Lajme ekonomike

[Gerrard]

"Qeveria është e papërgatitur dhe nuk ka asnjë strategji për zbatimin e saj"

"Kjo është një ide vërtet hreformuese, por ne shohim se qeveria është e papërgatitur dhe nuk ka asnjë strategji për zbatimin e saj. Ne kemi dyshime, nëse do të plotësohen kushtet për t'u aplikuar taksa e sheshtë",- ka bërë të ditur Meta.

Pas një takimi me shefin e Fondit Monetar Ndërkombëtar, Istvan Szekely, kreu i LSI, Ilir Meta ka bërë të ditur se qeveria është e papërgatitur për zbatimin e taksës së sheshtë, gjatë pjesës së dytë të vitit 2007. "Kjo është një ide vërtet hreformuese, por ne shohim se qeveria është e papërgatitur dhe nuk ka asnjë strategji për zbatimin e saj. Ne kemi dyshime, nëse do të plotësohen kushtet për t'u aplikuar taksa e sheshtë",- ka bërë të ditur Meta. Fondi Monetar Ndërkombëtar ka qenë dakord me mendimin e shprehur nga kreu LSI, Meta. FMN ka bërë të ditur se është e shqetësuar me aplikimin e kësaj takse në mes të vitit fiskal, duke deklaruar se kjo mund të ketë efekte negative në buxhet. Të njëjtin qëndrim, përfaqësuesja e FMN në Shqipëri, Ann Margret Westin e ka bërë publike që në momentin që qeveria e ka prezantuar këtë nismë. Nisma e parë që pritet të marrë qeveria është ulja e tatimit mbi fitimin në masën 10% dhe rritja e tatimit mbi të ardhurat në një nivel për të gjithë kategoritë në 10%.

Një nga problemet e tjera të diskutuara në takimin e djeshëm midis Metës dhe shefit të Fondit Monetar Ndërkombëtar, Szekely, ka qenë ajo e energjisë elektrike. Meta u shpreh se mungesa e energjisë elektrike është dhe shkaku kryesor i dekurajimit dhe mungesës së investitorëve vendas dhe huaj. Kreu i LSI, Meta, kërkoi privatizimin jo vetëm të Korporatës Elektroenergjetike Shqiptare, por dhe të sistemit të shpërndarjes, për t'i dhënë fund abuzimit. Kreu i LSI, e ka cilësuar si problem kryesor pasigurinë e mjedisit. Meta theksoi se përsa i takon fushës së energjisë. ne kemi theksuar faktin që Korporata Elektroenergjetike Shqiptare (KESH) vazhdon të jetë "gropa e zezë" e madhe e buxhetit të shtetit, ku groposen pa kthim me dhjetëra milionë euro çdo vit",- ka deklaruar Meta.

[Gerrard]

Letër Berishës dhe Ramës për konsensusin e reformave kyçe

Konfindustria kërkon formaliz imin e të gjitha transaksioneve tregtare në vend, nëpërmjet përfshirjes së biznesit të vogël në skemën e tatimit mbi vlerën e shtuar.
Industrialistët më të njohur në vend i bëjnë thirrje qeverisë që të ligjërojë sa më shpejt vendosjen e kasave regjistruese dhe sistemit të faturave edhe në tregtinë me pakicë. "Në thelb kjo nismë synon të eliminojë atë problem që kemi ne me shkarkimin e tatimit mbi vlerën e shtuar dhe kjo do të mbyllte ciklin, duke bërë që qeveria ta kishte më të lehtë mbledhjen e taksave", tha kryetari i Këshillit Drejtues të Konfindustrisë, Stefan Pinguli. Vendosja e kasave dhe faturave edhe në biznesin e vogël në fakt ndryshon rrënjësisht sistemin tatimor në vend. Përveç biznesit të vogël ajo prek edhe të gjithë qytetarët në vend, të cilët për çdo produkt që do të blejnë do të jenë të detyruar për të paguar tatimin mbi vlerën e shtuar dhe ekspertët i druhen rritjes së çmimeve në vend. Megjithëse jo në mënyrë formale, realisht konsumatorët paguajnë TVSH edhe tani që biznesi i vogël nuk është i përfshirë në skemë. "Qytetarët janë duke paguar TVSH edhe tani, megjithëse kjo taksë nuk derdhet në arkën e buxhetit të shtetit. Kjo pasi çmimi për një produkt të caktuar nuk ndryshon nga biznesi i madh tek ai i vogël.
Formalizimi i transaksioneve tregtare edhe në tregtinë me pakicë është mënyra
e vetme për zhdukjen e formalitetit në vend", tha Gjergj Buxhuku, administratori i Përgjithshëm i Konfindustria. Sipas tij, në rast se qeveria nuk do të vendosë për mbylljen e ciklit të tatimit mbi vlerën e shtuar, vendi do të vazhdojë të ketë informalitet. Mosfaturimi i transaksioneve të tregtisë me pakicë krijon presione për informalitet edhe te biznesi i madh, i cili
duke mos patur mundësi për të faturuar TVSH-në nuk regjistron shitjet. Por ekspertët thonë se ligjërimi i nismës së Konfindustrisë
mund të krijojë një efekt psikologjik në treg, i cili do të përkthehej
në rritje të përgjithshme të çmimeve në vend. Sipas tyre, kjo rritje nuk do të jetë në masën 20 për qind, sa është tatimi mbi vlerën e shtuar, por më e vogël. Për vite me radhë biznesi i madh ka kërkuar mbylljen
e ciklit të TVSH-së nëpërmjet futjes së tregtisë me pakicë në këtë skemë.
Megjithatë, asnjëherë Ministria e Financave nuk e ka ndërmarrë një nismë të tillë, duke u justifikuar me faktin se nuk mund të kontrollojë dot të gjitha transaksionet tregtare që bën biznbesi i vogël. Për të evituar dështimin edhe kësaj radhe, duke parë edhe interesat e gjera që prek zbatimi i TVSH-së në tregtinë me pakicë, Konfindustria i është drejtuar zyrtarisht përveç Kryeministrit Berisha edhe liderit të opozitës, Edi Rama, për të siguar konsensusin politik për këtë çështje.

Efektet

Faturimi i shitjeve në tregtinë me pakicë do të reduktonte ndjeshëm informalitetin, pasi do të ishte më e lehtë të kontrollohej aktiviteti ekonomik i bizneseve. Por ekspertët thonë se kjo duhet të shoqërohet me një ndryshim të
nivelit të xhiros, që përcakton kufirin për biznesin e vogël dhe atë të madh. "Përfshirja e biznesit të vogël në skemën e tatimit mbi vlerën e shtuar është kërkuar nga biznesi i madh që prej disa vitesh. Në rast se kjo do të realizohet nga qeveria, atëherë është i nevojshëm edhe një tjetër ndryshim ligjor për të rritur kufirin ndarës që klasifikon biznesin në të vogël dhe të
madh", thotë Sotiraq Dhamo, ekspert i njohur kontabël. Vendosja e kasave do të bënte që shumë nga bizneset e deklaruara aktualisht si të vogla të kalonin atuomatikisht në biznes të madh për shkak se realizojnë një xhiro më të madhe se 8 milionë lekë dhe nuk do të kishin më mundësi ta fshihnin atë. Rrjedhimisht
këto biznese do të ishin të detyruara të paguanin edhe tatimin mbi fitimin dhe
një pjesë e mirë e tyre mund të vihej në vështirësi financiare. Niveli 8 milionë lekë cilësohet si shumë i ulët dhe nëse deri më tani është pranuar nga bizneset që vërtiten rreth këtij kufiri, por edhe më lart, pikërisht për faktin se kanë ekzistuar mundësitë për të mos deklaruar xhiron reale, ligjërimi i kasave do të hapte shumë probleme për këtë kategori sipërmarrjesh.

[Gerrard]

Fushata ndaj debitorëve ka përparuar në lagjet periferike si Sauku

Korporata Elektroenergjetike Sh qiptare vazhdon aksionin për ndër prerjen e energjisë abonentëve debitorë në kryeqytet. Aksioni i radhës është zhvilluar në afërsi të Qytetit Studenti, ku policia elektrike ka hequr çdo mundësi për furnizim të paligjshëm, duke lajmëruar banorët se nuk do të ketë rilidhje të kabllove të prerë pa paguar më parë borxhin e mbartur. Një pjesë e qytetarëve i janë përgjigjur menjëherë kësaj mase ndëshkuese, duke paguar detyrimet e prapambetura. Lagjja e njohur me emrin "Vilat Gjermane", është një zonë mjaft e populluar vitet e fundit. Megjithëse kjo zonë është furnizuar mjaftueshëm me energji për shkak të vendndodhjes së saj afër godinave të studentëve,
arkëtimet nga konsumatorët kanë qenë mjaft të ulëta në krahasim me energjinë e konsumuar. Që prej më shumë se një javë, KESH-i ka nisur një fushatë masive për ndërprerjen e energjisë për abonentët që figurojnë debitorë ndaj tij. Nga ky aksion nuk kanë mundur të shpëtojnë as personazhe të njohur të skenës politike në vend. Ndërprerjet e energjisë nuk janë përqendruar vetëm në kryeqytet, por aksioni ka qenë sinkron në të gjitha zonat e vendit dhe në krye të tij qëndron drejtori i ri i korporatës, Gjergj Bojaxhi. Dy ditë më parë punonjësit e policisë elektrike zhvilluan një aksion në Komunën e Lazaratit, në rrethin e Gjirokastrës, ku kanë shkëputur energjinë elektrike për të gjithë ata banorë që nuk e paguanin atë. Që prej ditës së parë që u vendos në krye të KESH-it, drejtori Gjergj Bojaxhi deklaroi se nuk do të toleronte më vjedhjen e energjisë elektrike. Sipas shifrave të bëra publike nga
vetë ai, rezulton se gjatë vitit të kaluar energjia e faturuar ishte më e ulët se 50 për qind e energjisë totale të prodhuar nga KESH-i. Ky shqetësim ishte ngritur më parë edhe nga Banka Botërore, e cila monitoron nga afër KESH-in, kur shefi i zyrës së këtij institucioni për Shqipërinë, Nadir Mohammed, paralajmëroi qeverinë për nivelin e ulët të arkëtimeve në KESH.

[Gerrard]

Firmës së ndërtimit “Haveriku 97” ka 7 vjet që nuk i kthehet borxhi tatimor prej 7.7 milionë lekësh, edhe pse ka fituar gjyqet me Tatimet e Kavajës

Pas një maratone të gjatë gjyqësore, prej shtatë vitesh, shoqëria tregtare “Haveriku 97” ende nuk ka marrë nga Tatimet e Rrethit të Kavajës atë që i takon ligjërisht. Bëhet fjalë për një shumë që është paguar si TVSH tepër pas një kontrolli tatimor që në vitin 2000. Historia e koklavitur e që kushton miliona midis fiskut dhe firmës së ndërtimit “Haveriku 97” ka përfunduar në favor të kësaj të fundit në vitin 2005. Vendimi përfundimtar është dhënë pas rigjykimit në Gjykatën e Faktit të Durrësit me relatimin e Kolegjit Civil të Gjykatës së Lartë. Më konkretisht, Vendimi Nr. 2681, datë 02.12.2005, i dhënë nga Gjykata e Shkallës së Parë të Durrësit përcakton që Dega e Tatim-Taksave t’i kthejë firmës së ndërtimit “Haveriku 97” shumën prej 7.789.956 lekësh si pagim i padetyruar nga 13.969.380 lekë që ka paguar në vitin 2000. Deri këtu çdo gjë është në rregull, por firma ka më shumë se 6 vjet që nuk i ka marrë lekët e paguara tepër si detyrim për Tatimin mbi Vlerën e Shtuar.
Odiseja e gjyqeve dhe përballja me Tatimet në gjykatë ka një kohë të gjatë. Me një kërkesëpadi drejtuar gjykatës, pala paditëse ka kërkuar të anulohet vlerësimi tatimor në shumën prej 13969380 lekësh, e vendosur sipas aktkontrollit, datë 8.8.2000, të mbajtur nga inspektorët e Tatimeve. Në këtë aktkontrolli është konkluduar se në shoqërinë tregtare “Haveriku shpk”, me qendër në Kavajë, janë gjetur gabime sidomos në llogaritjen e TVSH-së dhe është bërë rillogaritja e saj duke përcaktuar një detyrim prej 13.969.380 lekësh. Ky detyrim përfshin TVSH-në e papaguar, gjobën e aplikuar për fshehjen e TVSH-së dhe interesat. Vlerësimi tatimor nga inspektorët e Degës së Tatim-Taksave të Kavajës është bërë pasi firma nuk ka deklaruar në rregull sipërfaqen e një objekti dymbëdhjetëkatësh, një nëntëkatëshi, si dhe për kantierin e shitjeve në Sinaballaj janë evidentuar shitje duke abuzuar me faturat tatimore e duke rritur çmimin e granilit me qëllim përfitim TVSH-je më shumë se ç’duhet nga shteti. Për të gjitha këto shkelje, sipas tatimorëve firma u gjobit me një vlerë prej më shumë se 13 milionë lekësh.

Odiseja gjyqësore
Duke qenë se firma nuk ka qenë dakord me vlerësimin tatimor dyfish nga detyrimi, atëherë i është drejtuar për apelim Drejtorisë së Përgjithshme të Tatimeve. Kjo e fundit e ka rrëzuar pretendimin e firmës, duke mos e marrë parasysh kërkesën e saj për rishikimin e vlerësimit tatimor që ishte bërë nga ekspertët e saj. Në këtë kohë, firma i është drejtuar me një kërkesëpadi gjykatës, e cila e mori në shqyrtim çështjen në vitin 2001. Gjykata e Shkallës së Parë në Durrës dha vendimin që firma duhet të paguante më pak se shuma e përcaktuar, nga 13.9 milionë të zbritej në 7.9 milionë lekë dhe detyronte Tatimet të kthenin në arkën e firmës 753 mijë lekë. Ky vendim mban datën 14 janar 2003. Firma “Haveriku” këmbëngul dhe e dërgon çështjen në Gjykatën e Apelit. Kjo e fundit, me Vendimin Nr.423, datë 22 shtator 2003, e zbret edhe më në favor të firmës ndërtuese detyrimin në 1.8 milionë lekë dhe ngarkon Tatimet të paguajnë për “Haverikun” plot 6.8 milionë lekë. Pas kësaj, firma dhe Tatimet përballjen e radhës do ta kishin në Gjykatën e Lartë. Në vitin 2004, kjo gjykatë e kthen çështjen për rishqyrtim në Gjykatën e Apelit, pasi vëren shkelje procedurale dhe kërkon të ndërrohet trupi gjykues. Apeli ka dhënë Vendimin Nr. 8623, në shkurt 2005, që është përfundimtar dhe ku përcaktohet qartë se Tatimet duhet t’i kthejnë firmës “Haveriku” 7.7 milionë lekë.

[Gerrard]

Nisin vizitat e para në TEC-in e Fierit, duke shtuar interesin e marrjes me koncesion të tij. Një seminar i organizuar nga Dhoma e Tregtisë e Fierit ka shryrë përfaqësuesit e Dhomës së Tregtisë të ardhur nga Italia për të bërë një vizitë në një nga objektet që pret të jepet me koncesion dhe pikërisht TEC-i i Fierit, që mbylli aktivitetin e tij pak kohë më parë. Seminari i organizuar në mjediset e Bashkisë së Fierit, i cili ka patur për qëllim rrithjen e bashkëpunimit dhe shkëmbimin e eksperiencave të investimeve në të dy vendet dhe më gjerë, ka bërë që të shtohet interesi i tyre për të parë nga afër Termocentralin e Fierit dhe për ta transmetuar më pas atë që kanë parë te bizneset e interesuara italiane për një aktivitet të tillë. Ata kanë vizituar mjediset e brendshme të Termocentralit të Fierit dhe nga specialistët u janë treguar atyre aparaturat që tashmë ka në dispozicion ky termocentral. Deri tani, përveç interesimit të italianëve, ka informacione që për këtë termocentral janë interesuar tri firma të huaja, edhe pse pa publikuar emra konkretë, por mund të thuhet se një firmë është gjermane, një izraelite dhe një tjetër italiane. Aktualisht, TEC-i është në fazën e pauzës së gjatë ose thënë ndryshe gjumit të thellë letargjik. Ajo që bie më shumë në sy nga ineficienca e këtij termocentrali është se banorët e Fierit thithin ajër më të pastër në mbrëmje dhe në mëngjes.

Prifti konfirmon punën e dobët të Tatimeve

Gjatë prezantimit të drejtoreshës së re të Tatimeve, ish-drejtori i Përgjithshëm, Alfred Prifti, gjatë prezantimit të drejtoreshës së re të Tatimeve është shprehur edhe për dorëheqjen e tij. “Gjatë kësaj periudhe së bashku jemi përpjekur të japim rezultate të mira, duke treguar angazhim dhe përkushtim. Por i vetëdijshëm se ritmet e punës kishin rënë, unë u tërhoqa nga kjo detyrë për t’ia lënë vendin znj. Picari, e cila vjen me një background të shkëlqyer ekonomik dhe me dëshirën për të arritur rezultate edhe më të mira në fushën e Tatim-Taksave”, - tha Prifti.
Kryetarët e degëve dhe stafi drejtues i Tatimeve është përshëndetur nga drejtoresha e re, e cila ka kërkuar që fokusi kryesor i punës për çdo inspektor tatimor dhe drejtues duhet të jetë lufta kundër informalitetit. “Qëllimi kryesor i qeverisë sot, siç është deklaruar, por edhe i administratës tatimore, është lufta kundër informalitetit.

[Gerrard]

Kryeministri Berisha, do ndërmerren lehtësira fiskale për rregullimin e tregut të siguracioneve

Kompanitë private kërkojnë që të rishikohen çmimet

Kompanitë private të sigurimeve kanë kërkuar nga Qeveria që të ndryshohet ligji për Sigurimet Shoqërore, pasi po cenohen të ardhurat dhe ekzistenca e aktivitetit të tyre. Sipas të dhënave Shqipëria radhitet si një ndër vendet me zhvillimet më të prapambetura të sigurimeve, pasi pjesa më e madhe e tyre zotërohen nga siguracionet e detyruara shtetërore. Ndërkohë që aktivitet private jo vetëm që janë të pakta në numër, por nuk frekuentohen për shkak të legjislacionit të gabuar që vepron mbi to në përcaktimin e çmimeve nga politikat shtetërore. Gjatë takimit të zhvilluar dje me kreun e Qeverisë Berisha, biznesi privat i ka bërë thirrje shtetit që të ndërhyjë për ndryshimin e këtij ligji, për sigurimin e një tregu të duhur financiar jo bankar. Gjithashtu biznesi ka ngritur shqetësimin se ligji i miratuar nga Qeveria për mbikëqyrjen e këtyre subjekteve nga “Autoriteti Financiar i Mbikëqyrjes” po realizohet në mënyrën e gabuar. Vendimet dhe nxjerra nga kjo e fundit po zbatohen pa u diskutuar më parë me grupet e interesit.

Ndryshimet

Situata problematike e zhvillimit të siguracioneve private është pranuar dhe nga kreu i Qeverisë, i cili ka deklaruar gjatë takimit se do të bëhen ndryshime ligjore për të rregulluar situatën. Sipas Kryeministrit, gjatë këtij vitit do të thjeshtohen procedurat fiskale për këto subjekte, në mënyrë që të mos cenohet autoriteti i tyre. Ndërkohë që brenda vitit pritet dhe privatizimi i plotë i shoqërisë së sigurimeve INSIG. Çka do të bëjë që ndërhyrja e shtetit në kompanitë private të shkojë drejt zeros. "Në paketën e re fiskale që po hartohet do të ketë më shumë përparësi për siguracionet private. Kjo do të vihet re dhe në çmimet që do të ofrohen nga subjektet. Ndërkohë që dhe ju si kompani siguruese duhet të rrisni cilësinë e shërbimeve që ofroni për klientët në mënyrë që të bëni të mundur tërheqjen e tyre",- ka deklaruar Berisha.

Funksionimi

Aktualisht tregu i sigurimeve ka një shtrirje të kufizuar në disa fusha ndërkohë që kërkohet nga subjektet që Qeveria të marrë masa për shtrirjen e tyre në të gjithë sektorët. Tregu mbizotërohet nga sigurimet e detyrueshme shtetërore, të cilat përbëjnë mbi 60 për qind të sigurimeve. Ndërsa privatet mbeten në nivele tepër të ulëta e në fusha shumë të kufizuara. Kjo sipas të dy palëve ka ardhur si pasojë e konkurrencës së pandershme që është zhvilluar nga subjekte të ndryshme, të cilat zhvillojnë marketingun në mënyra abuzive. Situata është krijuar si pasojë e mungesës së legjislacionit. Nga të dhënat e nxjerra rezulton se biznesi vendas pothuajse ndodhet tërësisht i pa siguruar. Ndërkohë që dokumentacionet që dorëzohen nga këto të fundit për aktivitetet e tyre janë të parregullta. Ndërsa vendimet e nxjerra nga autoriteti mbikëqyrës janë të njëanshme.

Privatizimi i INSIG-ut

Përveç lehtësirave fiskale që do të përfshihen në paketën e re fiskale që po hartohet, Kryeministri Berisha është shprehur se brenda vitit do të bëhet i mundur privatizimi i plotë i kompanisë së sigurimeve INSIG, duke e çuar në zero ndërhyrjen e shtetit.

Siguracionet private

Kompanitë shprehen se aktiviteti i tyre po cenohet nga mungesa e legjislacionit. Pasi për rregullimin e veprimtarive të tyre operohet me një ligj super të vjetër që është hartuar në vitet 1992. Kërkohet ndryshimi i tij i menjëhershëm dhe mos ndërhyrja e shtetit në politikat e çmimeve.

[Gerrard]

Drejtoria Tatimore, strategji e re në luftën kundër informalitetit të bizneseve

Merr zyrtarisht postin e drejtorit të Përgjithësim të tatimeve Gerta Picari. Dorëzimi i postit është bërë nga ish drejtori Prfti, i cili është shprehur se do të ketë ndryshime rrënjësore në punën e këtij institucioni. Ndërkohë që ka argumentuar si të pamundur mbajtjen vetë të kësaj detyre për shkak të problemeve të shumta që lindën në këtë drejtori. “Gjatë kësaj periudhe, së bashku jemi përpjekur të japim rezultate të mira, duke treguar angazhim dhe përkushtim. Ndonëse kemi bërë shumë, jam i vetëdijshëm se ritmet e punës kishin rënë. Çka bëri që unë të jap dorëheqje nga kjo detyrë, duke i lënë vendin drejtoreshës së re”,- ka deklaruar Prifti. Lufta kundër informalitetit do të jetë fokusi kryesor që do të ndërmarr në vijimësi institucioni i tatimeve. “Qëllimi kryesor i Qeverisë sot, siç është deklaruar, por edhe i administratës tatimore është lufta kundër informalitetit. Por kjo duhet të arrihet duke ruajtur një raport bashkëpunimi me biznesin, duke e kontrolluar atë sipas ligjit dhe jo sa herë që i bie rruga inspektorit tatimor”,- deklaroi Picari. Ndërkohë që është deklaruar nga drejtoresha se administrata tatimore do të ridimensionohet nëpërmjet një platforme reformuese në mënyrë që të kontrollohen të gjitha subjektet e biznesit konform rregullave ligjore. Masa e parë që do të ndërmerret do të jetë pajisja e kësaj administrate me staf të ri profesionist në mënyrë që ti përgjigjen sa më mirë nevojave të ekonomisë së vendit. Ndërkohë që disa ditë më parë vetë ministri i Financave Ridvan Bode është shprehur se ish drejtori Prifti do të marrë një post tjetër si punonjës i administratës publike.

Të dhëna

·Priten ndryshime në administratën e Drejtorisë së Tatimeve. Reforma do të bëjë të mundur tërheqjen e stafit të ri profesionit në postet e ndryshme tatimore

·Të ardhurat nga Administrata Tatimore për tre mujorin e parë të vitit arritën në 19.2 miliardë lek nga 19.87 miliardë të parashikuara, ose rreth 3.2 % më pak se parashikimi

·Picari, do luftojmë informalitetin duke bashkëpunuar me biznesin. Duke kontrolluar subjektet në bazë të ligjit dhe jo kur u bie rruga inspektorëve tatimorë.

[Gerrard]

ProCredit Bank, afati i maturimit deri 36 muaj ProCredit Bank, ndryshon sërish normat e interesit për depozitat në lek, euro dhe dollar. Kështu klientët do të përfitojnë masa më të larta interesi për depozitat e kursimit që derdhin në arkat e kësaj banke. Tashmë klientët e ProCredit Bank, mund të përfitojnë interesa më të lartë për depozitat në lekë me afat maturimi 1, 3, 12, ndërkohë depozitat janë me afat maturimi deri në 36 muaj në monedhën vendase dhe me interesa mjaft konkurruese. Njëkohësisht, janë rritur ndjeshëm edhe interesat për llogaritë e kursimit dhe depozitat me afat në euro. Klientët mund të përfitojnë më shumë interes për depozitat me afat në euro me maturim 1, 3, 6, 12 deri në dy vjet. Rritja e masës së interesit do të jetë e njëjtë dhe për depozitat në dollarë amerikanë. Banka ProCredit, gjithashtu ofron depozita me afat maturimi pesë vjeçar në euro dhe dollarë amerikan, nëpërmjet të cilave klientët mund të përfitojnë interesa më të larta, si dhe kredi me kushte preferenciale. Aktualisht në të gjithë vendin funksionojnë rreth 23 degë dhe agjenci e filiale të kësaj banke. Në këtë bankë llogaritet të kenë derdhur kursimet e tyre në forma të ndryshme rreth 123 mijë klientë, kursimet e të cilëve arrijnë deri në 200 milion euro.

Metropol

[Gerrard]

Rreth 40 pallate të reja presin mble-dhjen e KRT-së së Tiranës për t'u kthyer në ndërtime të ligjshme.

Në një prononcim për gazetën "Panorama", nëndrejtori i ALUIZNI-t, Ferdinant Shehu, është shprehur se agjencia është duke identifikuar pallatet me shtesat, të ndërtuara para vitit '93. Njëkohësisht janë duke u evidentuar edhe pallatet e reja, të cilat për një arsye ose tjetër ndërtuesi ka dalë nga projekti, apo nuk ka marrë lejen e shfrytëzimit. Në këto kushte duke qenë së ndërtuesi nuk i është përmbajtur projektit fillestar dhe ka ndërtuar një kat më shumë dhe ka shkelur rregullat e dhëna nga KRT, pallati mbetet i pahipotekuar. Sipas Shehut, për këto pallate po punohet duke krahasuar planimetritë e faktit me planimetritë e lejes, për të parë të gjithë shtesat e mundshme që janë ndërtuar. "Në Tiranë janë rreth 30-40 pallate të reja që janë të gatshme, por ky numër është në rritje, pasi çdo ditë përgatiten të tjerë. Dhe pasi përgatiten presin për të hyrë në KRT-ë", është shprehur Shehu. Por tashmë dihet që KRT-ja e Tiranës është e bllokuar me vendim të Gjykatës Kushtetuese. Ndërkohë që evidentimi i pallateve me shtesa po kryhet edhe në qytetet e tjera të vendit si në Durrës dhe në Vlorë, pikërisht aty, ku dhe fluksi i ndërtimeve të reja është më i madh.

Zona pilot
Tapitë e para nisën të shpërndahen në muajin shkurt. Përfituesit e parë të lejeve të legalizimit ishin banorët e Fushë Mëzesit në komunën e Kasharit. Sipas nëndrejtorit Shehu, në zonën e Kasharit ka rreth 752 ndërtime informale, të cilat janë ndarë në tre kategori. Në kategorinë e parë hyjnë ndërtimet informale, që pronarët i kanë ndërtuar në trojet e tyre dhe i kanë të hipotekuara në zyrat e Regjistrimit të Pasurive të Paluajtshme. Për këtë kategori ndërtimesh informale dokumentet kanë përfunduar, dhe lejet e legalizimet janë shpërndarë. Ndërkohë në kategorinë e dytë bëjnë pjesë objektet, të cilat janë ndërtuar në tokë shtetërore. Edhe për këtë kategori dokumentacioni tekniko-ligjor ka përfunduar dhe pritet konstituimi i Këshillit të Komunës, i cili është i autorizuar për kalimin e pronësisë në rastin kur individi ka ndërtuar në tokë shteti. Kategoria e fundit është kur individët kanë ndërtuar objektet e tyre në tokën e pronarëve të tjerë. "Për këtë kategori dokumentacioni tekniko-ligjor ka përfunduar së hartuari, por gjithsesi me këtë kategori ndërtimesh po ecet me ritme më të ngadalta", tha Shehu. Aktualisht agjencia ka kërkuar pranë zyrave të Regjistrimit të Pasurive të Paluajtshme dhe agjencisë së Kthimit dhe Kompensimit të Pronave, të gjithë listën e pronarëve të ligjshëm për zonën e Kasharit. "Së bashku me listën emërore hartohet edhe sipërfaqja me hartën përkatëse të pronarëve të ligjshëm", theksoi ai. Ashtu siç është e përcaktuar në ligj, në fillim do të bëhet kompensimi në natyrë apo në para i ish-pronarëve dhe më pas do të nisë legalizimi i këtyre ndërtimeve. "Lista e ish-pronarëve i paraqitet Këshillit të Ministrave, i cili vendos për kompensimin dhe pasi janë kompensuar këto pronarë, atëherë fillon legalizimi i këtyre ndërtimeve", u shpreh Shehu. Zona pilot e Fushë Mëzesit në komunën e Kasharit ka një sipërfaqe prej 55 hektarësh. Të gjitha ndërtimet informale që janë evidentuar në zonë do t'i nënshtrohen procesit të legalizimit, duke u ndarë kështu një herë e mirë nga informaliteti.



40 pallate
të reja me shtesa presin mbledhjen e KRT, së Tiranës për t'ju nënshtruar procesit të legalizimit. Por prej disa kohësh KRT-ja e Tiranës është bllokuar me vendim të Gjykatës Kushtetuese

752 ndertime
informale janë evidentuar në zonën pilot të Fushë Mëzesit, në komunën e Kasharit. Për këtë zonë ka përfunduar dhënia e lejeve të legalizimit për një numër të konsiderueshëm ndërtimesh

7.2 milione
m2 është sipërfaqja e ndërtime, që shtrihen në zonat formale brenda qyteteve, si pallate apo shtesa. Vetëm në Tiranë janë mbi 20 mijë familje, ndërtimet e të cilëve s’janë të hipotekuara

[Gerrard]

Numri i zonave informale të evidentuara nga ALUIZNI rritet dita-ditës. Sipas nëndrejtorit të kësaj agjencie, Ferdinant Shehu, deri më tani janë evidentuat rreth 800-900 zona informale. Ndërkohë ka përfunduar hartimi i dokumentacionit tekniko-ligjor për 80 zona, dosjet e të cilëve janë dorëzuar në këshillat e qarkut. Për këto zona pritet konstituimi i këshillave të qarkut në mënyrë që të kryhet miratimi i tyre, për të kaluar më pas në KRT apo në KRRRSH, në varësi të sipërfaqes. "Në të vërtetë ne nuk e ndiejmë vështirësinë se pse nuk janë konstituar këshillat e qarqeve, pasi ne rrisim këtë numër dhe në momentin që ato do të konstituhen do të kalojnë për miratim", është shprehur Shehu. Pasi një zonë merr miratimin në këshillat e qarkut, dosjet dërgohen në KRT apo në KRRTRSH, ku dhe shpallet zonë informale. Pasi shpallet ky vendim njësia e qeverisjes vendore fillon plotësimin e dosjes të çdo parcelizimi të vogël. Një procedurë e tillë bëhet si në rrugë manuale ashtu dhe në dixhitale. Sipas Shehut, puna është përqendruar më shumë në ato zona, ku denduria e ndërtimeve pa leje është më e madhe. "Kjo pasi në sipërfaqet e vogla ka më pak volum pune duke i lënë në vazhdim. Kjo mënyrë e ndarjes së punës është zgjedhur vetë nga njësitë e qeverisjes vendore në bashkëpunim me Drejtorinë tonë Rajonale", u shpreh ai.