Lajme ekonomike

[Gerrard]

Kryeministri, Sali Berisha, i kërkoi dje ERE-s (gjatë punimeve të konferencës për zhvillimin e sektorit hidroenergjetik), që "të jetë mbrojtëse e konsumatorëve dhe të qëndrojë fort ndaj çdo kërkese për rritjen e çmimit të energjisë elektrike". Kryeministri Berisha tha se, “çdo lëvizje çmimi do të bëhet vetëm pasi të modulohen pagat, pensionet me ato të vendeve përreth nesh”. “Me këto çmime që kemi, mund të garantoj se jemi mbi mesataren rajonale. Në qoftë se ka një vend që ka nevojë ta ketë të lirë energjinë për t'u zhvilluar, ai është Shqipëria", - tha kryeministri Berisha. Ai u ndal në dy parimet kryesore, mbi të cilat duhet të vlerësohet edhe çështja e çmimeve të energjisë. "Parimi i parë është ai i mesatares së të ardhurave që ne kemi. Parimi i dytë është ai që ne të mos japim vlera të tilla që frenojnë zhvillimin e ekonomisë", - tha kryeministri Berisha.

[Gerrard]

Ministria e Ekonomisë, Tregtisë dhe Energjitikës zhvilloi dje në Pallatin e Kongreseve, konferencën me synim, shkëmbimin e mendimeve dhe opinioneve të ekspertëve të fushës, të grupeve të ndryshme të interesit, të sektorit privat, të akademikëve, etj., rreth rritjes së efektivitetit të shfrytëzimit të të gjitha burimeve hidroenergjitike në Shqipëri, duke vlerësuar se energjia është pjesë mjaft e rëndësishme dhe me ndikim të jashtëzakonshëm në zhvillimin ekonomik të vendit. Në konferencë mbizotëroi qëndrimi se sektori energjitik në vend favorizohet nga prania e një pasurie të jashtëzakonshme që ka vendi, atë të burimeve të shumta ujore, si një pasuri kryesore kombëtare. Kryeministri Berisha tha se, "Shqipëria është vendi i pasurive të mëdha të "fjetura", i pasurive që nuk çlirojnë kapitale, prandaj dhe ne jemi vend i varfër, duke pasur pasuri të jashtëzakonshme të mëdha, si mineralet, që kanë kuotat më të larta në bursat botërore, brigjet, alpet, me pasuri të mëdha natyrore. Por, pasuria më e madhe janë ujërat, që mund të ndikojnë në të ardhmen e vendit, më shumë se të tjerat."

Duke u ndalur në faktin se kjo pasuri e madhe ujore është injoruar që prej 25 vitesh në mënyrë të pafalshme në prodhimin e energjisë elektrike, Berisha shprehu vendosmërinë e qeverisë për t'i aktivizuar dhe shfrytëzuar përmes rritjes së investimeve, financimeve dhe mbështetjes së këtij sektori. "Nëse fokusi i pasurisë së ujërave do të ishte shfrytëzuar siç duhej, Shqipëria do të ishte mëkëmbur 2-3 herë më shumë, ndaj jemi shumë të vendosur që ta vëmë në punë këtë pasuri", - theksoi kryeministri Berisha.

Duke u ndalur në kuadrin ligjor, të hartuar në mbështetje të sektorit të ndërtimit të veprave të reja hidrike, sikurse janë HEC-et e mëdha dhe ato lokale, në nevojën e partneritetit të biznesit publik me atë privat, në ligjin për koncesionet, etj., kryeministri Berisha theksoi se, "qeveria do të bëjë çdo përpjekje që potenciali hidroenergjitik prej 18-20 miliardë kilovat-orë energji të shndërrohet në energji, që çdo metër kub ujë të shfrytëzohet me optimizim maksimal, që kapitali vendas apo dhe i huaj të angazhohet në veprat hidrike."

[Gerrard]

Komisioni Parlamentar i Ekonomise miratoi dje ndryshimet ligjore, sipas te cilave biznesi duhet te paguaje 25 per qind te gjobes tatimore, nga 100 per qind qe ishte parashikuar fillimisht dhe me pas duhet t'i drejtohen gjykates per drejtesi

Blerina Hoxha

Me gjithe kundershtite e komunitetit te biznesit, Komisioni Parlamentar i Ekonomise e ka miratuar dje perfundimisht nenin per gjoben e biznesit qe pritet te miratohet sot edhe ne seance parlamentare. Debati i parlamentareve me biznesin eshte shtrire gjate gjithe dites se djeshme, me argumente dhe kunderargumente qe nuk e kane permbysur projektin e qeverise, por gjithsesi ka nje zbutje te mases se parapagimit te gjobes. Keshtu, sipas ndryshimeve ligjore, biznesi duhet te paguaje 25 per qind te gjobes qe kane vene tatimet dhe me pas duhet t'i drejtohen gjykates per drejtesi, nga 100 per qind qe ishte parashikuar fillimisht ne iniciativen fiskale te Ministrise se Financave. Kundershtite e biznesit ne kete pike nuk jane marre parasysh, pasi sipas eksperteve te financave, evazioni fiskal ne tatime eshte i larte, pikerisht sepse mungojne penalitetet e forta. Por nderkohe, ne dogana aplikohet nje standard krejt tjeter. Kodi Doganor i miratuar ne vitin 1999 i jep te drejten administrates doganore kur shkelen ligjet, qe te vendosin jo vetem detyrimin, por edhe deri ne 5-fish gjobe dhe te parapaguajne keto taksa para se te filloje procesi i ankimimit ne gjykata. Ne tatime procedura nuk eshte e tille. Per shkak te kesaj situate, zyrtaret e financave shpjeguan se ka nje borxh te akumuluar ne tatime, rreth 400 milione dollare, ndersa ne dogana detyrimet e biznesit nuk jane me shume se 4 miliarde USD.

Por nga ana tjeter, i ashtuquajturi ligji i gjobave ndaj biznesit nuk do te perfshije te vegjlit e ketij komuniteti. Nga rreth 65 mije biznese qe jane te regjistruar si tatimpagues, ligjit te ri do t'i nenshtrohen rreth 20 mije subjekte biznesi, sqaruan tatimet. Burimet sqaruan se ajo qe mund te preke biznesin e vogel, eshte vetem gjoba per kontributet e sigurimeve shoqerore dhe shendetesore, e cila llogaritet ne nje vlere prej rreth 150 mije lekesh. Sipas projektligjit qe u diskutua nen per nen ne komisionet e Kuvendit, behet fjale vetem per ato biznese qe i nenshtrohen TVSH-se.

Forcimi i penaliteteve qe kane te bejne me arketimin e nje gjobe paraprakisht, per detyrimet e papaguara te biznesit ndaj tatimeve ka lidhje me nje borxh te akumuluar me shume se 450 milione dollare qe komuniteti i biznesit ka ndaj tatimeve.

Ne baze te ligjit te ri, biznesi do te duhet te beje pagesat e gjobave qe vendosen nga administrata tatimore dhe me pas te beje ankese ne gjykate. Ky nen eshte kundershtuar ashper nga perfaqesuesit e biznesit, pasi sipas tyre, nuk i vendos ne pozita te barabarta bizneset dhe shtetin perballe gjykates. Por, sipas Ministrise se Financave, rezulton se shume kompani fantazma kane borxhe te prapambetura ndaj administrates tatimore, borxhe te cilat fillojne qe nga viti 1997 dhe gjykata i ka zvarritur keto dosje, e si pasoje borxhi eshte shume i larte. Duket se ky faktor ka detyruar Ministrine e Financave qe te marre vendimin per kete ndryshim te ligjit, qe sipas tyre do te zgjidhe shume probleme. Nga ana tjeter, eksperte te ekonomise jane shprehur se konflikti qeveri-biznes per ceshtjen e penaliteteve mund te zgjidhet nga nje gjykate e posacme.

Korrieri

[Gerrard]

Avokati i Popullit i ka rekomanduar Kontrollit te Larte te Shtetit qe te filloje hetimet per disa punonjes te Drejtorise se Shperndarjes "KESH sh.a Tirane". Shkak per kete eshte bere denoncimi nga ana e dy punonjesve i shkeljeve te kryera ne vite. Keshtu, sipas institucionit te Avokatit te Popullit, me 19 mars te ketij viti, dy punonjes te kesaj drejtorie kane denoncuar disa raste flagrante shkeljesh dhe abuzimesh. Motivi i ketij denoncimi ishin presionet e shumta te ushtruara nga drejtues te "KESH sh.a" per kryerjen e veprimeve ne shkelje te ligjit, me qellimin e mbulimit te abuzimeve ekonomike-financiare te shoqerise "KESH sh.a". Pasi eshte njohur fillimisht me pretendimet e tyre dhe me tej me dokumentacionet qe denoncuesit paraqiten, Avokati i Popullit kreu disa seanca degjimore me keta punonjes. Keshtu, nga shpjegimet e tyre ka rezultuar se disa arketare nuk kane arketuar fatura me vlere rreth 527 milione leke. Mosrakordimi dhe inventarizimi i faturave prej kaq kohesh, ka qene shkak qe shume nga keto dokumente te asgjesohen apo humbin, duke mbuluar nje sere manipulimesh financiare me shumat e lekeve te regjistruara. Kjo gje, sipas deponuesve, vertetohet vetem me mbylljen e tyre financiare te pakryer ende. Si fakte per kete eshte referuar veprimtaria e arketareve Dila Buli, e cila nuk ka bere asnje inventar qe nga vitit 1997-2002 per te gjitha faturat e saj ne ngarkim. Ndersa arketarja Nexhmije Skrepi ka paraqitur fatura te vulosura (te paguara) ne shumen 1 milion leke te viteve 2000-2001-2002, por nuk ka derdhur shumat ne leke. Dy punonjesit e Drejtorise se Shperndarjes se "KESH sh.a" kane paraqitur edhe nje sere shkeljesh te tjera, te dokumentuara, gje qe ka cuar ne rekomandimin e Avokatit te Popullit per fillimin e hetimeve nga ana e KLSH-se.

[Gerrard]

Bërja publike e një projektit, sipas te cilit rritet taksa qe qytetarët duhet të paguajnë në momentet e kalimit të pronësisë parashikohet se do të ngjallë reagime negative

Qeveria po përgatitet të kalojë në Parlament një ndryshim ligjor, që parashikon rritjen më se tri herë të taksës, që duhet të paguajnë qytetarët shqiptarë në momentet e kalimit të pronësisë. Kjo do të përfshijë, sipas burimeve nga Ministria e Financave, çdo lloj transaksioni, duke filluar nga shitblerja e automjeteve, shtëpive të banimit, por edhe të aksioneve në shoqëri aksionere. Ndërkohë që projektligjet e Paketës Fiskale kanë krijuar një klimë shumë të ndezur në marrëdhëniet midis qeverisë dhe biznesit privat, mund të parashikohet lehtësisht se bërja publike e një projekti të tillë do të ngjallë reagime të shumta negative. Madje, një masë e tillë ligjore nuk do të përfshijë vetëm bizneset, por të gjithë qytetarët, kështu që reagimi duhet të jetë këtë herë shumë më i madh. Sipas zyrtarëve të Financave, ky nuk parashikohet të jetë një ligj i veçantë, por do të përfshihet në ndryshimet që duhet t’i bëhen ligjit të tatimit mbi të ardhurat.
Ndërtimet
Deri tani, taksa që një posedues banesash duhej të paguante për shtetin në momentin e shitjes së saj llogaritej nga 0,5 përqind, për shifrat më të ulta, në 4 përqind, për prona të mëdha të patundshme. Por, me planin, e shpallur publikisht, të unifikimit të taksave, ose të “taksës së sheshtë”, të cituar kohët e fundit nga vetë kryeministri Berisha, kuota rritet, duke kaluar në 10% për të gjitha kategoritë, pa shkallëzime. Kjo do të thotë, praktikisht, një rritje e ndjeshme për financat publike. Por, edhe një rëndim i xhepit të qytetarit.
Më të goditurit janë, dukshëm, bizneset e ndërtimit. Qeveria Berisha nuk implementoi TVSH-në në ndërtim, duke negociuar me FMN-në. Por, nga ana tjetër, kjo rritje prej 10% në taksa nuk ka se si të mos ketë ndikimin e vet të drejtpërdrejtë edhe në rritjen 10% të kostos së ndërtuesve. Pritet që ditën e hënë kryeministri të presë në selinë e qeverisë përfaqësues të Shoqatës Kombëtare të Ndërtuesve, për t’u shpjeguar atyre personalisht kërkesat e ligjit në fjalë, që pritet të hasin në kundërshtime të forta.
Makinat
Në rast se deri tani tarifat për shitblerjen e automjeteve kanë qenë fikse dhe jo me përqindje, akti i shitblerjes këtej e tutje parashikohet të tatohet me 10%. Kjo do të thotë që, sa më e shtrenjtë të jetë një makinë, aq më shumë do të paguhet edhe në momentin e shitjes e blerjes së saj.
Aksionet
Tjetër ndryshim do të ketë edhe në kalimin e pronësisë së një tjetër pasurie të luajtshme. Në kuadrin e ndryshimeve të pritshme ligjore, qeveria ka përgatitur edhe projektin për taksimin me 10% të vlerës së aksioneve së një kompanie aksionere, që një subjekt apo qytetar i shet një tjetri. Deri tani, Ministria e Drejtësisë nuk ka përgatitur asnjë tarifë për taksimin e një veprimi të tillë.

[Gerrard]

Sipas kryetarit të Dhomës së sapokrijuar Greko-Shqiptare të Tregtisë, Nick Karas, nuk është normale që biznesi të parapaguajë gjobat që vendosin Tatimet. Gjithashtu, Karas është shprehur edhe për pagën minimale të punonjësve në Shqipëri, duke thënë se ky nivel aktual pagash ëshëtë tepër tërheqës për biznesin e huaj, kjo, për shkak të krahut të lirë të punës. Në një intervistë për “Gazetën Shqiptare” dhe TV “Neës 24”, kryetari i Dhomës ka folur dje lidhur me ekonominë shqiptare e perspektivat apo problemet e saj, si dhe ka dhënë gjykimin e tij për debatet më të fundit në Shqipëri, lidhur me ligjet e paketës fiskale. Një ndër problemet aktuale për biznesin shqiptar, sipas Karas, është paqendrueshmëria politike dhe legjislative. Nëse, më parë, krimi i organizuar ishte problem i madh, tashmë frika se në pak muaj qeveria mund të ndryshojë, destabilizon ekonominë shqiptare. Kreu i Dhomës Greko-Shqiptare të Tregtisë mendon se degë të tilla, si ndërtimi, blegtoria, pasuritë minerare dhe burimet e mëdha hidrike janë një pasuri e çmuar dhe me mjaft perspektivë për investimet e huaja. Greko-amerikani Nick Karas ka kaluar 13 vjet të jetës së tij në Shqipëri, ku tashmë është investitor dhe pronar i dy fabrikave që prodhojnë pajisje hidrosanitare e mobileri për zyra.
Zoti Karas, çfarë përfaqëson Dhoma tuaj dhe interesat e kujt mbron ajo?
Krijimi i Dhomës Greko-Shqiptare të Tregtisë është një përpjekje që ka filluar para 16 vjetësh. Fatkeqësisht, nuk ka pasur një ecuri të mbarë që në fillim, por ka nisur vetëm para katër muajsh. Por, duke përdorur fjalën e urtë të lashtë greke “Më mirë vonë, se sa kurrë”, kemi besim të fortë dhe jemi të sigurt për ecurin e saj. Dhe, brenda këtyre katër muajve, kemi bërë më tepër se 130 antarë. Pra, është e dukshme se kompanitë greke dhe shqiptare janë të interesuara. Çfarë marrëdhëniesh mendon të krijojë organizata tuaj me shtetin shqiptar?
Kemi një reagim tepër pozitiv nga qeveria shqiptare dhe sidomos nga kryeministri Sali Berisha. Presidenti i Dhomës ka takuar gradualisht të gjithë ministrat. Dhe, gjëja e parë që na kanë pyetur, ka qenë: “Pse u vonuat kaq shumë?” Mendoj se kjo i shpjegon të gjitha.
Ditët e fundit në Shqipëri është hapur një debat në lidhje me një ligj, sipas të cilit gjoba e vendosur për bizneset nga Tatimet duhet të parapaguhet, para se dikush të ketë të drejtën të ankohet në instanca të tjera ligjore. Si njeri me përvojë në fushën e biznesit, si e gjykoni në parim këtë akt ligjor?
Dje është marrë një vendim nga kryeministri që kompanitë e biznesit të paguajnë vetëm 25% të gjobës dhe më pas ata mund t’u drejtohen institucioneve të tjera më të larta ligjore për t’u ankuar. Bizneset, sidomos bizneset e mëdha, duhet të kenë mundësinë e disa alternativave, si, për shembull, të kenë mundësi më shumë për të vënë në hipotekë si garanci një objekt, që kanë në pronësi dhe, kështu, do të ishte më e zbutur, si procedurë. Ky është një sistem që përdoret në Greqi dhe në vende të tjera të Bashkimit Europian.
Çfarë mendoni se e favorizon ekonominë shqiptare, si ekonomi e një vendi në zhvillim?
Gjëja e parë është krahu i lirë i punës, gjithashtu dhe pozicioni gjeografik, pasi ndodhet në Europë, ka një pozicion të favorshëm, ashtu si Hong Kongu apo Singapori. Shqipëria mund të zhvillohet dhe të jetë një qendër biznesi për të gjithë rajonin. Autostrada nga Durrësi në Prishtinë do të jetë një tjetër element pozitiv, sepse hap rrugën për transportin. Gjithashtu, transporti lehtësohet dhe nga një rrugë e re që po hapet nga Grevena në Korçë, që lehtëson transportin e u vjen në ndihmë edhe bizneseve, sepse ato do të zhvillohen më shpejt.
Në qoftë se pagat minimale në Shqipëri rriten, mendoni se kjo e pengon biznesin e huaj?
Është e vërtetë që do të ishte diçka pozitive për shqiptarët të rritej paga minimale. Por, nuk e mohojmë se është tepër tërheqës një krah i lirë pune. Para se të kalojë kjo fazë, duhet të krijohen bërthama të forta të biznesit dhe, gradualisht, do të kalohet dhe kjo situatë.
Cilat mendoni se janë pikat e dobëta të ekonomisë shqiptare aktualisht?
Më e rëndësishmja është paqëndrueshmëria në politikë. Në rradhë të dytë, është legjislacioni. Është shumë negative frika se qeveria mund të ndryshojë nga muaji në muaj. Kjo është dhe ajo që ndikon më shumë, pasi biznesi ka nevojë për një qëndrueshmëri politike. Ai duhet të ndihet i sigurt nga politikat shtetërore. Dikur bizneset kanë qenë të frikësuar nga krimi i organizuar që ka ekzistuar në Shqipëri. Tashmë ata e kanë kaluar këtë fazë, por janë të frikësuar nga paqendrueshmëria politike.

GazetaShqiptare

[no name]

Autori i Lajmit:
G.B.
Tiranë - Në fund të marsit Ann-Margret Ëestin, Përfaqësuese e Përhershme e FMN-së, Tiranë deklaroi se, "ne kemi marrë propozime nga qeveria shqiptare për ndryshime të mëtejshme në normat e taksave. Aktualisht, ne jemi duke i vlerësuar këto propozime, të cilat presim që të diskutohen në detaje gjatë vizitës së ardhshme në Tiranë të misionit të rishikimit të programit të FMN-së, të planifikuar për datat 25 Prill-8 Maj. Prandaj në këtë pikë, unë nuk mund të komentoj me më shumë detaje lidhur me propozimet e veçanta. Në një vështrim më të përgjithshëm, ne besojmë akoma se sistemi shqiptar i taksave është në përgjithësi i shëndetshëm dhe se çdo ulje e mëtejshme e taksave duhet të përqëndrohet së pari në normat e kontributit të sigurimeve shoqërore. Në një hap të dytë, mund të ndërmerren ulje paralele në normën më të lartë të tatimit mbi të ardhurat personale dhe në normën e tatim fitimit. Çdo ulje në normën e TVSH-së duhet konsideruar e fundit.

“Th Economist”:POlitikanet e paafte mbrohen pas takses se sheshte

Tiranë - Në një shkrim të saj të fundit revista më prestigjoze botërore në ekonomi "The Econimist". Taksën e Sheshtë kryesisht e kanë mbrojtur disa politikanë, të cilët nuk janë votuar apo titullohen si politikëbërës intelektualë pasi, padyshim, kjo politikë fiskale është në të shumtën e rasteve diçka e dështuar. Këtë qëndrim e ka mbajtur revista e njohur britanike "The Economist" mbi Taksën e Sheshtë. Sipas "The Economist", qëllimi i vendosjes së kësaj takse është që të reduktohet "fitimi i biznesit" dhe që taksa mbi të ardhurat të personale, të vijë me postë tek shtëpia, "Taksa e Sheshtë" është përgjigjja. Taksa e Sheshtë, do të aplikohet për çdo lek të ardhur personal apo fitim biznesi, pa përjashtime.

Deklarimi per te mbuluar paaftesine

Tiranë - Pa u konsultuar më parë me FMN dhe stafin e tij, Kryeministri Berisha ka lëshuar budallallëkun e radhës nga tribuna e inagurimit të terminalit të ri të Rinasit përpara një auditori shumë të kualifikuar biznesi dhe politik. Berisha deklaroi: "Nga 1 korriku 2007 deri më 1 janar 2007 qeveria do të aplikojë taksën e sheshtë 10 % që përfshin tatimin mbi fitimin, mbi të ardhurat dhe sigurimet shoqërore". Një formulim të tillë idiot vetëm një kryeministër shqiptar mund ta bëjë. E para përsa i përket kohës. Dhe e dyta përsa i përket nivelit 10 %. Me deklaratën e djeshme të Berishës, padyshim që e surprizuar ka mbetur edhe FMN, që kishte rënë dakord për të diskutuar një nivel afër 18%, gjithmonë nëse kjo taksë do të miratohej nga palët. Por edhe kësaj here Kryeministri, pa marrë parasysh mendimin e specialistëve të kësaj fushe për nivelin e kësaj takse, ka bërë një deklaratë që, si shumë të tjera, do të mbesë në kuadrin e fjalëve.

[no name]

Autori i Lajmit:
G.B.
Berisha ka deklaruar: ka dy filozofi në lidhje me taksat. Njera është filozofia marksiste që mbështet politikën e taksës progresiste që godet të pasurit ndërsa tjetra ajo e taksës së sheshtë që nuk i godet të pasurit

Tiranë - Shqipëria ka fatkeqësinë që të mos qeveriset nga një kryeministër normal por nga një hajvan. Dje paradite, kryeministri Berisha ishte i pranishëm në konferencën e organizuar nga Ministria e Ekonomisë, Tregtisë dhe Energjitikës me temë "Zhvillimi i burimeve energjitike në Shqipëri faktor kyç për zhvillimin ekonomik të vendit" ka deklaruar disa idiotësira në lidhje me politikat fiskale që do zbatohen në Shqipëri. Berisha ka dalë dje hapur kundër FMN-së pas kundërshtimit të saj për zbatimin në Shqipëri të taksës së sheshtë. Berisha ka deklaruar: ka dy filozofi në lidhje me taksat. Njera është filozofia marksiste që mbështet politikën e taksës progresiste që godet të pasurit ndërsa tjetra ajo e taksës së sheshtë që nuk i godet të pasurit. Etj etj. Idiotësira të tilla mund të dalin vetëm nga goja e një hajvani. Fatkeqësisht ky është kryeministri ynë Sali Berisha. Në fund të marsit Ann-Margret Ëestin, Përfaqësuese e Përhershme e FMN-së, Tiranë deklaroi se, "ne kemi marrë propozime nga qeveria shqiptare për ndryshime të mëtejshme në normat e taksave. Aktualisht, ne jemi duke i vlerësuar këto propozime, të cilat presim që të diskutohen në detaje gjatë vizitës së ardhshme në Tiranë të misionit të rishikimit të programit të FMN-së, të planifikuar për datat 25 Prill-8 Maj. Prandaj në këtë pikë, unë nuk mund të komentoj me më shumë detaje lidhur me propozimet e veçanta. Në një vështrim më të përgjithshëm, ne besojmë akoma se sistemi shqiptar i taksave është në përgjithësi i shëndetshëm dhe se çdo ulje e mëtejshme e taksave duhet të përqëndrohet së pari në normat e kontributit të sigurimeve shoqërore. Në një hap të dytë, mund të ndërmerren ulje paralele në normën më të lartë të tatimit mbi të ardhurat personale dhe në normën e tatim fitimit.

Berisha-Turqise:Albtelekom e kembejme me Aldo Baren e Izet Haxhine

Tiranë - Media turke ka emetuar dje lajmin se qeveria shqiptare i ka kërkuar palës turke pas insistimit të saj që një kompani turke të blejë Albtelecom një Pazar të vërtetë. Në këmbimi të Albtelecom, qeveria shqiptare i ka kërkuar qeverisë turke që të ekstradojë Aldo Baren dhe Izet Haxhinë. Grupi turk 'Calik' dhe operatori i telefonise 'Telekomi turk' po krijojnë një kompani të përbashkët për të blerë kompaninë shtetërore shqiptare Albtelekom Lajmi bëhet i ditur nga një burim turk. Ministri shqiptar i Financave Genc Ruli një javë më parë tha se marrëveshja e 2005 sipas së cilës "Calik" eshte bleres i kompanisë shqiptare, do të anullohet nëse brenda një muaji nuk plotësohet kushti për të gjetur një tjetër partner strategjik, në fushën e operatorëve të Telekomit. Burimi thotë se disa zyrtarë të 'Calik group' ndodhen në Tiranë për të diskutuar marrëveshjen dhe për të njoftuar paktin e bërë me 'Telekomin Turk'.

[no name]

Data e Publikimit: 11/04/2007

Autori i Lajmit:
L.K
Grupet e biznesit kane kundershtuar ne bllok ndryshimin e nenit 43 te ligjit aktual per procedurat tatimore i cila parashikon parapagimin 100 % te gjobave dhe detyrimeve para se te shkoje ne proces apelimi. Perfaqesues te biznesit te cilet ndodheshin sot ne Komisionin e Ekonomise ne nje seance degjimore ne lidhje me projektligjet fiskale thane se ndryshimet godasin drejteperdrejte biznesin e madh dhe rrisin koston.

Kreu i shoqates se ndertuesve Luigj Aleski tha se pr/ligj cenon biznesin dhe barazine qe duhet te vendoset mes shteti dhe biznesit. Grupet e biznesit kane kundershtuar dhe oferten e qeverise qe te ulin gjoben nga 100 % ne 25 %. Kundershitme per ndryshimet ne pr/ligj dhe nga deputeti socialist Arben Malaj, ndersa deputetet PD thane se gjobat synojne te godasin biznesin informal.

[Zemrushja]

KORÇE/ Firma "Spahiu Gjanç" do ta menaxhojë për 30 vjet hidrocentralin që do furnizojë 20 fshatra

Kryeministri Berisha merr pjesë në inaugurimin e veprës energjetike

Kryeministri i vendit, Sali Berisha, ka zbritur në qytetin e Korçës për të inauguruar të parin hidrocentral lokal të dhënë me koncesion, hidrocentralin e Gjançit. Berisha, i cili ka prerë shiritin e përurimit dhe ka shtypur edhe butonin e sistemit të automatizuar për vënien në funksion të këtij hidrocentrali, ka thënë se shfrytëzimi i burimeve për prodhimin e energjisë dhe dhënia me koncesion e hidrocentraleve të vegjël, të mesëm dhe të mëdhenj, do t‘i hapë rrugën edhe furnizimit më të mirë të popullatës me energji elektrike, duke shfrytëzuar të gjitha burimet e mundshme për prodhimin në vend të energjisë. "Ky sukses është një garanci për suksese të tjera. Ky është një shembull për të inkurajuar të gjithë biznesmenët që të investojnë në këtë sektor të rëndësishëm. Ne si qeveri garantojmë se do të bëjmë çdo përpjekje që të inkurajojmë dhe mbështesim edhe 100 hidrocentrale të tjerë. KESH-i dhe Ministria e Ekonomisë do të zbatojnë kuadrin më të favorshëm për koncesionet dhe do të krijojnë mundësi që mallin ta shesin me çmime të leverdisshme. Qeveria do të jetë aktive në investime të tilla të rëndësishme dhe në sigurimin e investitorëve të tjerë", ka thënë Berisha në fjalën e tij. Hidrocentrali, i cili ndodhet 15 kilometra larg qytetit të Korçës, ka një kapacitet prej 3 megavat, me një prodhim vjetor 6 deri në 8 milionë kilovat/orë energji. Ky hidrocentral i është dhënë me koncesion për 30 vjet kompanisë "Spahiu Gjanç", me një investim prej 1 milion e 21 mijë eurosh. "Me këtë vepër spikat së pari suksesi i partneritetit publik privat dhe ky sukses është garanci për suksese të tjera të hidrocentraleve të këtij kalibri. Vetëm hidrocentralet ndër 10 megavat, të marra së bashku, shumë shpejt me kompletimin e tyre në mbarë vendin do të mund të prodhojnë energji sa një prej HEC-eve më të mëdhenj të vendit", është shprehur Kryeministri. Prodhimi i këtij hidrocentrali deri në momentin që është marrë me koncesion për 13 vjet me shtrirje kohore nga vitit 1991 dhe deri në 2004, ka pasur një kapacitet prej 9 milionë kilovat/orësh, kapacitet i cili është dyfishuar pas marrjes nga kompania private. Kompania ka kryer një sërë punimesh rehabilituese në përputhje me marrëveshjen e koncesionit, ndërsa me asistencën e një kompanie austriake ka kryer punime në pajisje dhe makineri duke rinovuar tërësisht sistemin e komandimit dixhital.

© Gazeta Shqip - 2006-2007