Lajme ekonomike

[Gerrard]

Komisioni parlamentar i Ekonomisë miratoi dje projektligjin "Për qendrën kombëtare të regjistrimit". Sipas relacionit që shoqëron këtë projektligj, synohet që të përmirësohen dhe thjeshtohen procedurat e hyrjes në treg të operatorëve tregtarë të rinj, të reduktohet korrupsioni, informatizimi i të dhënave dhe harmonizimi i plotë i procedurave të regjistrimit sipas standardeve europiane. Ky projektligj, u shprehën deputetë të këtij komisioni, nuk është një nismë e shkëputur, por pjesë e një pakete planesh veprimi për reformën rregullatore në funksion të përmirësimit të klimës së biznesit. Bazuar në përvojën më të fundit ndërkombëtare për regjistrimin e biznesit, përmes këtij projektligji eliminohet përfshirja e drejtpërdrejtë e gjykatave në procesin e regjistrimit, reduktohet niveli i kapitalit minimal të paguar si dhe krijohet mundësimi i regjistrimit elektronik.

Krijimi i Qendrës Kombëtare të Regjistrimit të Binzesit do të jetë një institucion qendror, në vartësi të Ministrisë së Ekonomisë dhe të Energjitikës me autoritet të plotë vendimmarrës për procesin e regjistrimit tregtar, misioni i së cilës do të jetë të ofrojë një zyrë me një ndalesë (one-stop-shop) për regjistrimin e biznesit, mbajtjen e regjistrit tregtar, si dhe një bazë të dhënash elektronike të unifikuar.

[Gerrard]

Të ardhurat e realizuara nga ndërmarrja e portit të Vlorës rezultojnë të jetën rreth 20 për qind më të larta gjatë tre mujave të parë të këtij viti, krahasuar me të njëjtën periudhë të vitit 2006. Të dhëna nga drejtoria e portit bëjnë me dije se, ky tregues është më i larti në një periudhë shumëvjeçare. Sipas tij, gjatë dy viteve të fundit, të ardhurat e portit janë rritur në mënyrë të ndjeshme, gjë që është reflektuar dhe në treguesit respektivë. Kështu, gjatë vitit 2006 të ardhurat u rritën me rreth 15 për qind më shumë në krahasim me vitin 2005. Rritja e treguesve bazë të aktivitetit të portit të Vlorës është rrjedhojë e reformave të ndërmarra, të cilat kanë synuar, veç të tjerash edhe në transformimin e administratës dhe rritjen e efektivitetit të punës së saj. "Ndërmarrja e portit të Vlorës funksionon me statusin e shoqërisë aksionere dhe po merr një profil bashkëkohor, e aftë për të përballuar kapacitetet në rritje", - saktësuan zyrtarë të këtij institucioni. Sipas tyre, administrata është lehtësuar nga disa hallka të tepërta dhe në të janë përfshirë një numër specialistësh të mirëfilltë. Kjo është shoqëruar dhe me përmirësimin e organizimit në sistemin e vetë ndërmarrjes dhe në bashkëpunimin e saj me subjektet e tjera shtetërore apo private, që veprojnë në territorin e portit. Për rrjedhojë, është rritur llojshmëria dhe cilësia e shërbimeve që ofrohen në port, kundrejt subjekteve të treta, gjë që është shoqëruar me përmirësimin e treguesve përkatës. Riorganizimi i bashkëpunimit me subjektet e tjera dhe shfrytëzimi i kapaciteteve në mjediset portuale është reflektuar edhe në përballimin e periudhave të pikut, me ardhjen dhe largimin e emigrantëve në pushimet e verës dhe festat e fundvitit. Kjo është shoqëruar edhe me rritjen e nivelit të shërbimit.

[Gerrard]

Krijimi i Qendres Kombetare te Regjistrimit ka marre dje miratimin e Komisionit Parlamentar te Ekonomise. Sipas relacionit qe shoqeron kete projektligj synohet qe te permiresohet dhe thjeshtohen procedurat e hyrjes ne treg te operatoreve tregtare te rinj, te reduktohet korrupsioni, informatizimi i te dhenave dhe harmonizimi i plote i procedurave te regjistrimit, sipas standardeve evropiane. Ky projektligj, u shprehen deputete te ketij komisioni, nuk eshte nje nisme e shkeputur, por pjese e nje pakete planesh veprimi per reformen rregullatore ne funksion te permiresimit te klimes se biznesit. Bazuar ne pervojen me te fundit nderkombetare per regjistrimin e biznesit, permes ketij projektligji eliminohet perfshirja e drejtperdrejte e gjykatave ne procesin e regjistrimit, reduktohet niveli i kapitalit minimal te paguar, si dhe krijohet mundesimi i regjistrimit elektronik. Krijimi i QKR do te jete nje institucion qendror, ne vartesi te METE-s, me autoritet te plote vendimmarres per procesin e regjistrimit tregtar, misioni i te ciles do te jete te ofroje nje zyre me nje ndalese (one-stop-shop) per regjistrimin e biznesit, mbajtjen e regjistrit tregtar, si dhe nje baze te dhenash elektronike e unifikuar.

[Gerrard]

Barclays Plc, banka e trete me e madhe ne Britani, ka realizuar marreveshjen per blerjen e gjigantit financiar gjerman, ABN Amro, kundrejt 67 miliarde eurove. Ne marreveshje ABN Amro ka rene dakord te shese bazen ne Chikago LaSalle Bank to Bank tek America Corp. Nga ana tjeter, Barclays's do te marre ne zoterim bazen e ABN Armo ne Amsterdam dhe do te krijoje nje kompani me 217 mije punonjes, 47 milione kliente, duke krijuar keshtu banken e dyte me te madhe te tregut valutor, ndermjet bankave evropiane. Nga kjo kontrate aksionet e ABN Amro u rriten me 45 cent ose 1.2 per qind.

[Gerrard]

Gjate vitit 2006 nga Ministria e Ekonomise, si dhe ato te linjes, u rishikuan 135 licenca, leje dhe autorizime, ne fusha te tilla si: ne miniera, karburante, transport, bujqesi dhe ushqim, peshkim, mjedis, administrim ujerash, pyje dhe kullota, shendetesi, dogana, mbrojtja nga zjarri. Por nisur nga fakti se licencimet jane fushe problematike, METE ka propozuar qe te eliminohen si te panevojshme 24 lloje licencash, si dhe te reduktohen kerkesat per numrin e dokumenteve per pjesen tjeter ne masen 30-40%. Per kete qellim, deri tani jane zbatuar rekomandimet per 35 leje dhe licenca. Deri ne muajin qershor 2007 do te zbatohen rekomandimet edhe per 44 leje dhe licenca, ndersa, pjesa tjeter do te zbatohet deri ne fund te vitit. Reforma ne fushen e licencimit, e ndermarre nga METE, parashikon futjen e disa risive dhe parimeve te reja, sikurse jane kalimi nga para-kontrolli tek post-kontrolli dhe kontrolli i vazhdueshem; aplikimi i parimit te miratimit ne rastet kur institucionet pergjegjese nuk pergjigjen ne kohe, si dhe aplikimi i sanksioneve per keto institucione, c'ka siguron zbatimin e parimit te pergjegjshmerise se administrates.

Nga ana tjeter, reforma parashikon mbeshtetjen e kerkeses per licence ne deklarimin e pergjegjesive nga kerkuesi per garantimin e kerkesave te ligjit dhe aplikimin e sanksioneve te forta ne rastet e deklarimeve te rreme, c’ka siguron zbatimin e parimit te pergjegjshmerise se biznesit. Sipas burimeve te METE, ne kete kuader parashikohet edhe heqja e te gjitha kerkesave te teperta per licencimin ne nje fushe specifike.

[Gerrard]

Pol Ulfovic, presidenti i Bankes Boterore, qe keto kohe eshte ne qender te polemikave, vazhdon perpjekjet per te ruajtur postin ne institucionin me te madh boteror per zhvillim ekonomik. Personeli i Bankes nuk i ka reshtur thirrjet per doreheqje pas dyshimeve se ai ka favorizuar mikeshen e tij. Bordi ekzekutiv i Bankes zhvilloi ditet e fundit nje takim te gjate per te debatuar se cfare masash duhet te marre. Ne pamundesi per te arritur nje perfundim, bordi me 24 anetare po ngre nje komision per te bere rekomandime lidhur me te ardhmen e Ulfovicit. Burime te aferta me debatin thone se vendimi per ta pushuar nga puna Ulfovicin ose per te lejuar qendrimin e tij ne post do te merret nga qeverite anetare te Bankes. Mandati i tij perfundon pas tre vjetesh. Debati perqendrohet ne rolin qe Ulfovici ka luajtur per t’i dhene nje rritje te majme rroge nje punonjeseje te Bankes me te cilen kishte marredhenie intime.

[Gerrard]

Gjate muajve prill, maj dhe qershor do te perfshihen ne tendera 42 objekte te infrastruktures rrugore me fondet e buxhetit te shtetit. Ja objektet dhe vlerat per secilin

Blerina Hoxha

Fondet per ndertimin dhe rikonstruksionin e rrugeve nacionale te parashikuara per t’u ndertuar nga kontributet e buxhetit te shtetit gjate ketij viti kane hyre ne fazen e prokurimeve. Jane rreth 1 miliard leke, ose me shume se 10 milione dollare, te cilat gjate muajve prill-maj dhe qershor do te futen ne procedurat e konkurrimit te hapur per te ndertuar akse rrugore, qe i perkasin rrjetin nacional, rrugeve turistike dhe veprave te tjera te artit. Lajmi u be i ditur nga burimet zyrtare ne Ministrine e Transportit dhe Telekomunikacionit, te cilat shpjeguan, gjithashtu, se ndarja e fondeve per permiresimin e infrastruktures rrugore eshte bere konform prioriteteve. Keshtu me shume se 51 milione leke do te disbursohen keto dy muaj per disa shtesa punimesh ne pese lotet e rruges se re Durres-Morine, qe i perkasin segmenteve nga Kalimashi ne Kukes. Po keshtu, gjate ketij viti buxheti i shtetit do te mbeshtese me rreth 60 milione ndertimin e rrugeve paralele te autostrades Tirane-Durres. Po keshtu, ne liste financimi jane edhe ndertimi dhe rikonstruksioni i rrugeve turistike, ku bejne pjese aksi i jugut me rrugen e Rivieres pergjate bregut te Jonit dhe po keshtu edhe permiresimi i rruges se Velipojes. Plani i investimeve ne rruge kete vit ka perfshire edhe investime ne rruget hyrese te qyteteve dhe akset qe lidhin pikat kufitare me qytetet e vendit.

Ndersa fondet e planifikuara per vitin 2006 realizuan kryerjen e punimeve ne 209 projekte rrugore (si ndertime, sistemim rreshqitjesh, sistemim-asfaltime dhe riveshje, ndertim urash dhe mbikalime, ndertim vepra arti, riparime dhe pajisje me sinjalistike per sigurine rrugore). Gjithashtu, u hartuan 52 projekte rrugore dhe u kryen 14 shpronesime per interes publik te pronareve, qe preken nga ndertimi i segmenteve rrugore.

Per periudhen e vitit 2006 fondet e planifikuara per rrjetin rrugor kombetar u realizuan ne masen 99%.

Rrjeti rrugor ne Shqiperi me te gjitha llojet e rrugeve, ku mund te levizin automjetet, eshte rreth 18.000 kilometer i gjate, ku 3.636 kilometer jane rruge nacionale, Megjithese denduria e tij eshte e krahasueshme me ate te fqinjeve, raporti i rrugeve te asfaltuara nuk eshte i tille. Vetem 12.4% te rrugeve nacionale jane te asfaltuara Ky raport eshte 63% ne vendet fqinje dhe mjaft me i larte ne Evrope. Gjendja aktuale e rrjetit rrugor eshte e dobet, me vetem 32% te rrugeve nacionale ne gjendje te mjaftueshme dhe te mire. Por, gjendja keqesohet akoma me shume per arsye te mirembajtjes se pamjaftueshme.

[Gerrard]

Drejtoria e Përgjithshme e Doganave ka nisur dje zbatimin e fazës së parë të "Memorandumit të Mirëkuptimit mbi asistencën në fushën e doganave, në kuadër të projektit të Korridorit VIII" (Projektit "Dogana Mezzogiorno-Ballkani").
Ky memorandum për Ministrinë e Financave të Republikës së Shqipërisë është nënshkruar nga Përparim Dervishi, drejtor i Përgjithshëm i Doganave dhe për Ministrinë e Zhvillimit Ekonomik të Republikës Italiane nga Vincenzo Donato, drejtor i Shërbimit për Marrëdhëniet me Vendet e Treta.
Qëllimi i "Memorandumit të Mirëkuptimit mbi asistencën në fushën e doganave në kuadër të projektit të Korridorit VIII" (Projektit "Dogana Mezzogiorno-Ballkani") është lehtësimi dhe përshpejtimi i qarkullimit të mallrave në Korridorin VIII, kryesisht me anë të unifikimit dhe thjeshtimit të procedurave doganore në vendet që përshkon ky korridor, duke rritur njëkohësisht sigurinë në ruajtjen dhe qëndrimin e këtyre mallrave në zonat doganore.
Konkretisht, ky projekt, pjesë e rëndësishme e Korridorit VIII, do të krijojë lehtësi në qarkullimin e mallrave mes Italisë nëpërmjet porteve të Barit dhe Brindizit dhe vendeve të Korridorit VIII, Shqipërisë (Durrës, Tiranë), Bullgarisë (Sofje, Varna) si dhe Maqedonisë nëpërmjet Shkupit.
Qeveria italiane, një nga mbështetëset kryesore të Korridorit VIII, ka miratuar projektin "Mezzogiorno-Ballkani" Në fazën e parë të zbatimit të tij ka miratuar fondin prej 300000 eurosh "Asistencë për Doganat". Në këtë fazë të parë do të bëhet vetëm një studim për identifikimin e nevojave, të cilat pastaj do përballohen me financime të tjera. Ekspertët italiane kanë zhvilluar një takim me drejtorin e Përgjithshëm të Doganave, Përparim Dervishi, të cilin e njohën me etapat e zbatimit të këtij projekti.
"Synojmë të identifikojmë zgjidhjet më të përshtatshme për përmirësimin e sigurisë së mallrave gjatë qëndrimit të tyre në doganë në funksion të liberalizimit të tregtisë mes dy vendeve tona”, - deklaroi kreu i delegacionit italian, Ettore Spalletta."
"Memorandumi i Mirëkuptimit mbi asistencën në fushën e doganave në kuadër të projektit të Korridorit VIII" (Projekti "Dogana Mezzogiorno-Ballkani") do të zgjasë 24 muaj dhe përbëhet nga 4 faza si vijon: Analiza e kontekstit legjislativ, administrativ, sigurimi i rekomandimeve në lidhje me masat e nevojshme të miratuara deri në ristrukturimin e procedurave doganore, hartimi i një plan-veprimi, prezantimi tek palët përfshirëse në këtë memorandum i nismave që do ndërmerren në nivel kombëtar dhe ndërkombëtar për të siguruar fondet e nevojshme, bënë të ditur burime të Drejtorisë së Përgjithshme të Doganave.

[Gerrard]

Në raportin e politikave të zhvillimit të telekomunikacioneve, pritej që në fund të vitit 2005, Albtelekomi të kishte mbi 450 mijë abonentë, por ai aktualisht vazhdon të ketë nën 300 mijë abonentë, ndërsa ka shënuar rritje fare minimale të të ardhurave nga viti në vit. Nëse do të kishte investuar në teknologji dhe shtimin e rrjetit dhe do të kishte kryer një menaxhim me mentalitetin e një privati, natyrshëm do të kishte rritur tregun e saj dhe shtuar të ardhurat. Duke pasur parasysh ritmet e rritjes në vitet e mëparshme dhe të shoqërive të rajonit, pritej që Albtelekomi, në kushtet e një tregu në rritje dhe administrimi të mirë, të kishte të paktën 5-10% rritje të të ardhurave çdo vit, duke filluar nga viti 2001. Me këto ritme rritjeje, në fund të 2006-s, Albtelekomi duhet të kishte të paktën 20 miliardë lekë të ardhura, apo 7 miliardë lekë (rreth 70 milionë USD) më shumë, sesa të ardhurat e pritshme të vitit 2006. Pa llogaritur këtu të ardhurat, që do të siguroheshin nga operatori celular Eagle, që duhet të kishte filluar punë prej një viti, apo dhe efektin që do të sillte një operator i tretë celular në uljen e çmimeve të tarifave të larta të telefonisë së lëvizshme. Një krahasim indirekt, por që të paktën jep një ide mbi potencialet e tregut, në rast se ai arrin të shfrytëzohet mirë, është ecuria e shoqërisë së telefonisë celulare AMC (nuk mbetet prapa as Vodafne), e cila pas privatizimit ka arritur të ketë ritme rritjeje mjaft të larta të të ardhurave prej 15-20% në vit, normë fitimi më të lartën nga shoqëritë e grupit mëmë Cosmote, ndërsa numri i abonentëve në Shqipëri kohët e fundit e kaloi 1 milionëshin, apo 1/3 e popullsisë. Në vitin 2006, të ardhurat e pritshme të Albtelekomit janë pothuajse të njëjta me ato të vitit 2001 dhe madje më të ulëta se në vitin 2002. “Arritja” më e madhe e dy-tre viteve të fundit ka qenë vetëm mbajtja nën kontroll e shpenzimeve.
Këto rezultate të Albtelekomit, rrjedhojë e keqmenaxhimit dhe e problemeve të borxheve me dy shoqëritë celulare, AMC dhe Vodafone, i mbajtën larg investitorët e mëdhenj të huaj, pavarësisht faktit se Albtelekomi vepronte në një treg pothuajse monopol, që shihet mjaft tërheqës, me potenciale të larta rritjeje, që udhëhiqeshin nga një kërkesë e lartë konsumatore. Albtelekomi iu shit mëse dy vjet më parë turkes Çalik Energji (me një përvojë të pakët në fushën e telekomunikacioneve), për 120 milionë USD, në një kohë që 9.9% e aksioneve të Telekomit të Maqedonisë (një treg me rreth 2 milionë banorë) u shitën pak muaj më parë në bursë për 60 milionë euro dhe shuma minimale që shteti maqedonas shpreson të fitojë nga shitja e 45% të aksioneve të veta është 275 milionë euro.

[Gerrard]

Kreu i Bankës së Shqipërisë, Ardian Fullani, do të prezantojë sot në komisionin e Ekonomisë, raportin vjetor të BSH-së. Sipas këtij raporti, vitin e kaluar shqiptarët kanë depozituar në banka plot 5.2 miliardë dollarë. Gjatë vitit 2006 depozitat në lekë kanë pësuar rritje. Normat pozitive të interesave realë janë shoqëruar me rritje të mëtejshme të depozitave në lekë. “Depozitat në lekë janë rritur me 38 miliardë lekë gjatë vitit 2006, duke plotësuar nevojat prej 35.9 miliardë lekësh të ekonomisë dhe të qeverisë për kredi në monedhën kombëtare”, thuhet në raportin e BSH-së. Ruajtja e ritmeve pozitive të depozitave ruan ekuilibrat e kërkesës ndaj ofertës për mjete monetare, ndërsa interesi real mbetet në intervale të qëndrueshme mbi 2 për qind.