Moisiu i njeh Enver Hoxhës statusin e veteranit

[Brari]

Data: 20/10/2006, ora

Moisiu: Unë e Sollaku, në një llogore, s’kam menduar kurrë ta shkarkoj



Deklarata të forta antiparlamentare të Alfred Moisiut, në emisionin televiziv “Shqip”. “Edukimi ushtarak nuk më lejon të tërhiqem në asnjë rast”, deklaron Moisiu, në mënyra kanunore. “S’kam hetuar për dosjen parlamentare” që e vonoi tre muaj, lë të kuptohet kryetari i shtetit “pasi s’kam menduar për asnjë moment se Sollaku ka qenë i përfshirë në botën e krimit, pasi ky do të ishte fundi i shtetit”. Alfred Moisiu - i vendosur të angazhohet në mbrojtjen, edhe në të ardhmen të Dhorit, pasi, siç tha edhe vetë, nuk mund të vepronte ndryshe. Dyshime të forta për legjitimitetin e ardhshëm të sjelljeve të Presidentit, gjatë muajve të mbetur të mandatit presidencial



Presidenti Alfred Moisiu ka deklaruar dje se nuk e ka shkarkuar Theodhori Sollakun, pasi në plan të parë nuk ka patur kushtetutën e ligjin, por edukimin e tij ushtarak, që e mëson të mos bëjë hapa mbrapa në kohë paqeje(!) “Nuk jam edukuar që të tërhiqem nga pozicioni. Unë jam edukuar të qëndroj në pozicionin tim, deri në fund. Këtë pozicion, që ma ka besuar Kuvendi i Shqipërisë dhe populli shqiptar, unë do ta mbaj deri në fund, duke ushtruar me përgjegjësinë më të lartë, në mënyrë të ndershme, detyrat që mua më takojnë. Unë nuk mund të bëhem, në asnjë mënyrë, protagonist i një sherri në politikën shqiptare”, është shprehur Alfred Moisiu dje, gjatë një interviste për emisionin “Shqip”. Presidenti nuk ka mundur të japë asnjë emër për këshilltarët e huaj që ai ka pajtuar për të pyetur për çështjen “Sollaku”. “Besoj se nuk ka shumë rëndësi se cilët janë emrat e specialistëve! Mjafton t’ju them se gjithë ata e njohin Shqipërinë, sepse kanë qenë disa herë këtu. Ata janë, jo thjesht njohës teoricienë të së “Drejtës Kushtetuese”, por janë njohës praktikë të zhvillimeve kushtetuese në vendin tonë, që nga fillesat e para të hedhjes së kushtetutës sonë e deri në përfundimin e saj, por ajo që është shumë e rëndësishme, ata kanë ndjekur edhe aplikimin e saj”, deklaroi Moisiu, pa dhënë asnjë emër. Moisiu e ka patur bindje të tij të brendshme mosshkarkimin e Sollakut dhe kjo ka ndikuar në marrjen e vendimit, para se të shqyrtonte dosjen hetimore të Kuvendit. “Sikur pak të dyshoja për një gjë të tillë, brenda 24 orëve do ta kisha mbyllur këtë çështje, duke e shkarkuar Prokurorin. As mund ta mendoj ndryshe, sepse kjo do të ishte një katastrofë; do të ishte një shembje e shtetit tonë,” është shprehur Moisiu që, çuditërisht, e identifikon ekzistencën e shtetit me Sollakun që i vranë shoferin në mes të rrugës! Për të zbutur reagimet, Moisiu ka deklaruar se duhet që, në të ardhmen, të përcaktohet mandati i prokurorit të përgjithshëm. Tjetër gjë e re në emisionin e televizionit “Top Channel” ka qenë fakti se Moisiu mendon se, meqenëse është i katërti apo i pesti kryeprokuror që hiqet brenda këtyre viteve; i bie mesatarisht një prokuror, të jetë tre vjet në detyrë. Kjo, sipas tij, nuk ndodh në asnjë vend tjetër. Çudia e radhës është se Presidenti Moisiu nuk i referohet Maqedonisë për rastin e Prokurorit, por përmend shkarazi problemet në Hungari e Gjermani dhe më pas, ndalon tek një shembull francez, madje duke e konsideruar Sollakun - burrë shteti. “Rastësisht, lexova këto ditë një shkrim të Sokol Ballës, ku përmendej rasti i Presidentit të Francës, i cili kishte dy vjet që përpiqej të shkarkonte Prokurorin e Përgjithshëm dhe s’kish arritur dot. Në fund, i nxorën në televizion të dy bashkë, në një mëngjes pune, duke ngrënë bashkë dhe duke punuar; kjo është jeta. Nuk është e udhës që, me qenë se nuk u shkarkua Prokurori i Përgjithshëm, apo se nuk u arrit dot të mënjanohet si figurë shtetërore, me të duhet të rri me kokë mënjanë. Këto janë veprime që nuk mund të ndodhin me burrat e shtetit”. Moisiu ka përmendur edhe CV e babait të tij, për të hedhur poshtë akuzat që rëndojnë mbi të, duke sqaruar se Spiro Moisiu ka qenë oficer madhor i ushtrisë së Zogut dhe mund të jetë i vetmi që nuk na la ndonjë shtëpi. “Unë nuk mund të them se është zotësi apo pazotësi e tij, ndërkohë që kolegët e tij kishin, jo vetëm shtëpi, por kishin më shumë se një shtëpi; ishte mënyra e ndershme e të jetuarit të tij, të cilën ma ka lënë trashëgim edhe mua, e unë ua kam lënë trashëgim fëmijëve të mi. Kjo është mënyra jonë e të konceptuarit të jetës.

Vërtet habitem kur dëgjoj disa deklarata të bëra në emër të një force politike, që më kanë çuar deri në Kolumbi! Ato janë, jo vetëm qesharake, por edhe për të ardhur keq, sesi mund të hidhet baltë kështu mbi kryetarin e shtetit, aq më tepër pa asnjë bazë fare. Ky është një turp! Unë e konsideroj turp për ata që e kanë bërë dhe që lejojnë të bëhen këto gjëra! Nuk mund të bëhen akuza të tilla të këtij karakteri”, deklaroi Moisiu.

Moisiu, i vendosur për shpalljen e zgjedhjeve në janar/Presidenti Moisiu ka deklaruar dhe një herë se do shpallë datën e zgjedhjeve brenda ligjeve dhe kushtetutës që kemi ne, maksimumi është java e tretë e muajit janar, por sipas tij, “nëqoftëse, do të arrihet konsesnus që kjo të jetë një datë e mëvonshme, atëhere unë nuk kam asnjë kundërshtim, vetëm se kjo duhet të reflektohet në “Kodin Zgjedhor”, në ligjin e ri, pasi me këtë “Kod” që kemi, ne nuk mund të flasim për datë tjetër”. Ai pohoi se nuk do të shpallë asnjë datë, pa kaluar 15 nëntori.

Re. Po.




55

[Xhuxh Xhumaku]

Gazeta Metropol

Vlora, dekoratë Presidentit

29 Nentor Në ditën përkujtimore të 28 Nëntorit në Vlorë, Presidentit të Republikës, Alfred Moisiu, iu akordua nga Këshilli i Bashkiak i Vlorës titulli “Qytetar Nderi i Vlorës”, me motivacionin “Për përfaqësimin dhe mbrojtjen me dinjitet të unitetit të popullit dhe të interesave tona kombëtare; për kontributin dhe meritat e veçanta në forcimin e imazhit qytetar dhe promovimin e traditës, vlerave historike, kulturore e turistike të Vlorës; për humanizmin dhe drejtësinë në trajtimin e çështjeve dhe problemeve më të ndjeshme të qytetarisë vlonjate”.

Për këtë nderim, Presidenti Moisiu falënderoi bashkinë dhe këshilltarët e saj, qytetarët dhe familjet vlonjate, si dhe u siguroi atyre se do të vazhdojë të punojë me të gjitha forcat dhe energjitë e tij për t’i shërbyer vendit dhe shtetit me besnikëri dhe idealizëm, ashtu siç e ngarkon Kushtetuta.

“Nderimi që më bëhet nga Vlora e Pavarësisë, është për mua nderimi më i madh që më është bërë gjatë karrierës time mbi 50-vjeçare në shërbim të shtetit shqiptar”, tha Moisiu.
----------------------------------------------------------------------------

... dhe lotet e ngasherrimit ridhnin curk neper faqet bucko te gjeneralit per mos-nderimin qe i ishte bere nga Zona e I Operative dikur mbas Luftes se Dyte Boteror, por qe ai e coi nderin e familis ne vend.

[Brari]

banda hakmarrja e vlonjatve kanibale altin orik i jep dekorate moisi qyqarit..

dh.its i jati kur bente sehir vrasjet pas shpine te bandave te enver-dushanit.. gjet luftes "clirimtare" dizet e di..dyzet e 5-se ..(se pastaj humbi spirua nga skena ku ishte si kontorno sallate) ..dhi.ts dhe i biri.. qe u eshte nenshtruar shpellave te krimit..
prandaj e dekoron mafia..

pra nuk eshte vlora e pamvaresise qe ja jep kte levdate..po krimi..

thx sali per kte peshqesh qe ja bere shqiptareve..
thx dhe per dhorin..

[Brari]

shkoder13 .. ma sqaro dhe njihere ate rastin e atyre krimineleve qe ka fale moisiu.. qe ti e permende nje dite ketu..

----

rd

Praktika korruptive në faljen e kriminelëve nga Moisiu

Deputetja e PD do të kërkojë që Presidentit t'i kufizohet e drejta e faljes në vitin e fundit të mandatit të tij"


Deputetja e Partisë Demokratike, Majlinda Bregu, u shpreh dje se deklaratat e Presidentit se ka patur një numër të madh deputetësh që kanë propozuar persona për të përfituar nga falja, nuk anashkalon detyrimin e tij për verifikimin e personave të amnistuar. Ajo theksoi se në rast se ekzistojnë shkaqe të arsyeshme, Presidenti mund të mos e marrë parasysh kërkesën e deputetëve. Bregu i kërkoi Presidentit Moisiu që të paraqesë qëndrimin e tij të vërtetë për informacionet që po publikohen në media, për praktikat abuziviste e korruptive përmes të cilave janë lënë të lirë persona me precedentë penalë të rrezikshëm. "Institucioni i Presidencës duhet të japë informacion për praktikat abuzive dhe korruptive të këtij dekreti, deklarata që kanë mbetur të papërgënjeshtruara deri tani", u shpreh deputetja e mazhorancës. Ajo bëri publike marrjen e një nisme ligjore për kufizimin e të drejtës së faljes nga ana e Presidentit në vitin e fundit të mandatit. "Sot, ju bëj të ditur se në këto ndryshime do të kërkoj që Presidentit t'i kufizohet e drejta e faljes në vitin e fundit të mandatit të tij", u shpreh Bregu, duke sqaruar se ligji në fjalë daton që nga viti 1981, ndërkohë që ndryshimet e tij të bëra gjatë kësaj kohe konvertojnë vetëm emërtimet e institucioneve. Bregu vlerësoi se lirimi i personave me precedentë të rrezikshëm penalë përbën një dekurajim për sistemin e drejtësisë, pasi, siç tha ajo, një nga elementët e dënimit penal, siç është presioni i shoqërisë dhe institucionet që e përfaqësojnë atë, nuk janë marrë parasysh. "Shpresoja që dekreti i Presidentit të ishte një mesazh rehabilitimi shoqëror për gratë dhe të miturit, por qëndrimi i pandjeshëm ndaj këtyre kategorive sociale apo ndaj atyre që sistemi i vuajtjes së dënimit u ka rezultuar i efektshëm dhe që me të vërtetë e meritojnë faljen, më detyron të ndërmarrë këtë nismë për ndryshimin e ligjit për faljen", sqaroi më tej ajo. Bregu, duke iu referuar deklaratave të Moisiut në fillim të mandatit të tij, theksoi se në mënyrë të përsëritur, Presidenti është shprehur se nuk do të falë vrasës dhe trafikantë, persona që kanë marrë vite të konsiderueshme dënimi nga sistemi i drejtësisë. "Nuk di se çfarë kriteresh ka patur parasysh Presidenti në dekretet e tij të mëparshme të faljes, pasi në këtë dekret kanë përfituar nga falja persona për të cilët Ministria e Drejtësisë ka dhënë mendim negativ", ka nënvizuar deputetja, duke shtuar se konkretisht, kjo ministri ka propozuar që t'u falet plotësisht dënimi vetëm 19 personave. "Për 18 persona është kërkuar nga Ministria e Drejtësisë të përjashtohen nga çdo lloj falje, pasi kanë qenë të dënuar për vrasje, shfrytëzim prostitucioni, pengmarrje, trafik narkotikësh dhe madje të gjykuar edhe nga Gjykata e Krimeve të Rënda", vlerësoi më tej Bregu. Ajo theksoi se kanë përfituar nga falja e Presidentit 4 persona të dënuar për vrasje në rrethana rënduese, 2 për tentativë vrasje, 12 për vjedhje me armë, 9 për trafikim lëndësh narkotike në sasi edhe prej gjysmë toni, 1 për favorizim prostitucioni.


Ylber Drazhi