Lajme nga Hackers

[Miremengjes]

Arrestohet hajduti online i 20 bankave


Një ekspert i fushës së informatikës me ndihmën e disa hacker-ave të sofistikuar, ka arritur që të vjedhë rreth 20 banka kombëtare. Hajduti-online i bankave private, kryente këto veprime që nga shtëpia e tij me ndihmën e një kompjuteri të lidhur online. Ai kishte disa javë që merrej me këtë vjedhje moderne dhe do ta vazhdonte këtë proçes deri në falimentimin total të bankave. Me ndihmën e hackerave, hajduti 38-vjeçar kishte arritur të ndërhynte dhe të prishte për një farë kohë (disa minuta) rrjetin kompjuterik të bankave, dhe gjatë këtij intervali kohor ai ishte në gjëndje të kalonte shuma të mëdha parash. E gjitha kjo bëhej pa arritur të identifikohei nga asnjë punonjës banke. Paratë u vidheshin kryesisht qytetarëve të zakonshëm dhe shoqërive aksionere dhe më pas shuma e depozitohej në një llogarinë e një personi tjetër që nuk ekzistonte. Hajduti online pasi kishte arritur të ndërhynte dhe të vidhte pothuajse në të gjitha bankat kombëtare, kishte si qëlllim të privatizonte aksionet e kompanive të ndryshme private. Pasi ndryshoi vendodhjen për arsye sigurie, ai u zhvendos në një hotel në afërsi të Riminit në Itali. Që nga hoteli hajduti online pasi kishte tentuar disa herë të bënte disa blerje të mëdha, ra në grancën që i kishte ngritur policia lokale. Policia ishte vënë në dijeni të këtij fakti disa ditë më parë, dhe e vetmja mënyrë që të arrestohej ishte bashkëbisedimi në rrjet me hajdutin duke u hequr si kompani që shet aksione. Hajdutit online në momentin e arrestimit iu sekuestruan edhe disa fatura të shkëmbimeve valutore, karta bankomat, shumë karta krediti dhe një sasi e madhe eurosh.
Marre nga Shekulli.com.al
Nga :Atnand Kola