Lajme ekonomike

[no name]

Procedurat, afatet per te regjistruar pronat e legalizuara

E Shtune, 05 Maj 2007

Drejtoria rajonale e Aluizni-t publikon te dhenat per regjistrimin fillestar te objekteve, te pajisura me leje legalizimi ne nje vend te dukshem, ne zonen kadastrale, per nje afat 15 ditor. Kur rezultojne pasaktesi ne harten treguese te pasurive ekzistuese, te regjistruara ose mbivendosje me pasurite e legalizuara, Aluizni njofton Zvrpp-ne, e cila, ben korrigjimet e nevojshme ne Htr-ne perkatese. Sipas kesaj procedure ne kartelen e pasurise se paluajtshme, te legalizuar, regjistrohet data e perfundimit te afatit te publikimit te dokumenteve. Kjo kartele nenshkruhet nga nepunesi pergjegjes per plotesimin e saj dhe miratohet nga drejtori i drejtorise rajonale te Aluizni-t. Drejtoria rajonale e Aluizni-t, ne funksion te permbylljes se procedurave te regjistrimit te pasurive te paluajtshme, te legalizuara, dorezon ne Zvrpp, per cdo objekt, te gjithe informacionin e regjistruar ne format dixhital, ne bazen e te dhenave. Gjithashtu drejtoria rajonale e Aluizni-t duhet te dorezoje ne menyre manuale lejen e legalizimit te objektit, genplanin e objektit, te hartuar si harte treguese, miratuar nga drejtoria rajonale e Aluizni-t, planimetrine per cdo kat, volumet e kartelave, regjistrin e parcelave ndertimore, si dhe Htr-ne e perditesuar. Zvrpp-ja, brenda nje periudhe prej 15 ditesh nga marrja ne dorezim e dokumentacionit te percaktuar, verifikon saktesine e te dhenave te karteles se pasurise se paluajtshme, te legalizuar, dhe kryen procedurat per ligjerimin e regjistrimit fillestar per ndertimet pa leje, te pajisura me leje legalizimi. Nderkohe, Drejtoria Rajonale e Aluizni-t, duke shfrytezuar informacionin e regjistruar gjate etapave te meparshme te procesit te legalizimit, ben plotesimin e metejshem te bazes se te dhenave, ne format manual dhe dixhital, si dhe krijon bazen e te dhenave te pasurise, sipas treguesve te karteles se pasurise se paluajtshme dhe te regjistrit te parcelave ndertimore. Ne perfundim te plotesimit te bazes te se dhenave, drejtoria rajonale kryen procedurat perkatese te verifikimit te saktesise se ketyre te dhenave. Zyra qendrore e Aluizni-t, duke shfrytezuar informacionin e administruar gjate te gjithe procesit, nga drejtorite rajonale, krijon dhe administron bazen e te dhenave, ne shkalle vendi. Te dhenat e karteles se pasurise se paluajtshme, genplani i objektit, i hartuar si harte treguese, dhe planimetria strukturohen ne nje program unifikues te informatizimit te te dhenave, si pjese integrale e bazes se pergjithshme te te dhenave.







Dokumentacioni:

a) Lejen e legalizimit te objektit

b) Genplanin e objektit, te hartuar si harte treguese, miratuar nga drejtoria rajonale e Aluizni-t

c) Planimetrine per cdo kat

c) Volumet e kartelave

d) Regjistrin e parcelave ndertimore

dh)Htr-ne e perditesuar

[no name]

Legalizimet, si do behet regjistrimi ne hipoteke

E Shtune, 05 Maj 2007


Agjencia e Legalizimeve dhjete dite pas dhenies se lejes se legalizimit per objektet e ndertuara pa leje do te filloje procedurat per objektin dhe parcelen ndertimore te legalizuar. Dje, Keshilli i Ministrave miratoi rregulloren e re per regjistrimin e objekteve ne proces legalizimi, ku do te jete vete ALUIZNI, qe do ndjeke te gjithe kete proces. Procedurat e regjistrimit te pasurive te paluajtshme, te legalizuara, kryhen nga Aluizni me menyren e regjistrimit qe zbatohet nga Zyra Qendrore e Regjistrimit te Pasurive te Paluajtshme. Zyra Vendore e Regjistrimit te Pasurive te Paluajtshme (ZVRPP) brenda nje periudhe 30-ditore, sipas kerkeses se drejtorise rajonale te Aluizni-t, dergon nje informacion te hollesishem, me numrat e zones kadastrale dhe te pasurive, si dhe me dokumentacionin perkates hartografik, ne funksion te regjistrimit te objekteve, te perfshira ne proces legalizimi per cdo zone informale/bllokbanim, informal/ndertim, informal te vecuar. Sipas rregullores, Zvrpp-ja pasqyron ndryshimet perkatese ne regjistrat e pasurive te paluajtshme, brenda nje periudhe prej 30 ditesh, nga miratimi i vendimeve te KRRT-se ose KRRTRSH-se per legalizimet e zonave te perfshira ne process, si dhe pas hyrjes ne fuqi te vendimeve te Keshillit te Ministrave per menyren e administrimit te territorit, per secilen prej zonave informale.

Drejtoria rajonale e Aluizni-t per kryerjen e procedurave te regjistrimit te pasurive te paluajtshme, te legalizuara, shfrytezon bazen e te dhenave, dokumentacionin ligjor-administrativ, lejen e legalizimit te ndertimit pa leje, dokumentacionin teknik, genplanin e objektit, te hartuar si harte treguese, miratuar nga drejtoria rajonale e Aluizni-t, si dhe planimetrine per cdo kat. Agjencia e Legalizimeve ploteson dokumentacionin tekniko-ligjor, te nevojshem per procedurat perkatese per regjistrimin fillestar te objektit pa leje, te pajisur me leje legalizimi, si dhe regjistrin e parcelave ndertimore. Ky proces do te realizohet sipas te dhenave ne kartelen e pasurise se paluajtshme, ne perputhje me listen e emrave te pronareve te objekteve pa leje, qe perfshihen ne zonen informale apo edhe per ndertimet informale te vecuara, te grupuara ne baze te zones kadastrale, ku ndodhen.

Plotesimi i rubrikave te karteles se pasurise se paluajtshme, te legalizuara, do te behet ne perputhje me te dhenat e lejes se legalizimit te objektit pa leje, genplanin e objektit, te hartuar si harte treguese, miratuar nga drejtoria rajonale e Aluizni-t, harten treguese te regjistrimit, ku percaktohen kufijte e pasurise per secilin objekt, qe gjendet ne zonen e pasqyruar ne te, menyren e renditjes (Vol) dhe (Fq), si dhe numrat e references se dokumentit arkivor per zonen kadastrale perkatese, te percaktuar nga Zvrpp-ja menjehere pas paraqitjes se kerkeses nga drejtoria rajonale e Aluizni-t. Plotesimi i rubrikave D e E te karteles se pasurive te paluajtshme kryhet nga drejtoria rajonale e Aluizni-t, ne perputhje me te dhenat qe ka Zvrpp-ja, e cila eshte e detyruar, qe, brenda nje afati prej 15 ditesh nga paraqitja e kerkeses, te jape informacion te plote, me te gjitha pershkrimet e nevojshme, per plotesimin e ketyre rubrikave. Cdo volum permban 250 faqe. Per rastet e ndertimeve informale te vecuara, volumi do te plotesohet sipas numrit te objekteve, te pajisura me leje legalizimi. Kartelat e pasurive te paluajtshme, te legalizuara, do te plotesohen ne format manual dhe dixhital. Drejtoria rajonale e Aluizni-t administron dhe ruan, ne perputhje me udhezimet e drejtorit te Pergjithshem te Aluizni-t, formatin dixhital te karteles. Brenda nje periudhe prej 30 ditesh nga hyrja ne fuqi e ketij vendimi, Aluizni dhe Zyra Qendrore e Regjistrimit te Pasurive te Paluajtshme do nenshkruajne nje memorandum mirekuptimi per bashkerendimin efektiv te veprimtarise se tyre, per te realizuar procesin e legalizimit dhe regjistrimin e pasurive te paluajtshme, te legalizuara.

[no name]

Sekseret e udhetimeve, reagon Unioni

E Diele, 06 Maj 2007


Konkurrenca e pandershme ne sektorin e udhetimeve turistike eshte vene perseri ne qender te vemendjes nga ana e Unionit te Operatoreve Turistike ne kete fillim te sezonit veror. Kryetari i Unionit, Sadik Malaj, theksoi se si pasoje e ekzistences se seksereve te udhetimeve per grupet shqiptare, qe dalin jashte, lejohen te kalojne edhe grupet e organizuara nga subjekte te palicencuara". Sipas tij kjo ben qe informaliteti ne kete sektor te shkoje ne rreth 70% te flukseve turistike.

Per eliminimin e konkurrences se pandershme, Unioni i Operatoreve Turistike i ka kerkuar autoriteteve prane pikave te kalimit kufitar, qe midis te tjerash, t'u kerkojne agjencive turistike qe hyjne ne Shqiperi dokumentet e pritjes apo rezervimit te hotelit nga nje agjenci turistike e licencuar, si edhe pranine e agjencise partnere shqiptare te licencuar. Ne shkalle vendi numerohen rreth 100 agjenci turistike apo udhetimesh te licencuara, megjithate mjafton nje automjet, mundesisht edhe nje zyre e vogel e ne ndonje cep te Tiranes, dhe kollaj mund te shnderrohesh ne sekser udhetimi.





TAKSAT

Turistet individuale njeditor dhe ata te organizuar ne grupe turistike njeditore nuk paguajne takse vize ose takse hyrje.

Shtetasit e huaj, te cilet hyjne ne Shqiperi me vize, kur vijne te organizuar me grupe turistike, marrin vizen 72-oreshe ne kufi me vleren jo me shume se 10 euro.

Shtetasit e huaj hyjne ne Shqiperi pa vize, kur jane te organizuar me grupe turistike, nepermjet shoqerive turistike nuk paguajne takse hyrje per periudhen 1 maj-01 nentor.

Shtetasit e huaj me kombesi shqiptare hyjne pa vize ne Shqiperi gjate periudhes 1 qershor deri ne 30 shtator, duke i paraqitur policise kufitare cdo dokument te vlefshem udhetimi.

Hyjne pa vize per periudhen 1 qershor-30 shtator shtetasit e shteteve Serbi dhe Bosnje-Hercegovine.

[no name]

Bregu: Shqiperia, destinacion terheqes

E Diele, 06 Maj 2007


Zedhenesja e Keshillit te Ministrave, Majlinda Bregu, njekohesisht ministre e Integrimit Evropian, deklaroi dje gjate nje konference per shtyp, se "si rezultat i perpjekjeve te vazhdueshme te Qeverise, Shqiperia po shnderrohet ne nje destinacion te sigurt per udhetaret vendas dhe te huaj". Deklaraten e saj Bregu e bazoi ne afrimin e kompanive prestigjioze te fluturimeve ne vendin tone, si "British Aireays" dhe se fundmi "Lufthansa". "Shqiperia eshte shnderruar ne nje destinacion terheqes per turistet, pasi standardet e larta te sigurise po terheqin me shume kompani, qe te perdorin aeroportin nderkombetar te Tiranes," vazhdoi ministrja Bregu, duke permendur edhe rritjen e standardit te sigurise ne aeroportin e vetem nderkombetar "Nene Tereza" ne Rinas, qe po menaxhohet nga TIA shpk.

[no name]

Hiqen taksat per turistet e huaj

E Diele, 06 Maj 2007



Fjoraldi Zguro

Shqiperia hap portat per turistet. Prej dates 1 maj shtetasit e huaj, qe mberrijne ne vendin tone, nuk do te paguajne taksen e hyrjes. Ashtu si edhe vitin e kaluar per sezonin veror shtetasit e huaj do te hyjne "for-free" ne Shqiperi, vetem se kete vit ky favor per turistet do te zgjase me shume, nga 1 maji deri ne 1 nentor. Kjo mase ka per qellim nxitjen e mberritjeve turistike, qofshin grupe apo individe, drejt Shqiperise ne muajt e nxehte te vitit. Per grupet e organizuara te turisteve, taksa e hyrjes ne Shqiperi jashte sezonit veror kushton 10 euro. Nese do marrim parasysh qe gjate kesaj periudhe ne vendin tone do te hyjne te pakten 200 mije turiste te huaj, atehere demi i shkaktuar ne buxhet nga kjo mase do te shkoje ne te pakten 2 milion euro. Megjithate, kjo shifer eshte me se e justifikueshme nga totali i shpenzimeve, qe turistet ne fjale do te kryejne ne vendin tone, duke vene ne levizje nje pjese te madhe te ekonomise, duke nisur nga operatoret si hotele, restorante, agjenci udhetimi dhe deri tek fermeret apo artizanet, te cilet do te gjejne treg per produktet e tyre.

Madje vete operatoret turistike kane kerkuar heqjen e taksave te kalimit kufitar, jo vetem per periudhen qe perkon me sezonin veror, por per gjate gjithe vitit. Sipas tyre, ne rajonin e Ballkanit konkurrenca ne sektorin e turizmit eshte mjaft e madhe, keshtu qe edhe keto elemente qe rrisin automatikisht koston e paketave turistike ndikojne ne vendimin e turisteve te huaj.

Sipas nje urdhri te leshuar ditet e fundit nga ministri i Brendshem udhezohet Drejtoria e Policise Kufitare dhe Migracionit qe turistet individuale njeditor dhe ata te organizuar ne grupe turistike njeditore te mos paguajne takse vize ose takse hyrje. Reagimi i ministrit Bujar Nishani erdhi pas disa rasteve te ndeshura ne pikat e kalimit kufitar, kur shtetasve te huaj per qendrime njeditore ne Shqiperi, ne kundershtim me dispozitat ligjore, u eshte vjele pagesa e takses dhe vizes. Pervec konfuzionit ne trarin e kalimit kufitar, shqetesime te tilla ndikojne negativisht ne imazhin e vendit tek vizitoret e huaj. Ne kuader te permiresimit te imazhit te vendit, Ministria e Brendshme ka konfirmuar dje vazhdimin e angazhimit dhe bashkepunim intensiv me Ministrine e Turizmit ne krijimin e te gjitha lehtesirave dhe kushteve normale per sezonin turistik.

Sipas Krenar Muces, nga Departamenti i Policise se Kufirit dhe Emigracionit mesohet se disa nga masat e marra per kete sezon turistik jane hapja e sporteleve shtese, pune me orar te zgjatur, perparesi me subjektet turistike te licencuara, parandalim per ato te palicencuara, trajnim i vazhdueshem i efektivit, etj. Grupet e organizuara te turisteve qe mberrijne ne vendin tone nepermjet agjencive turistike, te cilet me pare kane mberritur per qellime vizite ne vendet e rajonit me kufi tokesor me Shqiperine, do te pajisen me vize 72-oreshe ne kufi, kundrejt nje tarife qe nuk i kalon 10 euro. Nga kjo mase do te perfitojne turiste nga Rusia, Ukraina, Brazili, Hong Kongu, Meksika, Moldavia etj.

Nderkohe qe operatoreve turistike vendas dhe te huaj do t'u ofrohen lehtesira ne kalimin kufitar te grupeve turistike, nese 48 ore me pare operatoret do te dorezojne listen e plote me informacion mbi turistet. Per sa i perket kahut te kundert te levizjes se shtetasve ne kufirin shqiptar, pra te shtegtimit te turisteve shqiptare jashte vendit, operatoret turistike kerkojne minimizimin e kohes se kontrollit.

Pritshmeria per sezonin veror

Operatoret turistike, ne baze te kontratave te hartuara, parashikojne qe kete vit nga Mali i Zi e Kroacia te hyjne ne vendin tone 40 mije turiste, nje apo dyditore, nga Korfuzi rreth 50 mije turiste, nga Maqedonia rreth 10 mije turiste te tille, kurse me programe shumeditore rreth 50 mije turiste te tjere. Keto te dhena u bene te ditura nga Unioni i Operatoreve Turistike, i cili perfaqeson grupimin me te madh te agjencive turistike te licencuara ne vend.

Sipas te dhenave te bera publike nga Ministria e Turizmit gjate vitit 2006, Shqiperine e vizituan gati 550 mije turiste, me nje rritje vjetore prej 27 per qind. Nje trend i tille pozitiv pritet te arrihet edhe kete vit, megjithese ministri i Turizmit, Ylli Pango ka qene i kujdesshem ne dhenien e shifrave konkrete.

[Gerrard]

Kryeministri ka siguruar mbeshtetjen e plote te qeverise ne investimet e huaja ne vend duke premtuar lehtesira ne investime dhe permiresime ne infrastrukturen rrugore.

Nga janari I vitit 2008 Shqiperia do te pesoje nje revolucion te vertete fiskal, cka do ta beje ate vendin me sistemin me te mire fiskal ne Evrope. Keshtu ka deklaruar kryeministri Berisha sot ne nje takim me biznesmene te huaj. Kryeministri ka siguruar mbeshtetjen e plote te qeverise ne investimet e huaja ne vend duke premtuar lehtesira ne investime dhe permiresime ne infrastrukturen rrugore.


Ne fjalen e tij Berisha ka siguruar vendosjen e lidhjeve te qendrueshme me Kosoven dhe Maqedonine cka do te sjelle perfitime te medha ekonomike per palet.Pasi ka bere nje paraqitje te gjendjes aktuale ekonomike , duke vleresuar rritjen e te ardhurave dhe te numrit te investitoreve te huaj , kryeministri ka ftuar investitoret te investojne ne nje vend te virgjer dhe me shume potenciale sic eshte Shqiperia.

[Gerrard]

Ekspertët parashikojnë se sistemi i ri i pagave do të krijojë amulli në tregun e punës

Menjëherë pas miratimit nga qeveria të sistemit të ri të pagave referuese në sektorin privat për llogaritjen e kontributeve dhe tatimeve, kanë ardhur reagimet e para kundërshtuese nga biznesi. "Konfindustria", grupimi i bizneseve më të mëdha prodhuese në vend, paralajmëron se kjo nismë e qeverisë mund të ketë efekte negative duke rritur më tej informalitetin në ekonomi. "Qëllimi i mirë nuk justifikon mënyrën se si ekzekutivi po përpiqet ta realizojë atë. Në një kohë kur shumica e tregut të punës është informal, të vendosësh një ligj të tillë do të thotë të rrisësh edhe më shumë informalitetin", tha Gjergj Buxhuku, administrator i përgjithshëm i "Konfindustria"-s. Ekspertët parashikojnë se vendimi do të krijojë amulli në tregun e punës. Sipas tyre, shumica e ndërmarrjeve shqiptare këtej e tutje, nuk do të kenë më struktura formale drejtuese, pasi të gjithë menaxherët, drejtorët e departamenteve dhe specialistët e lartë do të regjistrohen si punonjës të niveleve të ulëta. Njëri prej ekspertëve të njohur në fushën e tatimeve shkon edhe më larg teksa me ironi deklaron se: "Tani do të kemi drejtorë prodhimi që do regjistrohen si roje dhe administratorë që do kthehen në punëtorë të thjeshtë". Vendimi i ri i qeverisë për ndryshimin e përcaktimit të pagave referuese në sektorin privat, ende nuk ka shkaktuar reagimet masive të biznesit, për shkak se shumica e sipërmarrësve shqiptarë nuk janë njohur me këtë vendim.

"Konfindustria", takim me FMN-në

Në vijim të shqetësimeve, lidhur me politikat fiskale të ndërmarra nga qeveria gjatë muajve të fundit, përfaqësuesit e "Konfindustria"-s kanë zhvilluar një takim me shefin e misionit të Fondit Monetar Ndërkombëtar (FMN) për Shqipërinë, Istvan Szekely. Grupimi i industrialistëve i ka paraqitur FMN-së një paketë me disa propozime për daljen nga situata vështirë ku ndodhet aktualisht biznesi shqiptar, për shkak të konfliktualitetit në rritje me qeverinë pas miratimit të disa ligjeve gjerësisht të kundërshtuara nga sipërmarrja. Sipas, Buxhukut, përfaqësuesit e FMN-së, kanë qenë dakord me pjesën më të madhe të propozimeve të paraqitura nga "Konfindustria", megjithëse nuk ka munguar edhe debati për disa çështje të ndryshme. Szekely është shprehur kundër kërkesave të biznesit, që kanë të bëjnë me uljen e taksave si dhe kërkesës për kompensimin e fermerëve me TVSH-në e parimbursuar të inputeve bujqësore e blegtorale. Në këtë takim, për herë të parë FMN ka shprehur haptazi qëndrimin e saj kundër taksës së sheshtë. "Përfaqësuesit e FMN-së nuk janë të bindur se qeveria do të mund të implementojë taksën e sheshtë, pa prekur nivelin e të ardhurave në buxhet", tha Buxhuku. Në të vërtetë, ky është edhe qëndrimi i përhershëm i FMN-së, institucion që sa herë që bëhet fjalë për ulje taksash, vështirë se mund të japë miratimin e tij.

[Gerrard]

Muajt e fundit, përpjekjet e biznesit për të ndikuara në vendimmarrjen e qeverisë kanë ardhur duke u intensifikuar. E megjithatë shumë prej ligjeve më të rëndësishme për ecurinë e sipërmarrjes dhe ekonomisë në vend, janë miratuar nga mazhoranca pa u konsultuar më parë më grupet e interesit. Ligji i gjobave ishte rasti më tipik për këtë, por disa ekspertë nuk ngurojnë të heqin paralelizma mes tij dhe vendimit të fundit për pagat referuese në sektorin privat. Megjithëse në relacionin shpjegues të projekt-vendimit Ministria e Financave pretendonte se kishte konsultuar të gjitha palët e interesuar, deri tani të gjithë biznesmenët shprehen se nuk kanë dijeni për një ligj të tillë.

[Gerrard]

Misioni i Fondit Monetar Ndërkombëtar ka rënë dakord që vendi ynë të mund të importojë një sasi energjie prej mbi dyqind milionë dollarësh. Ministri i Ekonomisë, Genc Ruli, tha dje pas një takimi që ai pati më përfaqësuesin e misionit të FMN-së, Isvan Szekely, se misioni dhe ne ramë dakord që vendi të mund të importojë deri në gjysmën e energjisë që i nevojitet. Misioni i Fondit Monetar ka qenë i shqetësuar kohët e fundit për nivelin e madh të importit të energjisë, për shkak se ky import në vlerë të tillë mund të dëmtojë të gjithë funksionimin e ekonomisë së vendit. Në të vërtetë, çmimet e energjisë këtë vit kanë qenë dy herë më të larta sesa vitet e shkuara dhe kjo ka ardhur për shkak të kërkesës së lartë për energji në rajon dhe për shkak të rënies së madhe të ofertës. Dy impiante atomike të energjisë u mbyllën në Bullgari dhe kjo çoi në këtë situatë të re me çmimet. Fondi Monetar Ndërkombëtar duke parë që vendi po importonte mesatarisht në janar dhe në shkurt rreth një milion dollarë në ditë energji, vuri alarmin dhe u shpreh me shqetësim për këtë gjë. Zgjidhja e vetme është pagimi nga konsumatorët i të gjithë energjisë së faturuar, në të kundërt korporata, por edhe bilanci ekonomik i vendit rrezikon të rëndohet. Ministri i Ekonomisë, Ruli, tha se me rreth 200 milionë dollarë energji elektrike vendi do të mund të ruajë pa prekur të gjithë treguesit e tij ekonomikë. Në të njëjtën kohë, vetë kreu i korporatës, me një fushatë të paparë deri më tani, po drejton aksionet për të ndërprerë të gjitha lidhjet e paligjshme të energjisë në të gjithë vendin. Të dhënat nga korporata bëjnë me dije se rezultatet e para po duken dhe arkëtimet po rriten. Misioni i FMN-së është bindur se reforma në korporatë dhe ecuria ekonomike e vendit do të vijojnë sipas parashikimit dhe se një vlerë prej dyqind milionë dollarësh do të jetë e mjaftueshme që të mos ketë probleme me furnizimin me energji të konsumatorëve. Deri më tani korporata ka arritur të mbledhë rreth pesëdhjetë për qind të energjisë që futet në sistem ose ka arritur të mbledhë rreth tetëdhjetë për qind të energjisë që faturohet. Pra, vendit i është vjedhur hapur gjysma e energjisë që futet në sistem, qoftë ky nga prodhimi, apo qoftë nga importi. Ministri Ruli në anën tjetër tha se tërë reforma në ekonomi është duke dhënë efektet e para dhe se e gjithë kjo gjë do të bëjë që vendi të mos vuajë pasojat e importit të madh.

[Gerrard]

Autoriteti i Konkurrencës do të përfshijë edhe ankesat e konsumatorëve në veprimet e veta kundër aktiviteteve ekonomike që krijojnë monopol në treg. Lidhur me këtë, Autoriteti i Konkurrencës nënshkroi dje një marrëveshje bashkëpunimi me Zyrën për Mbrojtjen e Konsumatorëve, për të luftuar monopolet dhe praktikat që dëmtojnë konkurrencën dhe konsumatorët. Kjo marrëveshje synon përfshirjen e drejtpërdrejtë të ankesave të konsumatorëve në politikat investigative dhe denoncuese kundër politikave monopol dhe antikonkurrencë që dëmtojnë direkt apo indirekt xhepin e konsumatorëve. ZMK-ja, në bashkëpunim me CASALS & Associatet, në kuadër të programit të mbështetur nga USAID-i për Monitorimin e Mbikëqyrjes së Tregut po "skanon" të gjithë sistemin shtetëror të mbikëqyrjes së tregut në kuadër të përgatitjes së një “Raporti Alternativ Kombëtar të Mbikëqyrjes së Tregut në këndvështrimin e konsumatorëve”. Kjo marrëveshje është pjesë e këtij projekti, duke synuar monitorimin e politikave në mbrojtje të konkurrencës së lirë, që garantojnë mbrojtjen e interesave të konsumatorëve. Autoriteti i Konkurrencës ka shprehur gatishmëri të plotë për të pranuar këtë projekt, duke qenë i hapur për t’u monitoruar mbi strukturën dhe veprimtarinë e vet. ZMK-ja bashkëpunon prej 1 viti me Autoritetin e Konkurrencës dhe ka shkëmbyer informacion të vazhdueshëm me këtë institucion, për çështje shqetësuese si dyshimet mbi ekzistencën në treg të monopoleve apo oligopoleve si, në fushën e telefonisë, betonit, sigurimeve private, etj. ZMK-ja ka planifikuar që shumë shpejt të organizojë një seancë dëgjimore për trajtimin e çështjes së policave kufitare të sigurimit privat të makinave, si një shprehje e qartë e ekzistencës së praktikave antikonkurrencë në dëm të turistëve, e cila përbën edhe një akt frenues të drejtpërdrejtë të hyrjes së turistëve në Shqipëri për sezonit veror 2007. Gjithashtu, ZMK-ja po mbledh fakte ndaj fiksimit të çmimeve nga Unioni i Betonit, rast i shprehur në korrik-shtator 2006 edhe në reklama mediatike televizive. Ky rast u denoncua publikisht gjatë 2006-ës nga ZMK-ja.