Lajme ekonomike

[no name]

Ligji i gjobave, Moisiu: Duhej konsensus i gjere

Presidenti i republikes Alfred Moisiu eshte shprehur qe nga Pogradeci per miratimin e ligjit te gjobave ne parlament. Pas takimit te zhvilluar me pushtetaret vendore presidenti ka thene se e mira do te ishte qe ky ligj të kishte gjetur konsensusin e te gjitha forcave politike per te bere ligje qe pretendohet te zgjidhin problemet dhe jo t’i shtojne ato.

“Duhet te kete bashkepunim mes opozites dhe pozites dhe mirekuptim mes partive ne miratimin e ligjeve. Duhet te marren parasysh gjithashtu interesat e grupeve te interesit” tha presidenti Moisiu.
I pyetur nga gazetaret per dekretimin e ligjit kreu i shtetit u shpreh se ai nuk ka mberritur ende ne presidence. “Kur ta marr ligjin do te marr mendimin e specialisteve me te mire te fushes dhe mendimin e grupeve te interesit per te vendosur nese do ta dekretoj ose jo” tha Moisiu.
Diten e hene, Kuvendi miratoi me 66 vota pro ligjin e ri per tatimet sipas te cilit bizneset duhet te paguajne ne dore 15% te vleres se gjobes.

[Gerrard]

Banka Botërore dhe Fondi Monetar Ndërkombëtar përkrahin politikat ekonomike të Qeverisë, ndërsa strategjia katër vjeçare e partneritetit me Bankën botërore duhet t'i ndihmojë vendit anetarësimin në Bashkimin Europian (BE), ka theksuar ministri i Financave Trajko Sllaveski pas kthimit nga Uashingtoni ku ka zhvilluar takime me udhëheqësit e këtyre dy institucioneve financiare.

Sa i perket marrëveshjes, Stand by, me FMN, Slleveski tha se nuk ka asnjë çështje të hapur dhe se të gjitha aktivitetet e planifikuara, siç është Ligji për banka që është nëe procedure parlamentare janë realizuar me kohë. FMN ka përshëndetur vendimin e Qeverisë për kthimin e parakohshëm të borxhit që e ka ndaj këtij institucioni në vlerë prej 37 milion euro. Sllaveski theksoi se marrëveshja me FMN do të realizohet deri në fund ndërsa bashkëpunimi do të vazhdojë edhe në të ardhmen.

Udhëheqësit e FMN janë të kënaqur me realizimin e parametrave ekonomike si dhe me zvogëlimin e tatimit personal dhe tatim- fitimit. Ata vlerësojnë se shkalla e rritjes ekonomike realisht është me e madhe se sa prezantohet andaj përmes ndihmës teknike do të tentojë që t'i ndihmon Entit republikan të statistikës prezantimin real të performancave ekonomike siç është ai i Prodhimit Bruto të Vendit (GDP).

[Gerrard]

Tatimorët humbin betejën ligjore me 2 mijë biznese për 2006-n Shifrat e bëra publike nga tatimorët konfirmojnë vendosjen apriori të gjobave të padrejta nga ana e tyre

Silvana Sinaj
Debati i realizuar gjatë dy muajve të fundit në lidhje me nenin e gjobave ka ngjallur debat edhe brenda strukturave të administratës tatimore. Sipas burimeve tatimore, duke iu referuar shifrave të bëra publike nga Tatimet, vihet re se më shumë se gjysma e gjobave të vendosura vetëm në 9-mujorin e vitit të kaluar kanë rezultuar të padrejta dhe u janë falur bizneseve të ndëshkuara. Sipas të dhënave nga Drejtoria e Përgjithshme e Tatimeve, vetëm për periudhën mars-dhjetor 2006 janë shqyrtuar 4 000 apelime tatimore nga të cilat 2 045 ose 52% janë fituar nga biznesi. Niveli i gjobave të padrejta kundrejt atyre të drejta e shton edhe më shumë dyshimin për një sistem të qëndrueshëm dhe funksional tatimor. Duket se shqetësimi i biznesit për parapagimin e 15% të vlerës së gjobës përforcohet edhe më shumë nga shifrat e servirura nga vetë tatimorët.
Shqetësimi i ekspertëve dhe i bizneseve të ndryshme duket se konfirmohet edhe nga vetë tatimorët. Të dhënat nga Drejtoria e Përgjithshme e Tatimeve përsa u përket apelimeve të biznesit kundrejt gjobave të padrejta duket se konfirmojnë shqetësimin e sipërmarrësve. Sipas tatimorëve, numri do të kishte qenë edhe shumë më i madh në qoftë se gjobat për biznesin e vogël nuk do të ishin falur me një vendim qeverie. Megjithëse grupet e interesit e kanë kërkuar me forcë mosaprovimin e këtij neni, si dhe kanë kundërshtuar dhe ofertën e fundit të qeverisë, Kuvendi e kaloi këtë ligj duke bërë pazare në kurriz të biznesit, duke injoruar kërkesën e drejtë e të argumentuar të biznesit. Gjë që praktikisht, nëse i referohemi masës së gjobave që aplikohet nga tatimorët ligjërisht nga 1-5 fish, që në të shumtat e rasteve gjobat janë 5 fish, i bie që biznesi të paguajë 200-300 % të detyrimit tatimor para se të shkojë në gjykatë. Një procedurë ankimimi e tillë shton kostot e biznesit pasi do të angazhojë specialistë të jashtëm, avokatë, noterë, ekspertë të fushës fiskale, ekspertë të fushës së kontabilitetit etj, që janë shpenzime për biznesin, por dhe humbje kohe për administratorët e biznesit.
Neni 43: Apelimi i biznesit
Por, nëse i referohemi Nenit 43 të Ligjit 8560, dt.22.12.1999, “Për procedurat tatimore në Republikën e Shqipërisë”, që bën fjalë për apelimin e subjektit (biznesit) në organe më të larta ose në gjykatë, sipas ligjit ekzistues, Neni 43 përcakton që subjekti (biznesi), para se të paraqesë apelimin administrativ sipas shkallëve në Drejtorinë e Përgjithshme të Tatimeve apo në Komisionin e Apelimit në Ministrinë e Financave ose në Gjykatë, duhet të parapaguajë detyrimin tatimor pa përfshirë gjobat dhe interesat. Ndryshimi që propozohet është: kur paraqet apelimin gjyqësor, tatimpaguesi duhet të ketë paguar, përveç detyrimit, edhe gjobat e interesat. Gjithçka ka ngjallur reagim te biznesi, i cili këmbëngul se ky nen nuk duhet të ndryshojë ose ndryshimet të bëhen të tilla që ky ligj të gjejë zbatim më mirë.

[Gerrard]

Agjencia e Kreditimit për Eksportet, ndihma financiare me anë të kredisë

Takimi i djeshëm i Kryeministrit Berisha me Bashkimin e Dhomave të Tregtisë, ka qenë edhe një lajm i mirë për eksportuesit. Qeveria do të vendosë një fond prej 10 milionë eurosh në një nga bankat private, të cilat do të menaxhohen nga Agjencia e Kreditimit, të cilën Qeveria do ta krijojë së shpejti. Bizneset eksportuese mund të marrin kredi me interesa të ulëta duke aplikuar pranë kësaj agjencie. Ky institucion ekziston në shumë vende të tjera të botës, pavarësisht nga forma dhe konsiderohet një instrument me një ndikim të madh në fushën e eksportit të çdo vendi. Pra, një instrument financiar ndihmës për kompanitë vendase, që dalin në eksport dhe që ka impakt në kreditimin dhe garantimin e kompanive eksportuese. Ajo ndihmon dhe nxit investitorët që të investojnë në prodhimin për eksport. Ndikon në njohjen e shumë praktikave ndërkombëtare dhe dhënien e asistencës për kompanitë shqiptare, në njohjen e tregjeve ndërkombëtare të shumë fushave, duke hapur perspektiva të reja për produktet dhe shërbimet që ofrojnë kompanitë shqiptare etj. Objektivi i përgjithshëm i skemave grant është për të mbështetur zgjerimin dhe zhvillimin e tregut të eksporteve, për produktet dhe shërbimet. Objektivi specifik i kësaj skeme grant është për të nxitur performancën dhe konkurrueshmërinë e ndërmarrjeve eksportuese në tregjet ndërkombëtare. Dhënia e këtyre granteve bëhet me qëllim për të asistuar kompanitë eksportuese, në shfrytëzimin e mundësive për të zgjeruar tregun e eksportit, për produktet dhe shërbimet që ato ofrojnë. Do të përfitojnë ato kompani, që aktivitetet e marketingut nuk mund ti përballojnë plotësisht 100% me fondet e tyre.

[Gerrard]

Fullani: Informaliteti nuk zgjidhet me slogane e fushata
“Të zgjidhen problemet e furnizimit me energji ”

Energjia është një nga problemet kyçe të vendit dhe duhet t’i kushtohet një rëndësi mjaft e veçantë. Kështu është shprehur guvernatori i Bankës së Shqipërisë, Ardian Fullani, në një intervistë të dhënë “Zërit të Amerikës”, gjatë zhvillimit të mbledhjeve të pranverës të Bankës Botërore dhe Fondit Monetar Ndërkombëtar. Në intervistën e tij Fullani ka theksuar, se informaliteti nuk eliminohet me slogane ose me fushata. Sipas tij, zbutja e informalitetit vjen natyrshëm nëpërmjet krijimit të një strukture të gjerë shërbimesh.

Zoti guvernator, ju keni ardhur në Uashington në kuadrin e takimeve të pranverës që zhvillohen në Fondin Monetar Ndërkombëtar, çfarë keni diskutuar gatë takimeve me zyrtarët e Fondit?
Takimet e pranverës janë një rast mjaft i rëndësishëm për vendet anëtare për të zhvilluar takime me nivelet më të larta të Fondit Monetar Ndërkombëtar, por njëkohësisht për të bashkëbiseduar dhe me kolegë të tjerë, përfaqësues të institucioneve të rëndësishme ndërkombëtare mbi politikat e zhvillimit, mbi perspektivat e zhvillimit të një vendi, dhe mbi politikat që një vend do të ndjekë në bazë të programeve ekonomiko–politike, të cilat ka marrë përsipër të realizojë.
Veçoria e kësaj radhe ishte se zëvendësdrejtori i Përgjithshëm i Fondit Monetar Ndërkombëtar, zoti Murilo Portugal, konfirmoi ardhjen e tij në Tiranë në muajin maj. Eshtë hera e parë që një personalitet kaq i lartë i Fondit Monetar Ndërkombëtaz vjen në Shqipëri dhe pa diskutim, kjo tregon një maturim të Shqipërisë dhe një angazhim më të madh të Fondit Monetar Ndërkombëtar, për të mbështetur reformat në Shqipëri.

Duke qëndruar pak te stabiliteti makroekonomik i vendit. Ka disa vjet që thuhet se Shqipëria ka një situatë makroekonomike të qëndrueshme dhe një rritje që luhatet në kufijtë e 5-6 për qind, ndërkohë që dihet se ekonomia shqiptare mbështetet gjerësisht te sistemi i shërbimeve, në vend që të mbështetet te prodhimi industrial. Si mund të ruhet në të ardhmen kjo rritje ekonomike në këto kushte?
Rritja ekonomike e një vendi është e rëndësishme. Dhe temat ekonomike janë gjithmonë të hapura në këto takime me Fondin Monetar Ndërkombëtar dhe më gjerë. Elementet kryesore janë ato që lidhen me reformën strukturore. Prandaj, është shumë e rëndësishme që për të mbajtur këto ritme të larta të zhvillimit, të realizohen reformat me ritmet e planifikuara.

Cilat janë disa nga këto elemente?
Energjia, është një nga problemet kyçe, të cilës ne duhet t’i kushtojmë një rëndësi mjaft të veçantë. Zgjidhjet e problemit të energjisë, duhet të jenë zgjidhje afatgjata dhe të qëndrueshme, të cilat garantojnë furnizimin e ekonomisë me energji, por dhe me kosto të ulët.

Flitet gjerësisht për informalitetin e ekonomisë shqiptare, sa e ka dëmtuar kjo ekonominë realisht?
Unë nuk jam i mendimit që informaliteti në Shqipëri ose dhe kudo, eliminohet me slogane ose me fushata. Kjo ka qenë dhe strategjia jonë: zbutja e informalitetit vjen natyrshëm nëpërmjet krijimit të një strukture të gjerë shërbimesh. Vetë zhvillimi i sektorit bankar dhe financiar, zhvillimi i sektorit të kreditit, zhvillimi i sektorit të pagesave dhe i shërbimeve bankare e atyre financiare në tërësi kanë çuar aty, ku Shqipëria të gëzojë sot një shërbim cilësor financiar me një gamë të gjerë produktesh, që pa dyshim çon në zbutjen e informalitetit. Rritja e kreditimit në vend 50 deri në 60 për qind në vit, rritja e veprimeve bankare nëpërmjet sporteleve të bankave, ku sot vëllimi i veprimeve të kryera nëpërmjet bankave është më i lartë se sa ai me lekë në dorë, zhvillimi i pagesave ndërkombëtare, si dhe zhvillimi i mjaft produkteve të reja bankare për thithjen në mënyrë zyrtare të dërgesave nga emigrantët janë të gjithë faktorë që kanë ndikuar në mënyrë të dukshme në uljen e informalitetit në Shqipëri.

[Gerrard]

Përfaqësues të shoqatave të biznesit i kanë dërguar një letër Presidentit Moisiu ku i kërkojnë mosdekretim të nenit të gjobave


Pas shumë debatesh me qeverinë për nenin e gjobave dhe pas miratimit në Kuvendin e Shqipërisë të ligjit për parapagimin e gjobave, biznesi i kërkon ndihmë Presidentit të Republikës. Sipërmarrësit i janë drejtuar me një letër Moisiut, duke i kërkuar të mos e dekretojë ligjin që sanksionon parapagimin e gjobave të vendosura nga Tatimorët. Në letrën dërguar Moisiut, shoqatat e biznesit kanë argumentuar kërkesën e tyre me faktin se ky ligj përbën një rrezik, veçanërisht për ata sipërmarrës që janë treguar e tregohen të rregullt në shlyerjen e detyrimeve të ndryshme ligjore ndaj shtetit, pasi rrit mundësinë e abuzimeve nga ana e nëpunësve tatimorë. Letra dërguar presidentit ka ardhur vetëm pak ditë pas miratimit nga Kuvendi të ligjit të gjobave, që parashikon parapagimin e detyrimit tatimor, gjobave dhe interesave në masën 15%. Ligji arriti të miratohej pas kundërshtimesh të ashpra nga opozita dhe përfaqësues të maxhorancës, të cilët e cilësuan votimin në parlament të këtij neni si një pazar nga qeveria. Sipas Kushtetutës, Presidenti i Republikës ka të drejtë ta kthejë dy herë një ligj për rishikim në parlament, por nëse ai për herën e tretë miratohet, atëherë e vetmja shpresë për ta rrëzuar atë mbetet vendimi i paapelueshëm i Gjykatës Kushtetuese. Deklarata e përbashkët është hartuar në një takim me dyer të mbyllura të të gjitha shoqatave të biznesit me përjashtim të ndonjë strukture në varësi të qeverisë apo të afërt me të. E gjithë kjo luftë po bëhet në kurriz të biznesit vendas për të vetmen arsye: të paaftësisë së administratës tatimore për të vjelë detyrimet që i ka biznesi. Sipas të dhënave nga Tatimet, detyrimet e biznesit për gjoba dhe penalitete të pashlyera deri në fund të vitit 2006 llogariten rreth 450 milionë USD ose rreth 70% e investimeve publike të vitit 2007. Sipas ligjit ekzistues, Neni 43 përcakton që subjekti (biznesi), para se të paraqesë apelimin administrativ sipas shkallëve në Drejtorinë e Përgjithshme të Tatimeve apo në Komisionin e Apelimit në Ministrinë e Financave ose në Gjykatë, duhet të parapaguajë detyrimin tatimor, pa përfshirë gjobat dhe interesat. Shtesa ose ndryshimi që propozohet është: kur paraqet apelimin gjyqësor, tatimpaguesi duhet të ketë paguar, përveç detyrimit, edhe gjobat e interesat. Gjithçka ka ngjallur reagim te biznesi, i cili këmbëngul se ky nen nuk duhet të ndryshojë ose ndryshimet të bëhen të tilla, që ky ligj të gjejë zbatim më mirë. Ndërsa me ndryshimet e fundit të miratuara nga parlamenti është aprovuar pagesa e detyrimit dhe gjobës së bashku me interesat në masën 10 %. Ka qenë ky propozimi më i fundit i partisë, pjesëmarrëse në koalicionin qeveritar, PDK. Sipas saj, parapagimi i gjobës duhet të bëhet në mënyrë që një biznes të ketë të drejtën të shkojë në instancat e ndryshme të ankimimit, por masa e saj nuk duhet të jetë as 100% dhe as 25 për qind, sa ka propozuar qeveria “Berisha”, por vetëm sa një e dhjeta e gjobës.

[Gerrard]

Intervistë e Guvernatorit të Bankës së Shqipërisë, z. Ardian Fullani

Diskutimet e fundit me FMN-në në Uashington, lufta kundër informalitetit, rritja ekonomike, si dhe rrezikshmëria që sjell niveli i lartë i kreditimit nga bankat e nivelit të dytë, janë pikat kryesore ku është përqendruar në një intervistë dhënë për “Zërin të Amerikës, gjatë zhvillimit të Mbledhjeve të Pranverës të Bankës Botërore dhe Fondit Monetar Ndërkombëtar.

Z. Guvernator, ju keni ardhur në Uashington në kuadrin e takimeve të pranverës që zhvillohen në Fondin Monetar Ndërkombëtar, çfarë keni diskutuar gjatë takimeve me zyrtarët e Fondit?
Takimet e pranverës janë një rast mjaft i rëndësishëm për vendet anëtare, për të zhvilluar takime me nivelet më të larta të Fondit Monetar Ndërkombëtar, por njëkohësisht për të bashkëbiseduar dhe me kolegë të tjerë, përfaqësues të institucioneve të rëndësishme ndërkombëtare mbi politikat e zhvillimit, mbi perspektivat e zhvillimit të një vendi dhe mbi politikat që një vend do të ndjekë në bazë të programeve ekonomiko – politike, të cilat ka marrë përsipër të realizojë. Veçoria e kësaj radhe ishte se zëvendësdrejtori i Përgjithshëm i Fondit Monetar Ndërkombëtar, z. Murilo Portugal, konfirmoi ardhjen e tij në Tiranë, në muajin maj. Është hera e parë që një personalitet kaq i lartë i Fondit Monetar Ndërkombëtar vjen në Shqipëri dhe, pa diskutim, kjo tregon një maturim të Shqipërisë dhe një angazhim më të madh të Fondit Monetar Ndërkombëtar, për të mbështetur reformat në Shqipëri. Duke qëndruar pak te stabiliteti makroekonomik i vendit.
Ka disa vjet që thuhet se Shqipëria ka një situatë makroekonomike të qëndrueshme dhe një rritje që luhatet në kufijtë e 5-6 për qind, ndërkohë që dihet se ekonomia shqiptare mbështetet gjerësisht te sistemi i shërbimeve, në vend që të mbështetet te prodhimi industrial. Si mund të ruhet në të ardhmen kjo rritje ekonomike në këto kushte?
Rritja ekonomike e një vendi është e rëndësishme. Dhe temat ekonomike janë gjithmonë të hapura në këto takime me Fondin Monetar Ndërkombëtar dhe më gjerë. Elementët kryesorë janë ata që lidhen me reformën strukturore. Prandaj, është shumë e rëndësishme që për të mbajtur këto ritme të larta të zhvillimit, të realizohen reformat me ritmet e planifikuara.
Cilat janë disa nga këto elemente?
Energjia është një nga problemet kyçe, së cilës ne duhet t’i kushtojmë një rëndësi mjaft të veçantë. Zgjidhjet e problemit të energjisë duhet të jenë zgjidhje afatgjata dhe të qëndrueshme, të cilat garantojnë furnizimin e ekonomisë me energji, por dhe me kosto të ulët.
Flitet gjerësisht për informalitetin e ekonomisë shqiptare, sa e ka dëmtuar kjo ekonominë realisht?
Unë nuk jam i mendimit që informaliteti në Shqipëri ose dhe kudo eliminohet me slogane ose me fushata. Kjo ka qenë dhe strategjia jonë: zbutja e informalitetit vjen natyrshëm nëpërmjet krijimit të një strukture të gjerë shërbimesh. Vetë zhvillimi i sektorit bankar dhe financiar, zhvillimi i sektorit të kreditit, zhvillimi i sektorit të pagesave dhe i shërbimeve bankare e atyre financiare në tërësi kanë çuar aty ku Shqipëria të gëzojë sot një shërbim cilësor financiar me një gamë të gjerë produktesh, që, padyshim, çon në zbutjen e informalitetit. Rritja e kreditimit në vend, 50 deri në 60 për qind në vit, rritja e veprimeve bankare nëpërmjet sporteleve të bankave, ku sot vëllimi i veprimeve të kryera nëpërmjet bankave është më i lartë sesa ai me lekë në dorë, zhvillimi i pagesave ndërkombëtare, si dhe zhvillimi i mjaft produkteve të reja bankare për thithjen në mënyrë zyrtare të dërgesave nga emigrantët, janë të gjithë faktorë që kanë ndikuar në mënyrë të dukshme në uljen e informalitetit në Shqipëri.
Shikoni rrezikshmëri në shtimin kaq të madh të kreditimit në Shqipëri, në kushtet kur nuk ekzistojnë rregullat e nevojshme për kontrollin e këtij fenomeni?
Duhet të kemi parasysh që dy vjet më parë kreditimi i ekonomisë shqiptare ishte në nivelin 7 për qind të PBB-së, ndërsa sot ka arritur në nivelin 21 për qind të PBB-së. Vërtet ka një proces rritjeje konstante dhe të qëndrueshme, por në bazë të analizave tona kjo nuk është një rritje e pakontrolluar. Vihet re një rritje në financimin jo vetëm të mallrave të konsumit, por dhe të investimeve. Gjithashtu, është rritur gama e produkteve të ofruara nga bankat, në lidhje me kreditimin e shtëpive dhe ka patur një zhvillim të natyrshëm edhe të kreditimit të konsumatorit.

[Gerrard]

MTL-ja me Turqinë mbyll procesin e liberalizimit të tregtisë me vendet e Europës Juglindore, si një plotësim i angazhimeve që rrjedhin edhe nga Marrëveshja e Stabilizim-Asociimit ndërmjet Shqipërisë dhe BE-së. Turqia paraqitet si një partner shumë i rëndësishëm në shkëmbimet tregtare me Shqipërinë, të cilat, sipas burimeve zyrtare të Ministrisë së Ekonomisë, Tregtisë dhe Energjetikës, arrijnë në rreth 210 milionë dollarë në vit.
Sipas kësaj MTL, liberalizohet plotësisht shkëmbimi i produkteve industriale si dhe arrihet një shkallë e konsiderueshme e liberalizimit të produkteve bujqësore.
Për herë të parë, Turqia hap tregun pa tarifa doganore, për sasi të vlerësueshme produktesh si vezë, bimë mjekësore, si dhe shumë produkte të tjera. Burimet zyrtare të Ministrisë së Ekonomisë, Tregtisë dhe Energjetikës, që zhvilloi dhe negociatat e duhura për arritjen e MTL-së me Turqinë, vlerësojnë se kjo marrëveshje është nxitëse për rritjen e pranisë së investitorëve të huaj, atyre turq në veçanti, në një treg që siguron investime të huaja.

[Gerrard]

Shumë hallka thjeshtohen, duke sjellë që dokumentacioni i privatizimit, i përgatitur nga shoqëria, ndërmarrja publike apo shtetërore, të përcillet direkt në METE, e cila e dërgon më tej në Ministrinë e Financave. Ministria e Financave do të kryesojë edhe komisionin e verifikimit të sipërfaqeve të truallit, të objekteve që janë privatizuar, çka rregullon edhe procedurat e funksionimit të këtij komisioni



Për të gjitha privatizmet që do të bëhen tashmë në vendin tonë, kontratat do të nënshkruhen nga Ministria e Financave. Ndryshimet e fundit, të bëra në projektin e ri parashohin heqjen e mjaft procedurave burokratike, të cilat kanë vonuar privatizmet dhe kanë lënë edhe hapësira për spekulime. Të dhëna nga Ministria e Financave bëjnë me dije se, nga praktika e deritanishme në procedurat e privatizimit ka rezultuar se, disa hallka nëpër të cilat kalon procesi sjellin vonesa dhe vështirësi të panevojshme, si në ato që lidhen me kontrollin e dokumentacionit të vlerësimit të shoqërive, përpilimin e genplaneve etj. Me ndryshimet e bëra në kuadrin ligjor, këto hallka thjeshtohen, duke sjellë që dokumentacioni i privatizimit, i përgatitur nga shoqëria, ndërmarrja publike apo shtetërore, të përcillet direkt në METE, e cila e dërgon më tej në Ministrinë e Financave.

Gjithashtu, me ndërhyrjet në ligj është rregulluar edhe mënyra e njoftimit për privatizim në rastet e ankandit, çka bën të mundur, që përveç publikimit në buletinin përkatës, të bëhet edhe afishimi në mjediset ku do të organizohet ankandi, në objektin që do të privatizohet, në prefekturë, duke rritur transparencën në procedura. Gjithashtu, i rëndësishëm është dhe rregullimi ligjor, të cilin e kërkon procedura e lidhjes së kontratave, që eliminon problematiken e shfaqur në praktikë në procesin e mbylljes së privatizimit, pasi tashmë nuk ekziston më organi i varësisë administrative. Ky proces do të bëhet nga Ministria e Financave si dhe degët e shoqërive publike në prefekturë, sipas legjislacionit në fuqi. I rëndësishëm vlerësohet edhe rregullimi i procedurës që lidhet me privatizimin e truallit të objekteve të privatizuara. Me rregullimin ligjor të bërë së fundi, subjektet do të paguajnë qiranë e truallit, deri në momentin e pagesës së vlerës së plotë të truallit, çka nuk është bërë më parë. Në përmirësimet ligjore caktohet Ministria e Financave që të kryesojë komisionin e verifikimit të sipërfaqeve të truallit të objekteve që janë privatizuar, çka rregullon edhe procedurat e funksionimit të këtij komisioni. Gjithashtu, në këto vendime janë bërë rregullime edhe lidhur me shpërndarjen e të ardhurave që realizohen nga privatizimi, duke parashikuar rritjen e përqëndjes që përfiton Ministria e Ekonomisë, Tregtisë dhe Energjitikës. Ky lidhet me rregullimin e përdorimit të të ardhurave për procedurat e privatizmit sikurse janë pagesat e ekspertëve, etj.

[Gerrard]

Arkëtimet e energjisë elektrike në qytetin e Lezhës janë rritur me 23 për qind gjatë muajit mars. Sipas të dhënave, energjia e paguar gjatë muajit të kaluar për këtë qytet ka shkuar në 97 për qind, duke llogaritur konsumatorët shtetërorë dhe privatë. Sipas KESH-it, rritja e faturimit ka ardhur si pasojë e aplikimit të kamatës për vonesat në pagimin e energjisë. Aplikimi i kamatës ka motivuar qytetarët si dhe subjektet private për të rritur kujdesin, për shlyerjen në kohë faturat e energjisë elektrike. Konsumatori privat ka pasur ndikimin kryesor në rritjen e arkëtimit të energjisë elektrike në këtë qytet. Nivel të ulët në këtë qytet zë ende arkëtimi i energjisë së faturuar për konsumatorët në fshat, i cili mbetet në nivelin e 61 për qind. Sipas KESH-it, kjo ka ardhur si pasojë e mosshpërndarjes së mirë të faturave në zonat rurale prej postës në zonat rurale. Lidhur me këtë, sipas KESH-it, moskorrektesa e duhur e treguar nga Posta Shqiptare ka sjellë zvogëlimin e rritjes së arkëtimit të energjisë, i cili do të ishte edhe më i madh nëse faturat do të ishin shpërndarë në mënyrën e duhur. Arkëtimi i energjisë dhe ulja e humbjeve në rrjet mbeten sftidat kryesore që korporata ka në vëmendje që me ardhjen e drejtorit të ri të saj Gjergji Bojaxhiu. Përveç kësaj, edhe institucionet ndërkombëtare si Banka Botërore kanë vendosur nivelin e arkëtimeve si një prioritet në kërkesat e tyre ndaj korporatës. Niveli i deritanishëm i arkëtimeve ka sjellë rezultate të dobëta financiare, të cilat rëndojnë gjendjen si dhe mundësitë e korporatës për të zgjidhur problemin e energjisë në vend.