Dashuri apo....?!

[Agim Doçi]

Qyteti mbeti pa një Romeo
Askund nuk gjëndet qoftë një Zhulietë
Ku ikën çiftet e dashuruar
Gjithshka beton…pemët pa fletë!?...

Një stol i hedhur në mbeturina
Më tej dëgjoj një ulërimë…
Zgjebosur qentë…macet stërvina
Një vajzë e fishkur merr…petidinë

Deti i pshurrun…traget i ndryshkur
Policë që qelben veç era gjizë
Ikin…veç ikin, kush mbet pa ikur
Nuk ka gomone…nuk ka as vizë

Shoh djem e vajza, që shkojnë tek Blloku
Vend i mallkuar për krim të fshehtë…(!)
Mesnata çmëndet nën ritëm rroku
Nuk ka Romeo…nuk ka Zhulietë

[Xhexho]

Romeo s'ka, i dashur mik,
as dhe Zhulieta si më përpara,
në shpirt ka mbirë farmak i lig,
mes dashurish ka hyrë paraja.

Përshëndetje!

[Agim Doçi]

Unë të kuptova Xhexho vëllaj
Sepse të dy jemi fisnikë...
Të ulërij apo të qaj....?!
Virtyt nuk ka...ka ves të lik...

I shoh të rinjt tek venë tek "Blloku"
Ku matrapazët dhe i drogojnë
Kemi një brez që "s'e ka shokun"...
po ja ç'e do se kurvërojnë....