Studentja 20 vjecare vret shoqen e dhomes per te dashurin

[Shpirt Njeriu]

Varroset sot ne Perrenjas Suela Sina, studentja e vrare nga shoqja e dhomes


PERRENJAS (11 Janar) -Suela Sina, studentja 20 vjecare nga qyteti i Perrenjasit e cila u vra nje dite me pare nga shoqja e saj e dhomes eshte percjelle sot per ne banesen e fundit.Familja Sina nuk u ka besuar lajmeve te dhena ne media per vajzen e tyre Suelen. Nje vit me pare nje tjeter tragjedi goditi familjen Sina kur djali i tyre i vetem humbi jeten gjate nje nderhyrjeje kirurgjikale ne Stamboll te Turqise. Ende pa u sheruar kjo plage vjen dhe humbja e femijes se dye per kete familje. Ne varrimin e studentes se anglishtes te universitetit Fan Noli kane marre pjese mijera vete nderkohe qe motra e saj e cila jeton ne Australi nuk ka mundur te mberrije para varrimit. Suela eshte varrosur e veshur si nuse prane vellait te saj i cili vdiq nje vit me pare. Nderkohe familja e Sueles nuk ka lejuar qe ne varrim krahas te afermve e miqve te familjes te merrnin pjese studente e pedagoge nga universiteti ku ajo studionte.Ata kane preferuar qe ne ceremonine mortore te merrnin pjese vetem shoket e shoqet e saj nga qyteti i Perrenjasit si dhe disa pedagoge miq te familjes Sina. Suela Sina,studente ne vitin e dyte ne fakultetin e gjuheve te huaja u vra nje dite me pare ne dhomen e saj pas nje grindeje me shoqen e saj Ornela Capollari.Te dyja vajza ishin shoqe te ngushta dhe shoqeroheshin shpesh me njera tjetren.Ne fillim te ketij viti Ornela kishte bere vizite ne familjen e Sueles me rastin e festave.Pas vrasjes policia arrestoi Ornela Capollarin nderkohe qe shoqeroi dhe disa persona te tjere.

[Shpirt Njeriu]

KORÇE/ Ornela Çapollari kishte lënë edhe një letër lamtumire pranë shoqes së saj studente

Bar miu në çantën e vajzës vrasëse
Policia: Dyshime se donte të mbulonte krimin si vetëvrasje


--------------------------------------------------------------------------------

Roland Beqiraj


KORÇE

Një qese me fostoksinë e gjetur në çantën e Ornela Çapollarit, e akuzuar për vrasjen e shoqes së saj të dhomës, dhe letra e zbuluar në dhomën e krimit duket se i kanë intriguar edhe më shumë hetuesit e policisë së Korçës. Sipas hetuesve, këto dy elemente janë përdorur nga studentja e vitit të tretë për t'i bërë ata të besojnë se Suela Sina ishte vetëvrarë. Edhe gjatë ditës së djeshme Ornela e ka mohuar plotësisht autorësinë e krimit. Gjatë marrjes në pyetje, ajo ka shpjeguar se e kishte blerë barin e miut se do ta çonte në shtëpinë e saj, pasi aty kishin shumë minj. Por një gjë e tillë nuk i ka bindur aspak inspektorët, të cilët kanë ngritur edhe dyshimet e para, se vajza fillimisht ka dashur që ta helmojë Suela Sinën me fostoksinë, duke montuar një vetëvrasje të saj. Kjo mund të ketë qenë një mënyrë që Ornela të hiqte çdo dyshim nga vetja.

Dyshimet
Sipas burimeve nga policia e Korçës, Ornela Çapollari e kishte menduar mirë eleminimin e shoqes së saj të dhomës, në çdo lloj mënyre, madje duke përdorur edhe helmimin, gjë që do ta bënte më të vështirë zbulimin e vdekjes së saj. Ajo që i shtyu ata drejt këtij dyshimi, ishte qesja me fostoksinë që ata kanë gjetur në çantën e të akuzuarës. Por duket se ajo ka gjetur një argument të zakonshëm për të justifikuar praninë e ilaçit vdekjeprurës në çantën e saj. "Në shtëpi kemi shumë minj dhe prandaj i kisha blerë", është motivuar ajo. Të pabindur nga ky fakt, hetuesit kanë hedhur dyshimin se mos ajo ka pasur qëllim helmimin e Suelës. Po kështu, atyre u ka lindur edhe dyshimi tjetër se ndoshta Ornela mund të kishte shkaktuar një vrasje të dyfishtë. Pas ekzekutimit me pistoletë të 20-vjeçares Sina, ajo të ketë dashur t'i jepte fund edhe jetës së saj. Por duket se Ornela nuk ka pasur guxim që, pasi kishte vënë dorë mbi shoqen e ngushtë, të vetëhelmohej.

Letra
Një tjetër element që i ka bindur edhe më shumë ekspertët e krimeve se autoria e vrasjes është Ornela Çapollari, është një letër e gjetur mbi krevatin e viktimës. Në letër shkruhej: "Baba unë këtë e bëra. Shkaku për këtë është Ilir Cano. Ju nuk keni asnjë lloj përgjegjësie". Sipas burimeve të policisë, në letër nuk ishte shkruar asgjë që të tregonte pendesën e vajzës për krimin e kryer. Por edhe këtu inspektorët kanë parë një tjetër inskenim të Çapollarit. Ndoshta ajo mund të ishte edhe një letër që mund ta shkruante Suela, para vetëhelmimit të mundshëm, pasi në letër nuk kishte asnjë emër se kujt i drejtohej. Por edhe ekzistencën e letrës ajo ka vazhduar ta mohojë, duke mos pranuar se e ka shkruar ajo. Megjithatë letra është dërguar në laborator për të vërtetuar edhe një herë se kush është shkruesi i saj. Shkrimi i një letre para një vrasjeje, sipas ekspertëve, është një mënyrë e frymëzuar nga telenovelat dhe Ornela e ka përdorur si një element për të futur hetimet në një tjetër rrjedhë.


Ornela urinoi para prokurorëve

Dyzetetetë orët e fundit të 21-vjeçares Ornela Çapollari nuk kanë qenë aspak të lehta. E gjendur në situata dhe në presione nga më të ndryshmet, ajo e ka pasur shumë të vështirë përballjen me përfaqësuesit e akuzës. Gjatë marrjes në pyetje ditën e djeshme, ajo u bë protagoniste e një situate aspak të këndshme. Nga stresi dhe tensioni i madh, e ndodhur përpara hetuesve, ajo pati një jashtëqitje të pavullnetshme. Të gjendur përballë kësaj situate, hetuesit e dërguan ata në dhomat e paraburgimit për ta pyetur më pas. Pasi e kanë lënë për disa orë të qetësohej, Ornela është marrë sërish në pyetje nga përfaqësuesit e akuzës. Që nga momenti që është arrestuar, vetëm një orë e gjysmë pas vrasjes, studentja e vitit të tretë nuk e ka pranuar për asnjë çast vrasjen. Ajo madje nuk ka pranuar as të ketë shkruar letrën, ndërsa për fostoksinën e gjetur në çantë ka dhënë një argument jo fort bindës.

[Shpirt Njeriu]

Nata e parë pas vrasjes në godinën e vajzave

Frika pushton konviktin, studentet kthehen në shtëpi


--------------------------------------------------------------------------------



KORÇE

Një qetësi varri ka mbretëruar gjatë gjithë ditës së djeshme në godinën e vajzave të Qytetit Studenti. Lajmi i vrasjes së Suelës dhe imazhet e policëve që transportonin kufomën, e kanë bërë të tyren. Gjatë orëve të pasdites së të hënës, shumë prej prindërve që kanë mësuar për vrasjen në konvikt, kanë rendur në qytet me lutjen që e keqja të mos kishte trokitur në derën e tyre. Por edhe pasi është mësuar emri i viktimës, një pjesë e mirë e prindërve kanë vendosur që t'i marrin me vete në shtëpi vajzat e tyre. Ndërkohë, vajzat që nuk e kanë pasur këtë fat, kanë preferuar të kalojnë natën në dhomat e shoqeve të tyre, sa më larg katit të pestë ku ndodhi edhe vrasja. Deri në orët e vona të natës, kur janë fikur edhe dritat e fundit në dhoma, në hyrje të godinave ka qëndruar një ambulancë dhe një ekip mjekësh të urgjencës, të gatshëm për të ndërhyrë në rast të ndonjë të fikti apo shqetësimi tjetër shëndetësor të vajzave.

Ndërpritet mësimi
Mëngjesi i sotëm e ka gjetur të mbyllur katin e pestë të godinës. Të mbyllura janë edhe dhomat e katit dhe studentet kanë rënë dakord që ta hapin derën vetëm pasi të dëgjojnë një kod trokitjeje të vendosur mes tyre. Gjurmët e tronditjes dhe frikës nuk janë fashitur ende dhe, si për të kujtuar gjithçka ka ndodhur një ditë më parë, shërben edhe prania e ekspertëve të policisë, që po mbledhin detaje të ndryshme si prova në vendin e ngjarjes. Ndërkohë, studentët e anglishtes së vitit të dytë, shokët e klasës të Suelës, nuk zhvilluan mësim. Një grup djemsh dhe vajzash u paraqitën në dekanat dhe kërkuan që dita e martë për ta të ishte ditë pushimi. I gjithë kursi vendosi që t'i jepte lamtumirën e fundit shoqes së tyre në Përrenjas. Kështu, rreth orës 10.00 një autobus i prenotuar nga studentët u nis drejt qytetit të Suelës. Një nga shoqet e saj u shpreh se gjatë gjithë natës ishin në dilemë nëse do të shkonin apo jo në varrim. Kjo pasi familjarët ishin shprehur se nuk kishin asnjë lloj dëshire që në varrimin e vajzës së tyre të ishin studentët, pasi sipas tyre ishin këta studentë që e kishin marrë vajzën e tyre në qafë dhe që kishin hedhur baltë mbi të. Duke menduar se këto deklarime kanë qenë vetëm emocionale, ata vendosën që të niseshin. Ndërkohë, edhe studentët e tjerë të universitetit dukej qartazi se nuk kishin ndonjë dëshirë për mësim pas një nate të kaluar pa gjumë. Si rrjedhojë, pedagogët kanë vendosur t'i kryejnë orët e mësimit të shkurtuara.

Kontrolli në konvikt
Edhe pse mundoheshin më kot të devijonin, debatet e studentëve shkonin sërish tek e njëjta temë: vrasja në dhomën numër 62. Pothuaj të gjitha thashethemet konfirmonin se Iliri, i dashuri i Suelës, nuk kishte pasur asnjë qëllim ndaj Ornelës. Ishte kjo e fundit që mund të kishte krijuar iluzione se mund ta ndante atë nga Suela për ta bërë të sajin. Ndërkohë, studentët më skeptikë shpreheshin të bindur se gjithçka kishte ndodhur si pasojë e përdorimit të narkotikëve, të cilët janë të përhapur jo pak në konvikt. Dikush tregon se në godina shpërndahet hashashi si të jetë cigare. Dhe si të mos mjaftojë kjo, ka raste që në godinat e vajzave hyjnë edhe persona që nuk janë studentë. Nga ana tjetër, pas ngjarjes së rëndë drejtuesit e konviktit kanë vendosur rregulla të reja për të mbajtur nën kontroll çdo të papritur. Dje, kujdestarët kontrollonin në mënyrë të detajuar lëvizjet e konviktorëve. E gjithë kjo situatë tronditjeje duket se do të vazhdojë gjatë edhe në ditët e ardhshme në konviktin e vajzave. ro.be.


Pistoleta e krimit gjendet pas godinës

Pistoleta e krimit është gjetur vetëm pak orë pas vrasjes pas konviktit, rreth një kilometër nga vendi ku u vra Suela Sina. Sipas uniformave blu të Korçës, pistoleta është zbuluar gjatë natës së djeshme. Nga ekspertiza balistike e armës ka rezultuar se prej pistoletës ka dalë vetëm një plumb. Gjithashtu, ekspertët e Policisë Kriminale kanë fiksuar edhe shenjat e gishtërinjve të mbetura në armën e krimit. Në bazë të krahasimit të këtyre shenjave me ato të 21-vjeçares Ornela Çapollari, ka rezultuar se ato janë të njëjta. Kjo është një provë tjetër që në njëfarë mënyre bën me faj studenten e vitit të tretë të gjuhëve të huaja. Ndërkohë, mësohet se qitja nuk është bërë me puthitje, por është kryer nga një distancë prej 22 centimetrash.


Frika e hakmarrjes, studenti ruhet me policë

Studenti i vitit të katërt dega agronomi, Ilir Cano, tashmë mbahet në një vend të fshehtë dhe ruhet nga një polic. Sipas uniformave blu të Korçës, një gjë e tillë është bërë, pasi ai mund të rrezikohet nga ndonjë hakmarrje e mundshme nga dy familjet e prekura. Fillimisht 21-vjeçarin nga Pogradeci e kanë këshilluar që të mos shkonte më në punën e tij në lokalin "Tea", ku punonte si kamerier. Edhe gjatë marrjes në pyetje ditën e djeshme Iliri ka vazhduar të këmbëngulë se ai donte vetëm Suelën dhe nuk kishte asnjë lidhje me Ornelën.


Babai i Ornelës mbetet në qeli

Sapo ka mësuar lajmin tronditës, Çelik Çapollari ka lënë Pogradecin dhe është nisur në drejtim të Korçës për të marrë vesh më shumë për vajzën e tij. Por në duart e kryetarit të komunës së Zdërvastës tashmë janë shtrënguar prangat, pasi ai akuzohet për fyerje dhe kundërshtim të uniformave blu. Pasi është paraqitur në polici, uniformat blu të Korçës e kanë marrë babain e Ornelës e bashkë me të kanë shkuar në Pogradec për të bërë një kontroll në shtëpinë e tij. Por aty Çapollari i ka kundërshtuar uniformat blu, e në këto kushte policia ka vendosur që ta arrestojë. I të njëjtit mendim ka qenë edhe prokurori i çështjes, i cili ka pranuar arrestimin e tij deri në gjetjen edhe të autorësisë së armës së krimit.

[Shpirt Njeriu]

Psikologu i njohur ndërton portretin imagjinar të vajzës që vrau shoqen

Ç'e bën vrasëse një 20 vjeçare


--------------------------------------------------------------------------------

Edmond Dragoti


Ka dy mundësi që shpjegojnë krimin e 20-vje-çares, një agresivitet skajor dhe nje xhelozi skajore ose është tip i pakontrolluar emocionalisht ka...një disekuilibër emocional, ndoshta nga lindja, origjina, apo faktorë të kësaj natyre. Çrregullimi i personalitetit është ndonjëherë dukuri e adoleshencës, po fakti që është studente e vitit të dytë tregon që ka një personalitet të edukuar gabim, ka një formim të gabuar. Kjo vjen nga edukimi familjar i mangët, ose nga mungesa e edukimit familjar në tërësi. Ajo është edukuar në një shoqëri agresive, të dhunshme, ku vrasja, vdekja, dhuna janë natyra e dytë e komunikimit. Edhe dashuria për të ka kuptimin e një posiviteti dhe pronësie të rëndomtë dhe jo të një ndjenje të lartë fisnike shpirtërore. Ajo do të bënte të njëjtën gjë edhe nëse do t'i kishin marrë çantën, ose një letër sekrete të saj. Këto tipa kanë karakter të dyfishtë, nga njëra anë iu mungon identiteti personal dhe në përpjekje për ta formuar, ata luhaten midis nevojës për miqësi normale, që pranohet nga shoqëria dhe midis nevojës për të krijuar identitetin e të fortit, e të rëndësishmit e atij që bën ligjin. Dhe për të ruajtur këtë identitet fals ajo është gati që të rrezikojë edhe duke vrarë. Natyrisht këtu qëndron dallimi mes një mashkulli me identitet të fortë dhe një femre të tillë. Sepse femra e ka të vështirë t'i rezistojë atij ekuilibri mendor që ka mashkulli në momentin e kryerjes së veprimit. Femra e ka të vështirë të ruajë gjakftohtësionë dhe të marrë vendime të qeta, kur i duhet të dalë nga natyra e saj femërore dhe të tregohet e fortë. Secili është i suksesshëm kur reagon në mënyrën e vet. Femrat janë më të suksesshme kur reagojnë në nivelin e arsyetimit dhe të gjakftohtësisë. Burrat janë shumë të dhunuar psikologjikisht kur kanë gra gjaknxehta. Por fakti që edhe me provat e pakundërshtueshme ajo s'e pranon vrasjen, s'është tipar i karakterit të fortë. Aktualisht ajo është në një moment kthjellimi dhe e kupton që dënimi i saj nuk është vetëm ligjor por edhe moral. Domethënë ajo dënohet më shumë nga shoqëria e femrave dhe akoma më shumë pikërisht pse është femër. Prandaj e ka shumë të vështirë ta pranojë këtë realitet të ri".

[Shpirt Njeriu]

CEREMONIA NE PERRENJAS / Studentja e vrarë përcillet mes dhimbjes në banesën e fundit

Vëlla e motër, varrosen afër njëri-tjetrit
Familjarët: Ornela donte ta lidhte vajzën me shokët e saj


--------------------------------------------------------------------------------

ro.be.


PËRRENJAS

Ishte e veshur me fustan nusërie dhe e zbukuruar si për dasëm, por nga dera e shtëpisë nuk e ka nxjerrë përkrahu i vëllai, siç është zakoni shqiptar. Suela Sina, studentja e vrarë nga shoqja e saj e dhomës, është përcjellë dje për në banesën e fundit, ndërsa i vëllai i saj e priste atje. Përbri njëri-tjetrit, dy varre fare të rinj, ai i studentes 20-vjeçare dhe ai i të vëllait të saj, Bardhylit. Kortezhi i gjatë, që shoqëronte trupin e pajetë të studentes së universitetit "Fan Noli", arrinte deri në 2 kilometra. Dhimbja rëndon më shumë, kur vdekja vjen nga dora e miqve të shtëpisë. Ndërsa e ëma, Bajamja, porosiste me zë të birin e vdekur që të kujdesej për Suelën, se tashmë e kishte pranë. Vetëm një vit më parë, familja Sina kishte humbur edhe djalin e vetëm 27-vjeçar. Një ndërhyrje kirurgjikale në zemër, e parealizuar, kishte rezultuar fatale për të. Tashmë motër e vëlla prehen pranë njëri-tjetrit, nga vdekje të parakohshme.

Tragjedia
Mëse një vit më parë në familjen Sina ndodhi vdekja tragjike e djalit të tyre të vetëm. Vëllai i Suelës, Bardhyli 27 vjeç, ka vdekur gjatë një ndërhyrjeje tepër të vështirë kirurgjikale në një klinikë kardiokirurgjie në Stamboll të Turqisë. Por nuk ishte e thënë që vuajtjes e familjes Sina të mbylleshin me kaq, pasi vrasja e Suelës duket se i ka shkatërruar përfundimisht. Pas kësaj fatkeqësie, studentja e vitit të dytë të anglishtes u kishte qëndruar mjaft pranë familjarëve, ndërkohë që motra tjetër ndodhej në Australinë e largët. Ramiu e Bajamja gjithçka ia besonin asaj, pasi ajo u dukej si një burrneshë e vërtetë. Vajza e tyre mundohej t'u hiqte prindërve çdo hall e dhimbje shpirtërore. Por prindërit nuk e kishin menduar kurrë se tri ditë më pare, kur Suela u nis për në shkollë pas pushimeve të fundvitit, do ta përcillnin për herë të fundit. Si zakonisht, ata e kanë porositur edhe këtë herë që të bënte kujdes me shkollën e shoqërinë. "Prindërit nuk e kishin merak Suelën, pasi ajo ishte mjaft korrekte dhe serioze në universitet. Pas martesës së motrës në Australi dhe vdekjes së vëllait të vetëm, ajo ishte shndërruar në shtyllën e shtëpisë" rrëfejnë të afërmit.

Reagimi
Të dy prindërit e viktimës, të shoqëruar nga njerëzit e tyre më të afërt, kanë nxituar për në drejtim të qytetit të Korçës, ku dhe kanë parë vajzën e tyre të ekzekutuar nga plumbat. Pesha e dhimbjes është bërë shumë herë më e rëndë kur vrasëse e saj ishte bërë shoqja e dhomës, që nga famija Sina njihej edhe si mikeshë e tyre. Familja Sina e ka cilësuar hakmarrje primitive vrasjen e vajzës së tyre nga shoqja e saj e dhomës, Ornela Çapollari. "Ajo ka tentuar ta lidhë vajzën tonë me shokë të saj, gjë që Suela e ka refuzuar vazhdimisht dhe kjo duket e ka tërbuar atë. Ky qëndrim i Suelës duhet ta ketë vënë vrasësen në sedër përpara shoqërisë së saj", mësohet të kenë thënë familjarët. "Ajo nuk ka treguar ndonjëherë për ndonjë lidhje. Ishte shumë e sinqertë dhe nuk na fshihte asgjë, prandaj nuk e besojnë versionin që është paraqitur për vrasjen e saj", kanë deklaruar të afërmit.


Pas ngjarjes, e motra vjen nga Australia

Gentiana as për herë të fundit nuk ka për ta parë motrën e saj të vetme, pasi nga Australia e largët nuk kishte mundësi të vinte për ceremoninë mortore. Pas vdekjes së Suelës, tashmë ajo ka mbetur e vetme. Sipas familjarëve, ajo kishte kohë që nuk kishte ardhur në Shqipëri, ndërsa pas lajmit tragjik ajo u detyrua të marrë rrugën e gjatë për në shtëpi. Sipas familjarëve, vajza pritet të mbërrijë në Përrenjas mesditën e sotme, për të qëndruar së bashku me prindërit e saj në këtë tragjedi të madhe.


Ornela vizitoi shtëpinë e viktimës

Dy shoqet e dhomës, Ornela dhe Suela, ishin shumë të lidhura, madje shpeshherë shkonin edhe në shtëpitë e njëra-tjetrës. Vetëm dy ditë pas vitit të ri, Ornela kishte shkuar nga Pogradeci për në shtëpinë e Suelës, për ta uruar për festat e fundvitit. Gjatë vizitës në qytetin e Përrenjasit, vrasësja Ornela Çapollari ka bërë foto me viktimën e saj. Madje, ato së bashku kanë bërë shëtitje nëpër qytet dhe vizita te gjyshërit e Suela Sinës nga e ëma. Kudo studentet kanë lënë përshtypje të mira. Askush nuk ka qenë në dijeni për problemet që mund të kishin vajzat. Ndërsa akti makabër i dy ditëve më parë, që tronditi konviktin e universitetit "Fan Noli", as që shkohej ndër mend.


"Shoqëria s'ndikoi për mirë"

Familja nuk pranon studentët në varrim
Në varrimin e studentes së anglishtes, të universitetit "Fan Noli" në qytetin e Përrenjasit, kanë marrë pjesë mijëra vetë. Por të shumtë kanë qenë edhe ata që u refuzuan të merrnin pjesë varrim. Prindërit e Suelës nuk kanë pranuar që në ceremoninë mortore të merrnin pjesë studentët e ardhur nga universiteti "Fan Noli" në Korçë. Këta të fundit i kishin marrë leje rektorit të universitetit, Gjergji Pendavinji, për të marrë pjesë në këtë ceremoni. Por të afërmit e viktimës kanë qenë të prerë kur e kanë refuzuar pjesëmarrjen e tyre në ceremoninë mortore. Ata kanë preferuar që në këtë ceremoni të merrnin pjesë vetëm studentët nga Përrenjasi dhe të afërm të tjerë të familjes. Arsyeja, sipas tyre, ka qenë se edhe shoqëria ka pasur rolin e saj në këtë ngjarje të rëndë dhe të turpshme njëkohësisht. Madje, as pasditen e djeshme studentët nuk janë pritur në shtëpinë e viktimës, në shenjë mospranimi të moralit të asaj shoqërie.

Vetëm një vit më parë, familja Sina kishte humbur edhe djalin e vetëm 27-vjeçar. Një ndërhyrje kirurgjikale në zemër, e parealizuar, kishte rezultuar fatale për të. Tashmë motër e vëlla prehen pranë njëri-tjetrit, nga vdekje të parakohshme.

[Shpirt Njeriu]

vrasja e studentes
ngjarja

Pranga Orenela Capollarit, akuzohet për vrasjen e Suela Sinës. Policia: Kemi zbardhur ngjarjen


Plumb kokës shoqes së dhomës

Studentja xheloze e ekzekutoi, sepse i kishte marrë të dashurin


Vladimir Karaj & Fatjona Gjyla
Ekzekuton me një plumb në kokë shoqen e dhomës, ngaqë pretendonte se i kishte marrë të dashurin.

Studentja Ornela Capollari, 20 vjeç, ka qëlluar me pistoletë, duke lënë të vdekur Suela Sinën, vajzën me të cilën prej dy vjetësh jetonte në të njëjtën dhomë. Ngjarja ndodhi dje në qytetin e Korçës, në konviktin e universitetit “Fan Stilian Noli”. Burime nga policia thanë se ngjarja ishte e zbardhur dhe se pritej vetëm zbulimi i personit që i kishte dhënë armën e krimit, një pistoletë tip TT, 20-vjeçares. Si viktima, ashtu edhe e akuzuara si autore e krimit, ishin studente në degën e Anglishtes, viti III, madje që të dyja uleshin në të njëtën bankë. Policia tha se arrestoi një orë pas ngjarjes të dyshuarën, si dhe që ka shoqëruar të dashurin e dy vajzave, Ilir Cane.

Ngjarja
Gjithçka ka filluar rreth orës 14.00 në dhomën Nr. 61 të godinës 1 të konviktit të universitetit “Fan Stilian Noli”, kur Ornela Capollari, 22 vjeç, nga fshati Zdërvaskë i Pogradecit, ka qëlluar shoqen e saj konviktore, Suela Sina. Dëshmitarë okularë tregojnë se ajo ka qëlluar vetëm një herë, por në kokë, duke mos i lënë asnjë mundësi shpëtimi rivales së saj. Të parat në vendin e ngjarjes kanë qenë shoqet e tjera të dhomës, të cilat, të tmerruara, kanë vënë alarmin. Kujdestarja e godinës ka lajmëruar menjëherë policinë, që ka mbërritur po ashtu shumë shpejt në vendin e ngjarjes. Ndërkohë, autorja kishte gjetur mundësinë për t’u larguar duke marrë me vete edhe armën e krimit dhe duke e lënë vajzën me të cilën ndante bankën të përgjakur. Dëshmitarë okularë tregojnë se e kanë gjetur viktimën të rrëzuar në cepin e krevatit dhe të mbuluar me gjak. Kujdestarja e konviktit, Bardha Spaho, tregon se “ishte një çast tepër i dhimbshëm të shihje atë vajzë të shtrirë pajetë, e të mbuluar nga gjaku në buzë të krevatit dykatësh, ku ajo flinte së bashku me atë që e vrau”. Ajo është ende e tronditur, nga ngjarja dhe kur flet përlotet. “Jam e prekur dhe nuk mund t’ju sqaroj me detaje, por mund të them se ky është një rast që tronditi të 800 studentët që jetojnë në këtë konvikt”, tha Spaho.

Motivet
Një histori telenovelash. Një djalë lë të dashurën dhe lidhet me shoqen e saj të ngushtë. E braktisura vendos të hakmerret duke vrarë rivalen e saj. Motivi i gjithë ngjarjes makabre është hakmarrja për dashurinë e humbur. Sipas burimeve nga policia, të dyja vajzat kanë qenë të lidhura me studentin e Fakultetit të Agronomisë, Ilir Cane. Fillimisht ky ka qenë i lidhur me autoren, por më pas është ndarë prej saj dhe është lidhur me shoqen e ngushtë të së dyshuarës për vrasje. Këtu fillon edhe xhelozia mes dy shoqeve. Duket se prej kohësh Ornela kishte planifikuar vrasjen. Ajo ka siguruar një pistoletë, burimi i së cilës është ende enigmë për oficerët e policisë.

Arrestimi
Burime nga policia e Korçës thanë se, pasi ishte larguar për më shumë se një orë nga konvikti, Ornela Capollari ishte kthyer sërish në dhomën e saj. Pikërisht në këtë kohë policia që tashmë kishte mësuar atë që kishte ndodhur, ka bërë edhe arrestimin e saj. Ndërkohë që burime nga blutë theksuan se tashmë po punohej intensivisht për të zbuluar se ku dhe si kishte mundur ta gjente ajo armën me të cilën kreu vrasjen. Policia gjithashtu ka shoqëruar edhe të riun Ilir Cane, i cili ka qenë i dashuri i të dyja vajzave, por burime nga kjo e fundit thanë se për Canen nuk kishte asnjë akuzë deri tani dhe se ai do të merrej në pyetje për të sqaruar rrethanat e ngjarjes.



Pasaportat

Emri Ornela
Mbiemri Capollari
Mosha 22 vjeç
Vendlindja Pogradec
Arsimimi Studente
Universiteti Fan Noli
Dega Anglisht
Viti III


Emri Suela
Mbiemri Sina
Mosha 21 vjeç
Vendlindja Përrenjas
Arsimimi Studente
Universiteti Fan Noli
Dega Anglisht
Viti III



Fakte nga ngjarja

Studetja e ka ekzekutuar shoqen e saj me një plumb në kokë
Dy vajzat grindeshin prej kohësh për të dashurin, që pasi kishte lënë atë që dje u arrestua për vrasje, është lidhur me viktimën e saj
Pistoleta me të cilën është kryer krimi është një TT, origjina e së cilës ka mbetur mister
Policia ka arrestuar një orë pas ngjarjes të dyshuarën, e cila ishte kthyer vetë në konvikt, ku kreu edhe krimin
Vrasja është kryer në dhomën Nr. 61 të konviktit të vajzave në Korçë


Shoqërohet i dashuri i dy vajzave

Policia e Korçës ka shoqëruar dje edhe të dashurin e dy vajzave, Ilir Cane, student në vitin e katërt të Fakultetit të Agronomisë. Burime nga policia thanë se ende mbi të riun që duket se ka qenë edhe objekti i sherrit mes dy vajzzave, nuk ka asnjë akuzë. Gjithashtu, theksohet se ai është shoqëruar me synimin që të merret në pyetje nga ana e policisë për të sqaruar një sërë rrethanash të ngjarjes. Megjithatë, mbrëmë vonë i riu ka qenë i shoqëruar në qelitë e Komisariatit të Policisë së Korçës, ku edhe do të pyetet. Blutë theksuan se kanë mbetur pa sqaruar vetëm rrethanat në të cilat 20-vjeçarja Capollari ka siguruar armën e krimit.

[Shpirt Njeriu]

Dëshmia e autores së krimit në polici: Unë e vrava shoqen e dhomës


Miqësia mes Suelës dhe Ornelës

Flasin studentet: Urrejtja mes dy vajzave nisi në një party


Laureta Rryçi& Fatjona Gjyla
Pranon të ketë vrarë shoqen e dhomës, por nuk preferon të shpjegojë me detaje arsyet që e shtynë të kryejë krimin.

Burime nga policia e Korçës bënë të ditur për gazetën “Panorama” se arrestimi i autores nuk ka ndihmuar shumë në zbardhjen e ngjarjes, për shkak të gjendjes së saj depresive. Megjithatë, gjurmët e gishtërinjve dhe shumë prova të tjera tashmë vërtetojnë se autorja e vrasjes së Suela Sinës është Ornela Capollari. Ndërkohë, dëshmitë e shoqeve të të dyja vajzave i kanë ndihmuar më shumë inspektorët e çështjes për të mësuar kështu shkaqet e konfliktit.

Dëshmia e autores së krimit
“E vrava unë Suelën”. Me këto fjalë ka nisur dhe ka përfunduar rrëfimin e saj Ornela Capollari. Ndaj të gjitha pyetjeve të tjera ajo ka mbajtur qëndrim mohues, duke mos pranuar asgjë tjetër për momentin. Sipas burimeve nga policia e këtij qyteti, mësohet se autorja e krimit për momentin është në një gjendje depresive dhe deri në orët e vona të mbrëmjes nuk ka treguar se kush e ka ndihmuar për gjetjen e armës.

Dëshmitë e studenteve
“Gjithçka ka filluar nga një ndjenjë e përbashkët që viktima dhe autorja kishin për një djalosh 22 vjeç, edhe ky student, në degën e Agronomisë”, tregojnë studentet që kanë pasur njohje edhe me viktimën dhe me autoren. Më tej ato kanë shpjeguar se viktima 20- vjeçare, Suela Sina, jetonte në këtë konvikt tashmë prej 2 vitesh, dhe ishte një vajzë e qetë, shumë e sjellshme. Ndërsa për Ornelën nuk kanë të njëjtën mendim. Sipas tyre, Ornela ishte agresive dhe e rrëmbyshme si tip, madje jo pak herë ajo kishte pasur konflikte edhe me shoqet e tjera. Kohët e fundit ajo kishte nisur të shoqërohej me Ilirin, por shoqëria e tyre ka acaruar së tepërmi Ornelën, e cila sipas rrëfimit të studenteve çmendej për të. “Ornela kishte filluar ta urrente shoqen e saj Suelën që prej një nate kur Suela dhe Iliri po kërcenin së bashku në një party”, tregojnë studentet. Shoqja e ngushtë e viktimës që gjeti dhe trupin e saj të pajetë, Blerina Bardhi, tregon se Suela erdhi në Korçë mëngjesin e ditës së hënë si çdo javë për të shkuar në mësim. Në pushimin pas orës së parë, Ornela ka kërkuar të takohej me Suelën në banjot e universitetit. Por viktima nuk ka pranuar, sepse e dinte për çfarë do të bisedonin. Ndërkohë, po sipas Bardhit, Ornela e ka ndjekur gjatë gjithë ditës Suelën dhe kërkonte me ngulm që të qëndronte vetëm për vetëm me të. “Mbasdite Ornela e ka pritur tek cepi i konviktit për orë të tëra dhe kur e kanë pyetur shoqet se kë po priste, ajo iu është përgjigjur për Suelën”, tregoi studentja. Më tej ajo ka përfunduar se: “Me t’u kthyer Suela në konvikt ajo u kërkoi dy shoqeve të tjera të dhomës që t’i linin vetëm. Disa minuta më vonë u dëgjua një zhurmë, por jo e fortë. Kur hyra në dhomë, pashë se Suela ishte mbuluar në gjak. Ndërkohë, sipas pohimeve të studentëve të godinës tjetër të konviktit, autorja e vrasjes doli qetësisht, sikur të mos kishte ndodhur asgjë, por shtrëngonte në dorë një send të mbështjellë me xhupin e saj. Kur policia po kërkonte autoren ajo kaloi para tyre indiferente dhe vetëm gjysmë ore më vonë është kthyer përsëri në konvikt.



Kujdestari mbyll konviktin

Drejtori i Konviktit, Vladimir Dine, pas ngjarjes nuk i ka lejuar përfaqësuesit e mediave të futen në konvikt. Në të njëjtën kohë, ai nuk ka preferuar të shprehet për ngjarjen në fjalë dhe as të komentojë sjelljen e dy vajzave, të cilat jetonin prej dy vitesh në konviktin që ai kishte në kujdetari. Ndërkohë, dhe studentet që kanë qenë në konvikt e kanë pasur të vështirë të dalin për disa orë me radhë nga dhomat, për shkak të panikut të krijuar.



Si e mësoi familja lajmin

Familja e viktimës e mësoi nga televizioni atë që i kishte ndodhur vajzës së tyre. Të afërm të familjes thanë se kishte qenë nëna, Bajame Sina, që kishte dëgjuar rastësisht në lajme për ngjarjen dhe i kishte rënë të fikët, kur kishte dëgjuar emrin e Suelës. Menjëherë pas kësaj janë alarmuar edhe pjesëtarët e tjerë të familjes. Madje, një pjesë e tyre së bashku me prindërit, janë nisur menjëherë për në Korçë, për të mësuar të vërtetën mbi atë që kishte ndodhur. Shoqet që kishte në shtëpi studentja, treguan se nuk e dinin që ajo mund të kishte të dashur dhe se ishin çuditur, që ajo mund ta kishte pësuar pikërisht nga një histori dashurie. Babai i viktimës quhet Rami Sina dhe prej kohësh punon shofer në ambulancën e qytetit të Përrenjasit. Familja jeton në katin e parë të një pallati dykatësh në këtë qytet. Të afërm thanë se ata kishin humbur një vit më parë një tjetër fëmijë. Vëllai i viktimës kishte vdekur në Turqi gjatë një operacioni të komplikuar në zemër. Të njëjtët persona treguan se në mungesë të prindërve ngushëllimet janë bërë për disa orë në shtëpinë e gjyshërve nga nëna. Më pas, rreth orë 21.00, trupi i pajetë i studentes ka mbërritur në shtëpinë e saj.



kronologjia

0ra 14.00
Ornela Capollari ka arritur ta bindë shoqen e saj, Suela Sinën, që të bisedonin vetëm për vetëm në lidhje me studentin që dashuronin të dyja. Pa kaluar pak sekonda, Sina gjendet e mbuluar në gjak nga një plumb në kokë.
0ra 15.00
Policia e qytetit të Korçës arreston si ekzekutore të studentes, shoqen e saj të dhomës, Ornela Capollarin. Kjo e fundit pranon ta ketë vrarë, por jo të argumentojë arsyet qe e shtynë të kryejë krimin.
0ra 17.00
Prindërit e viktimës, Rami dhe Bajame Sina, bashkë më disa të afërm të tjerë mbërrijnë në Korçë për të mësuar mbi ngjarjen dhe për të marrë trupin e pajetë të vajzës së tyre. Ata e kishin mësuar lajmin nëpërmjet mediave.
0ra 21.00
Trupi i pajetë i 20-vjeçares mbërrin në qytetin e lindjes, në Përrenjas. Në shtëpinë e saj, që është mbuluar në vaj, po e prisnin të afërm dhe bashkëmoshatarë të Suelës. Sot pritet të kryhet ceremonia e varrimit.

[AngelGirl]

Nuk mund ta shpjegoj sa keq qe me vjen per ate gocen, qe ka humbur jeten kaq e re dhe per arsyen e shoqes saj psikopate(si mund ta quajn shoqja e saj kur i mori jeten). Imagjino ajo goc se iku tani, po familja e tyre, sa vuajn, atyre do ti ket humbur shpresa per cdo gje ne jet.
Por njerezia sot ka ikur nga fiqiri, nuk i thret mendja me aspak se cbejne, shofin filma shum edhe i duket cdo gje si jet filmash. Po ajo psikopate qe ka mar guximin ta bej kete gje, si se ka menduar qe nuk do fitoj asnje gje me cfar beri thjesht do haj burg ter jeten, por sic thash, idjote se ska.
Sic e tha Shkodrane82 ne postin e saj me siper, qe seshte arsye e mjaft per tu vra dikush, ta mori te dashurin ose burrin, ti uroj fat te dyve, se din zoti se si tja shperblej sjelljen atyre njerezve.

Kur degjon kshu gjerash, dhe mendon qe ke degjuar edhe me keq, qe i ka ndodhur njerzve edhe nga pjesetar te familjes te hyp fryka ti kesh besim njerzve dhe te zesh shoqeri me njeri.

[kolombi]

NJE VALLEZIM NE NJE MBREMJE I KUSHTON JETEN 20-VJECARES


Besim Dybeli

Prrenjas - Per fat te keq historia e dhimbshme ne universitetin e Korces ngjan me telenovelat meksikane qe ekranet shqiptare i transmetojne pa kursim. Me te vetmin ndryshim qe protagonistet e tyre jane dy vajza dhe nje djale shqiptar. Si per paradoks ngjarja tragjike do te ndodhte ne qytetin e Korces qe ka njohur civilizimin perendimor nje shekull me pare. E pabesueshme qe "aktoret" e kesaj ngjarjeje te dhimbshmejane tre studente dhe per me teper shoke dhe miq mes tyre. Xhelozi patologjike?! Gen "ekstra" shqiptar per te vrare ?! Apo triumf i ligjeve kanunore?! Ndoshta triptiku i ketij versioni, qe nuk lidhet vetem me kete ngjarje ne vendin tone, do te kerkonte te mblidhte koke me koke jo "Keshillin e te urteve", por fuqine e shtetit me mendjen e psikologeve. Ne Korce eshte shuar nje jete e re ende pa provuar c'eshte jeta. Tek e fundit ngjarja mbart si prolog dhe epilog bashke, "te vrasesh ne moshen e dashurise..."!

Historia


Tashme ajo eshte rrefyer. Ndoshta radhet e ketij shkrimi me teper se per informacion shtese le te percillen si homazh per nje jete qe nuk gelon me. Suela dhe Ornela ishin me teper se shoqe. Ato priteshin me te njejtin respekt ne familjet e njera-tjetres. Shtepise se Sueles per festen e Vitit te Ri do t'i shtohej dhe Ornela. Nje kujtim ne celuloid ka mbetur nga shoqeria e tyre dy ore perpara se te shtrohej banketi i kesaj feste me prinderit e Sueles ne Prrenjas. Askush nuk besonte se fotoja e asaj nate ne studion e qytetit te Prrenjasit do te ishte e fundit ne albumin e tyre te perbashket. Per shoqerine e dy vajzave grupi studentor flet shume. Per xhelozine qe kish lindur mes njera-tjetres, shume pak. Pikenisje ka qene nje motiv adoleshent. Pse Suela kish kercyer ne nje mbremje me mikun e Orneles, Ilir Camo, student i vitit te katert ne degen agronomi. Pas kesaj, Ornela do te ushqente xhelozi ndaj mikes se saj, Sueles.

Fundi i nje historie

Zgjidhja e ketij konflikti moshor dhe sentimental ka qene teper fatale. Si ne jo pak raste, gryka e nje arme ka "zgjidhur" kontradikten antagoniste. Me sa duket, Ornela Capellari kishte dite qe priste te zbatonte "vendimin" e saj. Ka krijuar mundesine qe ne dhome te mbeteshin tek per tek. Tek e fundit kete rast ka insistuar ta kerkoje Ornela. Suela kurre nuk do ta besonte se mikja e saj do te fshihte poshte xhaketes nje pistolete qe me pas do t'i merrte jeten. Gjithcka ka perfunduar ne pak minuta. Suela e gjakosur dhe pa jete ne dyshemene e dhomes, Ornela gjakftohte dhe indiferente per te mos rene ne sy te grupit te policise qe sapo kishte mberritur ne konvikt. Pak me vone vrasesja do te kapej dhe do te ndalohej nga policia. Ndersa prinderit e Sueles jane befasuar nga ekranet televizive e jane derdhur ne lot teksa kane degjuar emrin e vajzes se tyre te vrare. Trupi i saj do te sillej ne Prrenjas rreth ores dy pas mesnates se te henes. Ne dhomat e paraburgimit te policise se Korces do te shtoheshin dhe dy te ndaluar. Ornela Capellari dhe Ilir Camo, miq mes tyre, do te silleshin ne qeli vec e vec. Policia, tashme vec marrjes ne pyetje te te dyve, konsiderojne si paresore zbardhjen e enigmes se armes pistolete.

Varrimi


Gati i tere qyteti i Prrenjasit dje ne mesdite ne pak minuta ka qendruar ne heshtje. Rralle kish ndodhur qe ai bulevard i ngushte dhe i vetem te percillte mbi shpine nje moshe kaq te re te fikur aq tragjikisht. Arkivoli ne pak metra eshte mbajtur mbi supe. Mbuluar me mendafsh te kuq e lule te po kesaj ngjyre, gati sa nuk "shqyhej" nga e ema, Bajamja, dhe i ati, Rahmiu. Pak kohe me pare ata kishin perjetuar te njejten fatkeqesi. Nga nje semundje ne zemer, do t'u vdiste ne nje klinike te Stambollit, djali i tyre i vetem, Bardhi. Pas kesaj jetonin edhe mallin e vajzes se madhe, martuar dhe emigruar ne Australi. E vetmja shprese per t-_tur si djale e vajze ne pleqeri kish mbetur Suela, qe studionte per anglisht ne Universitetin e Korces. Dhe kjo u shua. Qindra qytetare ne Prrenjas do te qendronin ne cepat e trotuareve ne shenje homazhi dhe respekti per Suelen 21-vjecare qe dilte nga ky qytet plot plage per te mos u kthyer me kurre.

Varrimi i heshtur

Kortezhi i gjate me qindra makina e dhjetra autobuse, sikur mezi zvarritej neper rrugen qarkore qe te conte ne varreza, ne Perendim te qytetit. Pak zemra jane zbutur nga lutjet e fundit te hoxhes per kurmin e Sueles. Ajo eshte varrosur mes loteve te papara dhe dhimbjes qe nuk zbutet kurre per prinderit e saj dhe motren e vetme qe nuk ka mundur ta qaje motren pa u varrosur. Kjo eshte historia e nje moshe te brishte, ndoshta perkon me shoqerine tone ende te brishte, por te mbushur me vaje dhe lot. Ato ishin dy mike, por nuk u ndane keshtu nga kjo jete. Njera, viktime e pafajshme, dhe tjetra, vrasese ne depresion, por per nje banalitet xhelozie ...


PS Ne shqipet e kemi zakon qe mbi hallet dhe vajtimet e te tjereve te tallim..................
Histori te tilla ndertojne vecse skenare tragjedish shoqerore,qe mjere kujt ti zene deren per ti mbajtur.
Shume postime jane fshire nga une,nuk ja vlejne muhabetet e pazarit kur nje familje fut ne dhe nje 20-vjecare,cilado te kene qene arsyet.
Morti dhe i vdekuri respektohen.

[MisCongeniality]

---------------------------------------------

Nje ngjarje e pazakonte ndodhi sot pasdite ne qytetin e Korces. Nje zenke per ceshtje dashurie mes dy studenteve te Fakultetit te Gjuheve te Huaja ka perfunduar tragjikisht. Studentja e anglishtes nga Pogradeci Ornela Cepollari, qelloi me pistolete duke e lene te vdekur ne vend, shoqen e dhomes nga Perrenjasi Suela Sina 20 vjec. Policia ka mberritur menjehere ne vendngjarje dhe po heton mbi motivet e kesaj tragjedie. Sipas burimeve te policise rajonale te qytetit te Korces studentja vrasese Ornela Cepollari u vu ne pranga nderkohe qe trupi i pajete i studentes nga Perrenjasi, u dergua ne morgun e qytetit ne pritje te marrjes nga prinderit e viktimes.

Perse s'me cudit ky lajm kaq tragjik???