PLAGËT,Kosove-Presheve....

[Irfan]

Njëri prej politikanëve i cili kësaj jave la pas vete një imazh të keq është Ministri i Punëve të Jashtme të Shqipërisë Kastriot Islami


Para shumë kohësh në njërin nga seminaret të cilin e kishin organizuar bashkësia ndërkombëtare dhe kishte për teme punën në mediat e sotme u shqyrtua nevoja se gazetari sot në këtë kohë duke marrë parasysh modernizmin e vetë mjeteve me të cilat punon ai dhe më pastaj mënyra e transmetimit të lajmeve në një shpejtësi marramendëse janë gjëra pozivive të cilat ia kanë lehtësuar punën gazetarit, mirëpo në anën tjetër ai tani ka përgjegjësi më të madhe.

Posaçërisht puna e tij është me përgjegjësi kur ai punon nga regjione me kaq probleme sikur që është Lugina e Preshevës. Mirëpo shpeshherë kërkesa e kolegëve të mi këtu ka qenë organizmi i trajnimeve për politikanët se si ata duhet të sillen me gazetarët. E di se kjo kërkesë e kolegëve të mi njëherit edhe e imja gjithnjë kishte hasur në mospranim sepse zakonisht politikanët tanë më së paku i kanë në qejf kritikat, më pastaj sikur të mos ishim ne gazetarët vaj halli për ta, çdo ditë duhej t’i shkatërronit partitë e tyre sepse gjithësesi duhej të gjendej fajtori kujdestar. Megjithatë poltikanëve tanë iu kisha preferuar që të mësojnë nga thënia :"Mos kaloftë asnjë ditë e të mos mësojë diç të re!" Është vështirë që të binden politikanët se nuk është mirë që t’i prishni marrëdhëniet me gazetarët, sepse ata e bëjnë imazhin tuaj!

II.

Njëri prej politikanëve i cili kësaj jave la pas vete një imazh të keq është Ministri i Punëve të Jashtme të Shqipërisë Kastriot Islami. Ai e takoi Vuk Drashkoviqin në Tiranë. Së pari vetë deklarata e Islamit rreth të ardhmes së Kosovës. Atij nuk ia bëri goja fjalën pavarësi asesi, herë integrime e herë evropianizim e nuk e di çka tjetër. Më pastaj deklarata e Drashkoviqit ishte kulminacion i këtij takimi të farsës së diplomacisë. Të kujtojmë se Drashkoviqi tha : Kosova është plagë e jona! Absurd!

Kosova është plagë e shqiptarëve të cilën e shkaktoi Serbia ore Ministër i Shqipërisë! Plagë shqiptare e jo serbe - kurrë!
--------------------
e Huazuar nga www.presheva.com

[Irfan]

Shqipëria dhe Serbia e Mali i Zi, të ndarë për çështjen e Kosovës
Armand Mero

(VOA) Shqipëria dhe Unioni Serbi Mali i zi ndajnë qëndrime të kundërta lidhur me të ardhmen e Kosovës. Ministri i jashtëm serbo-malazez Vuk Drashkovic foli të mërkurën në Tiranë për mosndryshim të kufijve dhe për një Kosovë në kuadrin e unionit. Nga ana e tij ministri i jashtëm shqiptar Kastriot Islami deklaroi se statusi i ardhshem i Kosovës duhet të përcaktohet nga vetë qytetarët e saj dhe se vendimi përfundimtar do të duhet të merret nga Këshilli i Sigurimit i Kombeve të Bashkuara.

Çështja e Kosovës vazhdon të mbetet një pikë përplasjeje mes Tiranës dhe Beogradit. Ministrat e jashtëm të të dy vendeve, Kastriot Islmai e Vuk Drashkovic, ndërsa flisnin për një forcim të marrëdhënieve dypalëshe, ishin shumë larg njëri-tjetrit përsa i përket të ardhmes së Kosovës.

Të dy u shprehën për një perspektivë europiane, por me konceptime tërësisht të ndryshme. Sipas ministrit Drashkovic, Kosova, e cila është një plagë e hapur tha ai, duhet të ketë një të ardhme europiane në kuadrin e Unionit Serbi-Mali i zi:

"Por mendoj se ilaçi për këtë plagë është statusi europian i Kosovës dhe Metohisë në kuadrin shtetëror të Serbisë dhe Malit të zi, dhe konform kartës së OKB-së e cila kërkon që kufijtë mes shteteve nuk mund të ndryshojnë. Ky status europian i Kosovës – vazhdoi Ministri Drashkoviç - nënkupton nivel europian të mbrojtjeve të pakicave, model europian të decntralizimit të pushtetit, shkallën më të lartë të vetadministrimit lokal, autonomi ekonomike dhe politike për komunat dhe qytetet".

Sipas modelit të Beogradit duhet të ketë një status europian të kufijve mes Kosovës dhe Serbisë dhe Serbisë me Shqipërinë që do të thotë, sipas ministrit Drashkoviç se "këto kufij s’mund të ndryshojnë dhe tjetërsohen por e ardhmja shtoi ai thotë që këto kufij të jenë të padukshë, joekzistentë në terren, për ekonominë, kapitalet dhe kulturën".

Tirana nga ana e saj flet për perspektivën europiane të Kosovës, por pa përjashtuar në asnjë mënyrë faktorët e tjerë ndërkombëtar si Shtetet e Bashkuara dhe Këshillin e Sigurimit në vendimarrjen për statusin e ardhshëm të saj. Sipas ministrit të jashtëm shqiptar Kastriot Islami nevojitet:

"Një zgjidhje që vjen nga të gjitha grupet politike dhe etnike në Kosovë bazuar në standarte ndërkombëtare që i japin perspektivë europiane asaj dhe natyrisht vendimarrja në Këshillin e Sigurimit".

Tirana dhe Beogradi firmosën sot dy marrëveshje dhe shpresojnë të nënshkruajnë dhe të tjera në të ardhmen. Ministri Drashkoviç deklaroi se cështja e Kosovës nuk duhet të jetë peng i marrëdhënieve mes dy vendeve, por përsa kohë qëndrimet për këtë pikë janë të kundërta, atëherë dhe raportet dypalëshe do të ndikohen në mënyrë të pashmangshme nga problemi i zgjidhjes së statusit të Kosovës

------------------
E huazuar www.albanian.com

[LeNNoN]

t'lumshin duart