Si do të jetë e ardhmia e Kosovës?

[Oxygen]

Eshte fat i joni qe interesat e Amerikes perputhen me ato te Europes, dmth. qe te dya jane te interesuara qe njehere e pergjithmone te arrihet stabiliteti ne kete rajon. Ka kaluar koha kur shqiptaret mashtroheshin dhe u coptoheshin trojet, asgje nuk mund te arrihet nese nuk qetesohen qytetaret e Kosoves, dmth. te respektohet kerkesat tona. Eshte edhe nje tjeter fat se kosova gjendet ne Europe, dhe me nje fjale Europa don ta rregulloj oborrin e vet deshtem apo nuk deshtem ne. Kosova max. edhe 10 vite do te gjendet ne E.U. po atehere thuajse do ta kemi te njejten kulture me europianet deshtem apo nuk deshtem ne, do te jemi nder nje kulum me ta. Ky eshte vizioni i Kosoves nuk mund te jete ndryshe.

[RTP]

. Por ai nuk ishte veçanërisht i vendosur, apo një njeri karizmatik. .

Çysh,çysh the ?

[Sabriu]

Stabiliteti në Ballkan do të arrihet përmes viktimizimit të shqiptarëve jo vetëm të Kosovës por të shqiptarëve në tër hapsirën etnike shqiptare.Shum her kemi theksuar në të kaluarën seani më nuk do mashtrohemi por në fakt jemi mashtruar e tradhëtuar disa here me radhë.Mendoi se ujku qimen e ndrron por zakonin jo.Mendoi se bisedimet e Vjenës kan për qëllim dërgimin prap të cjapit te kasapi.
Jemi të mbuluar s`tepërmi me naivitete ,folklorizme,të bërit qef vetes etj.Do të shofim ç`do të bëhet, por unë kam shqetësime të mëdhe se historia do të
na përsëritet si dhe herave tjera.
------------------------------------
Mendoi se kemi hyrë në tynelin e pakthim,sepse kemi fjetur shum kur të tjerët nuk kanë fjetur as natën.

[ARIANI_TB]

Ky eshte konkluzioni I deritanishem I bisedimeve per statusin e Kosoves. Shumica shqiptare ne Kosove deri me tani eshte peng I pakices serbe te Kosoves. Ja disa argumente: Per çfare u bisedua ne Viene? U bisedua jo per decentralizimin e Serbise, por te Kosoves. U bisedua per lirite dhe te drejtat e serbeve te Kosoves. Perseri edhe ne 17 mars 2006 do te bisedohet per lirite dhe te drejtat e serbeve te Kosoves. Por çfare do te thone bisedimet per decentralizim kur nuk ka kufij politik dhe as Kushtetute? Do te thote se jane biseda per teritore.
Degjon bashkesine nderkombetare dhe shumica e politikaneve te huaj shprehen se: Shqiptaret ne fillim duhet te garantojne lirite dhe te drejtat e minoriettit serb dhe pastaj statusin e tyre. Shume bukur. Edhe vete shqiptaret ne Kosove jane dakord me nje gje te tille. Por… Le tu bejme edhe disa pyetje politikaneve dhe diplomateve nderkombetare: Po neqoftese serbet te perkrahur edhe nga ju do te kerkojne ne kuader te decentralizimit autonomi politiko -teritoriale me lidhje edhe me Beogradin, a do jeni ju dakord? Po qe Mitovica Veriore dhe nje pjese e mire e Kosoves Veriore jane te ndara, jane qysh tani te lidhura me Beogradin, a e dini ju nje gje te tille? (Keshtu ka ndodhur edhe ne qershor te vitit 1941 kur pas Marreveshjes Ciano-Ribentrop, qeveria e Nediçit vendosi ne Uren e Ibrit Batalionin e pare te Rojes Shteterore Serbe. Ndersa per te kenaqur shqiptaret shpiku Shqiperine e Madhe). Po sikur ne kuadrin e decentralizimit, ata te kerkojne qe Mitrovica Veriore te jete kryeqyteti I tyre? (Edhe tani ajo sherben si e tille. Po qe regjistri kadastral I pronave te Kosoves ndodhet ne Beograd, a e dini nje gje te tille? (Dhe duke qene atje, serbet mund te manipulojne shume me pronat e objekteve fetare serbe ne Kosove, sepse qysh nga viti 1919 pronesia e tokes ne Kosove ka pasur shume oshilacione). Po qe serbet kane telefonine e tyre dhe shqiptaret ne Kosove perdorin prefiksin e Monakos, po kete a e dini? Ja dhe nje pyetje permbyllese: A e dini se deri me tani, serbet e Kosoves kane votuar ne shumice per partine radikale serbe te Sheshelit. (Cfare do te thote bashkesia nderkombetare neqoftese serbet do te kerkojne qe edhe neser te votojne edhe per parlamentin e Kosoves, por edhe per te Beogradit. Ajo deri tani i ka lejuar, po neser ?)
Dhe para se te perfundoj me pyetjet per disa politikane dhe diplomate nderkombetare, po sjell ne vemendjen e lexuesit nje informacion:
Ne Kornizen Kushtetuese te Kosoves lidhur me te drejtat e pakicave thuhet se: «Të përdorin lirisht gjuhën dhe alfabetin e tyre, duke përfshirë përdorimin e saj para gjykatave, organizmave dhe organeve të tjera publike të Kosovës. Të arsimohen në gjuhën e tyre. Të gëzojnë të drejtën për informacion në gjuhën e tyre. Të gëzojnë të drejta të barabarta në lidhje me punësimin në organet publike të të gjitha niveleve dhe në shërbimet publike të të gjitha niveleve. Të kenë kontakte të papenguara me njëri-tjetrin dhe me anëtarët e komuniteteve të tyre brenda dhe jashtë Kosovës. Të ofrojnë informacion në gjuhën dhe alfabetin e komunitetit të tyre, duke përfshirë krijimin dhe mbajtjen e mediave të tyre».
(A mund te gjeni ndonje vend me kete shkallle tolerance ndaj pakicave? Edhe Marreveshja e Ohrit qe disa e marrin si model per Kosoven, parashikon se duhet te jesh mbi 20 perqind e popullsise qe te perfitosh te drejten e gjuhes amtare si gjuhe zyrtare. Ndersa Ne Kosove nuk ka perqindje. Bile edhe atje ku nuk ka serbe, gjuha serbe parashikohet si gjuhe zyrtare?!

Dhe ne fund te pyetjeve, nje pyetje-konkluzion : A e di Ahtisari, ndihmesit e tij apo edhe te tjere se ne Viene kane biseduar ne te vertete shqiptaret e Kosoves me serbet e Kosoves ? Per kujtese te lexuesit : Delegacioni serb prej 8 antaresh perbehej nga : Milorad Todorovic nga Kosova, Mirko Jakshic nga Kosova, Goran Bogdanovic nga Kosova, Rangjelo Nojkic nga Kosova. Tomas Fleiner nga Zvicra. (Drejtor i Institutit federal te Friburgut i martuar me Lidija Basta-Fleiner me kombesi serbe). Por ne menyre jo te çuditshme mungonte politikani serb po nga Kosova Oliver Ivanovic) ?
Pra deri me tani pakica serbe ne Kosove mban peng shumicen shqiptare ne Kosove. Deri me tani pakica serbe nuk lejon shumicen shqiptare te vendose per fatin e saj. Shumcia shqiptare deri tani ka vetem deklarata pavarsie dhe realitet protektorati.
Ka dy rruge : Rruga e pare eshte qe te vazhdojne bisedimet deri sa te harxhohet fondi financiar i caktuar nga OKB per kete çeshtje. (Ahtisari ka deklaruar se ai e ka kontraten financiare me OKB deri ne 9 nentor 2006). Pastaj te thuhet se palet nuk rane dakord dhe te vendose Keshilli i Sigurimit.
Ka edhe nje rruge tjeter qe eshte hedhur ne tregun e politikes : Kjo eshte rruga e imponimit te statusit te Kosoves mbi Beogradin, por edhe mbi Prishtinen.
Por ka edhe nje rruge me te efektshme : Nje shumice nuk mund te rrije peng i nje pakice. Prandaj, Grupi negociator i Kosoves duhet te kerkoje ndryshimin e problematikes se bisedimeve : Ai duhet te kerkoje qe bisedimet te fillojne nga Statusi i Kosoves dhe jo nga decentralizimi. Dhe e fundit, Grupi Negociator i Kosoves duhet te marre shembull nga ish-Presidenti Rugova qe dinte te vinte edhe kushte per bisedime.(Tre ministra te Kosoves duhet te kerkojne homologet e tyre nga Beogradi dhe disa keshilltare dhe funksionare serbe nga Mitrovica. Ky eshte partneritet midis shtetesh fqinje. Neqoftese edhe ne 17 mars Grupi Negociator do te pranoje formatin e Vienes, atehere do te thote se pranon akoma varesine nga Serbia.

[Sabriu]

Për ARIANI TB:

Me ty e ndaj mendimin katërcipëshi,këto që theksuam ne të dy janë edhe shqetsime të disa petagogëve dhe të studijuesve shkencor shqiptar mbarkombëtar.Shqetësimet e mia i kam shprehur qysh prej vitit 2001 duke tërhequr vërejtje për planet e Serbisë për kantonizimin e Kosovës përmes enklavave serbe,unë jem paraqitur me emër e mbiemër real timin nëpër të gjitha shkrimet edhe pse jem quajtur serbofil,turkoman,pastaj si njeri që kam për qëllim humbjendhe zhvleftësimin e fitoreve etj.Kam diçka parasyshë si atëhere si tani:në shkencë pa mar parasysh se i pëlqen apo nuk i pëlqen ndokujt duhet thënë se:një dhe një bëjnë dy etj.
Punimi i imi i fundit ka qenë menjëhere pas mbledhjes të mbajtur nga Këshilli i Sigurimit i OKB;së, me temën KOSOVA NË SHTRATIN E VDEKJES.Kam dashur ta paraqes edhe në këtë forum por për shkak të mos ngritjes së tensioneve e debateve të palakmueshme të njejtin punim nuk e kam paraqitur.
-------------------------------------------------------------
Mendoi se kemi hyrë në tynelin e pakthim sepse kemi fjetur shum kur të tjerët nuk kan fjetur as natën.

[Sabriu]

Nuk duhet të nxitohet me nxjerrjen e përfundimeve të prera Nga prof.dr.Esat Stavileci

Përshtypje nga Seanca e Këshillit të Sigurimit

16 shkurt 2006

- Me gjithë mundësinë e përgjithësimit të përshtypjes se pavarësia e Kosovës është një “opsion real”, angazhimi që zgjidhja “të jetë e pranueshme për të gjitha palët”, shtron nevojën e të qenit vigjilentë të palës shqiptare -

Ndjekja e kujdesshme e fjalimeve të ambasadorëve në séancën e Këshillit të Sigurimit të Organizatës së Kombeve të Bashkuara për Kosovën të krijon përshtypjen e parë për “laryshi pikëpamjesh” rreth statusit të ardhshëm të Kosovës,por menjëherë pas kësaj dhe përshtypjen tjetër për “një lëvizje kah pavarësia” dhe “gatishmëri për ta mbështetur atë“, veçanërisht po qe se sigurohen të drejtat e pakicave sipas standardeve ndërkombëtare. Përshtypjen e tretë të krijojnë qëndrimet ende të rezervuara ruse dhe kineze.

Këto tri përshtypje krijohen pavarësisht mënyrës së nxjerrjes së përfundimeve,deduktive apo induktive. E para, niset “nga e përgjithshmja për të nxjerrë të veçantën”,ndërsa e dyta,niset “nga e veçanta për të nxjerrë të përgjithshmen”. Përfundimi i veçantë a i pjesshëm në mënyrën e parë nxirret “nga një tezë a një ide e përgjithshme”, ndërsa përfundimi i përgjithshëm nxirret “nga teza ose ide të veçanta a të pjesshme”.

Megjithatë,nuk duhet nxituar me nxjerrjen e përfundimeve,sepse përkundër deklarimeve,në dukje të parë,relativisht të qarta,çështja e Kosovës vazhdon të jetë “e mbështjellur me një mjegullnajë diplomatike”dhe ende paraqitet si “çështje më e ngatërruar për t’u vendosur përfundimisht”.

Vërtetë janë premtuese fjalët e dëgjuara në séancën e Këshillit të Sigurimit të Organizatës së Kombeve të Bashkuara se “Është shumë e qartë që nuk mund të lihen anash aspiratat e 90 për qind të popullatës së Kosovës, prandaj pavarësia është një opsion real, e dikush do të mund të thoshte se ky është opsioni i vetëm që do t’i sillte stabilitet të përhershëm Kosovës dhe tërë rajonit”, nga ambasadori britanik ose se “Duhet të jemi realë, pavarësia është një opsion i mundshëm” dhe se “Çfarëdo zgjidhje për statusin duhet të jetë e pranueshme për popullin e Kosovës”, nga ambasadori amerikan.

Por është gjithashtu e vërtetë se në kontekst të statusit të ardhshëm të Kosovës,u përmendën edhe kompromisi,edhe decentralizimi, edhe komunat me shumicë serbe,edhe statusi i veçantë për monumentet serbe,edhe ...”kushtëzime të tjera”me të cilat mund të përcaktohen modalitetet e statusit të ardhshëm të Kosovës.

Me gjithë “deklarimet optimiste”në séancën e Këshillit të Sigurimit të Organizatës së Kombeve të Bashkuara, sfidat me të cilat mund të ballafaqohet e ardhmja e Kosovës, nuk janë të vogla. Shumë ngjarje që kanë ndodhur me shqiptarët dhe Kosovën në të kaluarën,kërkojnë që të jenë shumë të vëmendshëm në nxjerrjen e përfundimeve në të ardhmen.

Për çfarë tërheqim vërejtjen.

E para, në emër të “kompromisit” që po theksohet,mund të bëhen “pazarllëqe të mëdha”. Me të dëmshmet mund të jenë ato që mund t’i referohen territorit të Kosovës, me gjithë deklarimet, zotimet, madje dhe qëndrimet se “nuk do të ketë ndarje të Kosovës”, ndërkohë kur Kosova, në fakt, ”është e ndarë“.

E dyta,në emër të “decentralizimit”që po imponohet si temë shqyrtimi para se “të vendoset për statusin”, pala serbe synon autonominë për serbët në veri të Kosovës, me gjithë deklarimet se gjoja nuk bëhet fjalë për “autonomi territoriale”. Përkujtojmë se procesi i decentralizimit ka filluar me parimin etnik dhe territorial; nuk është nisur me parimin joetnik dhe joterritorial.

Problemi qëndron aty se Serbia më shumë se për serbët e Kosovës,janë të interesuar për “territoret serbe” në Kosovë. Po nënvizojmë, edhe me këtë rast,se oreksi i Serbisë është ndarja e Kosovës në dy entitete,”në mënyrë që entiteti serb të mbetej i lidhur me Beogradin”.

E treta,në emër të krijimit të komunave me shumicë serbe,mund të kërkohet “lidhja zinxhirore e tyre”, e cila nuk do të mund të kuptohej ndryshe veçse si synim për nënndarje dhe ndarje të Kosovës.

E katërta,në emër të statusit të veçantë për monumentet historike,kulturore e fetare serbe,mund të kërkohet zbatimi i parimit të ex-territorialitetit.

Bashkësia ndërkombëtare është e ndërgjegjshme për favoret e pavarësisë së Kosovës. Ajo më shumë se me pyetjen: ”A thua pavarësia?”,është e preokupuar me pyetjen: ”Si deri tek pavarësia?”.

Nëse kërkesa e bashkësisë ndërkombëtare është për funksionimin demokratik të shoqërisë në Kosovë, ajo duhet të ndërgjegjësohet se funksionimi demokratik i shoqërisë në Kosovë nuk është i mundshëm pa pavarësinë e plotë të saj dhe se vetëm pavarësia e plotë do të thotë mundësi vendimmarrjeje të plotë,por edhe përgjegjësi të plotë.

Bashkësia ndërkombëtare duhet t’i njoh realitetet e reja në Kosovë dhe duhet të përligjë pavarësinë e Kosovës,me subjektivitet të pranuar juridiko-ndërkombëtar.

[Llapi]

Ish-komandanti suprem i NATO-s, Uesli Klark, i cili udhëhoqi fushatën e NATO-s kundër caqeve serbe në vitin 1999

PRISHTINË
Ish-komandanti suprem i NATO-s, Uesli Klark, i cili udhëhoqi fushatën e NATO-s kundër caqeve serbe në vitin 1999 ka filluar një vizitë tre ditore në Kosovë, me ftesë të kryeministrit Çeku.
Në takimin e parë që pati me kryeministrin e Kosovës gjenerali Uesli Klark tha se Kosova do të bëhet shtet i pavarur.
“Unë mendoj se ky vend do të bëhet i pavarur dhe do të ketë një të ardhme të ndritshme. Mendoj se ka popullatë të mrekullueshme dhe energjike, ka burime të mëdha natyrore dhe talente", tha gjenerali Klark, për të shtuar se me popullatën që ka Kosova do të jetë një nga vendet udhëheqëse jo vetëm në rajon.
“Ju do të jeni shtet udhëheqës në Ballkan, ndoshta në rajon. Në të vërtetë e ardhmja është e pakufi. Krejt varet se si e shikoni botën. Ndërsa ju si popullatë e re duhet të shikoni me shpresë nga e ardhmja”, tha ish komandanti suprem i NATO-s Uesli Klark.