Berisha: Opozita te votoje projektligjet ne Kuvend

[no name]

Derguar me: 06/05/2007
• Berisha ka kerkuar mbeshtetjen e opozites per procesin e Integrimit, gjate nje aktiviteti ne kuader te javes europiane ku ishte i pranishem edhe Lohan

Kryeministria Berisha ka ftuar sot opoziten te votoje projektligjet e fundit te parqitura ne kuvend, pasi ato jane pjese e kerkesave te BE. Ne kete menyre kryeministri Berisha ka kerkuar mbeshtetjen e opozites per procesin e Integrimit, gjate nje aktiviteti ne kuader te javes europiane, ku ishte i pranishem edhe ambasador i Komisionit Europian ne Tirane, Helmut Lohan. “Do ta ftoja opoziten qe t’u permbahet programimeve zyrtare. Nuk mund te them se opozita nuk e mbeshtet procesin. Opozita ne fakt e mbeshtet procesin, por duhet te mbeshtese gjithashtu edhe standartet. Opozita pa diskutim në tërësinë e saj e mbështet procesin e integrimit. Në jo pak raste ajo i ka votuar ligjet, por unë mendoj se është detyrim i saj që të votojë bashkërisht me maxhorancën të gjitha ligjet që janë kërkesë e procesit të integrimit Evropian dhe të integrimit në NATO”

Koha jone

[no name]

Berisha i shtrin doren opozites
Fatjona Mejdini
E Hene, 07 Maj 2007


Kreu i mazhorances, serish ftese opozites per bashkepunim ne funksion te reformave integruese te vendit. Kryeministri Sali Berisha i beri dje kerkese opozites qe te bashkepunoje ne lidhje me reformat qe po ndermerr qeveria, duke qene se vetem ato mund te pershpejtojne integrimin e vendit. Sipas tij, opozita, ashtu sic mbeshtet procesin e integrimit, duhet te mbeshtese edhe normat dhe standardet qe kerkon ky proces.

"Ne jo pak raste, opozita i ka votuar ligjet, por une mendoj se eshte detyrim i saj qe te votoje bashkerisht me mazhorancen te gjitha ligjet qe jane kerkese e procesit te integrimit evropian dhe te integrimit ne NATO", deklaroi Kryeministri Berisha, duke theksuar se integrimi ne strukturat euroatlantike eshte nje e ardhme e perbashket e te gjithe shqiptareve. Kryeministri i beri keto deklarata pergjate pjesemarrjes se tij ne konkursin e piktures per femije "Bashkimi Evropian ne imagjinaten e femijeve shqiptare", organizuar nga Delegacioni i Komisionit Evropian ne Tirane, ne kuadrin e Javes Evropiane 2007. Ne ceremonine ku merrte pjese edhe ambasadori i Komisionit Evropian ne Tirane, Lohan, kreu i ekzekutivit mori si shembull te mosbashkepunimit nismen e re per dekriminalizimin e shpifjes nga ana e gazetareve. "Mbeta i habitur nga disa reagime, pasi ky vendim absolutisht eshte nje kerkese e prere e Komisionit Evropian, e Keshillit te Evropes dhe e nje serie dokumentesh ne menyre specifike per Shqiperine", theksoi Kryeministri Berisha. Sipas tij, Shqiperia ka nevoje per nje ligj te tille, per faktin se nuk kane tradite te konsoliduar te respektit te lirise se mediave. Ai theksoi se integrimi evropian kerkon vazhdimin e reformave te gjithanshme dhe formalizimin e ekonomise shqiptare. Sipas tij, qeveria po angazhohet seriozisht ne procesin e integrimit dhe kete po e ben nepermjet reformave. "Dua te theksoj se duhet te behet nje pune e madhe, vecanerisht ne luften kunder krimit te organizuar dhe korrupsionit, ne formalizimin e ekonomise shqiptare, si kusht vendimtar per kete ekonomi qe te perballet me sukses me procesin e integrimit, me konsolidimin e shtetit ligjor. Rruga e vetme eshte reforma dhe vetem reforma", deklaroi Kryeministri Berisha. Kreu i qeverise paralajmeroi se, se shpejti, do te shkojne ne Parlament ndryshime te tjera edhe ne Kushtetute per procesin e integrimit ne NATO.

Ftesa

Kryeministri Berisha nuk ka ngurruar diten e djeshme te kerkoje mbeshtetjen e opozites per nismat me te fundit, qe, sipas tij, po ndermerren ne kuader te integrimit te vendit ne strukturat euroatlantike dhe ne Bashkimin Evropian. Kreu i ekzekutivit ka theksuar se reformat jane nje domosdoshmeri dhe nje e mire e perbashket per te gjithe shqiptaret.

Media

Berisha deklaroi se media duhet ta vendose procesin e integrimit ne vemendjen paresore te saj. Sipas Kryeministrit, grupe apo individe ne media, qe per interesa te tyre nuk duan integrimin, duhet te margjinalizohen cdo dite e me shume, sepse integrimi eshte e ardhmja me e shkelqyer e ketij kombi dhe vendi dhe ketu perfitojne, sipas tij, te gjithe.

Opozita

Perfaqesuesit e opozites jane shprehur gjithmone pro integrimit te vendit ne Bashkimin Evropian. Por eshte vene re mosbashkepunimi i opozites ne nje sere nismash qe nga ana e qeverise jane cilesuar si te rendesishme per integrimin. Ketu mund te permendet ligji per gjobat e biznesit, per transmetimet numerike dhe dekriminalizimin e shpifjes.




Koha jone

[no name]

Opozita kontestoi miratimin e projektligjit “Për Policinë e Shtetit” pa u konsultuar më parë me grupet e interesit.

Nisma e qeverisë, e paraqitur që më 11 nëntor të vitit 2006, u kontestua nga socialistët, duke kërkuar që të realizohet më parë një ballafaqim i mendimeve më të specializuara dhe të shoqërisë civile. Kryetari i grupit të PS-së, Ben Blushi, anëtar i komisionit të Sigurisë deklaroi se ligji duhet parë, pasi në përgjithësi nisma e qeverisë i trajton qytetarët si banditë. “Ky është një ligj fatkeq, pasi i trajton qytetarët si fajtorë, që i grabisin pronën njëri-tjetrit, në një kohë që është krejt e kundërta sepse në vend ka më pak krime në raport me mjerimin që ndodhet në familjet shqiptare. Ky ligj pra e presupozon shoqërinë shqiptare si banditeske. Prandaj mos u nxitoni që ta pranojmë në këtë mënyrë nen për nen, le ta shqyrtojmë bashkë dhe votojmë sepse edhe ne jemi të interesuar ta votojmë atë”, deklaroi Blushi. Kryetari i grupit të PS-së theksoi se “ligji që mund të votohet në Kuvend mund të zhbëjë shpërndarjen e gradave dhe them se do të shkaktojë tronditje dhe nuk e di se çfarë efekti do të ketë pozitiv apo negativ, si dhe raporti i policisë me qytetarin, projektligji i jep të drejtë policisë të shkelë akoma më shumë të drejtat e liritë e njeriut”, - tha Blushi. Por kryetari i komisionit, Leonard Demi e kundërshtoi Blushin, duke u shprehur se është realizuar i gjithë konsultimi i mundshëm me grupet e interesit dhe kaluar këtë fazë. Ai sugjeroi që të shqyrtonin projektin nen për nen me amendamentet e reja të paraqitura nga ana e Ministrisë së Brendshme dhe të rënë në konsensus me ICITAP dhe PAMECA. “Për sa i takon zhbërjes së gradave, mendoj zoti Blushi se ata nuk qëndrojnë, pasi ky projekt synon të rregullojë çështjen e gradave, duke i dhënë punën e punonjësit të policisë sipas gradës që mban”, theksoi Demi. Kundër projektit u shpreh dhe socialisti Petro Koçi. “Jemi kundër këtij projektligji për arsye thelbësore, së pari askush nuk ka mundur të na argumentojë deri më tani pse ka qenë e nevojshme që ligji në fuqi për Policinë e Shtetit të bjerë dhe të zëvendësohet me një ligj të ri”, deklaroi Koçi. Komisioni ka kaluar më pas vetëm 10 nenet e projektligjit, duke e shtyrë vendimin e mëtejshëm të ligjit. Në shkresën e paraqitur nga ana e Avokatit të Popullit për këtë projektligj jepen vërejtje se shkelen të drejtat e njeriut. Ky institucion drejtohet nga Emir Dobjani. Për këtë më tepër theksi vihet te të drejtat e liritë e njeriut, ku parashikohet përdorimi i forcës nga ana e policisë ndaj qytetarit, duke e cilësuar si një shkelje kushtetuese.

Institucionet

Ngritja në gradë
Ngritja në gradë nga “Inspektor” deri në “Drejtues i parë” bëhet nëpërmjet një procesi vlerësimi.
Grada “Nëninspektor” pas përfundimit me sukses të periudhës së shkollimit në shkollën bazë të policisë, kjo mbahet nga polici në kohën e provës.

Vërejtjet e Avokatit të Popullit

Neni 99/1
Bën fjalë për njoftimin e individëve për t’u paraqitur në polici. Kjo duhet saktësuar, qartësuar, pasi kjo krijon premisa për abuzime nga ana e policisë.
Neni 100, pika 1
Bën fjalë për shoqërimin në polici. Ky formulim nuk është në përputhje me nenet 27 dhe 28 të Kushtetutës, pasi shoqërimi bëhet vetëm për raste me karakter administrativ dhe jo penal.
Neni 100, pika 6
Duhet hequr e drejta e punonjësve për marrjen e gjurmëve të gishtave të personave që bëjnë shkelje administrative gjatë kalimit kufitar.
Neni 107/4
Bën fjalë për kryerjen e kontrolleve të policisë për identifikimin e pronarit të sendeve të bllokuara. Këtu nuk parashikohet se për çfarë kontrollesh bëhet fjalë, por është lënë evazive merr kompetencat e gjykatës të parashikuara në K.Pr. Penale dhe lë premisa për abuzime.
Neni 108/1
Ligji bën fjalë për kontrollin e personit nga ana e policisë. Kjo duhet riformuluar dhe duhet hequr e drejta e kontrollit për personat e shoqëruar, kjo pasi bie ndesh me nenin 37/3 të Kushtetutës: “ku thuhet se askujt nuk mund t’i bëhet kontroll vetjak jashtë procesit penal...”.
Neni 108/3
Parashikon kontrollin publik të rrobave të trupit të çdo personi, kjo bie ndesh me nenin 37/3 të Kushtetutës.
Neni 108/6
Parashikon kontrollin intim të personit me autorizim të prokurorit, kjo vjen në kundërshtim me nenin 37/3 të Kushtetutës.
Neni 115
Bën fjalë për të aplikuar përgjime të fshehta të policisë për përgjimin e bisedave telefonike, fotografim apo regjistrim. Kjo bie në kundërshtim me nenin 36 të Kushtetutës.



Rehn: Konsensus për zgjedhjen e presidentit

Komisioneri për Zgjerimin, Olli Rehn, ka kritikuar tensionet e forta politike mes qeverisë dhe opozitës, dhe ka deklaruar se zgjedhjet presidenciale përbëjnë provën për një klimë politike konsensuale, që Shqipëria të shënojë më shumë progres. Duke folur në një seance të hapur debati në komisionin e Çështjeve të Jashtme, të zhvilluar dje dhe sot në Parlamentin Evropian, Rehn u shpreh se “në të njëjtën kohë vendi ka vuajtur nga tensione të forta politike mes qeverisë dhe opozitës dhe shpresoj me të vërtetë se zgjedhjet e ardhshme presidenciale do të mund të zhvillohen në një klimë më konsensuale. Kjo përbën një provë që Shqipëria të shënojë më shumë progres”. “Eshtë e ndershme të thuhet se Shqipëria na ka befasuar pozitivisht për sa i përket zbatimit të Marrëveshjes së ndërmjetme të Stabilizim-Asociimit. Masat e kësaj marrëveshjeje lidhen më shumë me politikat e tregtisë. Dhe sigurisht që është një sinjal pozitiv që vendi është i aftë të shënojë progres në këtë fushë të rëndësishme në termat e integrimit evropian”, tha Rehn, që shtoi se Shqipëria ka endet punë për të bërë, veçanërisht për sa i përket punës së mëtejme në reformën në gjyqësor dhe në luftën kundër korrupsionit dhe krimit të organizuar. Ndërkohë, në 11 maj, presidenti i KE-së Barroso dhe komisioneri Rehn do të marrin pjesë në takimin e krerëve të shteteve dhe qeverive të vendeve të Evropës Juglindore që do të mbahet në Zagreb, në kuadër të samitit të 10-të të Procesit të Bashkëpunimit të Evropës Juglindore (SEECP).



Zgjedhjet në Pogradec, më 17 qershor

Zgjedhjet në zonën 86 të rrethit të Pogradecit do të zhvillohen më datën 17 qershor. Ky është dekreti më i fundit i kreut të shtetit për zhvillimin e zgjedhjeve të parakohshme në këtë zonë, për shkak të vdekjes së papritur të deputetit të zonës, demokratit Besnik Jaçelli. “Zgjedhjet e pjesshme për deputet në zonën zgjedhore nr.86, do të zhvillohen ditën e diel, datë 17 qershor 2007”, thuhet në dekretin e kreut të shtetit. Vendimi i presidentit u mor në bazë të nenit 92, gërma “gj” e Kushtetutës dhe të nenit 14, pika 3, të ligjit nr.9087, datë 19.06.2003 “Kodi Zgjedhor i Republikës së Shqipërisë”, i ndryshuar. Brenda disa ditëve, KQZ-ja detyrohet të realizojë të gjithë procesin për zhvillimin e zgjedhjeve, brenda një periudhe kohore 38-ditore, deri në ditën e zgjedhjeve. Ndërsa brenda pak ditësh pritet të nisë procesi i regjistrimit të kandidatëve që do të konkurrojnë në këto zgjedhje. Në këto zgjedhje të pjesshme pritet të ketë përplasje ndërmjet palëve për shkak se ai realizohet afro një muaj larg zgjedhjes së presidentit të ri të vendit. Maxhoranca dhe opozita do të përplasen për deputetin e kësaj zone, pasi mund të kontrollojë disa nga votat përpara uljes në tryezë për të zgjedhur presidentin e ri ose për të votuar kandidaturat në seancë. Parlamenti duhet të votojë me 84 vota pro presidentin e ri të vendit. Maxhoranca aktuale zotëron vetëm 79 vota gjithsej. Në këtë legjislaturë parlamentare janë zhvilluar dy herë zgjedhje të parakohshme, një për zonën e Shijakut, për shkak se Olldashi dorëzoi mandatin e deputetit për konkurrimin në zgjedhjet lokale dhe kjo që pritet më 17 qershor për Pogradecin.



Televizionet
Antenat, debat në komisionin e medias

Maxhoranca dhe opozita janë përplasur sërish dje në komisionin e Mediave lidhur me vendimin e fundit të Këshillit Kombëtar të Radios dhe Televizionit për të hequr antenat e televizioneve që kanë shtrirë sinjalin në zonat ku nuk janë të licencuara. Duke mbrojtur këtë vendim të KKRT-së, anëtari i maxhorancës në këtë komision, Astrit Patozi, u shpreh se me këtë veprim po zbatohet ligji, që u miratua nga Partia Socialiste gjatë kohës që ajo ishte në qeveri. “Denoncoj opozitën që ka mbajtur këtë qëndrim absurd duke i bërë presion institucioneve shtetërore që të mos zbatojnë ligjin. Denoncoj këtu edhe KKRT-në për hapa gjysmakë. Opozita duhet të thotë nëse KKRT duhet të zbatojë apo jo ligjin e miratuar nga vetë ajo. Në të vetmen herë që KKRT-ja është vënë në lëvizje ka qenë në heqjen e licencës së Shijak TV”, u shpreh Patozi. Ndërsa anëtari socialist i këtij komisioni, Musa Ulqini, tha se “Ne do të ishim në krah të KKRT-së nëse do të konstatonim se kërkesa për zbatimin e ligjit të mos jenë selektive. Ka transmetues lokalë që transmetojnë jashtë zonave ku janë të licencuar, por ka edhe transmetues kombëtare që nuk arrijnë të mbulojnë me sinjal zonat për të cilat janë licencuar. Ata që kanë marrë licencë kombëtare janë fuqizuar në krah të kryeministrit dhe nuk investojnë”. Duke mbrojtur vendimin e marrë së fundi nga KKRT-ja, kreu i këtij institucioni, Ledio Bianku, u shpreh se nuk është i vërtetë informacioni për heqje të antenave për vetëm tre operatorë, por një gjë e tillë, sipas tij, po bëhet për tetë televizione. “Nuk është ndërprerë sinjali i tre, por i tetë operatorëve, ndërkohë që vetëm tre kanë reaguar. Ne i kemi lajmëruar që në tetor për daljen e tyre jashtë territorit”, shpreh Bianku. Lidhur me këtë veprim të KKRT-së ka dalë kundër dje edhe kreu i shtetit, i cili ka thënë se “Unë mendoj se këto gjëra duhen bërë me shumë kujdes. Nuk duhet ngutur për të krijuar probleme. Unë e thashë dhe kur isha në Pogradec që, çdo vendim, çdo ligj duhet të zgjidhë probleme dhe jo të krijojë probleme. Unë jam i mendimit që, sigurisht nuk duhet të lejojmë informalitetin, nuk duhet të lejojmë shkeljen e ligjit, por zgjidhja nuk e di a ishte kjo më e sakta”. Ndërkohë edhe dy anëtarët e maxhorancës, PDK e PBDNJ kanë dalë kundër këtij vendimi. Sipas Solis, “nëse do të isha shkodran, nëse do të hiqnin ato tre kanale do ta hiqja fare televizorin. Këto gozhda janë të pajustikueshme. Vendimet e fundit janë një lloj zhurmuesi dhe na sjellin kujtime të këqija”. Kurse kreu i demokristianëve, Nard Ndoka tha se “është e rëndësishme që të ketë një marrëdhënie bashkëpunuese me të gjitha mediat dhe jo të veprohet në mënyrë të njëanshme”.

© 2003 Gazeta Panorama

[Brari]

Vlerësimi i suksesit


Artur KOPANI


Pas afro dy vitesh nga ndryshimi i madh politik, të gjithë po kuptojmë se krimi, korrupsioni, mjerimi, informaliteti që lulëzoi në tetë vitet e qeverisjes së socialistëve, nuk ishin tipare të shoqërisë shqiptare, por veçse produkte të devijimit të vullnetit të tyre nga klane mafioze që uzurpuan institucionet. Një qeveri në punë e një koalicioni të përgjegjshëm ka motivuar shumicën e qytetarëve në këtë vend, për t'u ndarë me shpejtësi me të shkuarën dhe për të kapur kohën e humbur në zhvillimin dhe integrimin e vendit. Reformat e thella janë kryefjala e ditës në çdo cep të këtij vendi, si ilaçi çudibërës që mbërriti në Shqipëri për të shëruar sëmundjet që infektuan edhe deri vullnetin për punë të qytetarëve. Reformat që janë kryer e po ndërmerren, po rezultojnë si rruga më e mirë për t'iu adresuar arsyeve që kanë zgjatur dhe rënduar tranzicionin shqiptar, si edhe po afrojnë dukshëm vendin me institucionet euro-atlantike.

Qeveria e suksesshme e kryeministrit Berisha i ka krijuar shumicës aktuale një komoditet të paprovuar prej kohësh në politikën shqiptare. Gjatë sundimit të socialistëve kemi qenë dëshmitarë të qeverive që ndryshonin edhe çdo gjashtë muaj. Vendosmëria e qeverisë për të proceduar me shpejtësi në rrugën e reformave, ka prodhuar stabilitet dhe ka shtuar shanset dhe mundësitë e të gjithë aktorëve të përgjegjshëm politikë dhe jopolitikë për t'i kontribuar zhvillimit dhe për të përfituar prej tij. Nënshkrimi i kontratave të shumta koncesionare në fushën e energjitikës dhe shtimi i investimeve të huaja dhe vendase në shumë sektorë të ekonomisë, inflacioni i kontrolluar, rezultatet e qëndrueshme progresive të të ardhurave në buxhetin e shtetit, rritja me dy shifra e eksporteve, ulja e vazhdueshme e taksave, heqja e përditshme e barrierave administrative për biznesin, afrimi i legjislacionit me standardet e Bashkimit Europian, janë vetëm disa nga impulset pozitive që ka marrë ekonomia e vendit, e cila, me këto ritme, pritet të rezultojë me një rritje prej 6 për qind ose më shumë në fund të vitit 2007.

Vlerësimet pozitive, të shumëpritura të ndërkombëtarëve në raportet e tyre për Shqipërinë, konsideratat e larta publike që drejtues me peshë të kancelarive europiane dhe të Shteteve të Bashkuara të Amerikës kanë adresuar për reformat e qeverisë, do të njohin një moment të paparë në historinë tonë kombëtare me vizitën e Presidentit Bush. Tashmë kur flitet për Shqipërinë, mbisundojnë fjalët reforma, progres, zhvillim, demokraci, integrim, partner.

Ky perceptim është i njëjtë edhe brenda vendit. Në më pak se dy muaj, qytetarët në mbarë vendin votuan bindshëm Partinë Demokratike, qeverinë, mazhorancën, duke ndëshkuar opozitën e majtë, që mbetet ende viktimë dhe nën kontrollin e atyre që janë përgjegjës kryesorë për pozicionin minor që kanë apo luajnë në institucione, në përfshirjen e tyre në reforma, në vendimmarrje, në përgjegjësi. Është tragjike për këtë koalicion të së keqes kur konstaton kënaqësinë që ata provojnë duke parë një partizan matuf që ngjit gozhdë në kondakun e pushkës së tij të ndryshkur, sa herë që ata u rezistojnë reformave të qeverisë. Fatmirësisht, ky partizan do të ikë në pak muaj bashkë me helmetën e krimit që i ka vënë mbi kokë drejtësisë.


RD