Lajme ekonomike

[Gerrard]

Ky eshte problemi qe thash dhe une. Dhe nuk mund ta quaj formalitet nese banka mban 10%. Do ishte nje humbje e madhe per te gjithe bisnezet dhe do kishte probleme te pakorigjueshme. Te shikojme se c'fare do behet pasi ka ardhur dhe per vizite Z. Portugal dhe do japi sugjerime te vlefshme qe do ndihmojne ne ecurine e Ekonomise ne vendin tone.

Kalofshi Mire

T-B

[Imperator]

Po normale qe 10% eshte nje shume e konsiderueshme, sepse po ti mbledhim dhe TVSH qe eshte 20% behen 30%. 30% jane humbje e menjehershme ne nje mall apo ne nje sherbim, llogarit ketu dhe kosto anesore qe mund te kete ose dhe disa minitaksa te tjera dhe i bie qe gati 50% te ikin njeheresh.

Mendoj se nje norme 2-3% do te ishte diçka e mire si per biznesin ashtu dhe per bankat. Per bankat do ishte mire sepse megjithese tani ka nje norme te larte ka pak transaksione dhe nqs miratohet ligji per te cilin flasim atehere transakionet do te rriten shume dhe me uljen e normes ne 2-3% serish fitimi i bankes do te ishte i konsiderueshem duke pare numrin e madh te transaksioneve.

Por do te ishte mire dhe per bizneset dhe per te punesuarit kjo gje pasi kontrolli do te ishte me i larte dhe abuzimet do te ishin me te vogla. Gjithashtu do ishte nje gje e mire dhe per ekonomine Shqiptare kjo gje pasi do te dihej se nga duhet te orientohet ekonomia, pasi me ane te transaksioneve bankare do te shikohej se çfare sektori ekonomik do te ishte me fitimprures dhe do te investohej ne ate sektor per rritjen ekonomike. Pra thelbi i ketij ligji nuk ka te beje vetem thjesht me pagesat nepermjet bankave por ka te beje me zhvillimin ekonomik te vendit tone ne radhe te pare dhe me ndalimin e abuzimeve ne radhe te dyte.

Imperator

[LAINA]

Më shumë masa ndëshkuese për bizneset që janë të zhytura në informalitet. Ky ka qenë mesazhi i përcjellë nga zv/drejtori i Përgjithshëm i Menaxhimit në Fondin Monetar Ndërkombëtar, Murilo Portugal, gjatë një takimi me ministrin e Financave, Ridvan Bode.

Porugal ka vlerësuar hapat e marrë së fundmi nga qeveria në përmirësimin e administrimit fiskal, duke theksuar se krahas uljes së taksave duhet të rriten masat që ndëshkojnë bizneset që nuk dalin nga informaliteti.

FMN
“Është bërë vërtet një punë shumë e mirë, po ta kemi parasysh që Shqipëria është një vend që ka pasur një fillim të vështirë, por që arriti të menaxhonte një progres shumë të suksesshëm në dekadën e fundit, duke dyfishuar të ardhurat etj. Për mua dhe FMN-në, kur shohim raste të tilla të suksesshme, është e rëndësishme që të njihemi me arsyet që e kanë mundësuar këtë zhvillim”, ka thënë dje zyrtari i lartë i FMN-së, Portugal. Por, nga ana tjetër, gjatë një takimi me kreun e Bankës së Shqipërisë, ai ka vënë në dukje edhe pikat e dobëta të ekonomisë së vendit, për të cilat qeverisë i duhet ende shumë punë për t’i përmirësuar. “Ju keni qenë shumë të suksesshëm në arritjen e stabilitetit makroekonomik, por stabiliteti makroekonomik nuk është qëllim në vetvete, është thjesht një mjet për të arritur diku”, është shprehur Portugal. Sipas tij, sfida për të ardhmen mbetet ruajtja e ritmeve kaq të larta të rritjes ekonomike, sepse kjo do të jetë mënyra për të rritur standardet e jetesës së shqiptarëve, për të ulur nivelin e varfërisë dhe për të përshpejtuar kalimin nga një periudhë tranzicioni në arritjen e objektivit të integrimit evropian. “Kjo kërkon vazhdueshmërinë e reformave strukturore, kërkon dhe realizimin e gjërave që janë jashtë sferës strikte të Bankës së Shqipërisë, kërkon përmirë-sime në infrastrukturë si dhe përmirësime në furnizimin me energji elektrike”, ka theksuar ai. Por sipas Portugal, në të ardhmen Shqipëria do të jetë e aftë që t’i arrijë këto sfida.
Përmirësimi i furnizimit me energji elektrike për konsumatorët si dhe përmirësimi i infrastrukturës në vend, mbeten dy detyrat kryesore që qeveria shqiptare duhet të përmbushë. Nuk është hera e parë që drejtuesit e institucioneve ndërkombëtarë vënë theksin mbi këta dy elemente. Sipas tyre, përmirësimi i këtyre dy elementeve është mjaft i domosdoshëm për vendin.



Porositë

Të rriten masat që ndëshkojnë bizneset, të cilat nuk dalin nga informaliteti
Ruajtja e ritmeve kaq të larta të rritjes ekonomike
Të merren masa për përmirësime në infrastrukturë
Të përmirësohet furnizimi me energji elektrike

[pekomeri]

I Kam lexuar me vemendje te gjithe shkrimet ne kete teme dhe me pelqejne diskutimet.Ekonomia Shqiptare ne fakt eshte ne kolaps.Qe te matesh ekonomine e nje vendi duhet te krahesosh importet me eksportet.Po te shikojme kete raport ne duhet te veme duart ne koke.Ajo cka e ben ekonomine te qendroje ne kembe jane vetem parat e sjella nga emigracioni si dhe dhe ato qe jane siguruar ne rruge jo legale.Sektori i industrise punon me shume ai i ndertimit dhe pak industri te materialeve te ndertimit dhe punimet me fason.Po a mjaftojne keto per te mbajtur ekonomine e nje vendi,mendoj qe jo.Shteti shqiptar duhet te tregoje kujdes te madh ne sektorin e turizmit dhe ate artizanat.Me fjalen artizanat nuk kuptoj vetem prodhimin e suvenireve dhe qendisjeve,por e shikoj ate me gjere duke perfshire disa sektore si, punimin e drurit,hekurit,mermerit,qelqit,tekstile,konservave me material bio,bakrit,leshit,lekures, etj.Keto sektore jane ne zhdukje por me pak pune mund te rringjallen dhe mund te luajne nje rol te rendesishem ne eksport duke shtuar arken e shtetit. Shpresoj qe qeveria shqiptare ta kuptoj qe duhen politika nxihtese per sektoret e turizmit dhe te artizanatit.

[no name]

Bankat, vazhdon rritja e interesave për kreditë

Julian Llupo
07-09-2007


BSH, interesat e kredive në valutë janë rritur gjatë muajve prill dhe maj, si për euron edhe për dollarin
Interesat e kredive kanë pësuar një rritje të ndjeshme, gjatë pjesës së parë të këtij viti. Bankat nga ana e tyre, kanë rritur fitimet nëpërmjet rritjes së normës së ndërmjetësimit. Nga ana tjetër trendi rritës i interesave të depozitave për euron, lekun dhe dollarin është reflektuar më shumë në rritjen e kredive, që kanë pasur një shtrenjtim për të gjithë afatet e maturimit.

Interesat e kredive kanë pësuar një rritje të re, gjatë pjesës së parë të këtij viti. Krahasuar me fundin e vitit 2006, rritja e interesave të kredive ka përfshirë të gjithë afatet dhe monedhat në të cilat jepet kredia në vend. Rritje të përgjithshme kanë pasur interesat për euron dhe dollarin, dy monedhat kryesore të preferuara nga ana e kreditorëve në vend, për të marrë një kredi. Megjithëse, gjatë viteve të fundit ka pasur një ekspansion të kredisë në lekë, në total kredia e re në valutë e dhënë deri në muajin maj të këtij viti ka zënë rreth 62%.

Kreditë në dollarë

Sipas Bankës së Shqipërisë, interesat e kredisë në valutë janë rritur në muajt prill dhe maj, si për monedhën euro ashtu dhe për dollarin amerikan. Rritjen të konsiderueshme referuar raportit të fundit të BSH-së e kanë pasur kreditë në dollarë, për afatin e maturimit 6-mujor. Për këtë afat, vetëm për 3 muaj, nga marsi deri në maj të këtij viti rritja e interesave ka qenë me rreth 3%. Për kreditë në dollarë me afat deri në 6 muaj, norma mesatare të interesit që ofrojnë bankat shkojnë në rreth 12.25%. Për këtë afat maturimi, norma e interesit që përfiton banka (diferenca kredi-depozita) shkon në rreth 9%.

Ndërsa diferenca midis kredive në dollarë për afatin e maturimit 1-3 vjet, për afatin e kohën nga marsi në maj 2007 është rreth 6%. Ky është edhe afati i maturimit të kredive në dollarë, që ka pësuar rritjen më të madhe në interesa gjatë tremujorit të dytë të vitit 2007. Kreditë e dhëna nga ana e bankave për këtë afat maturimi, kanë pasur një interes mesatar prej 12.06%. Edhe kreditë me afat mbi 3 vjet në dollarë kanë pësuar një rritje prej 1.8% vetëm në tremujorin e dytë të vitit 2007, ndërsa, nëse e krahasojmë me fundin e vitit 2006 rritja është 2% për këtë afat maturimi. Edhe nëse bëhet një krahasim për të gjitha interesat e kredive në dollarë, për të gjitha afatet e maturimit, rritja shkon në 3% vetëm për 3 mujorin e dytë të vitit 2007.

Kreditë në euro

Ritmet e rritjes së kredive për monedhën evropiane gjatë pjesës së parë të këtij viti, janë më të pakta se ato të dollarit. Kështu, monedha evropiane vazhdon që të mbetet e preferuar nga ana e klientëve për t'u përdorur gjatë marrjes së një kredie, pavarësisht riskut të kursit të këmbimit, për të gjithë ata që të ardhurat i kanë në lekë apo dollarë. Rritja më e madhe e interesave për kreditë e dhëna në euro është për afatin e maturimit 1-3 vjet, ku interesi ka pasur një rritje prej 1.41% gjatë tremujorit të dytë të vitit 2007, krahasuar me 3-mujorin e parë të këtij viti. Ndërsa, përsa i përket afateve të tjera të maturimit të kredive në monedhën evropiane, rritja është e moderuar dhe shkon në rreth gjysmë pike përqindjeje. Mesatarisht, sipas raportit të BSH-së, interesat e kredive në euro janë rritur 0.4% nga marsi i këtij viti deri në muajin maj.

Kreditë në lekë

Edhe kreditë në monedhën vendëse të ofruara nga ana e bankave të nivelit të dytë kanë pësuar rritje interesash, gjatë pjesës së parë të këtij viti. Sipas BSH-së, rritjen më të madhe e kanë pasur kreditë në lekë me afat 6 muaj. Ato janë rritur me rreth 2.5% interes vetëm në periudhën mars-maj të këtij viti. Rritja është më e madhe nëse krahasimi bëhet me fundin e vitit 2006. Rritje për lekun kanë pasur edhe kreditë me afat mbi 3 vjet, gjatë 3-mujorit të dytë të vitit 2007, ndërsa, përsa i përket kredive me afat 1-3 vjet, bankat kanë ofruar një normë më të ulët interesi gjatë kësaj periudhe.

Bankat shtojnë kredinë në lekë

Kredia e re në monedhën vendëse ka pësuar një rritje të ndjeshme gjatë pjesës së parë të këtij viti. Në muajin maj të këtij viti, pesha që ka zënë kjo kredi e re ndaj totalit ka shkuar në rreth 37.8%. Sipas specialistëve një rezultat i tillë është i pritshëm, në një kohë që pjesa dërrmuese e depozitave është në monedhën vendëse, ndërsa pjesa më e madhe e kredisë është në valutë. Klientët e bankave kanë qenë të orientuar më shumë deri tani drejt kredisë në valutë, për shkak të interesave më favorizuese që ofronte kjo e fundit. Por me politikën rritëse të interesave të depozitave për euron dhe dollarin, të ndikuara nga Rezerva Federale dhe Banka Qendrore Evropiane, interesat midis lekut, dollarit dhe euros për kreditë dhe depozitat kanë filluar të ngushtohen. Duke futur në këtë analizë edhe efektet e kursit të këmbimit, monedha vendëse ka filluar që të bëhet pjesë në rritje e kërkesave të klientëve të bankave.


Shekulli

[Dorontina]

Ekonimia ........
Nji shtet me shum shkatrrohet nga humbja e moralit te qytetarve se sa e shkatrron ekonomia ...franqeze....

[Lukather]

The Economist për Shqipërinë: Më në fund kohë më të mira

Duket se perëndimi po ndërron përshtypjen e tij për Shqipërinë.

Në një shkrim sensacional nën titullin “Më në fund kohë më të mira” ku i kushtohet zhvillimeve të fundit ekonomike në vendin tonë, shkruhet se një bum i papritur po ndodh kohët ë fundit në këtë vend.
“Nuk është e vështirë të gjesh lajme të këqija në Shqipëri shkruhet që në fillim të artikullit si korrupsioni, shteti i dobët dhe nje krim i forte i organizuar.
Por më tej pohohet se në pese vitet e fundit po ndodhin ndryshime dhe një transformim i papritur.
Vendi i dale nga kaosi i 97 i shkaktuar pas kolapsit te skemave piramidale tani po mbushet me ndërtime te shumta ku apartamente dhe zyra me ngjyra te ndezura po shtrihen net e gjithe Tiranen.
Rruget po shtrihen dhe rikosntruktohen ne te gjithe vendin thuhet me tej. Madje po rilind edhe Vlora, nje qytet kur dikur mblidheshin kurdet e transportoheshin ilegalisht ne Itali.
Ligji antiskaf thuhet ne artikull ka dhene efktivitetin e vet dhe parate e perdorura dikur ne keto trafiqe tani po perdoren ne menyre te ligjshme ne ndertime dhe biznese ligjore.
Ekonomia informale eshte reduktuat dhe ne hotelet dhe restorantet vendit po pushojne mjaft pushues jo vetem shqiptare por dhe nga Kosova dhe Maqedonia.
Stabiliteti i viteve te fundit ka ndikuar ne hapjen e mjaft bankave te huaja, qe ndihmojnë me kredi te ndryshme.
Kur Bashkimi Europian, vijon artikulli vuri kufizime per emigracionin per punësimin ky fakt nuk u prit me shqetësim ne Shqiperi pasi nje numer i madh shqiptaresh jetojne dhe punojne ne perendim.
Mbi 600 mije prej tyre jetojne ne Greqi, me shume se 200 mije ne Itali dhe rreth 200 mije te tjere ne vende te ndryshme. Te gjithe keta emigrante dergojne ne Shqiperi rreth 1 miliarde euro ne vit.
Ka nje angazhim per te goditur krimin e organizuar, thone burime policore, eshte ulur numri i vajzave qe përdoreshin per prostitucion. Duke iu referuar shifrave te papunesise, niveli 15 per qind i saj ne Shqiperi eshte me i larte se ne vendet e tjera Europe, thote “Economist” por jo me shqetësuese se niveli i papunësisë ne Maqedoni dhe Kosove ku ky nivel eshte me i larte.
Por shqetesimi me i madh i shqiptareve thote revista e njohur ekonomike eshte e ardhmja e ekonomise se tyre.
Parate e emigranteve nuk mund te krijojne shume vende pune, nderkaq shqetësuese mbetet edhe sjellja e kryeministrit Berisha i cili qe pas ardhjes ne pushtet ka vene ne kontroll te forte jeten publike ne vend.
Analaistet e “The Economist”?jane te bindur se situate poztive e krijuar ne Shqiperi do te ndikoje per mire ne e gjithe Ballkanin.
“Mirëqenia dhe stabiliteti ne Shqipëri”, përfundon artikulli i “The Economist”, “eshte i rendesishem per kedo ne Ballkan.”

[Gerrard]

Kompania ndërkombëtare e shpërndarjes së shtypit (revistave dhe gazetave), ka kërcënuar se nuk do të dërgojë gazeta dhe revista në Shqipëri pas taksës së re të aprovuar nga parlamenti shqiptar.
Peter Emod, manaxhar i agjencisë në Zyrih, i ka dërguar një letër presidentit të vendit, Bamir Topi duke i kërkuar ndryshimin e ligjit, i cili vendos 20% taksë mbi të gjitha produktet e shtypit të importuara nga jashtë.

Një kopje e kësaj letre i është faksuar edhe zyrës së shtypit.

“Ligji i ri do të detyrojë kompanitë e shpërndarjes të mos dërgojnë më botimet në Shqipëri. Kjo taksë mund ti japë fund edhe shtypit të huaj në Shqipëri” – tha Emod.

Ky ligj mund të ndikojë gjithashtu edhe importin e librave, sipas agjencisë së importit Adrion Ltd.

Shtypi i huaj është ndaluar të vijë në Shqipëri para viteve 1990, por duket se kjo situatë po përsëritet edhe tani me taksat e reja të aprovuara nga parlamenti Shqiptar.

[Gerrard]

Qeveria ka konfirmuar gjatë ditës së djeshme se rezervat e naftës të zbuluara nga kompania “Gustavson” shkojnë në 3 miliardë fuçi
Agjencia Kombëtare e Burimeve Natyrore konfirmon rezervat e naftës të zbuluara nga amerikanët



Kompania amerikane “Gustavson Associates LLC” ka bërë publik një raport për rezervat e naftës në Shqipëri, sipas të cilit, vendi ynë ka një sasi të madhe rezervash të reja që ndodhen në zonën midis Durrësit dhe Shkodrës. Kompania zvicerane “Manas Petrolium” që ka edhe një kontratë me Qeverinë Shqiptare për kërkime në zonën e Shqipërisë së Mesme dhe asaj të Veriut, ka bërë të ditur edhe gjetjen e arit të zi, që mund të quhet një kërkim tepër me vlerë nëse ai do të mund që të shfrytëzohet nga ana e kompanive private. Sipas kompanisë zvicerane “Manas Petroleum”, rezervat e naftës në zonën që shtrihet nga zona e Dumresë deri në Shkodër, në një shtrirje prej rreth 30 kilometrash (në hartë na tregohen zonat A, B, D, E, ku janë gjetur edhe rezervat) ekzistojnë rezerva nafte që kapin një sasi prej 2.987 miliardë fuçi.

Ndërsa rezervat e gazit në këtë zonë janë rreth 3 triliardë metër/kub gaz natyror. Kompania “Gustavson” ka përfunduar një raport studimor kërkimor për llogari të “Manas Petrolium Corporation”, kompani kjo shumë e njohur ndërkombëtare në fushën e zbulimit dhe shfrytëzimit të naftës. Finalizimi i synimeve të kësaj kompanie për kërkim dhe zbulim nafte në Shqipëri vjen pas një studimi të kujdesshëm të të dhënave sizmologjike e gjeologjike, të bërë nga kompania e konsulencës “Guvstavson”, e kontraktuar prej tyre. Rezultatet e raportit të konsulencës, të mbështetur dhe mbi studime paraprake të kompanive të tjera ndërkombëtare të fushës, janë shumë bindëse dhe premtuese për specialistët e naftës dhe të çojnë në përcaktimin se Shqipëria qëndron mbi një rezervë të madhe nafte dhe gazi.

Referuar raportit të studimit të bërë publik nga kompania amerikane “Gustavson”, sasia e rezervave të naftës që mund të përdoren në vendburimet e reja, sipas studimeve shkojnë në 1.4 miliardë fuçi. Raporti nuk jep sqarime në lidhje me cilësinë e naftës që mund të nxirret në këtë zonë, por edhe nëse nafta do të jetë e cilësisë jo shumë të mirë, rezervat e zbuluara nga ana e kompanisë amerikane janë shumë të rëndësishme për zhvillimet ekonomike të vendit. Nëse nafta e zbuluar në këtë zonë do të kishte një çmim minimal prej 50 USD për fuçi, atëherë rezervat e naftës në këtë zonë do të kishin një vlerë që shkonte në rreth 70 miliardë dollarë. Në një kohë që në rajon rezervat e naftës mungojnë, Shqipëria vlerësohet që të ketë një avantazh të madh krahasues me vendet e tjera të rajonit.

Kompania amerikanë bën të ditur se tashmë është duke përpunuar të dhënat dhe gjatë javëve në vazhdim do të ketë edhe një raport të plotë, për hapat e mëtejshëm që duhet të ndiqen në shfrytëzimin e këtyre rezervave të rëndësishme të naftës dhe të gazit. Në mes të vitit 2007, në bazë të një marrëveshjeje të re hidrokarbure, ka hyrë për kërkim nafte dhe gazi edhe kompania zvicerane "Manas", përmes degës së saj "DWM Petroleum", e cila po kërkon në 2 blloqe kërkimi në zonën nga Shkodra deri në Rinas, si dhe në zonën tjetër, Krujë deri në Elbasan. Megjithatë, të dhënat e nxjerra nga ana e kompanisë amerikane vazhdojnë që të jenë në kuadrin e studimeve, pasi ende nuk ka një zhvillim të punimeve konkrete.

Të dhënat e ardhura nga kjo kompani janë optimiste, sipas studimeve paraprake, për burime të konsiderueshme nafte dhe gazi dhe do të vijojë me vlerësime të të dhënave si dhe me punime sizmike, të cilat nëse do të dalin me rezultate pozitive, do të kalojnë në shpime konkrete. Për të vërtetuar rezultatet e studiuara kompania “DWM”, e cila operon në Shqipëri si kompani bijë e kompanisë “Manas Petroleum”, do të fillojë implementimin e marrëveshjes me ritme të përshpejtuara duke kaluar shpejt në fazën e shpimit të pusit. Raporti i kompanisë konsulente “Gustavson” konfirmon potencialin e rezervave të pazbuluara të naftës dhe gazit, në zonën ku “Manas Petroleum” ka marrë licencën. Kjo zonë ndodhet midis Liqenit të Shkodrës dhe Dumresë. Raporti i kompanisë “Gustavson” cilëson se “objektivat e parë të eksplorimit janë rezervat karbonate të frakturuara të zonës së përfshirë në marrëveshjen hidrokarbure, që kanë rezultuar të njëjta me ato të zbuluara në Apeninet e Italisë në vitin 1990”.

[Gerrard]

Megjithëse ligji për shitjen e detyrueshme me fatura tatimore dhe mbajtjen e kontabilitetin të thjeshtë nga ana e biznesit të vogël ka hyrë në fuqi që prej datës 1 janar 2008, në pjesën dërrmuese të njësive tregtare, në të gjithë vendin, vazhdon që të shitet pa fatura. Bizneset akuzojnë tatimet se janë të painformuar dhe se nuk ka asnjë udhëzim shpjegues për këtë vendim.

Foto nga mbledhja e drejtuesve të tatimeve me Biznesmenët.



Ligji i ri për biznesin e vogël, shihet nga ana e kompanive të mëdha si një draft tjetër i dështuar që nuk do të sjellë asgjë të re në rregullimin dhe formalizimin e tregut. Gjatë një takimi me drejtues të Tatimeve, anëtarët e Dhomës Amerikane të Tregtisë kanë paraqitur dhe opinionet e tyre në lidhje me ligjin e ri për biznesin e vogël, që ka hyrë në fuqi që në datën 1 janar 2008. Sipas sipërmarrësve të pranishëm në këtë takim, ligji i ri nuk ka sjellë asgjë te re në klimën dhe marrëdhëniet midis biznesit të madhe dhe atij të vogël.

“Administrata Tatimore duhet që të zgjidhë përfundimisht problemin e faturave, që ka vite që rëndon biznesin e madh. Ne nuk kemi ku të shkarkojmë faturat e TVSH-së, pasi biznesi i vogël nuk pranon fatura”,- ka bërë të ditur Genc Boga, anëtar i Dhomës Amerikane të Tregtisë. Sipas Drejtoreshës së Tatimeve, Gerta Picari, ligji i ri përcakton mbajtjen e një kontabiliteti të thjeshtë nga ana e biznesit të vogël, që kërkon edhe regjistrimin e faturave të shitjes dhe të blerjes. “Me anë të ligjit të ri, të miratuar nga qeveria, biznesi i vogël duhet që të mbajë një kontabilitet të thjeshtë, mbi bazën e të cilit do të përcaktohet edhe Tatimi mbi Fitimin që ai do të paguajë.

Nga ana tjetër ligji ka përcaktuar si të detyrueshëm vendosjen e kasave dhe, njëkohësisht, përcakton edhe një sërë rregullash të tjera për kontrollin e memories së këtyre makinerive”,- ka bërë të ditur Picari. Por, sipas sipërmarrësve që kanë marrë pjesë në këtë takim, masa të tilla janë marrë edhe më parë nga ana e Ministrisë së Financave, në bashkëpunim me tatimorët, por ato kanë rezultuar të dështuara. “Mendoj se ligji i ri nuk ka për të sjellë ndryshime në këtë situatë të krijuar prej shumë vitesh. Nuk e di pse biznesi i vogël nuk futet në skemën e Tatimit mbi Vlerën e Shtuar, kur kjo taksë në të vërtetë paguhet nga konsumatori”,- ka deklaruar Enea Janko. Sipas tij, futja në TVSH e biznesit të vogël do të ishte edhe zgjidhja përfundimtare e problemit të faturave tatimore.

Një skemë e tillë e përjashton biznesin e vogël nga pagimi i Tatimit mbi Vlerën e Shtuar, në formën e saj klasike. Por futja e Tatimit mbi Fitimin në masën 10% për biznesin e vogël, do t'i detyrojë këto njësi që të blejnë dhe të shesin me fatura, pasi tashmë ato do të detyrohen që të kenë një bilanc financiar ku të evidentohen shpenzimet dhe të ardhurat. Nga ana e Ministrisë së Financave, futja e biznesit të vogël në skemën e Tatimit mbi Vlerën e Shtuar dhe hartimi i ligjit të ri për procedurat tatimore, janë edhe reformat e fundit thelbësore në fushën e tatimeve. Skema e re e Ministrisë së Financave e llogarit 10% tatimin mbi fitimin në fund të vitit fiskal. Për vitin 2008, ky tatim do të llogaritet gjatë periudhës Janar-Shkurt 2009 pasi detyrimi për pagesën e këtij tatimi është 31 marsi. Gjatë kësaj periudhe pritet që edhe të penalizohen të gjitha ato biznese të vegjël që nuk kanë pasur rregullsi gjatë vitit fiskal.

Faturat kthehen në detyrim ligjor

Për të justifikuar fitimin e realizuar, çdo biznes i vogël, prej janarit të vitit 2008 duhet të ketë një bilanc të mirëfilltë financiar, ku të paraqiten të ardhurat dhe shpenzimet e vitit fiskal. Ky bilanc do të pranohet nga ana e organeve fiskale, vetëm nëse të gjitha blerjet e realizuara nga ana e biznesit të vogël, tek ai i madh dhe shitjet e biznesit të vogël, tek konsumatori përfundimtar, janë të dokumentuara me anë të faturave tatimore. Ky projekt, gjithmonë nëse ai nuk mbetet vetëm në letër, nënkupton që prej 1 Janarit të vitit 2008 të gjithë klientët që blejnë në dyqane mallra duhet të pajisen me fatura blerje, një kopje e së cilës i mbetet shitësit. Të njëjtën procedurë, për çdo mall të blerë, biznesi i vogël duhet ta realizojë edhe me biznesin e madh, duke pasur çdo veprim financiar të dokumentuar në bilancin financiar. Në këtë mënyrë, duke u bërë pjesë e zinxhirit të vazhdueshëm të shitjeve në ekonomi me fatura, biznesi i vogël do të mbartë edhe Tatimin mbi Vlerën e Shtuar në mallrat që ai tregton, duke e shkarkuar këtë të fundit tek konsumatori përfundimtar.