Version i ri i Adobe Reader dhe Acrobat

[edspace]

Adobe ka nxjerrë këto ditë versionet 7.0 të Adobe Reader dhe Adobe Acrobat.

Adobe Reader ka qënë i njohur me emrin Acrobat Reader por mori emrin Adobe Reader kur doli versioni 6, i cili kishte shumë probleme dhe është tepër i ngadaltë në hapjen e dokumenteve PDF. Pas shumë ankesash, Adobe arriti të rregullojë gabimet në versionin 7.0 që është më i shpejtë dhe ofron disa funksione të reja për hapjen e MP3, videove, flash etj. Për ata që kanë versionin 6.0 ose ata që i përdorin shumë PDF, është mirë të hiqni versionet e vjetra dhe të instaloni versioni e ri. Adobe Reader përdoret vetëm për të lexuar PDF.

Programi është falas dhe mund ta merrni këtu.

Gjithashtu Adobe nxorri edhe versionin e ri të Adobe Acrobat, program ky që jo vetëm i lexon por edhe i krijon dokumentat PDF.

PDF lejojnë që të përdorësh dokumenta të formateve të ndryshe pa patur programin që ka krijuar të dokument. Psh: Dokumentat spreadsheet të excelit i hapim vetëm në kompjuterat që kanë të instalur Microsoft Excel (program me para). Për të shmangur këtë gjë, skedarët në formate të ndryshëm kthehen në PDF dhe pastaj mund të lexohen nga të gjithë njerëzit që kanë Adobe Reader. Dokumentat PDF ruajnë cilësinë dhe formën e dokumentit origjinal dhe janë njësoj sikur të kishe një copë letër përpara. PDF mund të lexohen në ekran ose të printohen në letër, të zmadhohen ose zvogëlohen, të shfletohen si libër, të mbushen si formularë, të firmosen me firma dixhitale, të vulosen, stamposen, të bësh shënime, etj. Pra gjithçka që mund ta besh me një copë letër, mund ta bësh edhe me PDF.

Adobe Acrobat vjen në tre versione të rendituara sipas funksioneve që kryejnë.
Adobe Acrobat Elements
Adobe Acrobat Standard 7.0 - $300
Adobe Acrobat Professional 7.0 - $450

PDF mund të krijohen edhe me programe të tjera që janë falas, por Adobe ka shpikur këtë teknologji dhe sigurisht që bën edhe programet më të mira.

Për të krijuar PDF të thjeshta, mund të kurseni $300 duke përdorur programin PDF995 që është falas. Për programe të tjera mund të lexoni edhe këtë temë.