Humor nga politika shqiptare !!!

[BORGJEZKA]

Kete e kam lexuar ne albasoul.com dhe me pelqen jashte masse.

Ishin ulur ne nje stol fracezi, amerikani, dhe shqiptari e shikonin njerezit verdalle. Francezi thote i pari me krenari "Ne ne France kemi hidrocentrale berthamore." Amerikani pa i çuditur fare tha "Ne në Amerike po klonojmë njerëzit." Kurse shqiptari tha "E mirë mirë ne në Shqipëri marrim një copë mish, i vemë dy sy dhe e bejmë kryeminister."

[ChuChu]

Per ata qe e dine historine e preshit ne Lushnje:


Pas nenshkrimit te koalicionit elektoral ne Bulqize mes Imamit dhe Berishes, ish udheheqesi i PD, Tritan Shehu deklaroi ne shtyp me ironi se Berisha nuk ben aleance me ata qe ne vitin 1997 nuk rrembyen armet. Por ka replikuar menjehere Arben Imami: "Tritani nuk mund te merrte armet se duhej te mbante preshin!".

[Dita]

Ate qe me Shqiperine e lidhin akoma vitet 1997-98 do te kujtohet per gazeten Albania dhe rubriken e humorit,atehere te suksesshme, Tej e Ketej.


Si "koleksionuese" e shume prej shkrimeve te kesaj rubrike, po sjell ne rubriken e humorit disa prej tyre qe une i kam vleresuar si me te mirat. Kishte dhe te tjera, po do te ishte dashur te isha djale e mos te kisha turp qe te mund t'i sillja

Sidoqofte ju ftoj te lexoni keto qe une kam sjelle me poshte. I perkasin te gjitha vitit 1998.


Dita!




***

Një kabëll të rëndësishme dërgoi dje ndë mbrëmje ndë fletoren tënë, direkt nga Biza xhornalisti i mirënjohur i televizionit tënë Bujar Muha rrema.
NATO vazhdon me sukses të plotë manovrat ndë Bizë, - fillon kablla. Helikopterët fluturojnë, ushtarët janë të gjithë me uniforma të NATO-s. Gjithë policia ushtarake e Shqipërisë ka rrethuar Bizën dhe ruan NATO-n që të mos afrohet asnjë kalimtar apo shpezë. Sigurimi i qetësisë së NATO-s është i plotë. Sot ushtarët e Aleancës ngritën një repart stomatologjie ku shumë mjekë të talentuar rregullojnë dhëmbë dhe dhëmballë të ushtarëve. Edhe unë persinalisht hoqa dhëmballën e qumshit dhe mbusha dhëmbin e qenit. Këtu ndë Bizë njeriu mund të jetojë gjithë jetën. Nga Biza për ju Bujar Muha rrema. Nesër për ditën e katërt të “Asamblesë së Kooperativës” do ta vazhdojnjë raportimën gazetarja Arianë Qatip. Kaqë.





***


Një fatorino treni mbërriti dje ndë fletoren tënë dhe na solli një kasketë dhe një pardesy të harruar ndë tren , dhjetë vite më parë nga dreqtori i sotëm i kabllit TVSH, Adrian Bilo Klosi. Fatorina tha se zotni Klosi ndiqte ndë atë kohë një çupë, vagon më vagon dhe teshat i harroi, ndë ushtimën e fundit, kur çupa flokëgjatë i tha se nuku e donte dhe ai vendosi të hidhej nga treni. Nga ekspertiza e firmës M&Ç&M, odli se kasketa dhe pardesyja janë pronë e qytetarës Bilo Klosi.



***

Një shpjegonjës i naltë i gjuhës serbe mbërriti dje ndë fletoren tënë pë të na spjeguar toponominë e qeverisë. Siaps shpjegimeve të tija kemi këto rezulltate nga toponomia e emrave.
Dokle – “Ku shkon?”, Gaqe – “brekë”, Milo – “i dashur”, kurse Majko përkthenet Nëna ose Nano. Kështu transkriptimi i listës së qeverisë “Dokle gaqe milo majko?” është “Ku po të shkojnë brekët i dashur Nano?”. Kaqë.



***

Kryeministra Nano ka deklaruar se nuk pranon asnjë epitet për minsitrat e tij si njerëz të korruptuar, përderisa nuk ka asnjë vendim gjykate që i dënon ata si hajdutë. I vetmi nga anëtarët e qeverisë që ka një vendim të tillë dhe që nuku e ka hequr akoma është kryeministri Nano. Flitet se ai do ta ruajë këtë monopol me çdo kusht.




***

Njoftonet popullata që ka probleme me zotni Bashkim Finon se zotnia është i zënë nga ora 17.30 deri në orën 18.30 të çdo dite, duke parë filmën vizatimor “Tomi dhe Xherri” me përkthim, ndë televizionin “Klan”. Finoja, i cili është tifoz me Xherrin, i lutet popullatës ta lërë rehat të shijojë marifetet e Xherrit, deri sa të vijë orari i mbledhjes së parave të ditës, ndë kllabin Galibard.





***

Zotni Sabri Godo ka deklaruar se do të jetë kundër kushtetutës në qoftë se ajo nuk njeh të drejtën e pronës. Deri tani zotni Godo nuku ka dijeni për kushtetutën pasi ai është kryetar, ndërsa punët i bëjnë të vegjëlit.




***

Një tjetër njoftimë ndë formë mesazhe, goxha e rëndësishme, mbërriti mbrëmë vonë ndë fletoren tënë. Mesazha i lëshohej Presidentit tënë Mejdan nga ish-kryeministra e Italisë, Rrahman Prodi. Caro (i dashur) President, - i thoshte mesazha. Të lutem shumë të ma plotësosh një dëshirë. Kur kam vizituar ndë marsin e 1997-ës Valonën dhe disa distrikte ndë jug të Shqipërisë më ka shoqëruar dhe ruajtur një djalë pëllumb, ëngjëllor e i bukur, me emrin Zani Çaushi që ju tani gabimisht e kini futur në burg. Të lutem shumë lirojeni dhe vëreni të ruajë dhiplomatët e huaj dhe veçanërisht OSBE-në ndë Tiranë. Të falënderoj për mirëkuptimnë.





***

Kapiteneria e Brindizit ka dhënë alarmin se nëndetsja më e madhe dhe më e shpejtë shqipare, e mbushur ding me refugjatë shqiptarë është isur drejt brigjeve italiane. Flokta luftarake italiane është e çqetësuar se radarët specialë nuku kanë arritur të kapin lëvizjen e nëndetëses shqiptare të kohës së sovjetikut. Në Ministrinë e emigracionit të Italisë punë janë marrë seriozisht. Kjo Minsitri është siguruar nga qeveria e z. Prodi se Qeveria shqiptare e ka nën kontroll vendin e vet dhe nëse është rrëmbyer nëndetësja shqiptare e luftës, atë e ka rrëmbyer vetë qeveria, posa që përveç qeverisë s’po mbetet njeri tjetër ndë Shqipëri.





***

Një grevë e nartë ka nisë ndë Argjiro, për punë të Bashkisë së paafatë. Të gjithë pronarët e paçeve dhe të benzinatave kërkojnë të kthenet prapë krietar bashkie zoti Fino. Kërkesa ende nuku është nënshkruar pasi kryeministra ka 48 orë që është i pirë.





***

Një kabllë i naltë nga qeveria bën me dije se kryeministra Nano ka kërkuar një copë letër ku të vërtetonet që nuku është kryeminsitër, por dhiplomat. Arsyeja e naltë është se pas kërcënimeve nga islamikët, Hotel Rogneri nuku qas më asnjë erpson që nuku është dhiplomat.
Zotni Nano i sapokthyer nga Greqia nuku ka ku të pijë pas darke deri paradite. Trupa diplomtaike po mejtonet për këtë krëkesë dhe pritet ta zgjidhë në konferencën e ardhshme të donatorëve.




***

Njoftonemi se gazetari Bllend Fevziu i cilli kishte mbyllur debatimën e tij ndë TV, deri më shtator për shkak të pllazhit, u thirr dje ndë mbrëmje me urgjencë, për të realizuar një debatimë me zëvendëskryeministrën Bashkim bej Fino, i cilli u kthye nga një pllazh jashtë Shqipërisë, po për këtë punë.
Pyetja më e bukur ishte: Zotni Fino, a keni bërë ndopak kontrabandë?
Përgjigja: Siç e dini, i dashur Blendi, unë e pranova se nuk kam bërë kontrabandë.




***

Një kabëll i naltë që ra dje ndë redaksinë tënë, bën me dije se guvernatori Ramadan Evert, a thirrë ndë takim miqtë e vendit për t’u konsulltuar pär punë të vjedhjeve të qeverisë së re. Ministrja jonë e nderuar, Cace Engjëlli, njoftoi miqtë tanë, se kjo qeveri nuku do të ketë më korrupsion frontal si e para, por “sektorial”. Për të bindur miqtë tanë u ndanë edhe “sektorët”, që nga fusha e doganave deri ndë administrimën publike. “Miqtë” u kënaqën nga shpjegimat dhe ngritën nga një shëndet me banane falas.




***

Njoftoheni, se një radhë e madhe me lart nga 300 vipa, që kanë qeverisur shqipërinë gjysmë shekullin e fundit, janë paraqitur tek presidenti Mejdan për të dhënë dorëheqjen. Ndër më të çquarit ishin Pilo Peristeri, Lenka Çuko, Koçi Xoxe, Pali Miska, Miha Lako etj. Ndë këmbë të disa ministrave baballarë u paraqitnë bijtë e tyre, ku mës humë shquante Adrian Bilo Klosi, skënder Teme Gjinushi dhe Fatos Todhe Lubonja. Të gjitha kartat e dorëheqësisë i mblodhi Daut Gomeni.





***

Njoftonen emigrantët shqiptarë ndë Greqi se ekipi i artistëve dhe gazetarëve shqiptarë, që do të merrnin pjesë ndë koncer, në athinë, u kthye në atdhe pa sukses. Ndë vend të tyre për të dhënë koncert në stadium në Athinë kanë fluturuar me avion çarter kryeparlamentari skënder Gjinushi dhe ekipi i revistës Klan. Koncerti do të mbahet në orën e caktuar. Priten përforcime të ra, nga koalicioni i mëngjë dhe sidomos pjesmarrja e tenorit të njohur Gaqe K. Apostoli, i cili është nisur nga Kashtica. Koncerti do të çelet me këngën “Topa bore hedhin shokët tanë”.




***

Një kabëll e gëzuar ra mbrëmë nga kryeministria. Brenda binasë së punëve të mëdha po ngrinet një bingo ambulante. Loja e madhe do të luhet të hënën. Kujdestari i Bingos, bashkim Fino, ka thënë se ata që do të fitojnë në bingo do të mbeten ndë qeveri. Kështu, star Bingo, që pritet t’i bjerë Arta Dades, të jep mundësinë e një shëtitjeje me fituesin e Telebingos, fituesi i Magjik Bingos pritet të bëhet zëvendëskryeministër dhe ministër i brendshëm. Kujdestari i Bingos thotë se ka bindjen e tij që Telebingon, meqë është brenda qeverisë, do ta fitojë kryeministri aktual. Anëtarët e koalicionës pritet të fitonjë linjën.




***

Mbrëmë, ndë orën njëmbëdhjetë të natës, në fletoren tënë ra një kabëll. Ishte vetë zoti bashkim Fino. Dua të jap komentin tim përse kanë ikur amerikanët nga Shqipëria, tha ai, dua të flas me kryeredaktonjësin. Kryeredaktori jam, - tha kryeredaktonjësi ynë.
Amerikanët ikën se ne e bëmë shtetin, tha Fino. Edhe amerikanët na ndihmuan dhe shteti tani funksionon si sahat. Kaq kisha.
Në kohën që kablla e Finos u mbyll, në redaksi hyri dreqtori tënë, që të gjithë e dinë se është me xhinde.
Ç’është ky lajm në orën 11 të natës? – u hakërye dreqtori tënë.
-Shteti sipas Bashkim Finos, iu përgjigj kryeredaktonjësi ynë, me atë humorin e inglizit.




***

Dje ndë mbledhjen e qeverisë tënë ka qarë me të madhe dhe me ligje gjirokastrite Bashkim Fino. Ngjarja ka ndodhur pak a shumë kështu:
- Unë do të jap dorëheqjen ka thënë, - Malaj sepse po më sulmon edhe shtypi ynë.
- Shtypi ynë që kemi luftuar në një llogore, ka bërtitur Bashkim Fino dhe ja ka dhënë kujës.
- Prisni, prisni, u hodh Thimio Kondi. Mua gazeta “Albania” më ka thënë që jam minsitri më budalla, që nga viti 1912 dhe deri më sot, ja si thoni ju budalla jam un!
- Ç’ne – ç’është ajo fjalë, - i tha Gaqo K. Apostoli. Ku gjen budalla ndë binanë tënë.



***

Zotni Arben Malaj, ministër për punë të financimeve na dërgoi mbrëmë ndë redaksinë tënë një kartë jo dhe shumë të gjatë edhe ndë shqip edhe ndë gjuhën e inglizit, që ja kishin dërguar nga shteti i FMN-së, dhe që tronditi tej mase portierin e fletores tënë.
Dear Malaj, -fillonte karta dhe yours sinqerisht përfundonte karta. I trembur dhe i hutuar shumë portieri i fletores tënë vrapoi t’ja dorëzonte kartën kryeredaktonjësit, por në vrap e sipër u rrëzua ndë llagëmin e ujrave të zeza që punëtorët e komunales e lënë gjithmonë hapur se bllokohet çdo ditë për shkak të derdhjeve shumë të yndyrshme që bën gjitoni inë i dashur Bashkim Fino.



16 gusht 1998

Kryeministri do të ndërpresë pushimet në Greqi


Nano do të vizitojë Tiranën

Kryeministri i Shqipërisë, Fatos Nano, do të bëjë një vizitë dyditore zyrtare dhe private në Tiranë, njoftoi dje zëdhënësi i Ministrisë së Jashtme të Shqipërisë.
Vizita do të realizohet në fillimin e javës së parë të shtatorit dhe ndërmerret në kuadrin e sensibilizimit të opinionit ndërkombëtar për zhvillimet në vend dhe rajon.
Situata në Kosovë dhe gjendja e tensionuar politke në vend, janë dy arsyet kryesore të vizitës së papritur të kryeministrit Nano në Tiranë.
“Gjendja e rënduar në Kosovë dhe zhvillimet e brendshme e kanë detyruar kryeministrin të ndërpresë pushimet në Greqi”, thuhet në komunikatën për shtyp të lëshuar me kätä rast nga kabineti i tij.
“Janë planifikuar takime me nivelet më të larta të zyrtarëve në vend”, tha zëdhënësi i Nanos.
Ai shtoi se megjithëse z. Nano nuk ka planifikuar ndonjë takim me përfaqësues të opozitës, procesi gjithpërfshirës për Kushtetutën dhe çështja e refugjatëve në Tropojë do të jenë në qendër të bisedimeve me zyrtarët më të lartë të shtetit.
Burime të ndryshme bëjnë të ditur se kryeministri do të informohet në takimet e tij edhe për arsyet e bojkotit të parlamentit nga partia më e madhe e opozitës në vend dhe do të kërkojë shpjegime nga zëvendëskryeministri dhe ministri i Rendit z. Islami për gjendjen e rendit në vend dhe sidomos për nivelin e lartë të kriminalitetit në zonën verilindore.
“Kryeminsitri do të vijë me plan konkret idesh për problemet me të cilat është ndeshur vendi gjatë këtij viti”, tha zëdhënsëi.
Vizita e Nanos në Tiranë pason një vizitë të delegacionit të Trojkës së Bashkimit Europian. Ndryshe nga delegacioni i Trojkës Europiane, kryeminsitri Nano nuk do të vizitojë Tropojën, ‘për shkak të masave të sigurisë”.
Z. Nano do të informohet për gjendjen e refugjatëve në Tropojë nga përfaqësuesi i qeverisë në këtë zonë, Taulant dedja, tha zëdhënsëi.
Ende nuk është e qartë nëse kryeministri Nano do të takojë presidentin shqiptar Meidani, por një burim nga presidenca tha dje për gazetën: “Nëse vizita do të realizohet javën e parë të shtatorit, ka të ngjarë të ndodhemi para një përplasje takimesh”
Në këtë vizitë zyrtare, Nano shoqërohet edhe nga një grup bizensmenësh grekë, të interesuar për të investuar në Shqipëri.
Në fund të vizitës dyditore, është planifikuar që kryeministri Nano të japë një konferencë shtypi për gazetarët në aeroportin e Rinasit.