Studentja 20 vjecare vret shoqen e dhomes per te dashurin

[DIDIBE]

hej turp ,ajo vrasese duhet varur

[mad]

qe mashkulli te vrase nje mashkull per hir te nje femre, kam degjuar, lexuar dhe pare me syte e mi...por ama qe ta bente edhe femra!!!!!!!!
nejse, ashtu si e tregojne edhe shoqet e viktimes, paska qene LACE ajo fare. paska patur TE NDENJURA per tia drejtuar pistoleten tjetres, qe mbi te gjitha ka qene edhe shoqja e saj, dhe te terheqe kembezen!
~!UAU!~

uroj, qe te behet shembull, qe ne te ardhmen mos te perseritet ky gjest (krim) i shemtuar.

{^_^}

[bunny]

E se tani ne burg mund te jete bashke me te djalin ajo. Cfare llogjike.

C'na beni ju gocat e forumit si me te zgjuta! Juve ta dini qe ju tradheton i dashuri, nuk shkoni tek ai, por tek vajza tjeter e na beni si te forta,

Nuk shkoj qe ta vras, shkoj ti them qe ta gezoshe por me 1 keshille 'sic ma beri mua prit se ta ben edhe ty'...Tradhetimi ne lidhje,tregon qe ajo lidhje ka probleme,kshq mbase ajo shoqja/goca te ka bere nder (keshtu e shoh une,mbase jam edhe gabim ngaqe sme ka ndodhur ndonjehere qe te me tradhetojne )

Sa per temen ' budallik','turp' ...ke frik edhe te dashurosh tani...cncnncnc...Gjynah per gocen qe i iku jeta....

[DIDIBE]

keto ndodhin vetem tek shqiptaret

[Manulaki]

Nuk ndodhin vetem ne shqiptaret keto gjera jo, ne tere boten ndodhin, mos ju duket cudi. Me vjen keq per kete vajzen qe i iku jeta kot se koti. Sa keq dhe per prinderit qe humben vajzen e tyre, nderkohe qe sipas artikullit me siper, kishin humbur edhe nje djale nje vit me pare.
Ngushellime, vetem kaq mund te them

[PINK]

Leila thote : C'na beni ju gocat e forumit si me te zgjuta! Juve ta dini qe ju tradheton i dashuri, nuk shkoni tek ai, por tek vajza tjeter e na beni si te forta, "meshkujt s'rezistojne dot, keshtu qe u falet." Pfff... Edhe kjo e shkreta, me mendt e juaja u nis, te bente pak sherr e ti shkulte pak floket kesaj tjetres, por ja qe pati mundesi per nje arme dhe krijoi nje tragjedi.
---------------------------------------------------------------------------------------

cfare ka ketu mi goc per te forta ???
ato budallackat bene si te "forta " .... se te kishin nje " fije " mend ... nuk arrinin deri aty .. te zihen per nje mashkull .
Ta di une qe po me tradhton i dashuri/ fejuari/ burri ... Po Po Po shkoj dhe e takoj ate " femren" tjeter ... dhe vallahi doren i jap dhe i them " bravo te qoftem moj cuce .. " ...

so te ishte nis me mendt e tona - sic thua ti ... do ishte duke bere qef tani ... dhe jo ne burg .. Debilja !!

ps: Aruno ..qe thua zotrote mentaliteti shqiptare ka ndryshuar bre burre ... a nuk jane ato te rinj dhe te reja qe dalin neper TV dhe flasim per bashkejetesen , per divorcet , per civilizimin .. nuk jane ato qe bejne emisione dhe show-s moderne , si portokallia , fiks fare , kafazi i arte etc etc .. he pra ? apo kur perballen me jeten reale ... beeep nuk i pelqen .. ( kalojne ne ekstreme ) .... he

[ATMAN]

Aruno ..qe thua zotrote mentaliteti shqiptare ka ndryshuar bre burre ... a nuk jane ato te rinj dhe te reja qe dalin neper TV dhe flasim per bashkejetesen , per divorcet , per civilizimin .. nuk jane ato qe bejne emisione dhe show-s moderne , si portokallia , fiks fare , kafazi i arte etc etc .. he pra ? apo kur perballen me jeten reale ... beeep nuk i pelqen .. ( kalojne ne ekstreme ) .... he

po ka ndryshuar shume ,por vetem ne teori se ne praktike ndryshojne shume gjonat , psh rroga mesatare ne shqiperi eshte aty te 150 euro , kuptoje vete ti se cfare do qe te kesh ne mendje ti nuk e e realizon dot sepse nuk ke para , cmimet ishin te cmendura fare , per jetese apo bashkejetese apo martese ,harroje fare se ishte nje enderr e larget ...................

ta kom zili aruni qe ke ik aq larg

lexo me poshte pinko

CMIMET SI NE EVROPE, JETESA SI NE SOMALI



Pjesa me e madhe e qytetareve shqiptare jane te varfer dhe shume syresh jetojne nen minimumin jetik. Statistikat e BB-se tregojne se ne Shqiperi ka ende zona ne te cilat banoret jetojne me 1 dollare ne dite. Kjo nuk arrin as ne vleren 30 mije leke ne muaj, nderkohe qe vlera e minimumit jetik nga institucionet nderkombetare eshte percaktuar 90 mije leke. Kjo tregon se qytetaret shqiptare jetojne 3 here me poshte se niveli i minimumit jetik.

Ndersa varferia ne Shqiperi behet e tejskajshme qeveria cdo dite e me teper rrit cmimet per produktet e domosdoshme qe qytetaret kane nevoje per jetesen e tyre. Ndersa listat per blerjen e bukes rriten gjithnje e me shume ne dyqane, qeveria pranoi rritjen e cmimit te saj. Po keshtu rriti gati 38 per qind cmimin e energjise. Buxhetit te varfer te familjeve shqiptare iu shtua edhe rritja e cmimit te telefonise fikse, madje rritje me te madhe pesoi pikerisht shtresa me e varfer qe e perdorin telefonin brenda per brenda qytetit. Zyrtaret shqiptare justifikohen per cmimet me faktin se po i pershtatemi kushteve te BE-se. Po harrojne se qytetaret e tyre, pra shtresa me e varfer jeton si banoret e Somalise. Nje ndryshim i madh vihet re edhe me shtetet fqinje me Shqiperine, ku prej tyre vijne shumica e mallrave te importit. Mallrat qe importohen nga Maqedonia ne Shqiperi jane shume te shtrenja ne tregun tone dhe ka mallra te cilet jane deri ne 30 per qind me shtrenjte se ne Maqedoni. Rrogat e shtetasve shqiptare jane rreth 38 per qind me te uleta se Kosova e Maqedonia dhe 40 per qind me te vogla krahasuar vetem me Maqedonine. Po te krahasosh nivelin e pagave per disa profesione mes Shqiperise dhe Maqedonise vihet re nje raport deri ne 70-80 per qind me i larte se ne vendin tone. Profesioni i mesuesit ne Maqedoni paguhet 82 per qind me shume se ne Shqiperi.

Cmimet si ne Evrope, pagat simbolike

Te ardhurat e familjeve shqiptare jane minimale per te perballuar shpenzimet mujore, duke iu referuar cmimeve ne treg per te gjithe sherbimet. Statistikat zyrtare tregojne se shqiptaret shpenzojne rreth 60 per qind te te ardhurave vetem per ushqim, ndersa europianet harxhojne per t'u ushqyer 15-22 per qind te te ardhurave. Duke iu referuar statistikave shqiptare ne tregjet e vendit cmimet e produkteve ushqimore jane pothuajse te njejta me cmimet e vendeve te Europes. Por pagat e shqiptareve jane rreth rreth 15 here me te uleta se pagat e italianeve, grekeve apo gjermaneve. Diferenca e pagave theksohet me teper po te krahasohen ato te punetoreve, qe perbejne dhe pjesen me te madhe te popullise. Keshtu, nje punetor i thjeshte shqiptar merr ne vit vetem 68 mije leke. Ndersa ne vendet e ndryshme te Evropes paga e nje punetori varion nga 4 milione leke deri ne 1.3 milione leke. Ndersa diferenca e pagave mes shqiptareve dhe shtetasve te tjere te Europes vjen jithmone e duke u theksuar, e kunderta ndodh me cmimet e produkteve ushqimore, te cilat kane nje diference shume te vogel, madje cmimet e disa produkteve qe shiten ne vendin tone jane thuajse te njejta me cmimet e Italise apo Greqise.

Ekspertet e ekonomise theksojne se cmimet ne tregun shqiptar jane thuajse te njejta me tregun europian, pasi pjesa me e madhe e produkteve ushqimore importohen nga vendet e Europes.

Raporti i SKZHES

Sipas nje raporti zyrtar te Strategjise se Zhvillimit Ekonomik dhe Social, mbeshtetur ne treguesin e nivelit relativ te varferise, 29.6 per qind e shqiptareve jane te varfer, ndersa gjysma e tyre jetojne ne kategorine e varferise ekstreme. Varferia eshte e perqendruar kryesisht ne zonat rurale. Nder 5 te varfer, 4 jetojne ne fshat. Nese merret ne konsiderate niveli absolut i varferise, 1 ne cdo 6 familje jetojne me me pak se 1 dollar ne dite per person dhe pothuajse nje ne dy familje jetojne me me pak se 2 dollare ne dite per person.

[ATMAN]

Ardian Klosi

Jemi mësuar që çdo ditë të lexojmë në gazeta e të shohim në TV për vrasje të ndryshme. Tani nuk na bën më përshtypje që diku, dje, sot ndodhi një vrasje, por vetëm mënyra se si ndodhi vrasja dhe kush vrau kë. Burri vrau bashkëshorten pse e kapi në flagrancë, vëllai vrau vëllain se ishte i dehur, djali vrau nënën pse kjo punonte si prostitutë; vrasja u krye me pistoletë, me automatik, me djegie për së gjalli, me thika, me tritol etj. Dhe për çudi sa vijnë e shtohen variacionet, a thua se vrasësit janë në një valë me mediat dhe kërkojnë me ose pavetëdije që vrasja më e re të jetë sa më spektakolare, që fisit të të vrarit a të së vrarës t'i ngrihen flokët përpjetë kur ta mësojë ngjarjen në darkë nga ekrani.
Duam ta lëmë mënjanë këtu aspektin mediatik, njëfarë buje ose reklame që u bëjnë padashur gazetat dhe ekranet tona ngjarjeve të tilla (dihet që mediat kërkojnë elementin tronditës për t'u përhapur sa më shumë në publik). Por edhe kur e heqim këtë aspekt realiteti mbetet: në Shqipëri ndodhin jashtëzakonisht shumë vrasje dhe akte të dhunshme, krahasuar me numrin e popullsisë, krahasuar edhe me popujt fqinjë me ne. Jo vetëm atij të huajit që e percepton Shqipërinë përmes shtypit e ekranit, por edhe neve vetë që jemi lindur e rritur këtu, na duket se jetojmë në një realitet të dhunshëm dhe se dhuna kohëve të fundit ka ardhur duke u shtuar. Nuk duam të bëjmë këtu krahasime me vite të jashtëzakonshme të historisë sonë të re, si 1991-92 ose 1997, por në një realitet paqësor si ky europian që jetojmë sot, e përsërisim, dhuna në Shqipëri ka marrë përmasa dramatike.
Më së pari duam të ndajmë ndër vrasjet që ndodhin përditë, ato që janë "emocionale" prej vrasjeve mafioze. Këto të fundit, si p.sh. qërime hesapesh mes bandave, ndodhin në çdo vend ku ka varfëri dhe mungesë shteti, ndaj nuk ka ndonjë vlerë të zgjatesh me to. Mbetet një numër i madh vrasjesh në gjaknxehtësi, ato që në gjuhën juridike quhen "për motive të dobta".
Kemi pastaj një sërë vrasjesh për gjakmarrje, dmth. për kanun; të parat lidhen ngushtë me të dytat, dhe me të dyja palët do të merrem më hollësisht pak më poshtë. Por desha të theksoj që në fillim, se në Shqipëri dhuna nuk shprehet vetëm në vrasje ose plagosje, atë e ndeshim përditë në mënyrën se si sillen shumë qytetarë ndaj komunitetit:
- një numër i madh bashkatdhetarësh bëjnë veprime force, pa pyetur se kjo gjë dëmton komunitetin. E zëmë, dikush zgjeron apartamentin e vet, duke nxjerrë një xhungë mbi lulishten ku dikur loznin të gjithë fëmijët e bllokut. Një tjetër që ka hapur një lokal shqyen tubin e përbashkët të ujësjellsit, prish me këtë rast edhe rrugën, merr ujë vetë dhe nuk pyet nëse fqinjët tani do të marrin më pak ujë dhe do të përdorin një rrugë më të keqe. Një i tretë bllokon kolektorët e ujërave të zeza, sepse do të ndërtojë një garazh ose një restorant etj. etj. Janë të pafund shembujt e dhunës indirekte që ushtrojnë qytetarët "e fortë" shqiptarë ndaj qytetarëve të dobët shqiptarë. Këta, që përbëjnë edhe shumicën, janë të dobët sepse s'dinë të mbrohen, por edhe pse shteti ose qyteti i tyre nuk i merr në mbrojtje;
- e dhunshme është edhe mënyra se si ngasin makinat një numër bashkatdhetarësh kokënxehtë. Parakalime në mes të qytetit në rrugë të ngushta, kapërcime kryqëzimi me dritë të kuqe, goma që ulërasin nga gazi i tepërt, bori kanosëse ja disa shfaqje të përditshme të dhunës në trafikun e qyteteve tona. Ndoshta autorët janë prapë pakicë, por ka nga ana tjetër një shumicë shoferësh, që, e zëmë, kur marrin kthesën, asnjëherë nuk presin të kalojë këmbësori i cili ecën në vijë të drejtë dhe ka përparësinë me ligj! Ja edhe një shembull i përdorimit të dhunës ndaj më të dobtit (sipas logjikës: "unë jam më i fortë sepse kam makinë, unë të shkel"). Sa për vete, e pranoj që kam frikë t'u tërheq vërejtjen kokënxehtëve në trafik, sepse ma merr mendja se e kanë gati në kofano një pistoletë, e pakta një thikë.
- në një kuptim më të përgjithshëm, e dhunshme është edhe vetë gjuha shqipe, ashtu siç e përdorin shtresa të gjera të popullsisë. Shprehje si "të hëngërt mortja", "të shpëlaftë një kolerë", "të lërofsha nënën", "të bëfsha gropën" etj. etj. janë fare të zakonshme te ne dhe të papërkthyeshme në gjuhë të tjera, të paktën europiane. Është e vërtetë që në përgjithësi gjuhët ballkanike kanë shumë shprehje të dhunshme sikundër shqipja, megjithatë mua më duket se jemi i vetmi vend ku nëna i thotë fëmijës (me përkëdheli): "hajde këtu, mor të bëfsha gropën!", ose shoqja shokut "uh, të rëntë pika, sa i lezeçëm që je, uh të nxjerrçin sytë!" (gjuhët europianeperëndimore as që e kanë mënyrën dëshirore me "ta ...fsha"). Provoni të kaloni bri ndonjë grupi të rinjsh që rrinë kot në ndonjë bordurë, veshët do t'ju kapin sa tinguj fërkimorë vërshëllyes si "shsh" "fsh" "ifsha" etj. Të tilla grupe, edhe pse mund të përbëhen nga "çuna të mirë", për mua rrezatojnë dhunë një orë larg.
S'ka dyshim që gjuha në këto raste është mjaft larg nga realiteti, se nëna kurrë nuk do t'ia bënte gropën fëmijës, se e dashura nuk pret që i dashuri të pësojë hemorragji cerebrale, se dy shqiptarë të nxehur mund t'i lëshojnë njëri-tjetrit lumenj me kërcënime të lemerishme dhe në fund të mos ndodhë asgjë, as edhe një grusht, megjithatë violenca në gjuhë dhe në shfaqjet e tjera që përmenda më sipër flet për historinë tonë dhe ka arsye më të thella seç i dëften realiteti që jetojmë.

Rrënjët e së keqes

1. Sikurse e kanë nënvizuar edhe kolegë të tjerë, ndër të cilët do të veçoja shkrimet e Fatos Lubonjës te "Përpjekja" dhe "Shekulli", një pjesë e madhe e popullsisë shqiptare vjen nga një realitet i vrazhdë fisnor. Ndarja e shoqërisë në fise, bajraqe, klane, me gjithë rregullat gjakatare që e qeverisnin këtë ndarje, nuk është më shumë se dy-tri breza larg nesh. Në Shqipëri, sidomos në zonën e Veriut ka pasur enklava të tëra, që kanë jetuar për shekuj në bazë të kodit të tyre zakonor, pa njohur asnjëlloj autoriteti tjetër të jashtëm. Kjo ndodhte në kushtet e një terreni tepër të thyer malor, i cili ndoshta nuk do të kishte mjaftuar për të ushqyer brezat e shqiptarëve edhe sikur këta të kishin jetuar në paqe mes njëri-tjetrit. Prandaj veç blegtorisë së pakët, veprimtaria tjetër e banorëve kish të bënte kryesisht me dhunën: ose fitohej jetesa si mercenar duke luftuar për Turqinë etj., ose përmes vjedhjes së bagëtisë në ultësirat më të begata të perëndimit, drejt bregut Adriatik, ose të lindjes, matanë ujërave të Drinit. Mungesën e një komuniteti të ngushtë, që do t'i jepte fund individualizmit të rrezikshëm shqiptar dhe ushtrimit të dy zanateve të dhunshme që përmendëm, e tregon edhe mënyra e ndërtimit të banesave në krahinat në fjalë: gjithmonë veç e veç e larg nga njëra-tjetra, me mure më shumë prej kështjelle se prej shtëpie, me të çara më shumë frëngji se dritare. Nuk dua të zgjatem më shumë në këtë linjë, sepse është trajtuar mjaft mirë, sidomos nga albanologë të huaj dhe sepse nuk dua të prek përkatësinë krahinore të askujt (në fund të fundit të gjithë nga ato enklava të izoluara burojmë, përndryshe do të ishim asimiluar si popull). Po citoj këtu vetëm Theodor Ippenin, albanologun e madh, ish-konsull i perandorisë austro-hungareze në Shkodër në fund të shek. 19, që veç studimeve të panumërta për Veriun e Shqipërisë ka edhe meritën, me njohuritë e tij, si përfaqësues në Konferencën e ambasadorëve në Londër, që shumë treva shqipfolëse nuk iu "falën" fqinjve: pasi flet për krahinat e ndryshme, Ippeni jep shkurtimisht karakteristikat e banorëve të tyre. "Varfëria e madhe e popullsisë nuk shpjegohet në mënyrë të mjaftueshme nga terreni gjeografik. Një popullatë që do të merrej me zell e seriozisht me bujqësi e blegtori, që do të ishte punëtore, do mund të krijonte në M. [emri i krahinës] një ekzistencë ekonomike të pranueshme, pa varfëri e skamje. Ka tri rrethana që shkaktojnë gjendjen e sotme të mjeruar: gjakmarrja, prirja e pakët e popullsisë për punë si dhe padituria dhe shkalla e ulët kulturore në të cilën ndodhen" ("Malësia e Shqipërisë Veriperëndimore", Vjenë 1908, f. 36). Po këtu, kur flitet për një krahinë fqinje me M., që fillon gjithashtu me M., lexojmë: "Popullsia nuk pranon të rekrutohet dhe as të paguajë taksa moderne shteti. Administrata shtetërore juridike në M. gjithashtu nuk funksionon, popullata respekton të drejtën e vet kombëtare zakonore. Gjendja e sigurisë këtu është, siç mund të përfytyrohet për një vend ku gjakmarrja zbatohet në mënyrë rigoroze, tepër e brishtë. Kreu i këtushëm, pashai i M. gëzon njëfarë autoriteti, por as ai nuk mund të pengojë që m-t të hidhen për grabitje në krahinat fqinje, sidomos në qarqet që ndodhen në drejtim të detit Adriatik (f. 64-65).
Ky libër, i cili së shpejti do të dalë edhe në shqip, na mëson shumë për këto pjesë të errëta të historisë sonë, të cilat as nuk mund të rrimë pa i njohur as, s'di mend, nuk duhet t'i idealizojmë; sepse nuk kanë munguar përpjekjet për ta idilizuar Kanunin e Maleve, për ta shfrytëzuar madje si model Kushtetute (orvatja qesharake e Berishës para kushtetutës së 1994-s). Kanuni, jo vetëm si pjesë e jashtme që vazhdon të gjejë zbatim në treva e vendbanime të caktuara të Shqipëris, por edhe si pjesë e brendshme jona, me përcaktimet e tij brutale, ku praktikisht çdo fyerje lahet vetëm me gjak, arrin të shpjegojë shumë nga këto ndodhitë tona të përditshme.
Sepse praktikisht shumica e vrasjeve që dëgjojmë këto kohë ndodhin për shkak fyerjesh. Fyerje e nderit është edhe kur bashkëshorti sheh bashkëshorten në shtrat me një jaran. Cili është reagimi i tij? Dora që shkon menjëherë te revolveri. Natyrisht një veprim prej frikacaku në gjaknxehtësi, pasi qëllon mbi njerëz të paarmatosur, por edhe pse mungon gjithmonë kurajoja për ta prishur publikisht një kurorë e për të filluar një jetë tjetër. Veç burracakërisë në veprime të tilla është pas gjithmonë Kanuni, pasi ai parashikon të tilla dënime për gratë ("Për dy punë e ka fishekun në shpinë grueja: a) për kurvni; b) për mik të prem" - Kanuni i Lek Dukagjinit, nye i tridheteparë).
2. Ka shumë vetë te ne që kujtojnë me nostalgji regjimin e Enver Hoxhës, "sepse ai i mblodhi të gjitha armët, ai vuri rregull dhe qetësi, ai ndaloi gjakmarrjen etj.". Natyrisht një gjykim krejt i cungët, që tregon vetëm njërën anë të së vërtetës. Ai regjim e ndaloi gjakmarrjen me dhunë dhe jo me emancipim, ai nuk ofroi as ndonjë moral tjetër që do t'i zinte vendin moralit të hakmarrjes. Fakti që gjakmarrja mori vrull sapo ra regjimi komunist, tregon që ndryshimi kishte ndodhur vetëm në sipërfaqe, në cipën e realitetit, dhe jo në thellësi.
Veç kësaj diktatura e veçantë shqiptare ndaloi me gjithsejt fenë, që është historikisht ekuilibruesja ose kundërpesha më e natyrshme kundër krimit - kujtoni vetëm dekalogun e të krishterëve. Në vend të kësaj u shpall botërisht se "feja e shqyptarit asht shqyptaria", një moto që edhe sot mbahet për të madh. Si mund të jetë shqiptaria fe? Unë mendoj që vargje më të dyshimta dhe më ngatërrestare në historinë e letërsisë sonë nuk gjen, edhe pse Pashko Vasa i shkroi ato në kushte të caktuara, për të bashkuar shqiptarët e përçarë.
Më anë tjetër, regjimi i Hoxhës ishte vetë tepër i dhunshëm, si në veprime ashtu edhe në fjalor. Njerëzit më me autoritet të regjimit ishin pikërisht ata që kishin bërë më shumë krime gjatë luftës dhe pas saj. "Do t'ua bëmë këmbët direkë", "do t'u derdhim plumb të shkrirë në grykë", "t'i fshijmë me fshesë të hekurt" etj. etj. kanë qenë shprehje të preferuara të propagandës së asaj kohe. Këngët popullore që pëlqeheshin më shumë ishin ato ku thuhej se "korbat më nxorën sytë" ose "mora rrugën për Janinë, copë e çikë ma bënë mëlçinë etj."
Rrugës para se të zbresësh në Himarë ka qenë gjithmonë një gur përkujtimor për një betejë, ku shkruhej "Luftë që bëtë atë ditë/ Me plumb ia gristë mëlçitë". Ka nja dy-tri vjet që një dorë e mbarë e ka fshirë tekstin makabër. Në vend të tij disa metra më tutje është vendosur një kuvlizë me figurën e një shenjtorit dhe një qiri të ndezur. Janë shenja që të bëjnë të shpresosh, aq më shumë nga një vend i tillë, i cili historikisht zeje kryesore ka pasur luftën.

Po tani?

Mendoj se debatet e shumta, konferencat, qoftë dhe aktet simbolike me aktorë të Hollivudit, edhe pse mund t'u kthejnë mendjen disa pak vetëve, në plan të përgjithshëm pak sjellin. Ka, për mendimin tim vetëm dy rrugë: e para, shteti duhet të mbledhë, pa mëshirë dhe me dhunë ligjore, të gjitha armët që i mbajnë pa leje shqiparët, pa dallim feje, krahine dhe ideje. Çdo ngurrim i mëtejshëm, tregon frikë të këtij shteti dhe burracakëri të krerëve të tij, e cila do të sjellë pasoja të rënda e çdo ditë më të rënda, pasi te ne vazhdojnë të mbajnë armë edhe pesëmbëdhjetëvjeçarë. Gjyqësori i këtij shteti duhet të japë dënime drastike për çdo krim ndaj jetës, ku mos ketë vend as për amnisti e as për rrethana lehtësuese. Rruga e dytë, paralele, që natyrisht është më e gjatë dhe më e vështirë, ka të bëjë me ndryshimin e mentalitetit kanunor të shumë bashkëkombasve. Këtu roli i parë i takon shkollës (tekstet e të cilave vazhdojnë të jenë të mbushura me njerëz që vringëllijnë shpatat dhe pushkët), por edhe mediat, botime e gjithçka publike do duhej të përpiqej që në patriotët tanë të zërë gjithmonë e më shumë vend shpirti paqësor.

[Leila]

Pse te djeg, mi Pinku? Pse e perfshin veten me zor kur une po perpiqem te tregoj pak takt dhe sensibility duke i rene nga Kina... aq sa mundem, natyrisht, se kam difekt ne gen qe s'me lejon shume. Le qe kjo eshte e tmerrshme... mos rente njeri ne dashuri me dike qe e do nje femer tjeter. Do thoja, "femer psikopate," po psikopatet kuptohen shume vone, pasi behet gjema.

[PINK]

Pse te djeg, mi Pinku? Pse e perfshin veten me zor kur une po perpiqem te tregoj pak takt dhe sensibility duke i rene nga Kina... aq sa mundem, natyrisht, se kam difekt ne gen qe s'me lejon shume. Le qe kjo eshte e tmerrshme... mos rente njeri ne dashuri me dike qe e do nje femer tjeter. Do thoja, "femer psikopate," po psikopatet kuptohen shume vone, pasi behet gjema.

Cfare me djeg mi Leila ? he ?
e pse duhet te me djegi valle ... a nuk eshte ky nje forum i hapur per te gjithe .. pavaresisht se ka dhe mosperputhje mendimesh /opinionesh ?

Te erdhi keq ty qe u perfshiva une ... po ku ta di une qe ju i thoni gjerat terthorazi dhe i bini nga Kina ... se jo per gje i bie gjate e gjate ... me shkurt next time .
Ti e dashur pergjithesove ne postin tend ... dhe besoj eshte e drejta ime ta them dhe une opinionin tim ... besoj ti nuk i merr shume personalisht se dhe qellimi im me shume ishte diskutues-shoqerore dhe jo te shkoj kundra teje personalisht .
Besoj me kupton apo jo ?