Lajme ekonomike

[Gerrard]

Në kuadër të procesit gradual të decetralizimit të pushtetit, qeveria ka vendosur që ti lërë në administrimin e bashkive dhe komunave taksat lokale, megjithatë kryebashkiaku i Tiranës nuk ka munguar që të servirë të njëjtat sjellje arrogance prej feudali ndaj sipërmarrjeve privet të cilave duket se ka ndërmend që t’u heqë lehtësitë që u krijoi për një vit e gjysmë qeveria qëndrore me përgjysmimin e taksave



Partia Demokratike ka denoncuar dje publikisht urdhërin e fundit të të dhënë nga kryetari i Bashkisë së Tiranës, njëherazi drejtues i opozitës, Edi Rama, sipas të cilit taksa për biznesin e vogël është dyfishuar. Gjatë një konferencë për shtyp, zëdhënësi i Partia Demokratike, Gerti Bogdani, tha se Rama ka urdhëruar taksidarët që kanë kaluar në varësi të pushtetit vendor që të dyfishojnë taksën e biznesit të vogël, në kundërshtim flagrant me ligjet e këtij vendi dhe parimin themelor të funksionimit të sistemit tatimor. “Gjatë javëve të fundit, tagrambledhësit e Bashkisë nuk pranojnë më vetë-deklarimin si parim bazë, por në qindra raste u diktojnë bizneseve xhiron dhe fitimin që ata do të kenë gjatë vitit. Kështu biznesmenët thirren nga taksidarët njëlloj sikur të ishin në proces hetimi dhe u diktohet çdo vlerë dhe çdo gjë, jo sipas xhiros që ata normalisht duhet të deklarojnë, por sipas deklaratës që plotëson taksidari me urdhër të Kryetarit të Bashkisë”, u shpreh zoti Bogdani. Duke denoncuar këtë vendim arbitrar, këtë abuzim flagrant të decentralizimit nga Kryetari i Bashkisë, Bogdani theksoi se Partia Demokratike ka kërkuar mbledhjen e menjëhershme të Këshillit Bashkiak, sikundër kërkon ndërprerjen e menjëhershme të këtij veprimi anti-ligjor dhe rikthimin e parave të marra abuzivisht nga biznesi i vogël.

Gazeta55

[Imperator]

Siç ka thene dhe LAINA me siper, kjo duhet vene si kryeteme dhe te ndahet ne disa nentema pasi eshte e veshtire te jepet nje pergjigje fikse per pyetjen qe eshte bere.

Megjithate po mundohem te jap disa pershtypje te miat ne lidhje me temen.

Se pari, nje nder shkaqet qe Ekonomia Shqiptare eshte akoma e brishte ka te beje me prodhimin e brendshem bruto. Ne Shqiperi ka shume pak ndermarje prodhuese vendase pasi shume nga uzinat, minierat dhe fabrikat me ardhjen e demokracise u shkaterruan totalisht dhe ne to nuk eshte vene dore akoma. Gjithashtu per mosvenien ne funksionim te ketyre uzinave, fabrikave dhe minierave ka nje rol te rendesishem shteti i cili nuk po ben ate qe duhet ne drejtim te sipermarresve te cilet i tremben falimentimit nga mungesa e energjise elektrike, frika nga drejtesia dhe legjislacioni Shqiptar.

Nje tjeter faktor eshte dhe papunesia e madhe e gjithashtu dhe inflacioni paksa i larte ne Shqiperi. Ne vendin tone ndodh dicka e kundert me vendet e tjera, rritet inflacioni e bashke me rritjen e tij rritet dhe papunesia, pra inflacioni dhe papunesia ne vendin tone shkojne ne perpjestim te drejte e jo si ne vendet e tjera dhe si ne ligjin e ekonomise qe keto dy faktore jane ne perpjestim te zdhrejte me njeri tjetrin, pra ulet njeri e rritet tjetri dhe anasjelltas.

Faktor tjeter eshte dhe politikat e qeverise ne drejtim te turizmit. Dihet se Shqiperia ka vende fantastike per turizmin detar duke filluar qe nga Himara e duke perfunduar ne Velipoje, ka plazhe fantastike dhe ka plazhe akoma te virgjer, gjithashtu dhe per turizmin malor kemi vende fantastike, por ne kete drejtim eshte vene dore shume pak dhe po shkaterrohet dita dites nga ndertimet pa leje e pa kriter ne bregdete dhe me prerjen e pyjeve ne zonat turistike malore.

Tjeter faktor qe ekonomia Shqiptare eshte ende e brishte eshte dhe kontrabanda e madhe e mallrave te cilet hyjne ne Shqiperi. Kjo sjell shitjen e ketyre mallrave ne rruge te pakontrolluara dhe shitesit e ketyre mallrave nuk deridh asnje leke ne forme takse apo tatimi ne arkat e shtetit, qe i bie per sasi malli te shitur mos mblidhen te gjitha taksat per cdo mall por per nje pjese te ketij malli. Dmth i bie qe parate qe parashikohen te mblidhen nga shteti per tu shpenzuar me pas per rruge, paga, e shume e shume sherbime te tjera te mblidhen ne nje dore njerezish te caktuar.

Ka dhe shume shkaqe te tjera te cilat ndikojne ne ekonomine Shqiptare por keto jane disa nga me te rendesishmet per mendimin tim.

Imperator

[Gerrard]

Pershendetje!!

Imperator, shum faleminderit per plotesimet dhe sugjerimet. Ky forum ka pak kohe qe po pasurohet dhe me kaq sa eshte punuar mendoj se eshte ne rruge te drejte. Do rregullohen dhe disa gjera te tjera sa te vij nje Admin online.

Per c'do problem qe mund te keni apo sugjerim mos nguroni te thoni.

Kalofshi Sa Me Mire

T-B

[Gerrard]

Presidenti priti sot me kërkesë të tyre një përfaqësi të biznesit vendas dhe të huaj që operojnë në vendin tonë me te cilit diskutoi per ligjin e ri te tatimeve

Perfaqesues te biznesit vendas dhe të huaj kerkojne rishikimin e ligjit per gjobave. Disa drejtues të shoqatave të biznesit si dhe të dhomave të tregtisë ne nje takim ter zhvilluar sot me presidentin Alfred Moisiu kane shprehur shqetesimin e tyre per kete ligj duke parashtruar verejtet e tyre per natyren ligjore dhe praktike te tij. Presidenti vuri në dukje se ka ndjekur me vëmendje situatën, ndersa shtoi se do të vijojë konsultimet në procesin e shqyrtimit të ligjit për procedurat tatimore. Moisiu u shpreh me tej se është i vendosur për konsolidimin e shtetit ligjor ndersa theksoi rëndësinë që ka për zhvillimin progresiv të ekonomisë në vend lufta kundër informalitetit.

[Gerrard]

Qeveria, kontroll hoteleve në bregdet për cilësinë e shërbimit ndaj turistëve



Përveç cilësisë së shërbimeve, qeveria do të marrë masa edhe lidhur me ndërtimin e rrugëve dytësore, të cilat shërbejnë si rrugë turistike. Po kështu, Ministria e Kulturës ka hartuar planin për zhvillimin e një sërë aktiviteteve kulturore dhe artistike përgjatë sezonit turistik



Kryeministri Berisha kërkoi dje nga Ministria e Turizmit të ushtrojë kontroll të rreptë ndaj të gjitha subjekteve, të cilat ushtrojnë shërbime hotelerie ndaj turistëve. Sipas tij, ministria duhet të përdorë të gjitha masat, me anë të stimujve, por edhe me anë të sanksioneve, për të bërë të mundur që shërbimi ndaj turistëve të jetë në nivelet e vendeve perëndimore, në mënyrë që turistët e huaj të mund të gjejnë në Shqipëri të njëjtat standarde shërbimi si në vendet e tyre. Kryeministri i tha këto gjatë një konference të mbajtur nga Ministria e Turizmit me temë "Për një fluks turistik më të madh, për një zhvillim të ri cilësor të turizmit shqiptar". Në konferencë u diskutuan hapat të cilat do të ndërmerren për të përmirësuar shërbimet në fushën e turizmit, në mënyrë që të mund të ketë një rritje të këtij sektori, i cili është konsideruar si sektori i dytë ekonomik në vend. Lidhur me standardet e shërbimit, kryeministri Berisha u ndal edhe në çmimet e shërbimeve në turizëm. Sipas tij, duhet të konsolidohet mendimi se, me çmime të arsyeshme mund të fitohet më tepër. Në veçanti për biznesmenët e zonës turistike të Sarandës kryeministri tha: “Në rast se do të jenë më të vëmendshëm në çmimet me të cilat ofrojnë shërbimet, do të mund të arrijnë të dyfishojnë kohën e turizmit në Sarandë dhe do të mund të rrisin numrin e turistëve nga mbarë bota.”

Vitin e kaluar, turizmi shënoi rritje mbi 30 për qind dhe ky ritëm është shumë shpresëdhënës. Turizmi llogaritet të ketë sjellë në të ardhurat e vendit mbi 600 milionë euro, duke u rreshtuar sektori i dytë në kontributin e prodhimit të brendshëm të vendit. Shpeshherë turizmi është sektori i parë në shitje dhe sipas disa statistikave, i pari në punësim.

[Gerrard]

Për të stimuluar rritjen e turizmit në vend, qeveria ka vendosur të tregojë një vëmendje më të madhe në rrjetin rrugor në vend. Zhvillimi i këtij rrjeti është parë me prioritet për të arritur përafrimin e strukturës shqiptare të turizmit me atë të vendeve të tjera. Kryeministri ka kërkuar prej bashkive, qarqeve dhe Ministrisë së Transportit të shohin me përparësi të gjitha projektet rrugore si dhe të furnizimit me ujë të zonave turistike.

Gjithashtu, edhe Ministri i Kulturës, Ylli Pango, u shpreh se rrugët në Shqipëri nuk kanë fituar ende statusin e rrugëve turistike, por janë akoma rrugë rurale. Sipas tij, do të shihet me përparësi zhvillimi i infrastrukturës së re të rrugëve dytësore, të cilët janë rrugë turistike. Përveç kësaj, Ministria e Kulturës ka në plan ngritjen e zyrave të informacionit turistik, të cilat duhet të jenë që në pikat hyrëse, por njëkohësisht në çdo qytet turistik. Ndër të tjera, ministria do të ketë në vëmendje përmirësimin e sinjalistikës turistike, shërbimin shëndetësor dhe sigurinë, të cilat janë masat që do të kërkojnë koordinimin e punës me të gjitha dikasteret përkatëse.

[Gerrard]

Ministria e Turizmit është duke hartuar disa projekte për pasurimin e jetës kulturore dhe artistike përgjatë sezonit turistik. Kjo bëhet për të mundësuar krijimin i një ambienti atraktiv publik dhe privat për këto zona, duke ndikuar në përmirësimin e jetës turistike në vend. Sipas ministrisë, këtë vit është organizuar që pjesa më e madhe e këtyre aktiviteteve kulturore dhe artistike të përkojnë me sezonin turistik veror dhe të realizohen në zonat kryesore turistike të vendit. Sipas Pangos, të gjitha masat e ndërmarra synojnë që Shqipëria të bëhet pjesë e rëndësishme e guidës turistike rajonale, duke tërhequr një fluks sa më të madh të turistëve të huaj.

Përsa i përket turizmit kulturor, kryeministri Berisha u shpreh se, Shqipëria, ende nuk i ka shfrytëzuar siç duhet potencialet reale të saj në këtë drejtim. Sipas tij, për të bërë të mundur zhvillimin e duhur lidhur me turizmin kulturor është e rëndësishme që të krijohet profili i përshtatshëm lidhur me këtë lloj turizmi, gjë që Shqipëria nuk e ka bërë akoma.

[Gerrard]

Ministria e Ekonomisë ka ngritur një grup pune për të rishikuar lejet dhe licencat, i cili tashmë do të vijojë punën e tij në Ministrinë e Turizmit. Këto rishikime lidhen me fenomenin e pengesave të ndryshme administrative që vihen re në sektorët e lejeve dhe licencave, në tërësi në sektorët e ndryshëm ekonomikë dhe synojnë të shmangin këto pengesa administrative për të lehtësuar biznesin. Më tej, grupi i punës do të vazhdojë rishikimin e licencave në disa dikastere. Gjatë periudhës maj-korrik, ai do të vijojë punën në Ministrinë e Ekonomisë, ku do të rishikojë të gjitha lejet ekzistuese si dhe licencat në Ministrinë e Turizmit si dhe në Ministrinë e Punës, Çështjeve Sociale dhe Shanseve të Barabarta.

Tema

[Gerrard]

Gerta Picari është drejtorja e re e Përgjithshme e Tatimeve. Burime të "Shqip" pranë Drejtorisë së Përgjithshme të Tatimeve, bëjnë të ditur se zëvendësuesja e Priftit është Picari, drejtorja aktuale e Institutit të Statistikave. Picari, e cila nuk ka kurrfarë eksperience praktike në administrimin e mbledhjes së të ardhurave, do të drejtojë që sot e tutje administratën e tatim-taksave, e cila siguron një bazë jetike të fondeve që administrohen e shpenzohen në buxhetin e shtetit. Por ministri i Financave, Ridvan Bode, gjatë konferencës së djeshme për median, nuk pranoi të tregojë se kush do ta zëvendësojë Priftin: "Do ta merrni vesh në kohë se kush do ta zëvendësojë". Ardhja e Picarit në krye të tatimeve, vjen pas një stërlodhjeje të kësaj administrate gjatë dy viteve të qeverisjes së mazhorancës së djathtë. Këtë e konfirmoi vetë Bode, gjatë një konference për median. Bode deklaroi dje se dorëheqja e ish-kreut të Tatimeve, Alfred Prifti, erdhi si pasojë e lodhjes dyvjeçare në pozicionin delikat të administratorit të mbledhjes së të ardhurave. "Drejtori i përgjithshëm i tatimeve, në këtë periudhë gati dyvjeçare të punës së tij ka demonstruar përkushtim, angazhim, ndershmëri dhe një bashkëpunim tepër të ngushtë me administratën dhe me biznesin", tha ministri i Financave. Më tej, ai shtoi: "Sigurisht që ai mbetet në tërësi i vlerësuar nga ana jonë dhe ka kërkuar, për shkak të ngarkesës që ka kjo njësi, të mund të pozicionohet në një vend tjetër të rëndësishëm në administratën publike dhe për të krijuar më shumë hapësirë dhe mundësi që të marrë më shumë ritëm puna në administratën tatimore". Ndërkaq, dorëheqja e Priftit, pason atë të dy drejtuesve të tjerë të lartë të administratës tatimore, në degën e Tatimpaguesve VIP. Të paktën njëri syresh deklaroi edhe ai, sikurse deklaron Bode për Priftin, se ishte "lodhur" nga puna e gjatë.

[Gerrard]

Ministri i Financave, Ridvan Bode, deklaroi gjithashtu, se nisma e qeverisë për parapagimin e gjobave është një domosdoshmëri për të garantuar uljen e informalitetit. "Për sa i takon angazhimit të qeverisë, Ministrisë së Financave dhe besoj, të gjithë institucioneve të shtetit shqiptar për të zbatuar me rigorozitet ligjin, për të luftuar informalitetin dhe evazionin fiskal, për të shndërruar ekonominë e tregut në Shqipëri në një ekonomi transparente dhe konkurruese, ia vlen çdo përpjekje dhe në çdo kohë", deklaroi ministri. Bode shtoi se këtu nuk bëhet fjalë për të vendosur disa gjoba, apo për të vendosur disa detyrime, pasi gjobat kanë ekzistuar edhe më përpara dhe në përmasa edhe më të mëdha nga ato që u konfirmuan me ligjin e fundit që u miratua në Kuvend. Sipas ministrit, këtu është fjala për të krijuar hapësirat e nevojshme që ligji të zbatohet në mënyrë rigoroze, të barabartë nga të gjithë. "Ajo që është më e rëndësishme dhe unë jam plotësisht i bindur, që ambienti në tërësi shoqëror, ekonomik dhe politik në Shqipëri, ka nevojë t‘i rikthejë lirinë tregut, i cili përbën thelbin e të gjitha lirive dhe të drejtave që individët duhet t‘i gëzojnë në një shoqëri të lirë dhe demokratike", deklaroi numri një i financave shqiptare.