Lajme ekonomike

[Zemrushja]

Vepra energjetike më e madhe në jug të vendit pret të jepet me koncesion për t‘u ringjallur

Kushtonte dyfish më shtrenjtë se çmimi me të cilin shitej energjia e prodhuar

Kostoja tejet e lartë e prodhimit të energjisë që kapërcente afro dyfish çmimin e shitjes së saj e ka detyruar qeverinë që t‘i vërë drynin përfundimisht Termocentralit të Fierit. Drejtori i TEC-it, Arjan Nika, është shprehur për gazetën "Shqip" se, "që nga dita e djeshme, TEC-i i Fierit nuk është më në funksionim". Një vendim i fundit i ardhur nga Qeveria ka dhënë OK-in për mbylljen e TEC-it.

Sinjalet për këtë vendim ishin dhënë prej përfaqësuesve të TEC-it disa muaj më parë, bazuar dhe në vendimin e fundit të Këshillit të Ministrave që e kanë nxjerrë veprën energjetike nga përkufizimi i "objektit me rëndësi të veçantë", për t‘i hapur rrugën privatizimit dhe dhënies me koncesion firmave të huaja për "një euro m2". Nga dje, TEC-i nuk do të prodhojë asnjë kilovat energji deri në momentin e dhënies me koncesion dhe vënien në eficencë nga firma sipërmarrëse. Deri tani energjia e prodhuar, sipas specialistëve dhe vet kryeinxhinierit të këtij TEC-i, Dhimitraq Thanasi, ka rezultuar mbi kosto, duke e bërë të papërballueshëm këtë prodhim. Nga ana tjetër, edhe teknika e përdorur është tejet e amortizuar, duke shtuar edhe më shumë koston e prodhimit të energjisë. TEC-i i Fierit kohët e fundit ka mundur të punojë për të arritur kapacitetin e plotë, për të përballuar vështirësinë energjetike në vend, edhe pse kostoja e këtij prodhimi ka qenë e lartë, si dhe sasia e energjisë së prodhuar nuk ishte ajo e projektuar.

"Vendimi për mbylljen e TEC-it ka ardhur muaj më parë, ndërsa zbatimi i tij ka nisur ditën e sotme. Aktualisht ai është nxjerrë në ankand. Janë shumë firma, ato që janë afruar për ta marrë atë me koncesion. Tenderi akoma nuk është zhvilluar ndërkohë që firmat të cilat janë afruar janë nga Amerika, Austria, Gjermania, Çekia etj.", ka thënë drejtori Nikaj për gazetën.

Por Nikaj nuk hedh poshtë iniciativën e gabuar të qeverisë shqiptare në krizën e fundit energjetike, e cila vendosi të "shkund" për pak më shumë energji termocentralin e Fierit, duke pranuar tentativën dritëshkurtër nga nevoja për energji drejtori Arjan Nika ka thënë se "teknologjia e përdorur për ndërtimin e TEC-it Fier ka pasur vetëm një garanci 25-vjeçare. Kështu pas këtij afati teknologjia është rënduar dhe tre vitet e fundit kur ka munguar edhe investimi në termocentral më shumë është harxhuar se është prodhuar energji. Por një shkak tjetër që e detyron TEC-in e Fierit të mbyll prodhimin e energjisë është edhe mossigurimi i lëndës së parë. Si kryeinxhinieri ashtu edhe drejtori kanë dashur të anashkalojnë këtë fakt me qëllim moslakimin e sektorëve të tjerë në vend siç është "Armo" apo dhe "Albpetrol", por burime brenda UPN-së në Fier kanë thënë se prej muajsh nuk po përpunohet asnjë sasi nafte apo solari që të sjellë kështu veprimin zinxhir, funksionimin e TEC-it.

Aktualisht në TEC-in e Fierit janë të punësuar 220 punonjës. Edhe pse ditën e sotme zyrtarisht TEC-i i Fierit nuk do të prodhojë më energji dhe nuk do të ketë më një ndërmarrje prodhuese punonjësit do të vazhdojnë të mbeten të tillë deri në një vendim tjetër. Sot është zbardhur edhe fakti se punonjësit nuk do të paguhen deri në dhënien me koncesion ku të tjerë do të vendosin për fatin e tyre, nëse do të paguhen me asistencë apo do të qëndrojnë në punë.

Ndërkohë në lidhje me emrin e firmës që do të marrë në përdorim këtë termocentral nuk ka asnjë të dhënë, pasi janë vendimet e tjera të Qeverisë, të cilat priten së shpejti, për tenderin ndërkombëtar, për mënyrën apo se sa do të jetë kapaciteti i TEC-it.

© Gazeta Shqip - 2006-2007

[Zemrushja]

Takimi i Rulit me biznesin në Korçë

Takimin e parë pas ristrukturimit të dhomave të tregtisë ministri i Ekonomisë, Genc Ruli, e ka mbajtur me biznesin korçar, prej të cilit ka kërkuar sugjerime dhe rekomandime lidhur me reformat dhe kryesisht ato rregullatore, që përmirësojnë marrëdhëniet midis shtetit dhe biznesit në favor të interesit publik. Duke përmendur edhe faktin se për motive politike qeveria me vendimmarrjet e saj mund të sjellë edhe këndvështrime të kundërta nga ana e biznesit apo konflikte për shkak të pakënaqësisë, Ruli "ka thënë se më të rëndësishme janë marrëdhëniet institucionale shtet-biznes". Ai ka deklaruar para biznesit korçar se qeveria ka aplikuar politikat e duhura ndaj biznesit, madje në programet e qeverisë me prioritet është parë sektori privat, por sipas Rulit, politika më e rëndësishme është reforma rregullatore. "Edhe pse biznesi sot është më i ndjeshëm ndaj politikave fiskale dhe taksave, reforma rregullatore është më e rëndësishme, edhe pse më pak e perceptueshme, pasi më shumë se pesha e taksave dhe ajo fiskale, ajo që rëndon dhe pengon është pesha e burokracisë. Prandaj kjo reformë rregullatore është ajo që lehtëson dhe heq barrierat. Kështu, një punë e mirë është bërë lidhur me licencimet që ka qenë edhe procesi kryesor i kësaj reforme, ndërsa më tej se lehtësimet në procedurat e licencimit do të hapet edhe një qendër për regjistrimin e bizneseve, ku tashmë biznesi nuk do të regjistrohet vetëm në gjykatë, por do të ketë në rrethe nga një qendër ku të mund të paraqitet. Ndërsa ka pritur sugjerime dhe rekomandime nga ana e biznesit lidhur me bashkëpunimin me qeverinë, përfaqësues të sipërmarrjeve private në Korçë kanë kërkuar nga ministria që të kthejë përgjigje në kohë ndaj kërkesave që i drejtohen këtij institucioni të lartë nga ana e biznesit për problemet dhe vështirësitë që has.

© Gazeta Shqip - 2006-2007

[Zemrushja]

Përurimi i hidrocentralit të Gjançit, një nga veprat më të rëndësishme për prodhimin lokal të energjisë elektrike në këtë zonë, është bërë pa prezencën e autoriteteve lokale. Në ceremoninë e rastit të inaugurimit të kësaj vepre kanë munguar përfaqësuesit e pushtetit vendor nga të treja institucionet, prefektura, qarku dhe bashkia e qytetit të Korçës. Berisha nuk ka mbajtur në qytetin juglindor ndonjë takim me autoritetet e zonës, ndërsa është ndalur vetëm në veprën që e ka vënë vetë në punë me shtypjen e një butoni.

© Gazeta Shqip - 2006-2007

[Gerrard]

Në prag të miratimit në Parlament të ligjit “Për gjobat”, edhe aleatët e Partisë Demokratike janë të përçarë për qëndrimin që do të mbajnë ndaj këtij ligji.

Kryetari i Partisë Bashkimi për të Drejtat e Njeriut, Vangjel Dule, tha dje në një konferencë për shtyp se kryeministri Berisha duhet ta rishikojë këtë ligj, madje ai vazhdoi edhe më tej, duke thënë se duhet të rishikohet edhe piramida e dikasterit të financave. Qëndrimi i PBDNJ-së vjen pak ditë pas miratimit të tij në Parlament, ndërkohë që para këtij qëndrimi edhe deputeti Spartak Ngjela ka paraqitur një amendament, që bizneset që marrin gjoba t’i drejtohen Gjykatës së Apelit, që duhet të marrë një vendim brenda 10 ditësh.

Dule
Kryetari i PBDNJ-së, Vangjel Dule, ka paralajmëruar dje votën kundër projektligjit të propozuar nga Këshilli i Ministrave, sipas të cilit bizneset duhet të paguajnë 25% të gjobës para se t’i drejtohen gjykatës. Sipas kreut të PBDNJ-së, parti aleate me Partinë Demokratike në koalicionin qeveritar, përgjegjës për këtë situatë është ministri i Financave, Ridvan Bode, për të cilin Dule i ka kërkuar kryeministrit Berisha që t’ia rishikojë pozicionin. “PBDNJ vlerëson se pozicionimi aktual i qeverisë reflekton një devijim serioz nga politika e qeverisë sonë për partneritet me biznesin. Parapagimi i gjobave nuk bën pjesë në praktikat më të mira të biznesit në të gjitha sistemet tatimore në të gjithë botën. Së dyti kjo praktikë mund të përdoret si instrument për të përjashtuar biznesin apo për ta kthyer atë në funksion të ngjyrave politike. Gjithashtu procedura e re tatimore tërheq në mënyrë arbitrare kapital në duart e qeverisë. Si rrjedhim PBDNJ do t’i sugjeronte kryeministrit që të rishikojë këtë ligj dhe ndoshta është momenti që të rishikojë dhe konsiderojë edhe praninë e stafit politik në krye të dikasterit të financave që ka krijuar jo pak probleme tek biznesi por dhe një klimë pasigurie për investimet në vend”, tha dje Dule gjatë një konference për shtyp. Kreu i PBDNJ ka theksuar se parapagimi i gjobave nga bizneset para se ai të ankimojë nuk bën pjesë në asnjë nga praktikat më të mira tatimore në botë.

Ligji për gjobat
Propozimi i Këshillit të Ministrave që bizneset të paguajnë 25% të gjobës para se t’i drejtohen gjykatës ka ngjallur mjaft reagime, ku përveç opozitës edhe deputetë të maxhorancës kanë shprehur qëndrimin e tyre kundër tij. Kështu, deputeti Spartak Ngjela, ka paraqitur dje në Parlament një amendim për ligjin “Për procedurat tatimore në Republikën e Shqipërisë”, sipas të cilit bizneset kanë pesë ditë kohë pas marrjes së gjobës që ta çojnë atë në gjykatën e apelit dhe kjo e fundit duhet të marrë një vendim brenda 10 ditësh. Ndërkohë që, pas vendimit të Gjykatës së Apelit, rekursi kundër këtij vendimi në Gjykatën e Lartë bëhet sipas rregullave të parashikuara në Kodin e Procedurës Civile. Pak ditë më parë, kundër këtij ligji ka dalë edhe anëtari i kryesisë së PD-së, njëkohësisht pedagog në fakultetin Ekonomik, Omer Stringa, sipas të cilit miratimi i këtij ligji në Parlament, pas diskutimit të tij nen për nen, do të thotë që shteti të prezumojë si të fajshëm të gjithë bizneset në momentin që ata marrin gjobën, pa pritur më parë një vendim të formës së prerë nga Gjykata e Apelit. Gjithashtu, sipas anëtarit të kryesisë së Partisë Demokratike, ky ligj nuk bën gjë tjetër, veçse e ndrydh kapitalin dhe biznesin në përgjithësi. Ndërsa deputeti Preç Zogaj është shprehur gjatë një mbledhjeje të grupit të PD-së, për të ndërmarrë një nismë për ngritjen e një gjykate fiskale, që do të merret vetëm me çështjet e biznesit.

[Gerrard]

LSI ka shprehur shqetësimin e saj për rrezikimin serioz të nivelit të jetesës së qytetarëve shqiptarë, si rezultat i politikës financiare që po zbaton qeveria. Nënkryetarja e LSI-së, Filloreta Kodra, tha dje se “aplikimi i taksës së sheshtë për të gjithë nivelet e tatim paguesve, sidomos tatimi mbi të ardhurat, do të ulë në mënyrë të ndjeshme nivelin e jetesës së qytetarëve shqiptarë”. “Aplikimi i këtyre taksave jo vetëm që do të ulë nivelin e të ardhurave personale të nëpunësve të administratës publike, të cilët do të marrin më pak para për punën që kryejnë, por edhe për të gjithë punonjësit me nivele të ulëta pagash në sektorin privat, duke thelluar varfërinë”, tha Kodra. Sipas nënkryetares së LSI-së, “ky veprim i qeverisë ndikon ndjeshëm në uljen e pagës reale të të gjithë punonjësve, duke bërë thuajse zero edhe rritjen e pagave, por do të ndikojë në rritjen e mëtejshme të ekonomisë informale, që sipas vetë qeverisë është rreth 50%”.



* Amendimi “Ngjela”
Avokat Ngjela ka paraqitur në Kuvend një amendim për të shmangur parapagimin e 25% të gjobës nga ana e biznesit, para se ai t’i drejtohet gjykatës. Sipas Ngjelës, bizneset duhet ta çojnë çështjen në Gjykatën e Apelit brenda 5 ditëve nga marrja e gjobës dhe kjo e fundit duhet të marrë një vendim brenda 10 ditëve.
* Votimi i ligjit
Parlamenti pritet të miratojë këtë të hënë propozimin e Këshillit të Ministrave “Për procedurat tatimore në Republikën e Shqipërisë”. Pas miratimit në parim dhe shqyrtimit të tij nen për nen në komisionin e Ekonomisë në Parlament, do të miratohet të hënën pas shtyrjes që iu bë votimit të ligjit të enjten e kaluar.

[Gerrard]

Sipas planifikimit të bërë lidhur me reformën e pagave, prej rritjes së rrogave të këtij viti do të përfitojnë kryesisht pesë kategori të ndryshme punonjësish, të cilët do të përfitojnë një rritje që do të variojë nga 5 për qind deri në 20 për qind

Qeveria shqiptare ka vendosur të shpenzojë 35 milionë dollarë për rritjen e pagave gjatë vitit 2007. Kjo shumë do të jetë efekti financiar në buxhetin e shtetit, i cili do të vijë si pasojë e reformave që qeveria do të ndërmarrë gjatë këtij viti në lidhje me rritjen e pagave. Prej kësaj reforme do të përfitojnë një sërë punonjësish të administratës shtetërore. Për punonjësit e sistemit të arsimit parauniversitar si dhe për punonjësit e shëndetësisë, rritja e pagave që do të ndërmerret gjatë këtij viti do të jetë rreth 20 për qind mesatarisht, ndërsa për punonjësit mbështetës, të cilët vazhdojnë të paguhen me sistemin me klasa, rritja do të shkojë mesatarisht në 15 për qind. Po kështu, gjatë këtij viti do të ketë një rritje me 7 për qind për rrogat e punonjësve të policive, një rritje prej 11 për qind të rrogave të profesoratit të universiteteve dhe shkollave të tjera të larta etj. Përveç këtyre kategorive, qeveria është duke parë mundësinë e aplikimit të shpërblimit të studimeve pasuniversitare dhe gradave e titujve shkencore të punonjësve të administratës. Gjithashtu, qeveria është duke parë me prioritet edhe sistemin e pagesës së për punonjësit shkencorë, me synim barazimin e shpërblimit për gradat dhe titujt shkencorë të punonjësve në institucionet kërkimore shkencore, me ata që punojnë në universitete dhe në shkollat e tjera të larta. Deri tani, qeveria ka ndërmarrë një sërër reformash në lidhje me rritjen e pagave. Në refomat e deritanishme janë parë me përparësi rritja e pagave të ulëta, kryesisht pagat me klasa në të dy sistemet, sistemin me 10 klasa dhe në sistemin me 14 klasa. Të gjitha pagat për klasë në këto dy sisteme janë rritur mesatarisht me 15 për qind. Sipas miratimit të projektvendimit “Për pagën minimale në shkalle vendi”, u caktua që paga minimale të rritet me 18 për qind, duke bërë që paga minimale të shkojë në 14 mijë lekë. Kjo solli për pasojë edhe rritjen e të gjitha pagave të punonjësve mbështetës të institucioneve të administratës publike si punonjesit e pastrimit, arkëtarët, punonjësit e mirëmbajtjes, shoferët, teknikët e specialiteteve të ndryshme, llogaritarët etj. Rritje të ndjeshme të pagave gjatë vitit të kaluar ka patur për punonjësit e shëndetësisë dhe arsimit. Rritja e përgjithshme e pagave për punonjësit e infermierisë në shëndetësi ka qenë mesatarisht në masën 25 për qind, pre së cilës përfituan rreth 12 mijë infermierë të sistemit shëndetësor. Po kështu, ka patur rritje të ndjeshme të pagave edhe për punonjësit me arsim të lartë të këtij sistemi, të cilët kanë përfituar një rritje mesatarisht prej 20 për qind, duke bërë që të përfitojnë rreth 3 mijë mjekë të dhe specialistë të fushave të ndryshme që punojnë në sistemin shëndetësor. Përsa i përket arsimit ka pasur një rritje të pagave në tërësi, ku për punonjësit e shkollave të mesme dhe 9-vjeçare ka patur një rritje që varion 34 deri ne 40 për qind. Në pergjithësi, për të gjithë punonjësit e arsimit parauniversitar, duke patur parasysh sa përmendëm më sipër, rritja mesatare është në masën 27 për qind, prej së cilës kanë përfituar rreth 36 mijë punonjës mësimorë.



Përfituesit e rritjeve të pagave përgjatë vitit 2007

1- Rritje mesatarisht 20% për punonjësit e sistemit të arsimit parauniversitar dhe sistemit të shëndetësisë;

2- Rritje mesatarisht 15% për punonjësit mbështetës, të cilët vazhdojnë të paguhen me sisitemin me klasa;

3- Rritje mesatarisht 7% të punonjësve të policive të ndryshme dhe forcave të armatosura;

4- Rritje mesatarisht 11% të profesoratit të universiteteve dhe shkollave të tjera të larta;

5- Rritje mesatarisht 5% të pjesës për të cilët reforma ka përfunduar.



Shpërblimi i administratorit shkon deri në dy milionë lekë për një aktiv prej rreth 200-milionësh



Vendimi: Administratori i falimentimit subvencionohet deri në 12 për qind



Këshilli i Ministrave ka miratuar dje kushtet dhe kriteret për përcaktimin e masës së shpërblimit dhe rimbursimit të shpenzimeve të administratorit të falimentimit. Sipas ndryshimeve të bëra, qeveria ka përcaktuar se shpërblimi i administratorit të falimentimit do të bëhet nga gjykata, e cila do të marrë parasysh punën e kryer, rezultatet e arritura, rëndësinë e falimentimit dhe kujdesin e treguar nga administratori i falimentimit, në përmbushjen e detyrave për shpërblimin ndaj tij. Sipas kësaj skeme, shpërblimi i administratorit të falimentimit përbëhet nga pagimi i një përqindjeje të shumës së aktivit të grumbulluar në varësi të shumës së llogaritur prej falimentimit. Kështu, masa e shpërblimit të administratorit shkon deri në 14 në rastin, kur aktivi nuk është më shumë se një milion lekë, ndërsa kur aktivi shkon deri në 200 milionë lekë, administratori do të përfitojë një shumë prej gati dy milionë lekësh. Sipas ligjit të miratuar dje nga qeveria, administratori përfiton një shpërblim dhe subvencionim prej rreth 0.9 për qind, kur aktivi është në mbi 200 milionë lekë. Administratorit të falimentimit i paguhet gjithashtu, mbi shumën e pasivit të falimentimit, një shpërblim shtesë nga 0,15 deri në 0,75 për qind për shumën deri në 10 000 000 (dhjetë milionë) lekë dhe nga 0,05 deri në 0,37 për qind për shumën mbi 10 000 000 (dhjetë milionë) lekë.

Shpërblimi (masa e falimentimit në përfundim të procedurës së falimentimit), sipas këtyre kufijve:



• nga 12 % në 14 %, kur aktivi nuk është më shumë se 1 milion lekë;
• nga 10 % në 12 %, kur aktivi është mbi 1 milion deri në 3 milionë lekë;
• nga 8,50 % në 9,50 %, kur aktivi është mbi 3 milionë deri në 5 milionë lekë;
• nga 7 % në 8 %, kur aktivi është mbi 5 milionë deri në 10 milionë lekë;
• nga 5,5 % në 6,5 %, kur aktivi është mbi 10 milionë deri në 50 milionë lekë;
• nga 4 % në 5 %, kur aktivi është mbi 50 milionë deri në 100 milionë lekë;
• deri në 1,80 %, kur aktivi është mbi 100 milionë deri në 200 milionë lekë;
• deri në 0,90 %, kur tejkalon 200 milionë lekë.

Jan marre nga Gazeta TEMA

[Zemrushja]

• Takimin e parë pas ristrukturimit të Dhomave të Tregtisë dhe Industrisë ministri i ekonomisë Ruli e ka mbajtur me biznesin korcar

Ruli ka perkuar prej ketij biznesi sugjerime dhe rekomandime lidhur me reformat. Duke përmendur edhe faktin se për motive politike qeveria me vendimmarrjet e saj mund të sjellë edhe këndvështrime të kundërta nga ana e biznesit apo konflikte për shkak të pakënaqësisë Ruli ka pohuar se më të rëndësishme janë marrdhëniet institucionale shtet-biznes.

Ai ka deklaruar para përfaqësuesve të biznesit korcar se qeveria ka aplikuar politikat e duhura ndaj biznesit, dhe sipas tij politika më e rëndësishme është reforma rregullatore. Përfaqësuesit e biznesit kanë trajtuar shqetësimet që lidhen me punë ë tyre të përdishme në raport me shtetin, ndërsa kanë kërkuar ndërhyrjen e tij për lehtesimin e procedurave por dhe të rregullave ndaj këtij komuniteti që sjell dhe zhvillimin e shoqërisë. News24

Gazeta Shqiptare

[Homza]

Mos merrni shum shkrime te medha sepse nuk besoj qe do i lexojm dot...te jeni sa me te shkurtet ne komentet tuja dhe sa me rreal...


Nje pytje kam per kta te Shkencave Sociale ne Shqiperi...kam verejtur qe ne Shqipeir sidomos gjat sezonit te veres ka nje ulje te Sterlinges Britanike, ama Dollari amerikan nuk leviz edhe aq.....a mund te ma konfirmoj ndokush kte gje?


Me rresp Homza.

[Gerrard]

Nëse një individ dëshiron të investojë paratë e tij në bono thesari, përvoja e viteve të fundit ka treguar që periudha më e favorshme për të realizuar këtë investim është tremujori i fundvitit.

Gjatë kësaj periudhe të vitit normat e interesit për bonot e thesarit kanë qenë më të larta së në çdo muaj tjetër, kjo si rrjedhojë e rritjes së kërkesës së qeverisë për borxh dhe mungesës relative të likuiditetit në treg. Ndërkohë, e kundërta ndodh në tremujorin e parë të vitit. Pas qershorit të vitit të kaluar, normat e interesit të bonove të thesarit kanë pasur një trend rritës dhe sipas parashikimeve të ekonomistëve, e njëjta situata mund të përsëritet edhe në fund të këtij viti. Marjan Gjermeni, drejtor i Operacione Monetare në Bankën e Shqipërisë në një prononcim për gazetën “Panorama” ka shpjeguar në detaje ecurinë e normave të interesit për bonot e thesarit.

[Gerrard]

Nëse i hedhim një sy tregut vendës të parasë duket qartë që investimi i parave të lira në bono thesari është më i leverdishmi. Kjo lidhet me faktin, që jo vetëm se normat e interesit të bonove të thesarit janë më të larta sesa normat respektive të interesit të depozitave të ofruara nga bankat e nivelit të dytë, por edhe të qenit më likuid si investim. Bazuar të dhënave më të fundit, nëse krahasohen normat e interesit për depozitat 3-mujore, në konceptin e mesatares së ponderuar, me normën e interesit të bonove të thesarit 3-mujore vërehet që kthimi nga investimi në bono thesari është 1.85 më i lartë sesa kthimi nga depozita. E njëjta gjë është edhe po të krahasohet investimet për periudhën 6 dhe 12-mujore. Kthimet janë respektivisht më të larta për 2.08 për qind dhe për 2.78 për qind. “Gjithashtu është e domosdoshme të theksohet edhe dallimi midis kthimit nominal me kthimin real, por ky i dyti jo në këndvështrimin e marrjes në konsideratë edhe të inflacionit. Kështu p.sh në rastin e investimit në bono thesari 1-vjeçare individi nuk do marrë një kthim shtesë 2.78 për qind, sepse bankat e nivelit të dytë mbajnë edhe komisionin, i cili në mënyrë indirekte do të ulë këtë përqindje”, shprehet Gjermeni.