Gjuha Shqipe Edhe Ne Microsoft:

[by_durrsaku]

TANI MUND TE KERKOSH NE GJUHEN SHQIPE NE MICROSOFT
http://www.microsoft.com/downloads/s...displaylang=sq

[edspace]

Kjo është gjë shumë e mirë dhe tregon se Microsoft e merr seriozisht përkthimin në gjuhën Shqipe. Shpresoj që ky përkthim të jetë bërë nga profesionistë dhe të jetë sa më i saktë.

Ka njeri më shumë informacion se kush ka bërë përkthimin? Cila pjesë janë përkthyer?

[Mister Enigma]

Është e mirëseardhur kjo dhe edhe mua shumë më vjen mirë që më në fund edhe faqja e Microsoft-it flet shqip.
Se a është punuar nga profesionistë për këtë nuk ma merr mendja fare pasi vetëm në faqen e pare të cilën e klikuam bashkë ka disa gabime.
Ndër to:
Në titull: shkakimeve - shkarkimeve
Faqe Kryesore e Qendrës së Shkarkimeve - Shumë më e logjikshme do të ishte të thuhej në trajtën e shquar "faqja"; po ashtu as fjala "kryesore" s'ka nevojë të fillojë me shkronjë të madhe
nga Microsoft në dhjetra gjuhë - nga Microsoft-i në dhjetëra gjuhë
Azhurimet - Azhurnimet (në një vend tjetër shkruhet mirë)
Faqe të Ngjajshme për Shkarkim - Faqe të ngjashme për shkarkim (pra pa pikë nevoje është nisur me të madhe çdo fjalë);
opcinale - opcionale;
opcinale - opcionale;
Të Gjitha - Të gjitha
Afisho Gjithashtu edhe Shkarkimet në Anglisht - Afisho gjithashtu edhe shkarkimet në anglisht
Kushtet e Përdorimit - Kushtet e përdorimit
Shkarkimet Ndërkombëtare - Shkarkimet ndërkombëtare
Gjej shkarkime në gjuhë tjera - Gjej shkarkime në gjuhë të tjera
3 hapa që do sigurojnë... - 3 hapa që do të sigurojnë...

Gjithashtu është kontestuese a duhet të shkruhet me të madhe apo jo Qendra e Shkarkimeve. Në këtë faqe përmendet katër herë kjo fjali. Tri herë shkruhet "Qendra e Shkarkimeve" kurse një herë Qendra e shkarkimeve. Po ashtu e kemi "Qendra për Shkarkim" e duhet "Qendra për Shkarkime".

[edspace]

Të njëjtën gjë vura re dhe unë, prandaj thashë "shpresoj". Megjithatë më mirë një përkthim i çalë në Shqip sesa një faqe në gjuhë të huaj.
I dërgova një email faqes në lidhje me këto problemet që të jemi në kontakt me përkthyesin dhe mbase bën korrigjimet e nevojshme. Kur të më kthejnë përgjigje, do ta postoj këtu.

[Davius]

pershendetje...
a keni iformata se kush eshte ai qe ben perkthimin ne shqip, a eshte ndonje lektor i mire apo dikush tjeter...

[Mister Enigma]

Unë nuk kam ide, as Edspace.
Pajtohem me atë që thuhet se më mirë një përkthim i çalë sesa hiç. Por unë u kam lakmi gjuhëve të huaja që i përkthejnë kryesisht pa gabime.
Shpresojmë se pasurohet dhe përmirësohet përkthimi në shqip jo vetëm këtu por kudo.

[besart]

Ky është një lajm shumë i mirë, e sa për gabimet shpresoj qe në te ardhmen ato do të korigjohen e sidomos te përmirësohet fjala "Mirë se vini" me fjalen "Mirësevini"; sidoqoftë unë e pershendes përkthyesin për punen e berë!

[[xeni]]

lajm shume i mire...

[Mister Enigma]

Besart, "Mirë se vini" është në rregull.

[besart]

Besart, "Mirë se vini" është në rregull.

Ndoshta është, ndoshta e kam gabim unë, por kisha lexuar nuk e di se ku një artikull në lidhje më këtë dhe në fund shkruante se e drejtë është të shkruash Mirësevini dhe jo Mirë se vini.

Nëse e gjej këtë artikull se ku e kam lexuar dhe kush e ka shkruar patjetër se do ta postoj këtu.

Nëse unë e kam gabim, atëherë kërkoj falje.

Sidoqoftë faji është i imi sepse nuk duhet të merret parasysh githë ajo qe lexojmë, pa e ditur saktë nëse është e vertetë.