Pini

[marinI]

Varret mi mbuluan të mjerat
e zërat u shuan, u shkretuan
dhe të zi më mbollën kokës
pjergull mashtruese e perëndive

lëngun e zi pinë buzëfryrët
atë, gjakun tim të thartë
pëlhurë të bardhë trupit
valleve u endën hijesh

frymë s'kish më
as erë, as mortje

veç vaji kumbonte
guacka perlash mi vunë zërit

gjethet më su thanë
as dielli më s'doli
ngjyrën e syve humba
margaritarë ngjyrë deti

pudër buzëqeshjes
vetullës pudër
qelqeve të bardhë
qelqeve lulet ngrinë

thumbat drurin vranë
këllqet më s'kërcitën
pini

pini mor të mjerë
veç helmin, pini...

[dikeafajtore]

Nje sistem i tere metaforash me nje tingellim shume te eger...
I kam lexuar poezite qe ke hedhur ketu, kane shume dhimbje brenda dhe nuk cuditem sepse ketu jane mbledhur te gjithe ata qe u dhemb shpirti....Urime Marin, shpresoj te lexojme te tjera...