Lajme ekonomike

[Gerrard]

Jo vetëm biznesi ka detyrime të pashlyera ndaj shtetit. Kjo e fundit i ka borxh sipërmarrjes së lirë rreth 60 milionë dollarë.

Në forumin e biznesit “Fryma e re në bashkëpunimin biznes- shtet”, përfaqësuesit e Dhomës së Tregtisë së Kavajës kanë ngritur shqetësimin e tyre për mosekzekutimin e urdhrave të gjykatës ndaj gjobave të vendosura. Një problem të tillë e ka pranuar edhe vetë kreu i Ministrisë së Financave, Ridvan Bode. “Nëse kanë marrë formën e prerë dhe nuk janë ankimuar nga organet tatimore dhe doganore, respektivisht ata do të zbatohen. Ky përbën një problem, jam dakord me ju”, tha Bode. Sipas tij, problemi i detyrimeve të prapambetura është një problem i dyanshëm. “Biznesi ka ndaj shtetit rreth 450 milionë dollarë, por dhe shteti ka ndaj biznesit 60 milionë dollarë, që janë të gjitha llojet e detyrimeve”, është shprehur ministri. Sipas tij, do të bëhen përpjekje të përbashkëta, në mënyrë që ky problem të kapërcehet. Pas ankesave të shumta të biznesit, lidhur me vendimin e qeverisë për ndryshimin e pagës minimale, ministri i Financave ka deklaruar se ky vendim i qeverisë do të rishikohet.

Hipotekat
Në arkën e shtetit nuk po arkëtohet një shumë e konsiderueshme parash, si rrjedhojë e moshipotekimit të pallateve. Në forumin e djeshëm, numri i një i Konfindustrias, Hajredin Fratari, ka deklaruar se 800 pallate të reja nuk janë hipotekuar. Kjo për shkak se bashkia nuk jep lejet e shfrytëzimit për këto objekte, edhe pse çdo gjë është në rregull. “Vetëm nga kjo taksë që paguajmë ne, qeveria merr 80-100 milionë dollarë”, ka thënë Fratari. Problemin e hipotekave e kanë ngritur edhe përfaqësues të bankave. Gjatë forumit të djeshëm, ata kërkuan marrjen e masave për të përmirësuar punën në Hipoteka, pasi kjo ka një ndikim të madh në ekonominë e vendit. Kjo për vetë faktin se askush nuk mund të marrë një kredi pranë bankave të nivelit të dytë, nëse prona e tyre nuk është e hipotekuar.

Klima me biznesin
Marrëdhëniet e partneritetit mes qeverisë dhe biznesit duket se nuk janë në ditët e tyre më të mira. “Në fillim të qeverisjes së saj, pra vitin e parë, qeveria konsultohej për çdo ligj, por mbase tani e konsideron veten shumë të fuqishme dhe bëri këto gabime”, është shprehur dje Fratari. Ndërsa, sipas presidentit të Union Bank, Edmond Leka, situata e krijuar së fundmi mes qeverisë dhe biznesit është fillimi i një tentative për mosrespektimin e faktit që një biznes është partner me qeverinë.

Forumi
Forumi i djeshëm organizohej nga Dhoma e Tregtisë dhe Industrisë e Tiranës. Në këtë forum, merrnin pjesë, përveç biznesmenëve nga fusha të ndryshme të prodhimit, ndërtimit, sistemit bankar, etj, edhe ministri i Ekonomisë, Tregtisë dhe Energjetikës, Genc Ruli dhe i Financave, Ridvan Bode. Kreu i dhomës, Gjok Uldedaj, u shpreh dje se “Biznesi ka mirëpritur reforma të tilla që çojnë në formalizmin e ekonomisë. Por, nga ana tjetër, ka atakuar dhe do të vazhdojë të ngrejë zërin për mungesën e miradministrimit fiskal, burokracinë e administratës dhe mungesën e dialogut të saj me sipërmarrjen”. Ministri i METE-s, Genc Ruli, u ndal në nevojën e thellimit të bashkëpunimit mes shtetit dhe biznesit. Mes të tjerave, ai theksoi rëndësinë që ka për zhvillimin ekonomik të vendit forcimi i marrëdhënieve biznes-shtet, me qëllim modernizimin e mentalitetit, si nga shteti, ashtu dhe nga biznesi, për të rritur dhe forcuar konkurrencën me vendet rreth nesh dhe më gjerë.



Debatet

Dhoma Amerikane
Këto takime do na vlejnë për punën tonë, sidomos gjatë 2-3 muajve të ardhshëm, kur të gjithë jemi në pritje të një pakete ligjesh. Jemi shumë të hapur për bashkëpunim si komunitet biznesi, ndoshta kërkesat tona do të ishin shumë të thjeshta nëse qeveria këto dyer t’i mbajë të hapura. Kërkojmë gjithashtu që të gjithë ligjet që prekin ekonominë të kalojnë në Këshillin Konsultativ.

Donika Mici (Doniana)
Do nisja me një pyetje ndaj ministrave. Pse duhet të arrinim në këtë pikë që klima midis biznesit dhe qeverisë të acarohej në këtë fazë që jemi sot, pse duhet të dalin ligjet pa u konsultuar me palët që janë të interesuara? Kemi vendimin e qeverisë mbi pagën minimale, i cili nuk u diskutua me asnjë palë. Unë mendoj se ka ardhur një moment që biznesi duke bashkëpunuar me qeverinë mund të arrijnë në pika të njëjta për të realizuar diçka, më mirë sesa në këtë formë që është arritur tani. Ndërkohë edhe për taksën e sheshtë nuk ka një draft për të parë konkretisht se çfarë do të thotë taksë e sheshtë. Asnjë nga ne nuk është thirrur për të diskutuar. Informaliteti duhet zhdukur vërtet aty ku është dhe nuk duhet goditur biznesi që nuk ka informalitet.

Ridvan Bode
Lidhur me pyetjen pse duhet acaruar klima me biznesin, kur është e mundur që të merremi vesh. Kjo është e vërtetë, dhe duke iu referuar një vendimi të qeverisë, mendoj që ajo ka përgjegjësitë më të mëdha dhe duhej të konsultohej më parë, në mënyrë të hapur, publike me ju. Pikërisht pse ishte i pakonsultuar vendimi i qeverisë po përgatitet një draft tjetër, i cili është shumë më i detajuar. Së shpejti, do të keni një draft. Lidhur me taksën e sheshtë po bisedojmë me FMN-në, me të përfunduar negociatat, do t’ju vëmë në dispozicion draftin.

Lorenco Roncari, presidenti i BASH
Një pikë e rëndësishme që mund ta përmirësonte shumë situatën në vend do të ishte përmirësimi i zyrës së Regjistrimit të Pasurive të Paluajtshme. Regjistri i pasurive të paluajtshme nuk duhet konsideruar si marrja e një certifikate dhe aty mbaron i gjithë procesi, në të vërtetë, kjo zyrë ka një rëndësi jetike për zhvillimin e biznesit. Një pikë tjetër do të ishte marrja e masave, nga ana e qeverisë, për përshpejtimin e procedurave për disbursimin e fondeve për ndërtimin e rrugëve.

Ruli
Lidhur me disbursimin e fondeve, donatorët kanë procedurat e tyre. Nisur nga eksperienca e vjetër, Ministria e Financës vendosi një metodë të re për të rritur eficensën e disbursimeve të fondeve publike. Janë fondet e brendshme, fondet e investimeve kryesisht. Regjistrimi i pasurisë padyshim është pika kyçe dhe është një problem që ekziston në shumë nga pasuritë tona të paluajtshme.

Përfaqësues të Dhomës së Tregtisë Kavajë
Gjobat janë një çështje problematike. Unë këtu kam dy urdhra ekzekutimi, një ka 5 vjet dhe tjetri ka dalë para disa muajsh, askush nuk merr përsipër t’i ekzekutojë, pra t’ia kthejë pronarit këtë të drejtë.

Ridvan Bode
Nëse kanë marrë formën e prerë dhe nuk janë ankimuar nga organet tatimore dhe doganore, respektivisht ato do të zbatohen. Ky përbën një problem, jam dakord me ju. Nuk e di sa është masa, se nuk i kemi tamam detyrimet e kompanive te shteti, sepse këto nuk janë të marra të gjitha në evidencë. Por kemi marrë nga zyrat e Përmbarimit një shumë diku 12-13 miliardë lekë, kaq është vlera totale e detyrimeve të shtetit. Kemi shlyer 7 miliardë vitin e kaluar. Problemi i detyrimeve të prapambetura është një detyrim i dyanshëm. Problemi i biznesit ndaj shtetit që është rreth 450 milionë dollarë, por dhe të shtetit ndaj biznesit që është 60 milionë dollarë, pra të gjitha llojet e detyrimeve.

Edmond Leka, presidenti i Union Bank
Uroj që drejtuesit e rinj të dhomës ta mbajnë premtimin për të luajtur rolin e partnerit me qeverinë në luftën kundër informalitetit ose në bërjen e legjislacionit. Problemet që kanë dalë nga ligji i gjobave dhe ai i pagës minimale janë probleme reale që duhen marrë parasysh. Unë do të thosha që këto dy elementë nxjerrin në dukje një mangësi në procesin e përgatitjes së legjislacionit që është konsultimi paraprak me biznesin dhe është detyrë e një qeverie që kërkon të vendosë rregulla në treg që problemet e informalitetit të konsultohen me grupet e interesit, qoftë në përgatitjen e akteve rregullatore, qoftë edhe në reformat fiskale. Në momentin kur kemi një kontestim nga ana e shumë shoqatave të biznesit për ligjin e Gjobave, dhe nga ana tjetër qeveria e pranon, ndërkohë kemi edhe vendimin mbi pagën minimale, do të thosha që nuk është një procedurë e konsoliduar, por fillimi i një tentative për mosrespektimin e faktit që kemi biznesin partner.

Hajredin Fratari
Për të dixhitalizuar Hipotekën e Tiranës duhen 174 mijë euro. Ne ia propozuam në fillim, por e morën për korrupsion dhe nuk e pranuan. Në këtë pikë, vështirësitë janë si për investitorët ashtu edhe për bankat. Së dyti, janë rreth 800 pallate që nuk janë hipotekuar, kjo pasi bashkia nuk jep lejet e shfrytëzimit, megjithëse çdo gjë është në rregull. Vetëm nga kjo taksë ne paguajmë për qeverinë nga 80-100 milionë dollarë. Për sa i përket partneritetit mes qeverisë dhe biznesit, ne kemi mjaft specialistë të mirë dhe qeveria mund të konsultohet me ne në hartimin e ligjeve. Taksa e sheshtë është një taksë që është në favor të biznesit të madh dhe do jetë në dëm për Fasonistët. Në fillim qeveria, pra vitin e parë për çdo ligj konsultohej me biznesin, mbasi tani e konsideron veten shumë të fuqishme dhe bëri këto gabime.

[Gerrard]

Përfaqësuesit e Shoqatës së biznesit i kërkojnë zyrtarisht kreut të shtetit, Alfred Moisiu të mos e dekretojë ligjin “Për gjobat” ndaj biznesit. Me kërkesë të tyre, presidenti Moisiu priti një përfaqësi të biznesit vendas dhe të huaj, të përbërë nga disa drejtues të shoqatave të biznesit, si dhe të dhomave të tregtisë, që operojnë në vendin tonë. Sipas zyrës së shtypit të Presidencës, pjesëmarrësit në këtë takim i shprehën kryetarit të shtetit shqetësimin e tyre të përbashkët për ligjin e miratuar nga Kuvendi i Shqipërisë për procedurat tatimore. Ata i parashtruan presidentit vërejtjet sa i përket natyrës ligjore dhe praktike të këtij ligji, duke nënvizuar nevojën për rishikimin e tij mbi bazën e një dialogu më të gjerë me biznesin. Duke vënë në dukje rëndësinë që ka për zhvillimin progresiv të ekonomisë në vend lufta kundër informalitetit, presidenti Moisiu theksoi se është i vendosur për konsolidimin e shtetit ligjor. Kryetari i shtetit vuri në dukje se ka ndjekur me vëmendje situatën, si dhe bëri me dije se do të vijojë konsultimet në procesin e shqyrtimit prej tij të ligjit “Për procedurat tatimore” në Republikën e Shqipërisë. Përfaqësuesi i shoqatës së Ndërtuesve, Artan Dulaku deklaroi pas takimit se “shoqatat i kishin kërkuar presidentit që ta kthente ligjin “Për procedurat tatimore”. “Qeveria duhet ta diskutojë një ligj të tillë së bashku me grupet e interesit dhe të vendosim për masat e gjobave. Më duhet të theksoj se dhe ne si shoqata i shprehëm shqetësimin tonë presidentit për ekzistencën e informalitetin në biznes, për të cilën dhe ne jemi kundër”, theksoi Dulaku. Tri ditë më parë, kreu i shtetit zhvilloi një takim me shefen e FMN-së, Uestin, ku në fokus të diskutimeve ka qenë dhe projektligji “Për procedurat tatimore”. Presidenti pritet që brenda këtyre dy ditëve të japë vendimin e tij për këtë ligj. Ai do të vazhdojë konsulta të tjera për këtë ligj të konstitueshëm të miratuar nga Kuvendi.

Panorama

[Zemrushja]

Nga Zoran Nikolovski për Southeast European Times në Shkup - 26/04/07

Qeveria maqedonase njoftoi në 11 prill se do të paguante rreth 137 milion $ në borxhe më parë se ç'planifikohej, ndaj Bankës Botërore dhe Bankës Evropiane të Investimeve (EIB). Tetë kredi të marra përpara vitit 1997 do të paguheshin me këtë masë. Afati përfundimtar i pagesës është viti 2021.

Në mars, Maqedonia shleu 103 milion $ ndaj Klubi të Kreditorëve të Parisit. Paratë u shlyen nga rezervat e shkëmbimeve të huaja të cilat janë rritur shpejt gjatë tre vjetëve të fundit, duke arritur në 1.8 miliard euro.

"Ulja e borxhit tonë me 240 milion $ na lëviz nga lista e vendeve me borxhe të mesme dhe na rendit në vendet me borxhe të ulta," vuri në dukje kryeministri Nikola Gruevski. Ai tha se sasia është 20% e borxhit total të jashtëm dhe 12% e borxhit total të brendshëm e të jashtëm.

Banka Botërore ishte kreditori më i madh i vetëm i Maqedonisë, me 639.5 milion $ në janar, sipas bankës qendrore të vendit. Gjatë të njëjtit muaj, Maqedonia kishte 162.3 milion $ borxh EIB.

Gruevski njoftoi gjithashtu se vendi shpejt do të shlyejë borxhin e vet ndaj FMN. Ai tha se pagesat dërguan një sinjal të fortë për investitorët ndërkombëtarë, duke demonstruar një politikë të fortë e të qëndrueshme ekonomike.

Ministria e financave parashikon që shlyerjet e parakohshme do të kursejnë 37 milion $ në interesa. Vetëm këtët vit, kursimet nga interesat do të shkojnë në 2.8 milion euro. Ato do të jenë 5.8 milion euro në 2008 dhe 5.2 milion euro një vit më pas.

Kursimet do të shkojnë për projektet e zhvillimit, tha Gruevski.

Opozita e Bashkimit Social Demokratik të Maqedonisë (SDSM) nuk është dakord me masën e qeverisë. Partia thotë se agjensitë që vlerësojnë normën e kreditit marrin parasysh dy parametra: borxhin publik dhe rezervat e shkëmbimit të huaj. Pra, argumenton ajo, asgjë nuk fitohet në qoftë se paratë nga rezervat e këmbimit të jashtëm harxhohen me qëllim që të ulin borxhin.

Në të njëjtën kohë, SDSM akuzon qeverinë për prishjen e të ardhurave nga privatizimi i njësisë energjitike Elektrostopanstvo na Makedonija (ESM), një masë nga qeveria e SDSM në 2006 që u kundërshtua nga VMRO-DPMNE e Gruevskit.

Disa analistë maqedonas vënë gjithashtu në diskutim kursimet e pretenduara të interesave sepse Maqedonia merr kredi nga Banka Botërore me kushte të privilegjuara të ashtuquajtura, IDA.

Kjo përmbajtje është autorizuar nga SETimes.com

Ballkantimes

ps. hallall ua beft Zoti..

[Gerrard]

GJIROKASTER - Nga programi nderkufitar Intereg 3, institucionet dhe organizmat e ndryshme ne Qarkun e Gjirokastres kane perfituar nje donacion prej 2 milion euro ne lidhje me mbeshtetjen e projekteve te zhvillimit ne fusha te ndryshme. Lista e zbatimit te tyre perfshin projekte ne infrastrukture, shendetesi, arsim, kulture etj. Zbatimi i tyre ne terren do te nise gjate muajit prill 2007. Gjate periudhes gusht-tetor te vitit te kaluar qarqet e Vlores, Korces dhe Gjirokastres, te mbeshtetur edhe nga Ministria e Integrimit kane aplikuar me projekte ne lidhje me fushat e ndryshme te zhvillimit ne kuader te programit nderkufitar Intereg 3. Sipas perfaqesuesit te Zyres se Zhvillimit ne Keshillin e Qarkut Gjirokastres, Kristofor Muka, “prej 30 projekteve qe u aplikuan fillimisht nga institucione dhe organizma te ndryshme arsimore, shendetesore, kulturore, si dhe nga Keshilli i Qarkut Gjirokaster arriten te fitonin mundesine e zbatimit 11 prej tyre”. Behet fjale per projekte zhvillimi ne fusha te ndryshme. Mes aplikanteve fitues jane Keshilli i Qarkut, Universiteti i Gjirokastres, Dhoma Rajonale e Tregtise, spitali “Omer Nishani” etj. Ndermjet programeve te zhvillimit, qe do te financohen nga Intereg 3, eshte rikonstruksioni i segmentit rrugor qe pershkon zonen malore te Pogonit (Gjirokaster), sistemimi i fushes se Dropullit (Gjirokaster) nepermjet rikonstruksionit te sistemit vadites dhe kullues, restaurimi i nje pjese te zones historike te qytetit te Gjirokastres. Nderkohe mes fituesve te ketyre projekteve jane edhe universiteti i Gjirokastres me programe trajnimi per stafin akademik, Dhoma Rajonale e Tregtise dhe Industrise, spitali rajonal etj.

[Gerrard]

Bankat e nivelit te dyte po japin sinjale te metejshme per rritjen e normave te interesave per monedhen vendase, por edhe per euron. Dje ProCredit ka marre vendimin per te rritur interesat e te gjitha llogarive te kursimit me afat dhe pa afat. Rritjen me te madhe banka e ka bere ne depozitat pa afat ne euro dhe dollare, ku norma e interesit eshte rritur me 1.5 per qind. Nderkohe qe vendimi ka perfshire edhe rritjen e interesave per depozitat ne leke me afat maturimi 1, 3, 12 dhe 36-mujore. Burimet brenda bankes njoftojne se, rritja ka te beje me konkurrencen ne treg dhe t’i sjelle klientet me afer bankes. Njekohesisht, ProCredit Bank ka rritur ndjeshem interesat edhe per llogarite e kursimit dhe depozitat me afat ne euro. Ndersa edhe per te gjithe ata qe kerkojne te kursejne ne monedhen amerikane, ProCredit Bank ka rritur gjithashtu ndjeshem normen e interesit per depozitat pa afat. Por shumica e bankave te nivelit te dyte japin nje cmim per depozitat me te ulet se cmimi baze, qe Banka e Shqiperise ka vene per lekun. Cmimi baze qe autoriteti qendror bankar ka vene aktualisht per lekun eshte 5.5 per qind, nderkohe qe interesi mesatar qe bankat ofrojne per depozitat ne leke per afat 12-mujor nuk eshte me shume se 5.3 per qind. Teorikisht bankat duhet te ofrojne nje interes me te larte se keto nivele duke iu referuar praktikave, por nuk ka ndodhur keshtu. Banka e Shqiperise vitin qe shkoi ka rritur dy here cmimin e lekut me nga 0.25 per qind. Ky vendim ashtu si edhe ne te gjithe boten edhe ne vendin tone duhet te kishte vijuar me rritjen e interesave te depozitave ne leke dhe kredive po ne kete monedhe. Por edhe sipas nje vleresimi te Bankes se Shqiperise bankat kane reaguar ne menyre te njeanshme duke rritur ndjeshem interesin e kredive ne leke, por nuk kane vepruar keshtu me depozitat. Nderkohe qe pas rritjes se cmimit te lekut nga Banka e Shqiperise, bankat e nivelit te dyte kane rritur dukshem fitimet per shkak se ka nje rritje te ndjeshme ne interesat e bonove te thesarit, ka nje rritje te dukshme ne interesat e kredive, ne nje kohe qe nuk ka rritje te interesave te depozitave. Por te kemi parasysh faktin se, interesi i depozitave tatohet ne masen 10 per qind dhe po keshtu efektet qe ka inflacioni, interesi real i kursimeve eshte me i ulet, diku afer 2 per qind.

[Gerrard]

Tregu i sigurimeve duket se ka marre dje mbeshtetjen e qeverise per te zgjeruar gamen e sherbimeve, jo vetem per makinat, por edhe pronen dhe shendetin. Ne nje takim qe kane pasur drejtuesit e kompanive kryesore te sigurimeve me kryeministrin Sali Berisha kane kerkuar bashkepunim per te nxitur tregun dhe per ta bere ate te ndjeshem ndaj sherbimeve te sigurimeve.

Gjate diskutimeve ata ngriten ceshtje te ndryshme te mbarevajtjes se bizneseve te tyre, si domosdoshmerine e sigurimit te pergjegjesive te bizneseve te vecanta si: ndertimi, karburantet, hotelet, restorantet, etj. Po keshtu u ra dakord per ngritjen e nje programi ne shkalle kombetare te sigurimit ndaj katastrofave natyrore, nxitjen e sigurimit te banesave, shendetit, rishikimi i kuadrit ligjor ne kete fushe dhe pershtatja e tyre me kerkesat e sotme te tregut, etj. Nga ana e tij, kryeministri Berisha shprehu mbeshtetjen e plote per zhvillimin e tregut te sigurimeve, duke theksuar se qeveria do te punoje per te lehtesuar shtrirjen e ketij tregu ne te gjitha fushat. Ai ftoi kompanite te bashkepunojne me Autoritetin e Mbikeqyrjes Financiare dhe Ministrine e Financave per riperteritjen dhe plotesimin e te gjitha boshlleqeve ligjore dhe krijimin e nje kuadri ligjor te pershtatshem per stadin aktual dhe perspektiven e zhvillimit ne biznesin e sigurimeve. Ministria e Financave dhe ministrite e linjes, ne bashkepunim me Autoritetin e Mbikeqyrjes dhe me kompanite e sigurimeve duhet te shqyrtojne te gjitha fushat ne te cilat sigurimet duhet te imponohen, tha Kryeministri. Nje biznes nuk ka asnje arsye te mos sigurohet, ne rast se atij financat e vendit i njohin shpenzimet e zbritura. Ne do ta realizojme kete, duke filluar nga sektoret me delikate, premtoi kreu i qeverise.

[Gerrard]

Pas akuzave per marredhenie te dyshimta pune, presidenti i Bankes Boterore Paul Wolfowitz ka folur mbi ndryshime te medha ne kryesine e institucioneve nderkombetare te financave. Ne te njejten kohe ai deklaroi se, nuk do te heqe dore nga posti i tij edhe pas perfundimit te hetimeve te keshillit ekzekutiv te bankes. Ish zv/ministri i Mbrojtjes i qeverise se Bushit u emerua perpara 2 vitesh president i Bankes Boterore. Por fakti se presidenti i ri ka rritur tani rrogen e te dashures se tij, e cila punon gjithashtu ne kete banke, i ka krijuar probleme zyrtarit te larte.

SHBA, renia e ekonomise, dobesohet USD

Dollari ka humbur pike serish ne kembim me euron pas publikimit te shifrave se, ekonomia amerikane eshte duke u rritur me ritme me te ulta se ajo europiane. Rritja ekonomike ne tremujorin e pare te ketij viti ne SHBA kishte rritjen me te ulet gjate kater viteve te fundit, thuhet ne nje raport te qeverise. Per shkak te ketyre publikimeve dollari ka humbur pike kundrejt valutave kryesore. Sipas te dhenave, nga Federal Rezerva indeksi i USD ka arritur nivelin me te ulet te 36 viteve te fundit. Ndersa ne 13 vendet e rajonit te euros rritja ekonomike shenoi 2.7 per qind vitin qe shkoi. Ndersa kete vit parashikohet nje rritje 2.3 per qind, krahasuar me rritjen e ekonomise amerikane me vetem 2.2 %.

Tremujori, te ardhurat e Microsoft rriten 65 %

Aksionet e Microsoft Corp u rriten, pasi kompania me e madhe ne bote e software raportoi 65 per qind rritje ne te ardhurat e saj per tremujorin e pare te vitit. Nga keto te dhena bursat perparuan duke u rritur me 1.08 dollare ose 3.7 per qind, duke e cuar vleren e nje aksioni ne 30.18 dollare ne oren 9:30 te paradites se djeshme me kohen e New York-ut ne bursen e Nasdaq. Rritja e ishte me e madhja e tete muajve te fundit.

[Gerrard]

Interesat e depozitave ne leke ne 15 vjetet e fundit, me se shumti, jane udhehequr nga faktore qe lidhen me tranzicionin dhe jo me rregullat klasike te tregut. Keshtu, ne vitet 1995-'97 bankat u detyruan te rrisin ne disa raste interesat per depozitat ne leke, rreth 40 per qind, per te konkurruar firmat piramidale, qe thithnin te gjitha kursimet e qytetareve me interesa marramendese. Ndersa pas vitit 1997, kur skemat financiare piramidale pushuan se funksionuari, politikat monetare te Bankes se Shqiperise u perqendruan ne menyre te tille, qe interesat e depozitave ne bankat e nivelit te dyte te ofroheshin drejt vlerave reale. Por, aktualisht, duket se situata eshte krejt ndryshe. Interesat e depozitave ne leke dy vitet e fundit jane ne minimumet historike. Ekspertet vleresojne se, interesi mesatar i depozitave me afat 12-mujor nuk duhet te jete me i ulet se norma baze e interesit.

Valuta dhe lloji i llogarive Interesi ishte Interesi eshte

[Gerrard]

Ruli: Marrëveshja shpëton qeverinë nga penalizimi prej 7 milionë eurosh



Gjatë miratimit të kësaj marrëveshjeje koncesionare nga ana e qeverisë "Nano", maxhoranca e sotme, asokohe në opozitë, i ka kontestuar ashpër të gjitha kushtet e kësaj kontrate. Gjatë kalimit të kësaj marrëveshjeje për miratim në Parlamentin e asaj kohe, opozita e atëhershme ka braktisur sallën në shenjë proteste, ndërsa marrëveshjen e kanë votuar kundër edhe një pjesë e deputetëve të majtë. Megjithatë, marrëveshja është miratuar me vullnetin e shumicës së Parlamentit në vitin 2004.

Qeveria ka miratuar gjatë ditës së djeshme miratimin e marrëveshjes për zgjidhjen e problemeve që kanë çuar në mos vënien në zbatim të kontratës me shoqërinë koncesionare "La Petrolifera Italo Rumena", SpA. Vendimi i Këshillit të Ministrave parashikon ngritjen e një organi shtetëror të autorizuar, të përbërë nga Ministria e Ekonomisë, Ministria e Punëve Publike, Ministria e Financave dhe Ministria e Mjedisit, të negociojnë dhe të nënshkruajnë në emër të qeverisë, marrëveshjen përfundimtare me këtë kompani. Në një prononcim gjatë ditës së djeshme ministri i Ekonomisë dhe Energjetikës, Genc Ruli ka bërë të ditur se, vendimi i marrë dje nga ana e Këshillit të Ministrave për zgjidhjen e mosmarrëveshjeve për kontratën koncesionare të lidhur nga ana e Parlamenti Shqiptar, me shoqërinë koncesionare "La Petrolifera Italo Rumena", e shpëton qeverinë shqiptare nga një sanksion prej rreth 7 milionë eurosh. Shoqëria "La Petrolifera Italo Rumena" ka hedhur në gjyq qeverinë shqiptare në Gjykatën e Parisit, për mos zbatimin e marrëveshjes koncesionare së lidhur në vitin 2004, kohë në të cilën në qeveri ishte kryeministri Nano. Marrëveshja koncesionare e miratuar nga ana e Parlamentit në vitin 2004, parashikon ndërtimin dhe shfrytëzimin e terminalit bregdetar, për depozitimin e naftës dhe të nënprodukteve të saj në Gjirin e Vlorës", në kuadër të marrëveshjes së koncesionit, të formës "BOO". Njëkohësisht me këtë shoqëri është parashikuar edhe Marrëveshja e Koncesionit e formës "BOT", "Për ndërtimin dhe shfrytëzimin e infrastrukturës portuale, në shërbim të terminalit bregdetar, në Gjirin e Vlorës".

Sipas burimeve nga ana e Ministrisë së Ekonomisë, problemet kryesore që nuk kanë lejuar zbatimin e kësaj marrëveshjeje, që është e detyrueshme për shtetin shqiptar, janë ato të pronësisë. Të njëjtat burime bëjnë të ditur se, një pjesë e sipërfaqes së tokës mbi të cilin parashikohet që të ndërtohet terminali për depozitimin e naftës dhe të nënprodukteve të saj, është marrë në pronësi me dokumente të parregullta.

Marrëveshja koncesionare

Marrëveshja koncesionare e tipit "BOO" që pritet të negociohet nga qeveria shqiptare me përfaqësuesit e shoqërisë italiane "La Petrolifera Italo Rumena" u jep mundësinë këtyre të fundit që, pas përdorimit 30-vjeçar të terminalit që do të ndërtojnë për depozitimin e naftës dhe nënprodukteve të saj, të përfitojnë edhe pronësinë mbi 183 mijë metra katrorë, ku shtrihet ai. Ka qenë marrëveshja e koncesionit e formës "BOO" ajo që është përdorur si marrëveshje tip, për ndërtimin dhe shfrytëzimin e terminalit bregdetar, për depozitimin e naftës dhe të nënprodukteve të saj në Gjirin e Vlorës. Në këtë marrëveshje, shoqëria italiane "La Petrolifera Italo Rumena" parashikohet të investojë për ngritjen e terminalit një shifër prej 30 milionë eurosh. Ky investim parashikohej në kontratën e miratuar nga ana e Parlamentit para 2-vitesh, të realizohej për një periudhë 24-mujore. Sipas marrëveshjes koncesionare të formës "BOO", përcaktohet qartë që në fund të periudhës 30-vjeçare, periudhë që mbaron afati i koncesionit, terminali, bashkë me zonën prej 18.3 hektarësh në të cilën shtrihet ai, kalon në pronësi të shoqërisë italiane. Ndërsa për sa i përket infrastrukturës portuale, e cila do të ndërtohet nga shoqëria italiane dhe do të jetë në shërbim të terminalit bregdetar, ajo nuk është përfshirë në marrëveshjen e formës "BOO". Infrastruktura portuale, në të cilën përfshihet edhe ndërtimi i një porti dhe thellimi i zonës e cila do të bëjë të mundur dhe funksionimin e terminalit, është lidhur me anë të një marrëveshje të tipit "BOT". Kjo marrëveshje parashikon që pas mbarimit të periudhës së koncesionit, porti i ndërtuar dhe pjesa tjetër e infrastrukturës portuale do t'i kthehet shtetit shqiptar. Megjithatë, edhe në këtë rast mundësinë e parë për të blerë ose për të zotëruar administrimin e portit me ndonjë formë tjetër shfrytëzimi e ka pronari i terminalit, në rastin konkret shoqëria italiane. Në projektmarrëveshje shprehet se, meqenëse kalimi i pronësisë së kësaj sipërfaqeje toke te koncesionari do të bëhet nëpërmjet një kontrate shitblerjeje, atëherë nevojitet që të vendoset një çmim shkëmbimi, që në rastin konkret është propozuar vlera 1 euro.

Pikat kryesore të marrëveshjes:

* Koncesioni synon ekskluzivitetin e depozitimit dhe transportit të naftës në zonë për 30 vjet
* Bëjnë përjashtim nga ky rregull vetëm AMBO dhe ARMO
* Pas miratimit, 183 mijë metra katrorë kalojnë në pronësinë e firmës
* Çmimi i blerjes së tokës është vendosur simbolikisht të jetë 1 euro
* Afati i koncesionit do të jetë 30 vjet, me të drejtë ripërtëritjeje
* Pas 30 vjet përdorimi, (vetëm) strukturat portuale i kalojnë shtetit shqiptar
* Vlera totale e investimit është 30 milionë euro
* Firma përjashtohet nga të gjitha taksat dhe detyrimet doganore për importimin e lëndëve të para dhe të pajisjeve të tjera që janë në funksion të veprës
* Projekti përfundimtar duhet të realizohet brenda 9-muajve
* Punimet e ndërtimit duhet të përfundojnë brenda 2-vjetësh

[Gerrard]

Kryeministri ka bërë të ditur se shpenzimet për sigurim janë të njohura nga tatimet

Gjatë një takimi me përfaqësues të kompanive të sigurimit, kryeministri Berisha ka premtuar zgjerimin e sigurimit të detyrueshëm edhe në sektorë të tjerë të ekonomisë. Gjatë diskutimeve, përfaqësuesit e kompanive të sigurimit ngritën çështje të ndryshme të mbarëvajtjes së bizneseve të tyre, si domosdoshmërinë e sigurimit të përgjegjësive të bizneseve të veçanta, si ndërtimi, karburantet, hotelet, restorantet, etj., ngritjen e një programi në shkallë kombëtare të sigurimit ndaj katastrofave natyrore, nxitjen e sigurimit të banesave, shëndetit, rishikimi i kuadrit ligjor në këtë fushë dhe përshtatja e tyre me kërkesat e sotme të tregut, etj.

Kërkesa e bërë nga ana e përfaqësuesve të kompanive të sigurimit është pranuar nga ana e Berishës. "Unë mendoj se Ministria e Financave dhe ministritë e linjës, në bashkëpunim me Autoritetin e Mbikëqyrjes Financiare dhe me kompanitë e sigurimeve, duhet të shqyrtojnë të gjitha fushat, në të cilat sigurimet duhet të imponohen. Një biznes nuk ka asnjë arsye të mos sigurohet, në rast se atij financat e vendit i njohin shpenzimet e zbritura. Ne do ta realizojmë këtë, duke filluar nga sektorët më delikatë",- ka bërë të ditur Berisha. Njëkohësisht, një nga kërkesat kryesore të bëra nga ana e kompanive të sigurimit, është ndryshimi i ligjit të sigurimeve. Gjithashtu përfaqësues të kompanive të sigurimeve, e quajnë të papranueshëm veprimtarinë e Autoritetit Mbikëqyrës që merr vendime pa praninë e të tretëve.

Por, me gjithë zhvillimet në tregun e sigurimeve, Shqipëria mbetet ende vendi më i prapambetur në shërbimet që u afrohen qytetarëve dhe volumin e primeve të sigurimeve. Ndërkohë të papranueshëm e cilësuan përfaqësuesit e kompanive, në disa raste veprimtarinë e Autoritetit Mbikëqyrës, që merr vendime të njëanshme pa praninë e të tretëve. Vetë Kryeministri, ndërsa u shpreh për prapambetjen e këtij sektori, garantoi përpjekjet e qeverisë për të inkurajuar më tej zhvillimet e tij. Kryeministri e mbështeti projektin e shtrirjes së sigurimeve edhe në sektorë të tjerë, me faktin se këto shpenzime janë të njohura për çdo biznes nga ana e tatimeve. "Nga ana tjetër, juve ju dëmton edhe informaliteti. Çfarë humbet një biznes formal po të sigurohet, në rast se financat e vendit ia njohin atij këtë si shpenzim të zbritshëm? Asgjë nuk humbet. Ndaj ne do ta marrim këtë vendim për këtë sektor. Ky është një mekanizëm legjitim, i domosdoshëm për vitalizmin, gjallërimin e tregut të sigurimeve, i cili me mbrojtjen dhe garantimin e investimeve jep një kontribut shumë më të madh",- ka sqaruar Berisha.