Tigri I DashurisË

[SkenderRusi]

TIGRI I DASHURISË

Tri gra, si tri pikëçuditëse,
Me trupin e tyre,
Ngritën një trekëmbësh
Të më varin.

Më pas,
Prenë të trija gërshetat,
Bënë me to litarin.


Por asnjëra
S’guxonte t’i binte me këmbë,
Fronit të zi ku më hipën!

Kish mbërritur ime shoqe
E shndërruar në tigër!



GRUAJA E QIELLIT

Avionin e përpinë retë
Dhe unë s’e kuptoja dot,
E kishte fajin një biletë,
Apo ne bashkë u ulëm kot!

I lidhëm rripat qetë-qetë,
Me pakëz frikë,natyrisht!
E kishte fajin një biletë,
Apo m’u ule qëllimisht!

S’të fola se nuk desha vetë!
Se ç’kam ca trille të mëdha!
Ty desha të të njoh në qiell,
(Në tokë kam njohur qindra gra!)

Në qiell desha të të njoh,
Ku lindin zjarret dhe rrufetë!
Ku do na shohë vetëm Zoti,
Që ta dha ty këtë biletë!


Në ndodhtë të të them një fjalë,
Që nuk e nxe as qielli vetë,
Mos merr inat,se s’kam faj unë,
Po kjo shejtanka-dreq biletë!

[My_Soul]

TIGRI I PRONES


Kish mbërritur ime shoqe
E shndërruar në tigër!

Te fal njeri sot per pronen...Lufte benet.