Lajme ekonomike

[Gerrard]

Ne baze te nenit 4 per deklarimin dhe kontrollin e pasurive, te detyrimeve financiare te te zgjedhurve dhe te nepunesve publike, subjektet deklarues duhet te deklarojne brenda dates 31 Mars te cdo viti

Inspektoriati I larte i deklarimit dhe kontrollit te pasurive, e konsideron te mbyllur afatin ligjor te deklarimit te interesave private periodike/vjetore. Ne baze te nenit 4 per deklarimin dhe kontrollin e pasurive, te detyrimeve financiare te te zgjedhurve dhe te nepunesve publike, subjektet deklarues duhet te deklarojne brenda dates 31 Mars te cdo viti, gjendjen deri me 31 dhejtor te vitit para-ardhes te pasurive, burimet e krijimit te tyre si dhe te detyrimeve financiare.

[Gerrard]

Mbyllja e magazinave doganore ne Durres ka bere qe importet e mallrave te bëhen nga portet greke apo të Malit të Zi

Mbyllja e magazinave doganore ka bllokuar tranzitin e mallrave nga Durrësi në drejtim të Kosovës dhe Maqedonisë. Sipas specialistëve, kjo është humbje e besimit ndaj biznesit shqiptar. Por në të njëjtën kohë, biznesmenët kosovarë dhe maqedonas janë fuqizuar duke arritur të bëjnë importimin e tonelatave të mallrave, pa qenë e nevojshme t’i tranzitojnë në Portin e Durrësit. Kjo i ka shkaktuar një humbje të konsiderueshme portit. Tashmë, importet e mallrave po bëhen nga portet greke apo të Malit të Zi, të cilat po njohin fitime kolosale nga këto importe.
MAGAZINAT
Ka më shumë se një vit që tranziti i mallrave nga Durrësi në drejtim të Kosovës është bllokuar. Shkak për këtë është bërë mbyllja e magazinave doganore të tregtarëve grosistë, të cilët dikur operonin me këto dy vende fqinje. Gjatë periudhës që përfshin vitet 2000 deri në 2005-ën, kanë kaluar tranzit në Kosovë dhe Maqedoni disa milionë tonelata mallra, të cilat kryesisht përbëheshin nga karburante, sheqer, oriz dhe materiale ndërtimi, si pllaka, tulla e tjergulla. Të gjitha këto sasi mallrash, të cilat importoheshin nga vendet perëndimore, pasi mbërrinin në Portin e Durrësit, sistemoheshin nëpër magazina doganore dhe më pas, pjesë-pjesë nisnin rrugën për në qytetet e Kosovës dhe të Maqedonisë.
MBYLLJA
Në fillim të vitit 2006, me një urdhër të qeverisë, magazinat doganore u mbyllën. Që prej asaj kohe, ende nuk janë hapur më. Me gjithë këtë vendim, paratë e taksave për këto magazina, të paktën për vitin 2006, u volën nga ana e qeverisë. Që nga ajo periudhë ka përfunduar dhe koha e artë e tranzitimit të mallrave nga ana e tregtarëve të mëdhenj shqiptarë, në drejtim të dy vendeve fqinje, pasi nuk kanë mundësi magazinimi provizor, sikurse e përmban edhe ligji. Në atë kohë, edhe fitimet ishin të mëdha.
Një situatë e tillë ka bërë që miliona lekë të mos qarkullojnë më në vendin tonë, si dhe disa dhjetëra kamionistë dhe agjenci transporti të mbeten pa punë. Gjatë periudhës kur është kryer tranziti i mallrave, për çdo vit kalonin matanë kufijve, mesatarisht 50 mijë ton sheqer e oriz, si dhe 120 mijë ton karburante.
REAGIMI
Në Doganën e Durrësit sqarojnë se bllokimi i tranzitimit të mallrave nuk ka të bëjë me bllokimin e magazinave doganore. Por, ai ka të bëjë me fuqizimin e biznesmenëve kosovarë dhe atyre shqiptarë nga Maqedonia, të cilët i kryejnë vetë importet e mallrave nga Perëndimi. Ndërsa për disa ekspertë të tregtisë detare në Durrës, bllokimi është rezultat i humbjes së besimit të partnerëve të tretë të huaj ndaj atyre shqiptarë. Por, këto importe kanë shmangur në një masë të madhe Portin e Durrësit dhe realizohen nga portet greke apo nga portet e Malit të Zi, të cilët po njohin fitime të mëdha nga importi i këtyre mallrave.

[Zemrushja]

Koha e regjistrimi të biznesit, në dy vitet e fundit është shkurtuar vetëm me 2 ditë Kostoja e hapjes së një biznesi për 2006, ishte 2 herë më e lartë se mesatarja e rajonit

Në bashkëpunim me projektin e mësipërm, Ministria e Ekonomisë, Tregtisë dhe Energjetikës ka propozuar krijimin e Qendrës Kombëtare të Regjistrimit, me autonomi të plotë vendimmarrëse, në lidhje me procesin e regjistrimit tregtar, si një "zyrë me një ndalesë ("one-stop-shop") " për regjistrimin e biznesit.

Procesi i reformimit të regjistrimit do të realizojë nëpërmjet kësaj qendre, shndërrimin e procesit të regjistrimit nga një proces miks (gjyqësor dhe administrativ) në një proces tërësisht administrativ. Regjistrimin në një ditë të vetme, me një hap të vetëm, më pranë përfituesve dhe tërësisht elektronik.

Për t'u regjistruar, një biznesi të ri edhe për 2006 i janë dashur 11 veprime procedurale, 39 ditë dhe 580 USD. Të dhënat jepen nga raporti i Bankës Botërore "Doing Business 2006". Vështirësitë për të bërë biznes në Shqipëri, janë pranuar dje edhe nga ministri i Ekonomisë, Genc Ruli, gjatë një takimi me biznesmenë. Ruli ia ka hedhur fajin për këtë situatë administratës shtetërore, e cila, sipas ministrit të Ekonomisë është e paaftë. "Ky është një problem serioz që duhet të marrë zgjidhje me shpejtësi. Kemi shumë respekt për administratën, por nuk është kristalizuar akoma sensi i të shërbyerit. Interesi i vendit për investimet tuaja dhe të të tjerëve, është më shumë jetik se çdo vend tjetër i Evropës. Shqipëria ka nevojë për investime.

Në rast se çdo zyrtar do të kishte parasysh këtë fakt, jam i sigurt se do të rriste 3-4 herë shpejtësinë e bashkëveprimit me ju",- tha ministri i Ekonomisë, Ruli. Nga ana tjetër, ministri Ruli është shprehur se administrata prish natën atë që ekzekutivi bën ditën. "Progresi në fushën e tokës dhe ndërtimit është i pjesshëm. Ka patur aktivitete të paralizuara në fushën e doganave dhe tatimeve. Zbatimi i parimit të konsultimit periodik me biznesin, kërkon një reformë të harmonizuar dhe jo takime parciale dhe spontane",- tha Ruli. Gjatë fjalës së tij, Ruli ka vlerësuar se procesi i regjistrimit vazhdon të jetë i fragmentarizuar, i bazuar kryesisht në kontaktin e drejtpërdrejtë ndërmjet të interesuarve dhe nëpunësve shtetërore. "Për t'i dhënë zgjidhje kësaj situate, Qeveria Shqiptare dhe Qeveria e Shteteve të Bashkuara të Amerikës nënshkruan me 3 prill 2006, Marrëveshjen e Pragut të Sfidës së Mijëvjeçarit për Shqipërinë, i cili po asiston në tri projekte të mëdha, ndër të cilat edhe ai i reformimit të procesit të regjistrimit",- ka deklaruar Ruli.

Regjistrimi i biznesit, në 2 vjet, koha shkurtohet 2 ditë

Të nisësh një biznes të ri në Shqipëri, kërkon një afat ditor prej 39-ditësh. Sipas raportit të fundit të Bankës Botërore, "Nisja e një biznesi më 2006-ën", Shqipëria është nga vendet e rajonit që ka koston më të lartë ditore për të hapur një biznes të ri. Kjo, kuptohet, për shkak të procedurave mjaft burokratike e ligjore. Për të nisur një aktivitet, një biznesmeni shqiptar i kushton shumë më tepër se homologut në rajon dhe të vendeve të tjera të zhvilluara. Sipërmarrësit duhet të kalojnë 11 hapa për të hapur një aktivitet, për një kohë totale prej 39 ditësh. Nga ana tjetër, si numri i ditëve dhe i procedurave, është më i lartë në krahasim me mesataren e vendeve të rajonit. Ndërsa kostoja e hapjes së një biznesi është shumë më e lartë në Shqipëri. Kostoja totale e nisjes së një biznesi për Shqipërinë, llogaritet të jetë rreth 578 dollarë në 2006, nga 647 dollarë që ishte në vitin 2005.

Në krahasim me vitin 2005, kemi një rënie me 69 dollarë të kostos, për të hapur një biznes. Ndërkohë që në fqinjin tonë, Maqedoni, ku ditët e hapjes së një biznesi janë 18, pagesa për hapjen e një aktiviteti të ri, janë 1.3 herë më pak sesa ato në Shqipëri, 267 dollarë. Pra, ende jemi në një gjendje të vështirë, pasi fqinjët tanë kanë procedura më të shpejta dhe kosto më të ulët. Vendi tjetër i rajonit, Bullgari, që ka një numër prej 32 ditësh për hapjen e një aktiviteti të ri, ka një kosto totale prej 270 dollarësh. Në këtë studim të bën përshtypje edhe rasti i Turqisë, e cila e ka përmirësuar procesin për fillimin e një biznesi, duke shkurtuar kohën që nevojitet, nga 38 ditë në 9 ditë. Kroacia, Hungaria, Letonia dhe Polonia, futen me rregulla më lehtësuese për punësimin, duke i dhënë mundësi biznesit ta shtojë prodhimin.

Gazeta Shekulli

[no name]

Gjobat do të qëndrojnë Berisha deklaron se do te vazhdoje luften me biznesin



Autori i Lajmit:
G.B.
Berisha mori pjesë në punimet e Konferencës Kombëtare me temë "Refoma rregullatore për përmirësimin e klimës së biznesit, detyrim dhe angazhim madhor i qeverisë shqiptare", të organizuar nga Ministria e Ekonomisë

Tiranë - Ne kulmin e konfliktualitetit me biznesin kryeministri Berisha, i cilesoi aksionet e fundit te qeverise ne kuadrin e permiresimit te klimes me biznesin. Gjate nje takimi me perfaqesues te biznesit per prezantimin e reformes rregullatore, Berisha deklaroi se mbi 50 per qind e ekonomise shqiptare eshte informale dhe nje numer shume i madh biznesesh operojne me dy bilance per t'iu shmangur detyrimeve tatimore. Pikerisht me kete argument Berisha justifikoi edhe kembenguljen e tij te madhe per miratimin e ligjit te gjobave, gjeresisht te kundershtuar nga te gjitha shoqatat e biznesit. "Kemi kerkuar mbeshtetjen tuaj, per te formalizuar ekonomine tone vetem nje ekonomi formale mund te perballet me sukses te plote me sfidat e integrimit evropian", u shpreh Berisha. Ndersa ministri i Ekonomise, Tregtise dhe Energjitikes, Genc Ruli pranoi se qeveria ka deshtuar ne nje sere reformash te rendesishme per permiresimin e klimes se biznesit ne vend, por beri me faj per kete administraten publike. Perfaqesuesit e biznesit, pas miratimit te ligjit te gjobave kane kerkuar serish nga nga qeveria qe te perfshije komunitetin e sipermarrjes ne hartimin e ligjeve te rendesishme. Madje kete here verejtjet kane ardhur edhe nga shoqatat e biznesit prane qeverise. Ne raportin e fundit te Bankes Boterore per vitin 2006, Shqiperia renditet e 120 ne nje liste me 175 vendeve me terheqese per te bere biznes. Vendi yne madje ka humur 5 pozicione ne kete renditje krahasuar me nje vit me pare per shkak te procedurave te renduara burokratike dhe kostos se madhe qe shoqerojne hapjen e nje biznesi ne Shqiperi.
Të premten paradite, Kryeministri Berisha mori pjesë në punimet e Konferencës Kombëtare me temë "Refoma rregullatore për përmirësimin e klimës së biznesit, detyrim dhe angazhim madhor i qeverisë shqiptare", të organizuar nga Ministria e Ekonomisë, Tregtisë dhe Energjitikës. Në konferencë ishin të pranishëm ministra të kabinetit qeveritar, përfaqësues të biznesit dhe të industrisë në vend, si dhe përfaqësues të institucioneve ndërkombëtare në Shqipëri.

Berisha, tatimet pergjegjes

Tiranë - Gjate nje takimi me perfaqesues te Dhomave te tregtise dhe industrise ne vend, kryeministri Sali Berisha, përsa i përket shqetësimit të bizneseve se edhe autoriteti tatimor duhet të jetë më profesional dhe i rregullt në drejtim të bizneseve, bëri këto komente: "Për gjithë këtë shqetësim që është krijuar, unë mendoj se shkaku më kryesor gjendet te autoriteti tatimor. Nuk ka njeri që të dëshirojë të japë para, ndaj nëse vendosen rregulla dhe zbatohen ato, secili do t'u përgjigjet atyre. Absolutisht sa herë thellohemi në punën e këtij autoriteti, ai gjendet si përgjegjësi më kryesor për krijimin e mekanizmave të informalitetit. Dua të theksoj, se kjo nuk është vetëm për tatimet. Është një praktikë e pakonceptueshme dhe papranueshme në qëndrimin ndaj ligjit. Ka një përpjekje për t'i kthyer shpinën ligjit, për të bërë lojën e kungulleshkës me ligjin, paçka se ligji ia njeh atij këtë të drejtë dhe jo vetëm prokurorit. Tatimet kanë 10 vjet që kanë një sistem kompjuterik që mund t'i kishin afishuar formatet apo formularët e duhur për bizneset në ëeb, në mënyrë që çdo biznesmen të mund t'i printonte dhe të mos sorollatej pafund për një formular.

Biznesi kunder

Tiranë - Miratimi i ligjit të gjobave apriori ka shkaktuar përballjen e parë në historinë postkomuniste të përballjes së gjithë biznesit me qeverinë. Pak ditë më parë, shoqatat e biznesit kanë krijuar aleancën më të madhe të krijuar ndonjëherë kundër qeverisë. Kështu Bashkimi i Dhomave të Tregtisë që ka dhe varësi nga qeveria, Shoqata e Ndërtuesve të Shqipërisë, Dhoma Amerikane e Biznesit, shoqatat e biznesit italo-shqiptar, greko shqiptar , Konfindustria Shqiptare etj., kanë firmosur një deklaratë të përbashkët ku kundërshtojnë nndryshimin më të fundit ligjor për vendosjen e gjobave apriori përpara apelimit në gjykatë. E megjithatë Berisha nuk pyet për biznesin.

Banka 4.8 mld leke depozita njeditore

Tiranë - Gjatë tremujorit të katërt, për investimin e likuiditeteve të lira, bankat përdorën depozitën njëditore, niveli mesatar ditor i së cilës ishte 4,803 milionë lekë. Në kushtet e plotësimit të nevojave në tregun ndërbankar, instrumenti i kredisë njëditore gjeti përdorim minimal gjatë tremujorit të katërt të vitit 2006, rreth 0.7 miliardë lekë në 2 raste përdorimi. Ndërhyrjet e Bankës së Shqipërisë në tregun e brendshëm valutor kanë vazhduar edhe gjatë tremujorit të fundit të vitit të kaluar, duke synuar përmbushjen e objektivit të Rezervës Ndërkombëtare Neto, por edhe shmangien e çrregullimeve të tregut të brendshëm valutor. Ndërhyrjet e Bankës së Shqipërisë kanë qenë përsëri në kahun e blerjes së valutës nga bankat e nivelit të dytë. Këto blerje janë përqendruar në muajin dhjetor, që karakterizohet nga një ofertë e lartë valute.

[no name]

Berisha terhiqe nga ligji per pagen minimale



Autori i Lajmit:
G.B.
Berisha : Vendimi eshte marre pa debat me ju. Eshte keqinterpretuar. Ministria ka nderhyre dhe ligji do te rishqyrtohet dhe do te korrigjohet ne Keshillin e Ministrave

Tiranë - Qeveria terhiqet nga ligji per pagen minimale. Gjate nje takimi me perfaqesues te Dhomave te tregtise dhe industrise ne vend, kryeministri Sali Berisha ka pranuar se ligji do të rishikohet duke premtuar kategorizimin e pages ne baze te rretheve. "Vendimi eshte marre pa debat me ju. Eshte keqinterpretuar. Ministria ka nderhyre dhe ligji do te rishqyrtohet dhe do te korrigjohet ne Keshillin e Ministrave", u shpreh Berisha. Me tej kryeministri theksoi se do te merren te gjitha masat qe te ulet ne maksimum barra fiskale per biznesin si dhe por për t'i çliruar nga barrat burokratike. Kryeministri vlerësoi si shumë të rëndësishme trasformimin e marëdhënieve të autoritetit tatimor me biznesin. "Mbrojtjen e biznesit nga burokracia e mundimshme e këtij autoriteti, do ta ndryshojmë duke investuar në modernizimin e këtij autoriteti. Parimi i vetëdeklarimit, synon dixhitalizimin e këtij proçesi, i cili është një ndihmë reale për biznesin", tha Kryeministri Berisha.
Rritja në mbi 80 për qind e masës së pagës minimale u konsiderua një rritje që kryhet pa u studiuar mirë pasojat e saj në fusha të ndryshme. Rritja e pastudjuar e pagës minimale të punonjësve shqiptarë, që është parashikuar me vendimin numër 42 të Këshillit të Ministrave në fund të janarit të këtij viti, çon në rritjen e kostos së prodhimit duke rrezikuar kështu edhe falimentimin e bizneseve. Është e natyrshme që rritja e pagave minimale do të rritë koston e prodhimit. Rritja e kostos së prodhimit vendas, në kushtet e marrëveshjeve të tregtisë së lirë, kur mallrat e importit hyjnë, gjithnjë e më shumë, me tarifa doganore zero, vendos në kushtet e një konkurrence të pabarabarte prodhimin vendas. Vendimi i qeverisë ka edhe një efekt tjetër negativ në kushtet aktuale. Nga njera anë, synohet që të tërhiqen sa më shumë investime të huaja në vend. Dihet mirë se janë pagat e ulta ato që tërheqin, në një masë të madhe, të huajt që të investojnë fondet e tyre në një vend të huaj.

Berisha i kerkon falje te pasurve

Tiranë - Pas shumë deklaratave prej komunisti kundër të pasurve në Shqipëri ai dje ka lëpirë atë që ka pështyrë duke thënë: Ne besojmë se shoqëria nuk shkon drejt begatisë, në asnjë lloj mënyre, duke rrënuar të pasurit, por e kundërta, pasurimi i tyre jep mundësi pasurimit të shoqërisë. Dogma e Adam Smithit, është e faktuar në mënyrat më të përsëritura. Ne jemi i larguar taksave progresive. Por nga ana tjetër, kapitalizmi, si rend shoqëror, mbijetoi dhe mbijeton pikërisht për frymën, shpirtin e tij social. Kjo është e vërteta. Është fryma sociale që e bën këtë rend popullor. Ky rend reformohet, sepse pa reforma çdo gjë vdes, por ky rend mbijeton, zhvillohet, konsolidohet, vetëm e vetëm se ka një frymë sociale konstante.

Konfindustria kunder rritjes se pages minimale

Konfederata e Industrive, duke u shprehur në emër të mbrojtjes së interesave të subjekteve të fuqishme të biznesit, që përfaqëson, ka theksuar qendrimin e saj se rritja në mbi 80% e masës së pagës minimale është një rritje që kryhet pa u studiuar mirë pasojat e saj në fusha të ndryshme. Sipas Gjergj Buxhukut, administrator i përgjithshëm i Konfindustrias, rritja e pastudjuar e pagës minimale të punonjësve shqiptarë, që është parashikuar me vendimin numër 42 të KM në fund të janarit të këtij viti, çon në rritjen e kostos së prodhimit.

Gjykata shfuqizon gjoben

Tiranë - Gjykata e Tiranës shfuqizoi vendosjen e gjobës në masën 2% të xhiros të vitit 2005, ndaj shoqërive pjesëmarrëse në marrëveshjen e datës 05.04.2005 dhe konkretisht: Shoqërisë Sigma Sh.a,; Shoqërisë Sigal Sh.a, Shoqërisë Atlantik Sh.a, Shoqërisë Intersig Sh.a, Shoqërisë Interalbania Sh.a, Shoqërisë Albsig Sh.a, Shoqërisë Insig Sh.a, Shoqërisë Eurosig Sh.a,. Policia tatimore kryen ekzekutimin e gjobës të përcaktuar në pikën 2 të këtij vendimi dhe bazuar në nenin 80 të ligjit nr 9121 "Për mbrojtjen e konkurrencës". dhe hetimin e mëtejshëm të tregut të sigurimeve për sigurimin e detyrueshëm dhe shitjen e kartonit jeshil, dhe TPL ku Sekretariati ka vërejtur se është cënuar konkurrenca. Autoriteti i Konkurrencës apeloi vendimin e Gjykatës së Rrethit Tiranë për vendimin e paprecedent të Gjykatës së Rrethit Tiranë, i cili pezullon në thelb funksionimin e institucionit të pavarur të Autoritetit të Konkurrencës.

[Gerrard]

Konfindustria ka shprehur shqetësimin e saj dhe njëkohësisht kërkon të tërheqë vëmendjen e Qeverisë, politikës dhe publikut me faktin e pakëndshëm se ekonomia shqiptare po përballet me pasojat e para negative të MSA-së. Ky organizëm jep si shembull të parë industrinë e birrës. Bazuar në të dhënat e institucioneve shtetërore përkatëse pas heqjes së barrierave doganore në muajin dhjetor 2006, importet e birrës në vend janë rritur përkatësisht me mbi 51 për qind në janar dhe mbi 64 për qind në muajin e tjerë, përkatësisht në muajt e vitit paraardhës. Analiza tregon që gjithë zgjerimi objektiv i tregut të produktit në fjalë është kapur në masën mbi 90 për qind nga prodhimi i huaj. Ndërkohë shqetësuese paraqiten edhe importet e prodhimeve të tjera industriale vendore. Sipas Konfindustria, shembulli i mësipërm tregon se vendi është krejtësisht i papërgatitur për t’u përballur me pasojat e MSA-së. Jo vetëm në kohën e përgatitjes së nënshkrimit, por edhe periudhën transitore të hyrjes në fuqi të MSA-së, nuk kishte asnjë strategji qeveritare përvojave të vendeve të BE-së për t’u përballur me pasojat e pritshme të rritjes së konkurrencës së prodhimeve të huaja në shpinë të prodhimit vendor. Këtë e tregon edhe fakti se deficiti tregtar në 2006-ën është 14 për qind më i rritur në krahasim me një vit më parë dhe deficiti korrent është i rritur. Konfindustria këshillon Qeverinë dhe vendimmarrjen politike të vendit, që të mos krijojë probleme të panevojshme, siç është rasti i fundit i ligjit të penalizimeve, për të cilat shpenzohen energji të pafundme.

64 për qind është rritur importimi i birrës që nga fillimi i ekzistencës së MSA-së, duke krijuar një vështirësi të madhe për tregun vendas të prodhimit të birrës

10 për qind të tregut mbulon industria vendase e birës, pasi importet tashmë po vijnë në rritje, duke krijuar premisën e uljes së mëtejshme të fuqisë së industrisë vendase

14 për qind është i rritur deficiti tregtar. Konfindustria këshillon Qeverinë dhe vendimmarrjen politike të vendit, që të mos krijojë probleme të panevojshme

[Gerrard]

Këto shihen si burokraci që pengojnë lehtësimin e biznesit për të ushtruar aktivitetin e tij. Deri më tani, një licencë kërkonte mbi 40 dokumente dhe rreth 550 dollarë. Përveç eliminimit të licencave do të shihet mundësia e shkurtimit të dokumentacionit për licencim në masën 30-40%



Ministria e Financave do të rishikojë sistemin e licencimit, duke eliminuar 24 lloje licencash si të panevojshme. Ministri i Ekonomisë, Genc Ruli, gjatë një konference për shtyp, ku bëri analizën e ecurisë së deritanishme të reformës rregullatore, shpjegoi masat që do të merren më tej në vijim të kësaj reforme. Lidhur me rishikimin e lehtësirave të deritanishme të procedurave për lehtësim, ministri tha se do të shikohet mundësia e reduktimit të kërkesave për licencim, duke eliminuar një pjesë të madhe të dokumentacionit të nevojshëm për licencim, në një masë prej 30-40 përqindësh. Ministri kritikoi punën e administratës së bërë deri tani lidhur me zbatimin e reformës rregullatore. Sipas tij, megjithë arritjet që janë bërë me reformën rregullatore, administrata ka pasur një sërë mangësish dhe nuk është treguar në nivelin e duhur, për të arritur objektivat e synuara për lehtësimet administrative ndaj regjistrimit të biznesit. Megjithatë, Ruli theksoi se do të merren masa që kjo situatë të ndryshojë dhe ndryshimet do të fillojnë që në ndryshimet në lidhje rishikimin e sistemit të licencave si dhe në lidhje me dokumentacionin e kërkuar për licencim.

Ndryshimet

Rinisja e reformës në lidhje me licencimin do të përbajë një sërë ndryshimesh si, kalimi nga parakontrolli tek postkontrolli dhe kontrolli i vazhdueshëm në procedurat për dhënien e licencave. Po kështu, ministria do të aplikojë parimin e miratimit në heshtje, në rastet kur institucionet përgjegjëse nuk përgjigjen në kohë si dhe aplikimin e sanksioneve për këto institucione. Kjo siguron zbatimin e parimit të përgjegjshmërisë së administratës. Po kështu, pjesë e ndryshimeve që do të ndërmerren në procedurat për dhëniet e licencave është edhe mbështetja e kërkesës për licencë në autodeklarimin e kërkuesit të licencës. Përgjegjësia në këtë rast bie mbi vetë kërkuesin, i cili bën autodeklarimin në rastet e mungesës së përputhshmërisë së tij me ligjin. Në lidhje me këtë, për garantimin e kërkesave të ligjit do të aplikohen sanksione të forta në rastet e deklarimeve të rreme. Ministri theksoi se, në punën e bërë deri tani janë rishikuar 135 licenca, leje dhe autorizime në sektorët: miniera, hidrokarbure, punë publike, transport, bujqësi dhe ushqim, peshkim, mjedis, administrim ujërash, pyje dhe kullota, shëndetësi, dogana, mbrojtja nga zjarri. Sfidat e kësaj reforme janë zbatimi në kohë dhe në përputhje me rekomandimet e dhëna. Për këtë janë zbatuar rekomandimet për 35 leje dhe licenca, deri në qershor 2007 do të zbatohen rekomandimet për 44 leje dhe licenca, kurse pjesa tjetër do të zbatohet deri në fund të vitit.

Drafti

Masat që do të ndërmerren lidhur me licencimin janë pjesë e planit të ri të masave që ministria do të ndërmarrë në lidhje me reformën rregullatore. "Ministria e Ekonomisë, Tregtisë dhe Energjitikës në bashkëpunim me të gjitha ministritë dhe institucionet e tjera, të cilat janë përfshirë në reformën rregullatore, ka përgatitur draftin e planit të ri të masave për zbatimin e reformës rregullatore për vitin 2007", - tha sot ministri Genc Ruli.

Ky plan i ri i masave do të nisë brenda muajit prill dhe do të përmbajë disa objektiva kryesore. Disa prej këtyre objektivave janë edhe krijimi i sistemit për të garantuar cilësinë rregullatore përmes zbatimit të RIA-s (Vlerësimi i impaktit rregullator), monitorimi i ngushtë i të gjitha nismave ligjore dhe nënligjore në zbatim për sistemin e licencimit si dhe thellimi i reformës në të gjitha fushat e planit të veprimit.

Ndryshimet që do të sjellë rinisja e reformës

Kalimi nga parakontrolli tek postkontrolli dhe kontrolli i vazhdueshëm;

Aplikimi i parimit të miratimit në heshtje, në rastet kur institucionet përgjegjëse nuk përgjigjen në kohë si dhe aplikimi i sanksioneve për këto institucione. Kjo siguron zbatimin e parimit të përgjegjshmërisë së administratës.

Mbështetja e kërkesës për licencë në autodeklarimin e përgjegjësive nga kërkuesi për garantimin e kërkesave të ligjit dhe aplikimin e saknsioneve të forta në rastet e deklarimeve të rrema. Kjo siguron zbatimin e parimit të përgjegjshmërisë së biznesit.

Heqja e të gjitha kërkesave të tepërta për licencimin në një fushë specifike.

[Gerrard]

Në vazhdën e luftës kundër kontrabandës me mallrat e akcizës dhe me qëllim minimizimin e evazionit fiskal, grupet e përbashkëta të Task-Forces, të Drejtorisë së Përgjithshme të Doganave dhe Drejtorisë së Policisë së Shtetit, kryen dje, sipas informacioneve zyrtare një operacion kontrolli pranë një njësie që tregtonte gazeta në afërsi të Librit Universitar në kryeqytet. Nga kontrolli rezultoi se në këtë njësi tregtoheshin cigare të markave të ndryshme pa pullë fiskale. Si rezultat u sekuestruan 720 paketa cigare të markave të ndryshme, kryesisht të markës "Marlboro". Strukturat e informacionit pranë Drejtorisë së Përgjithshme të Doganave kishin informacion se në këtë njësi tregtoheshin mallra të akcizës pa pullën fiskale, ndërkohë që aksione të tilla do të vazhdojnë edhe në rrethe të tjera të vendit.

[Gerrard]

Drejtoria e Përgjithshme e Peshkimit dhe Programi CARDS po diskutojnë mundësitë e kreditimit të sektorit të peshkimit përmes hartimit të planbizneseve të sakta, në mënyrë që të "thithin" sa më shumë fonde nga donatorët. Roland Kristo, drejtor i peshkimit, thotë se, "sektori i peshkimit, aktualisht kërkon më shumë investime për të hyrë në stadin e zhvillimit, ashtu sikurse shumë sektorë të tjerë të ekonomisë". Sipas tij, nevoja e investimeve ndihet për rinovimin e anijeve të peshkimit, për rivënien në punë të ekonomive të prodhimit të rasateve dhe peshkut për konsum, etj. Qendrat private të grumbullimit e përpunimit të peshkut në vendin tonë kanë shënuar rritje të numrit të tyre dhe janë të përqëndruara kryesisht në qytetet bregdetare, ku kanë kontrata të rregullta me sektoret e peshkimit. Produktet e prodhuara nga këto qendra plotësojnë të gjitha standardet e KE-së, për eksportin e peshkut gjysmë të përpunuar ose të freskët, i cili shkon kryesisht drejt tregjeve italiane dhe greke. Sipas tij, pjesa më e madhe e qendrave private të grumbullimit bashkëpunon me brigadat e peshkimit në detin Jon dhe Adriatik, por ka dhe nga ato që kanë siguruar furnizim normal me peshk edhe nga ujërat e brendshme, të liqeneve Pogradec, Fierzë etj.

[Gerrard]

Konfindustria kërkon të tërheqë vëmendjen e qeverisë dhe publikut me faktin e pakëndshëm se ekonomia shqiptare po përballet me pasojat e para negative të MSA

Ka shprehur shqetësimin e tij grupimi i kompanive të biznesit shqiptar, Konfindustria, lidhur me paaftësinë e qeverisë shqiptare për të krijuar kushte favorizuese për prodhimin vendas, në një kohë kur efektet e Marrëveshjes Interim të Stabilizim-Asociimit me Bashkimin Europian kanë filluar të ndihen fuqishëm.
Konfindustria, thuhet në një prononcim me shkrim nga administratori i saj i përgjithshëm, Gjergj Buxhuku, shpreh shqetësimin dhe, njëkohësisht, kërkon të tërheqë vëmendjen e qeverisë, politikës dhe publikut me faktin e pakëndshëm se ekonomia shqiptare po përballet me pasojat e para negative të MSA-Marrëveshja e Stabilizim-Asociimit me Bashkimin Europian.
Për këtë, thekson Buxhuku, shembulli i parë i prekshëm vjen nga industria e birrës. Bazuar në të dhënat e institucioneve shtetërore përkatëse, del se, pas heqjes së barrierave doganore, në muajin dhjetor 2006, importet e birrës në vend janë rritur përkatësisht me mbi 51% në muajin janar të këtij viti dhe me mbi 64% në muajin shkurt, krahasuar me të njëjtët muaj të vitit paraardhës. Analiza tregon që gjithë zgjerimi objektiv i tregut të produktit në fjalë është kapur, në masën mbi 90%, nga prodhimi i huaj. Ndërkohë, shqetësuese paraqiten edhe ecuria e importeve të prodhimeve të tjera industriale vendore, theksohet më tej.
Papërgatitja
Shembulli i mësipërm tregon se vendi ynë është krejtësisht i papërgatitur për t’u përballur me pasojat e MSA-së, shton më tej Buxhuku. Jo vetëm në kohën e përgatitjes së nënshkrimit dhe periudhën tranzitore të hyrjes në fuqi të MSA-së nuk kishte asnjë strategji qeveritare të përvojave të vendeve të BE për t’u përballur me pasojat e pritshme të rritjes së konkurrencës së prodhimeve të huaja në shpinë të prodhimit vendor, por edhe në periudhën e tashme asgjë nuk po ndodh. Këtë e tregon edhe fakti se defiçiti tregtar më 2006 është 14% më i rritur, në krahasim me një vit më parë dhe defiçiti korrent është i rritur.
Paralajmërimet e Konfindustrise drejtuar qeverisë, së bashku me propozimet përkatëse konkrete për zëvendësimin e politikave tregtare me politika fiskale sektoriale, mbështetur në shembujt dhe përvojën e vendeve më të zhvilluara të BE, të përgatitura në detaje sipas legjislacionit në fuqi në vendet e Bashkimit Europian, nuk janë marrë në konsideratë, theksohet më tej në prononcimin e Konfindustrisë.
Konfindustria këshillon qeverinë dhe vendimmarrjen politike të vendit që të mos krijojnë probleme të panevojshme, siç është rasti i fundit i ligjit të penalizimeve, për të cilat shpenzohen energji të pafundme në mënyrë të pafrytshme, por të përqendrohen në çështjet kryesore, që kanë lidhje me ekonominë, industrinë vendore dhe qytetarët shqiptarë.
Njëkohësisht, grupimi i bizneseve shqiptare njofton Ekzekutivin shqiptar se Konfindustria është e gatshme të bashkëpunojë me propozime konkrete për të bërë të mundur përmbushjen e qëllimeve të përbashkëta të mësipërme.
Nxitimi
Autoritetet shqiptare nxituan të ratifikonin Marrëveshjen, pa u thelluar mirë në kërkesat vijuese të saj. Sipas kushteve të MSA, që nga 1 janari i vitit pasues të nënshkrimit të Marrëveshjes, tarifat doganore i nënshtrohen uljes tjetër në masën 20%. Pra, ndërkohë që në shtator 2006 tarifat me BE-në u ulën 20%, tre muaj më pas ato do të uleshin përsëri 20%. Kështu, brenda katër muajve, të ardhurat doganore nga tregtia me BE do të pësonin 40% ulje. Një gjë e tillë, ministrit të Financave Bode, i “ka shpëtuar” nga vëmendja. Ka qenë ministri i Ekonomisë Ruli, që ka propozuar shtyrjen e dërgimit të dokumentacionit për ratifikimin pas 1 janarit 2007, me qëllim që gjatë gjithë vitit në vazhdim të mos kishte ulje shtesë tarifash doganore. Në një moment të parë, qeveria shqiptare e ka bërë këtë, por, e ndodhur përballë kërkesës për shpjegime nga Brukseli, Berisha është detyruar të marrë vendimin politik, për të përcjellë dosjen në BE. Kjo solli faturë dyfishe financiare, që mund të ishte zbutur, në rast se do të ishte shtyrë paksa në kohë ratifikimi i Marrëveshjes.