besojnë se rritja e popullsisë myslimane mund të sjellë ikjen e të krishterëve dhe hebrejve nga Evropa. Debatet në Francë dhe gjetkë rreth vënies së shamiave të kokës në shkolla publike është vetëm idioma momentale e diskutimit rreth së ardhmes së Evropës.

Skenaret e mundshme të së ardhmes së Evropës mund të përmblidhen në dy ekstreme: evolucioni i një Evrope islamike, në të cilën institucionet dhe kultura myslimane zëvendësojnë institucionet dhe kulturën laike dhe kristiane; dhe zhvillimi i një islamizmi Evropian, ku myslimanët e Evropës mbajnë të njejtin identitet Evropian të zhvilluar nga katolikët, protestantët dhe hebrejtë e Evropës. Më se dy shekuj më parë, Eduard Gibbon, shkroi për fitoren e Charles Martel në Tours në 732, se “ndoshta interpretimi i Kuranit do të mësohej në shkollat e Oksfordit dhe platformat e saj mund t’i tregojnë njerëzve të bërë synet shenjtërinë e së vërtetës dhe zbulimet e Muhametit.” Vizioni i një Evrope islamike nënkupton shpërbërjen e ndikimeve të triumfit Karolinian. Në të kundërt, një islamizëm Evropian do t’ia shtonte islamin programit të Oksfordit pa hequr asgjë tjetër.

Ideja e islamizmit Evropian nuk është vetëm produkt i dëshirave të liberalëve perëndimorë. Intelektualë të mirënjohur myslimanë kanë bërë thirrje për përshtatjen e islamizmit me stilet shoqërore dhe kulturore Evropiane. Bassam Tibi nga Universiteti i Gottingenit thotë se myslimanët e Evropës duhet të pajtojnë islamizmin me pluralizmin fetar dhe politik, ndarjen e fesë nga shteti, dhe të drejtat e njeriut në mënyrë që t’i përshtaten shoqërisë Evropiane. Një studiues tjetër mysliman, Tariq Ramadan, i cili jeton në Zvicër, ka sugjeruar në librat Të Jesh Mysliman Evropian: Një Studim i Burimeve Islamike në Kontekstin Evropian, dhe Myslimanët Perëndimorë dhe e Ardhmja e Islamizmit, se vendosja e komuniteteve myslimane në perëndim, veçanërisht në Evropë, krijon mundësinë për zhvillimin e një larmie të re dhe të dallueshme islamike. Tradicionalisht, ligji islamik e ka ndarë botën në dy zona: Dar al-Islam (Shtëpia e Islamit) dhe Dar al-Hab (Shtëpia e Luftës); ndërsa zoti Ramadan sugjeron një kategori të re Dar al-Shahada (Shtëpia e Dëshmitarit) për shoqëritë pluraliste ku myslimanët mund të jenë dëshmitarë të besimit të tyre, por gjithashtu të marrin pjesë plotësisht në elementet e tjera të mjedisit të tyre të ri.

Për arritjen e këtij qëllimi, zoti Ramadan nxit rishqyrtimin e teksteve kryesore islamike për të bërë dallimin e (thabit) “të përhershmes dhe qenësores” nga (mutaghayyir) “e përkohshmja dhe e rastësishmja”, që ndan islamizmin nga mjedisi i tij tradicional shoqëror dhe kulturor i Lindjes së Mesme. Punimet e tija hedhin supozime të tilla se në mënyrë që islamizmi të lulëzojë, ai duhet të kontrollojë të gjithë hapësirën e vet politike, shoqërore dhe kulturore. Për zotin Ramdan, myslimanët që jetojnë sipas Dar al-Shahada duhet të pranojnë privilegjet dhe përgjegjësitë civile si detyrën e tyre.

Doktrina e zotit Ramadan përfaqëson një shkëputje domethënëse nga pikëpamjet e mendimtarëve të tillë myslimanë si Hasan al-Banna, themelues i Vëllazërisë Myslimane Egjiptiane, i cili ka konstatuar se “doktrinat dhe mësimet e islamit janë të gjithë-kuptueshme dhe drejtojnë punët e njeriut në këtë botë dhe përtej”. Mendimet novatore të zotit Ramadan kanë bërë që revista Time ta quaj atë një nga novatorët kryesorë të botës për vitin 2000 dhe vitin 2004. Por artikulli i vitit 2004 në Time kishte nëntitullin “I Moderuar apo Ekstremist?” Çështja sigurisht që mbetet e hapur, dhe jo vetëm për faktin se Ramadan është nipi i Hasan al-Bannait. Pavarësisht nga argumentat e dhëna më sipër zoti Ramadan ka bërë deklarata publike duke lëvduar ekstremistë islamikë dhe duke dënuar terrorizmin. Nuk është për t’u habitur që qeveritë perëndimore janë treguar të kujdesshme: Në vitin 1996 Franca nuk e lejoi zotin Ramadan të hynte në atë vend për shkak se ai dyshohej të kishte lidhje me terrorizmin islamik totalitar algjerian; ndërsa raporte të tjera sugjerojnë se ai ka lidhje me al-Qaeda-n. Departamenti për Sigurimin e Atdheut e ndaloi atë kohët e fundit të hynte në Shtetet e Bashkuara për të marrë një titull prestigjioz profesori nga Universiteti i Notre Damit.

Të dhënat e paqarta të zotit Ramadan i hapin rrugë besimit se islamizmi Evropian nuk është gjë tjetër veç një vazhdim i totalitarizmit islamik. Në këtë kontekst, koncepti i islamizmit Evropian ka disa ngjashmëri me Euro-komunizmin e brezit të kaluar. Në atë kohë, të ashtuquajturit Euro-komunistë pretendonin se Partitë Komuniste të Evropës perëndimore ishin të pavarura nga Bashkimi Sovietik dhe i kishin flakur tutje mënyrat e tyre Staliniste. Jean-François Revel i hodhi poshtë me shumë elegancë të dy këto argumente në një artikull të botuar në revistën Foreign Affairs në vitin 1978. A tregojnë lidhjet e Tariq Ramadanit me totalitarizmin islamik se islamizmi Evropian nuk është asgjë më shumë se sa mashtrim? Disa totalitarë islamikë, dhe ndoshta edhe vetë zoti Ramadan, mund ta shohin në atë mënyrë. Por islamizmi është fenomen shumë më kompleks dhe i larmishëm se Marksizëm Leninizmi. Siç ka thënë edhe Robert C. Tucker, nëse Marksizëm-Leninizmi është herezi kristiane, atëherë totalitarizmi islamik i Ayatollah Khomeini-t, Sayyid Qutb-it, Abu ‘l A’la Mawdudi-t dhe së fundi Osama Bin Laden-it mund të karakterizohet si herezi myslimane. Ai nuk përfaqëson rrymën historike të mendimit politik islamik. Si rrjedhojë, përplasja me stilin modern që prodhoi totalitarizmin islamik mund të çojë edhe në përshtatjen e islamizmit me qeveritë laike dhe shoqëritë pluraliste. Cilatdo qofshin qëllimet e vetë zotit Ramadan, koncepti i tij i Dar al-Shahada-s mund të bëhet mjaft tërheqës për shumë myslimanë të Evropës. Nuk është për t’u habitur që udhëheqësit politikë jo-myslimanë nuk kanë paraqitur ndonjë vizion të saktë të islamizmit Evropian, megjithatë politikat e tyre parashikojnë qartë integrimin e popullsive të tyre islamike në rritje, në rregullat politike dhe shoqërore ekzistuese. Ndalimi i debatuar francez ndaj simboleve fetare në shkolla publike, kishte kryesisht për qëllim ndalimin e shamiave të kokës së vajzave myslimane (pavarësisht se u përfshinë simbole të të gjitha feve, si kryqet e mëdha, kapelat hebraike, etj.), dhe kjo përfaqësonte qëndrimin e Francës në lidhje me këtë çështje. Shoqëria franceze e pranon përfshirjen myslimanët nëse ato përshtaten, simbolikisht dhe institucionalisht, me politikën publike të laicitetit.

Ndalimi nga ana e Francës i shamiave të kokës ka zgjuar shumë kritika brenda dhe jashtë Francës, por qeveria franceze ka bërë edhe shumë lëshime domethënëse ndaj popullsisë së saj myslimane që është në rritje. Për shembull, politika e laicitetit në përgjithësi ndalon mbështetjen e qeverisë ndaj insitucioneve fetare. Në parim, fondet publike mund të përdoren vetëm për mirëmbajtjen e ndërtesave fetare ekzistuese. Por, gjatë pesë viteve të fundit Parisi ka lejuar përdorimin e fondeve qeveritare për ndërtimin e xhamive të reja dhe qendrave kulturore myslimane. Duhet të vihet në dukje se mjediset publike myslimane praktikisht as që ekzistonin në Francë kur u miratua ligji i laicitetit në vitin 1905. Tani, duke qenë rreth shtatë milion, myslimanët përbëjnë komunitetin e dytë më të madh fetar në Francë, dhe interpretimi i rreptë i ligjit të laicitetit do t’i kishtë lënë ato në një dizavantazh të madh. Elasticiteti i treguar nga qeveria franceze pasqyron një ndryshim delikat në politikën laike në favor të komunitetit mysliman të Francës dhe, deri në një farë mase, mund të ekuilibrojë ndalimin e simboleve fetare në shkollat publike. Kjo bën më të lehtë krijimin e hapësirës së shenjtë të rezervuar për myslimanët duke ruajtur në të njëjtën kohë laicitetin e hapësirës publike franceze.

Të paktën disa nga myslimanët francezë kanë shprehur dëshirën për të funksionuar brenda atyre parametrave. Sheib Bencheikh, myftiu i Marsejës, ka deklaruar se “mund të jesh mysliman dhe të jetosh pa problem në hapësirën laike franceze”. Një nxënëse shkolle myslimane në Francë u citua në Washington Post të ketë thënë se ajo e heq shaminë e kokës para se të hyjë në shkollë: “Unë e vë shaminë për shkak të fesë, por pastaj e heq sepse ashtu thotë ligji”. Ajo dhe shumë nxënës të tjerë myslimanë ankohen për ligjin, por ankesat e tyre u ngjajnë më shumë ankesave tipike të nxënësve të shkollave të mesme për veshjen si kudo tjetër. Përgjigja e myslimanëve të Francës ndaj rrëmbimit të dy gazetarëve francezë në Irak në gusht të këtij viti ka përforcuar përshtypjen se islamizmi Evropian ka filluar të zhvillohet në Francë. Rrëmbyesit, të cilët janë vetquajtur “Ushtria Islamike e Irakut,” kanë kërkuar t’i jepet fund ndalimit të shamiave të kokës. Myslimanët francezë, edhe ata të cilët kanë ngritur zërin kundër ndalimit të shamiave, i kanë dënuar rrëmbyesit. Muhammad Bechari, zëvendës president i Këshillit Francez për Fenë Myslimane, i cili ka shkuar në Irak me shpresë për të siguruar lirimin e gazetarëve, u mundua ta ndante çështjen e pengjeve nga çështja e ndalimit të shamiave të kokës. “Beteja politike për lirinë fetare, e cila është çështje vetëm e Francës, do të rifillojë prapë më vonë,” tha ai. Olivier Roy, një nga autoritetet kryesore franceze të islamizmit, i tha gazetës New York Times se, “ne kemi parë një shfaqje të jashtëzakonshme bashkimi kombëtar nga ana e komunitetit mysliman. Ata thonë, ‘Ne jemi francezë në radhë të parë.’Ata mund të mos jenë dakort me ligjin por thonë: ‘Kjo është lufta jonë dhe mos ndërhyni.’ Ky është moment shumë i rëndësishëm.”

Siç shprehet edhe zoti Roy, këto përgjigje vënë në pyetje kontradiktat e pretenduara mes identitetit francez dhe fesë myslimane dhe sugjerojnë se myslimanët e Francës janë tani grup qytetarësh francezë lidhjet e të cilëve janë më të forta me francezët e tjerë sesa me myslimanët jashtë Francës. Ky konstatim i identitetit francez në krizë mund të përmirësojë perspektivën e heqjes së ndalimit të shamiave të kokës.

Sigurisht që këto zhvillime nuk nënkuptojnë se islamizmi Evropian do të triumfojë. Shumë myslimanë në Evropë, edhe kur nuk mbështesin dhunën, akoma mbajnë në zemër vizionin e Evropës si Dar al-Islam. Dhe shumë Evropianë i shohin parimet islamike si të papërputhshme në thelb me shoqërinë laike. Por të gjithë ata që besojnë se evolucioni është i pamundur, nënvlerësojnë dinamizmin e islamit si traditë fetare. Myslimanët janë ata që do të përcaktojnë të ardhmen e islamizmit dhe jo tekstet e shkruara, ashtu siç e përcaktojnë dhe do të përcaktojnë të ardhmen e historisë dhe fesë së tyre të krishterët dhe hebrenjtë.

Douglas E. Streusand është profesor i studimeve islamike, historisë ushtarake dhe historisë botërore në Universitetin Ushtarak Amerikan dhe Drejtor i Seminarit të Strategjsë Globale në Qendrën për Studime të Sigurisë. Publikimet e tij përfshijnë “Formimin e Perandorisë Mughal” dhe më shumë se 30 artikuj dhe analiza.

[DeuS]

Hektor, nese do te shkruash dicka, jep mendimin tend per ate Dicka dhe jo te hedhesh nje fjale ketu e nje atje dhe pastaj te komentosh shkrimet e te tjereve.

Titulli i temes tende eshte: SHBA deklaron: I forti te rreh dhe nuk te le te qash!
.

Cfare deshen amerikanet dhe britaniket, Hektor, sipas mendimit tend???

Cfare deshen dhe duan te arrine ata ne Irak???

Keto gjera eshte mire qe te na i zberthesh dhe te tjerat i lexojme perdite ne media. Pra JO cfare thojne ata, por cfare mendon ti per arsyet e verteta te kesaj lufte.

Jo cdo teme hapet per te thene mendimin tend. Ka tema te cilat hapen per te bere nje pyetje ose thjeshte per te kerkuar ndihme. Ka tema (shumica ketu) qe hapen per te tall fiqte e thate. Ka dhe tema si kjo me lart, qe hapen per te rikujtuar debatet qe dikur u zhvilluan ketu, per ti bere te ditur njeres pale qe kane gabuar ne c'kane thene kohe me pare dhe per te justifikuar tere ate kohe qe harxhuam ketu, duke diskutuar rreth kesaj lufte dhe pa-drejtesise qe ajo mbarte.
Ke me experience se une ne forum dhe me duket pune angari te te shpjegoj arsyet per te cilat hapen temat, ose dhe arsyen e kesaj ne fjale.

Persa i perket mendimit tim, me buzen ne gaz te kam lexuar. Ka njerez qe thone ate qe 'dine' dhe ka nga ato qe thone ate qe 'mendojne' vete. Ajo kategoria e pare me krijon alergji. Kjo alergji ndoshta me ka bere qe 'mendimin' tim ta kem shprehur gjithnje te paster ketu ne kete forum. Kjo, ka qene dhe arsyeja qe disave u erri syte dhe sot shkruaj ketu me nje nick tjeter. Besoj se kupton! (?)

Cfare deshen dhe cfare duan amerikane e britanike ?
Me duket me teper si pyetje ngacmuese kjo qe me drejton. Sepse, ta kam bere te ditur kohe me pare dhe ato pergjigje jane te rregjistruara ne librarine e ketij forumi (tendit). Hapi sirtaret dhe shfleto. Do gjesh pergjigjen time dhe te shumteve si une, te cilet nuk shohin pikturen me syzet e interesit, kopillekut, dhe djallezise (ndoshta dhe me syzet e naivitetit), por drejte...'drejte' dhe sic eshte!
Neper postimet qe te kam lexuar nuk me je dukur ndonjehere kaq naiv sa te me drejtosh keto pyetje! Dhe do te te respektoj, duke shkruar dy fjale rreth mendimit tim!

Duke shmangur pretekstin 'kryesor' qe coi ne pushtimin e Irakut (perralla me Sindbad detarin) po kapem vetem tek pikat me te rendesishme.

Amerika dhe Anglia, sic do pushtues tjeter ne historine e njerezimit, kishin dhe kane vetem nje qellim, qe te gjithe e dine. Ai qellim eshte ...POWER...
Aman c'na the - thua zotrrote! Nuk do te them me - them une - se kam thene shume nese e analizon.

Amerika humbi qindra jete te rinjsh, sepse nuk duronte dot tiranine dhe tmerrin qe Sadami po shkaktonte mbi popullin e tij, prandaj hapi lufte - thote njeri.
(uhahahahahaha - qeshin salla me te madhe)

Amerika nuk kishte menyre tjeter me te rrafinuar dhe pa shkaktuar jete njerezish dhe tere ato para, per te ulur Sadamin nga froni, prandaj bombardoi dhe pushtoi, duke e pare si te vetmin opsion te mundshem - thone prape ca te tjere!
(muuhahahahhahahaaa - ulerasin nga e qeshura prape salla)

Amerika nuk ka interes ne arin e zi te Irakut. Nuk ka as interes territorial. Qellimi i tyre ishte thjeshte human dhe bamires. Ata thone qe jane atje per ti sjellur demokracine Irakut, per te shpenzuar biliona dollare duke e rindertuar nga themelet dhe biles nafta qe do nxirret do i takoje vetem Irakeneve. Amerika humb jetet e ushtareve te saj, per te shpetuar jete bythzinjsh iraken. Amerika humb biliona para per te pasuruar popullin e nderuar irakien - thone ata!
(kesaj here te gjithe kane dal komplet jashte sallen dhe planeti po tundet nga e qeshura )

Ka shume...
...por...
Nuk zgjatem me se s'ja vle te perseris gjera qe kam thene dikur, plus qe duke imagjinuar te qeshuren e salles, kam fillu dhe vet tu qesh ketej, me ...jo me ty jo lol!

PS: Titulli i temes...eshte i sakte!

[Redi]

Hektor, pikerisht se nuk jam naiv te bera ato pyetje sepse e pashe qe tema jote nuk eshte as per ti marre mendimin te tjereve dhe as per te shprehur mendimin tend ne menyre te qarte, por e ke bere me nje sarkazme dhe ironie qe eshte bere e modes tashme ku dynjaja nuk ka forca e argumenta per te mbrojtur bindjet e veta dhe thjesht injoron vendimet apo mendimet e te tjerave.

Jane shume rryma e persona sot ne bote qe jane kunder luftes ne Irak. Secila mbeshtet nga nje teori te veten qe jane bere te qarta tashme.

Po vazhdoj mendimin tend:

Pra ka nga ata qe nuk e duan ate lufte pasi e shohin Ameriken si imperialiste qe do te pushtoje te gjithe Boten (planeti doli nga orbita).

Ka nga ata qe jane kundra luftes ne princip, pra qe cfaredo lloj arsye nuk e justifikon luften; te ashtuquajturit pacifiste. (planetet e sistemit diellor nderruan kurs) etj etj qe ke thene dhe ti.

Pra jane gjera qe dihen dhe lexohen e degjohen perdite. Ketu ne forum eshte me interes se cfare mendon ti dhe te tjeret, pasi se cfare mendon salla apo planeti dihet tashme.

Nejse, te tjerat me vone.

Shendet

[ATMAN]

Poezi dhe jete ne Irak .

Nga Muhsin Al-Ramli


--------------------------------------------------------------------------------

21 Marsi eshte dita boterore e poezise.Po dhe ne ne kohe lufte ,
ka kohe per poezine ! Muhsin Al-Ramli , nje nga novelistet dhe
dramaturget me te rendesishem Iraken , perkthyes i gjuhes Arabe ne
Spanjishte , eshte i lindur per kete.Ne kete artikull shprehet mbi
rendesine dhe aktualitetin e vjershes ne kohe baruti

"Ne Irakenve , ne pergjithesi , dhe intelektualeve ne vecanti , na
trishton e indinjon fakti qe sot flitet per Irakun vetem si nje
problem Te vetmet gjerat qe thuhen per te jane : "Hyn ne boshtin e te
keqes " Ka arme te shkaterrimit masiv , eshte diktature , dhe ka nje
det me naft
Asnje nuk flet me per Irakun, si vend i" Njemije e nje neteve"
Djepi i pare i qytetrimit: Sumer, Akkad, Nimrud, Uruk, Asir,
Babilonez! Iraku si Mesapotamia, vendi ku mbi 5000 vjet me par lindi
shkrimi , kalendari i pare, feja e pare, demokracia e pare , poemat e
para epike si "Epi i Gilgameshit"
Poezia ne te cilen grat Irakene kane pasur nje rol esencial ,
eshte , poetesha e pare e botes Angiduana
Nazik Al-Malaika, njihet si pionieria e poezise Arabe .moderne
Pas gjithe kesaj , eshte shum e trishtueshme , qe njerzit te njohin
e te njesojne figuren e Irakut me ate te mustaqeve te diktatorit .Na
trishton fakti qe disa persona dalin neper televizore dhe bejne sekur
dine c'do gje mbi Irakun .imagjinoj ,qe shume nga ata nuk kan lexuar
kurre nje novele apo poeme Ato qe dine shume mire , jane numuri i
puseve te naftes.Ne vendin tim , poesia nuk eshte nje shtojce apo nje
luks , eshte nje nevoj .Nuk eshte vetem nje menyre e te shprehurit te
emocioneve , por dicka me shume .Eshte vazhdimesia e jetes .ne saj te
poezise , njeriu jeton ate , qe nuk mund te jetoje dhe nuk i lejohet
ta jetoj.

Gjat luftes ne Golfin Persik, ishim neper llogore dhe poezia na
udhehiqte .Ishte nje ushtar .Para c'do bombardimi me thoshte :
Muhsin , po vdiqa , publikoje poezine time "
A nuk shihte ai ushtar ne poezine e tij vazhdimesine e jetes se vet?
Disa dite me pare neper gazeta lexova lajmin , qe nje grup poetesh i
ka derguar 13.000 poema kunder luftes Presidentit Bush, te shkruara
nga e gjithe Bota .A mundet poezia te ndalonte luften?
Poezia , pasuron Irakun , me shume se nafta , e kjo e fundit solli
vetem fatkeqesi Gadishulli Arabik dhe Iraku jane te vetmet vende te
botes , ku festohet lindja e nje poeti sepse eshte bere zedhenes i
nje tribuje Ligji , historia , mesimet shkruhen ne formen e
poezise .Edhe sot ne vendin tim , letrat shkruhen ne kete forme .

I vetmi vend ne bote ku egsiston nje treg i poezise , eshte ai i
Mirbadit dhe i Basores , qe frekuentohet nga njerez ,qe vine nga
vendet me te largeta per te blere ( sidomos te dashuruarit) ose per
te mesuar apo kritikuar poezine.
E megjithate , megjith vuajtjet qe po heq tani populli Iraken nga
luftrat, krijimet vazhdojne ne nje menyre te
admirueshme.Eshte e mjaftushme te arrij nje liber nga jashte , qe ky
te fotokopjohet e te shperndahet menjehere.Forma me e perdorur eshte
ajo e poemes.Poeti flet ne veten e pare , por jo se flet per
vetveten , por sepse mban pergjegjesine e zedhenesit te nje populli,
te qytetareve te tij , te tokes se tij e te umanitetit te saj

[ATMAN]

Sadami kriminel I luftes

Me 1 korrik te ketij viti u zhvillua séanca e pare e gjykimit te ish diktatorit gjakatar dhe shtypes te Irakut Sadam Huseijn.Ky gjykim nga dy aspekte ka terhequr vemndjen e teoricienteve dhe opinionit publik.Aspekti I pare eshte se diktatori iraken I cili per 35 vjet me radhe ka kryer krime te medha kunder popullit iraken dhe vendeve fqinje,perfundimishte u ule pas tavolines se gjyqit .Por aspekti I dyte I rendesishem eshte menyra e gjykimit te tije sepse lajmet nga ky gjykim pershkak te influnces se Amerikes cencurohen shume dhe me e rendesishmja eshte mosperfshirja e sulmit te regjimit te Sadamit ndaj Iranit ne aktakuzen ndaj tije.

Lideri supreme I revulucionit islamik Ajetolla Khamenei,kohe me pare gjate nje fjalimi vuri theksin mbi gyjkimin e Sadam Huseijnit.Ai deklaroi se imponimi I luftes 8 vjecare kunder Iranit, eshte tema me e rendesishme ne aktakuzen e Sadamit.Ne te vertet kjo lufte shkateruese ju imponua edhe popullit Iranian edhe popullit iraken.Lideri supreme I revulucionit islamik te Iranit ne kete drejtim thekson:”Sadami kete lufte na imponoi edhe neve edhe popullit te Irakut I cili nuk deshironte lufte,por Sadami 8 vjet me radhe me dhune mori te rinjet iraken nga shtepit e tyre dhe I dergoi ne front.Pastaj ata I ktheu te vrare dhe ne disa raste trupat ua derzoi familjeve ndersa ne disa raste jo.”Realiteti eshte se gjate luftes se imponuar te Sadamit ndaj Iranit,mijra persona rane viktim e deshires per pushtim dhe ekspansionizmit te Sadamit.Si rjedhim, jo vetm populli Iranian por edhe populli iraken duhet qe gjate gjykimit te Sadamit,luften e tije kunder Iranit ta parashtrojn si krimin me te madh te Sadamit.Sulmi ushtarak I Sadamit,ndaj Iranit nuk shkaktoi vetm vrasje dhe plagosje te njerzeve por pati edhe shkaterime te medha per Iarnin dhe irakun,gje qe rendon edhe me teper krimin e tije.Lideri supreme I revulucionit islamik kete e shpjegon ne kete menyre:”Kjo lufte ju imponua popullit te irakut dhe Sadami ne kete lufte e privoi popullin iraken nga pasurite e medha te tij.Eshte e vertet se kjo lufte per ne shkaktoi deme te shumta dhe keto deme I shkaktoi Sadam Huseini ,por edhe per popullin iraken nuk pati pak deme,por pati me shume.”

Megjithe luften e gjate mes Iranit dhe Irakut,popujt e ketyre dy vendeve kane ruajtur lidhjet e thella fetare,historike dhe kulturore dhe kjo ceshtje tregon se kjo lufte u eshte imponuar te dy popujve nga ana e Sadamit.Pas rezimit te Sadamit,ne Prill te vitit 2003 u krijuan kushte me te mira per thellimin e mardhnjeve vellazerore mes popullit iranian dhe atij iraken.Ajetolla Khamenei,mardhenjet e mira mes popullit Iranian dhe atij iraken I shpjegon keshtu:”Ne mes popullit Iranian dhe atij iraken nuk egzikston asnje mosmarveshje,ne gjithmone kemi qene dy popuj shoke,vllezer dhe gjithmone te afert me njeri tjtrin.Me vite te tera populli yne ka shkuar per vizit ne Nexhef dhe Qerbela.Edhe ata kane ardhur ne Mesh’hed dhe Kom,ne kemi qene te afert dhe kemi respektuar njeri tjetrin,ralle ndodhe qe dy popuj fqinje te jene kaq shok me njeri tjetrin.”

Megjith se Sadami eshte fajtor dhe kriminel lufte pershkak te sulmit ndaj Iranit dhe duhet patjeter te gjykohet ne nje gjykat te drejte ,por ky diktator I pameshirshem ka patur edhe bashkepuntore te cilet e kane ndihmuar ate ne krimet ndaj popullit Iranian dhe atij iraken.Ne luften qe Sadami filloi kunder Iranit,Amerika dhe shume vende evropiane e ndihmuan ate.Madje disa nga ata moren pjese edhe ne prodhimin e armeve te shkatrimit ne mase te ish regjimit iraken.Nga perkrahesit me te rendesishem te Sadamit ne luften kunder Iranit,ishte qeveria amerikane e cila I vu ne disponim Sadamit ndihma financiare ,ushtarake, informative dhe propagandistike.Ne baze te nje shkrimi qe koheve te fundit u publikua ne gazten Australiane”Green Golf”,qeveria e asaj kohe amerikane e presidentit Ronald Regan ka ndihmuar Sadamin edhe ne fushen e ndertimit te armeve kimike.

Lideri supreme I revulucionit islamik te Iranit ka vene theksin edhe mbi kete ceshtje dhe deklaron;”Nese deshirojne te gjykojne Sadamin me kete akuze (sulmin ndaj Iranit),duhet edhe shume te tjere te gjykohen ne kete gjykate.Nje nga fytyrat me kriminele qe duhet te gjykohet ne ket gjykat do te jete regjimi amerikan,sepse ata ishin qe ndihmuan Sadamin.Ata ishin ,ata te cilet I dhane driten e gjelbert Sadamit per perdorim te armeve kimike.”Ajetolla Khamenei per te ndricuar me teper kete ceshtje dhe per te vertetuar dyftyresin e funksionareve te shtepise se bardhe ve theksin mbi viziten e ministrit luftenxites te mbrojtjes amerikane Donald Ramsfeld,ne Irak ne vitin 1983,qe u zhvillua me qellim zgjerimin e mardhenjeve dhe bashkepunimve mes Sadamit dhe Washingtonit.Si rjedhim Amerika dhe disa qeveri te tjera perendimore duhet te gjykohen se bashku me Sadamin per pjesmarje ne krimet e tije te luftes.Gjykimi I Sadamit si shtypes dhe agresor mund te shqyrtohet nga dy aspekte.Brenda Irakut, Sadami ka kryere krime te pa numerta kunder popullit iraken gjate periudhes se gjate te sundimit shtypes ne Irak.Ai nje numer te madh te popullit te ketij vendi vrau ,burgosi dhe keqtrajtoi.Por krimet e Sadamit jashte kufive te Irakut gjithashtu ishin te rendesishme.Ai sulmoi vendet si Irani dhe Kuvajti,ku pervec shkatrimeve te medha vrau dhe plagosi nje numer te madh nga populli I ketyre vendeve.Pasioni per lufte I Sadamit shkaktoi pasoja te medha njerzore dhe ekonomike per popullin iraken.Si rjedhim gjykimi I ish diktatorit iraken do te jete I plote atehere kur te shqyrtohen edhe krimet e brendeshme edhe ato te jashtme dhe nderkombetare te tij ne nje gjykate te panvaruar dhe te paaneshme.Sidoqofte gjykimi I Sadamit,diktatorit gjakderdhes iraken duhet te jete mesim per te gjithe shtypesit dhe agresoret te cilet mendojne se munden pergjithmon te ushtrojne dhune dhe shtypje ndaj popujve te pafajshem.Ajetolla Khamenei ne lidhje me kete ceshtje terehq verejtjen keshtu:”Mjerimi I Sadamit sot do te jete edhe fati I te gjithe shtypesve dhe dhunueseve ne bote si Amerika dhe regjimi sionist.

[Mision]

Megjith se Sadami eshte fajtor dhe kriminel lufte pershkak te sulmit ndaj Iranit dhe duhet patjeter te gjykohet ne nje gjykat te drejte ,por ky diktator I pameshirshem ka patur edhe bashkepuntore te cilet e kane ndihmuar ate ne krimet ndaj popullit Iranian dhe atij iraken.Ne luften qe Sadami filloi kunder Iranit,Amerika dhe shume vende evropiane e ndihmuan ate.Madje disa nga ata moren pjese edhe ne prodhimin e armeve te shkatrimit ne mase te ish regjimit iraken.Nga perkrahesit me te rendesishem te Sadamit ne luften kunder Iranit,ishte qeveria amerikane e cila I vu ne disponim Sadamit ndihma financiare ,ushtarake, informative dhe propagandistike.Ne baze te nje shkrimi qe koheve te fundit u publikua ne gazten Australiane”Green Golf”,qeveria e asaj kohe amerikane e presidentit Ronald Regan ka ndihmuar Sadamin edhe ne fushen e ndertimit te armeve kimike.



prodhimi made in usa qe eshte dhene irakut u zhduk ,sepse ato nuk jane perdorur te gjitha gjate luftes me iranin,ka numeruar mire amerika sa jane gjuajtur kunder popullit te pafajshem iranian ,tani i ka mbet vetem te mbaroj numerimin


Mjerimi I Sadamit sot do te jete edhe fati I te gjithe shtypesve dhe dhunueseve ne bote si Amerika dhe regjimi sionist.

ah ata kane sy po nuk shofin ,ah ata kane vesh po nuk degjojne,ah ata kane zemer por nuk ndiejne