Te drejtat e muslimaneve ne USA/Evrope

[ORIONI]

Në Sh.B.A., 44 për qind favorizojnë kufizimin e të drejtave të muslimanëve

Sipas një ankete të zhvilluar paradokohe në Sh.B.A. gati gjysma e amerikanëve janë të mendimit se Qeveria amerikane duhet t’ua kufizojë të drejtat qytetare muslimanëve amerikanë.

Rezultatet e anketës së zhvilluar nga Universiteti Cornell, poashtu tregojnë se republikanët dhe njerëzit që e përshkruajnë veten si jashtëzakonisht fetarë janë më shumë në favor të shkurtimit të të drejtave qytetare muslimanëve, se sa demokratët ose ata që janë më pak fetarë.

Anketa poashtu tregon se të anketuarit që u kanë kushtuar vëmendje më të madhe lajmeve televizive kanë më shumë frikë nga sulmet terroriste dhe përkrahin kufizimin e të drejtave muslimanëve amerikanë.

“Ky është një lajm i hidhur. Është një lajm shqetësues. Por nuk është i paparashikueshëm”, ka thënë Mahdi Bray, drejtor ekzekutiv i Shoqatës Muslimane Amerikane. “Vendi është në luftë, edhe pse kjo luftë nuk është luftë tradicionale. Ne duhet të mbetemi vigjilent dhe të vazhdojmë të bashkëjetojmë”.

Rezultatet e anketës bëjnë të ditur se 44 për qind e të anketuarve mbështesin së paku disa kufizime të të drejtave qytetare muslimanëve amerikanë. Nga ana tjetër, 48 për qind thanë se të drejtat në asnjë mënyrë nuk duhet të kufizohen.

Anketa tregon poashtu se 27 për qind e të anketuarve përkrahin kërkesën ndaj të gjithë muslimanëve amerikanë të regjistrohen në qeverinë federale në vendin ku jetojnë.

22 përqind mbështesin një profilim radikal për të identifikuar kërcënimet e mundshme terroriste. Ndërsa 29 për qind mendojnë se agjentët e fshehtë duhet të infiltrohen nëpër organizatat qytetare muslimane dhe organizatat humanitare, vullnetare për të mbajtur nën vëzhgim aktivitetet e tyre si dhe mbledhjen e fondeve.

Hulumtuesit studentë të Cornellit, anketuan 715 persona nëpër gjithë Amerikën. Anketa u zhvillua këtë vjeshtë, ndërsa margjina e gabimit ishte 3.6 pikë për qindje.

James Shanahan, professor i komunikimit i cili ka ndihmuar të organizohet anketa, ka thënë se rezultatet tregojnë “nevojën për dialog të vazhdueshëm rreth çështjeve të lirive qytetare” në një kohë lufte.

Përderisa hulumtuesit thanë se nuk ishin të befasuar nga shkalla e përgjithshme e mbështetjes për kufizim të të drejtave qytetare, ata janë habitur nga korelacioni me fenë dhe me ndjekjen e lajmeve televizive.

“Duhet të hulumtojmë se pse këto dy kanale shumë të rëndësishmë të diskursit mund të nxisin frikën në vend të mirëkuptimit”, ka shtuar Shanahan.

Sipas rezultateve të anketës, 37 përqind besojnë se një sulm terrorist në Sh.B.A. ka gjasa të ndodhë gjatë 12 muajve të ardhshëm. Në një anketë të ngjashme të zhvilluar nga Cornell në nëntor të vitit 2002, ky numër ishte 90 për qind.


WILLIAM KATES - AP,
21.1.2005

[ORIONI]

SHBA-Muslimanët ballafaqohen me kundërshtime në lidhje me ndërtimin e xhamive
Disa grupe të muslimanëve që kërkojnë leje për ndërtimin e xhamive për të akomoduar numrat në rritje të muslimanëve, janë duke hasur në kundërshtime të ashpra nëpër komunitetet anembanë SHBA-ve.

Në disa raste konfliktet janë të ngjashme me reagimet e vjetra me dekada që kanë shqetësuar banorët kundër planeve zgjeruese nga ana e kishave të mëdha. Komunitetet nga New Jersey deri në Arizona, kanë protestuar rreth propozimeve të grupeve muslimane për xhami në stilin “jo prapa shtëpisë sime”. Këto argumentime janë fokusuar në hapësirat e ndërtesave të planifikuara, parkingjeve dhe disa faktorëve të tjerë që mund të ndikojnë në vlerat pronësore.

Mirëpo, debati rreth xhamive në disa qytete amerikane gjatë dy vjetëve të kaluara shpesh ka çuar deri te akuzat për jotolerancë – një reflektim i një mosbesimi që disa banorë i kanë ndaj muslimanëve pas sulmeve të 11 shtatorit të vitit 2001.

Vitin e kaluar në Voorhess – paralagje e Philadelphisë, një propozim i një grupi të muslimanëve për të shndërruar një ndërtesë në xhami, ka nxitur që shumë kritikë anonimë të shpërndajnë fletushka që i kanë paralajmëruar banorët se “lidhjet e terroristëve” mundtë luten aty. Fletushkat poashtu kanë shkruar se xhamia e udhëhequr nga Asociacioni i Komunitetit Muslimano-Amerikan, një grup prej rreth 15 familje, do të tërhiqte me qindra besimtarë në lutje pesë herë në ditë.

Pasi kishat dhe sinagogat lokale iu kanë bashkangjitur grupeve muslimane në refuzimin e këtyre akuzave, disa banorë tjerë kanë ngritur akuza tjera rreth parkimit, trafikut në komunikacion dhe rreth planeve urbanistike, ka thënë Melanie Morel Sullivan – zyrtare kishtare – dhe ka shtuar se është organizuar një koalicion i disa feve për ta ndihmuar grupin musliman.

Disa kritikë të xhamisë nuk ishin “mjaft të zëshëm”, ka thënë Sullivan, për shkak se pjesa më e madhe e banorëve nuk kanë besuar se xhamia paraqet rrezik. Kritikët kanë kuptuar se “ata nuk janë duke fituar pika mediale duke thënë gjëra si: “Xhamia do të strehonte terroristë”. Ata kanë mbajtur qëndrimin e tyre se nuk ka paragjykime dhe se disa nga shokët e tyre më të mirë janë muslimanë”.

Në nëntor, anëtarët e bordit të asaj zone lokale pa kundërshtime kanë miratuar planin e xhamisë, pasi që avokati i tyre u kishte thënë se nuk ka ndonjë shkak legal për ta refuzuar atë.

Zia Rrahman, banorë i Voorhees që nga viti 1979, ka udhëhequr projektin e xhamisë dhe thotë se ai nuk ka ndonjë mendim të keq për fqinjët e tij që e kanë kundërshtuar planin. “Të gjithë ne jemi pjesë të një komuniteti”, ka thënë Rrahman. “Shumë gjëra ata nuk i kanë ditur për këtë fe. Xhamia do të promovojë një mirëkuptim më të thellë”.

Qendra Muslimane për të Drejtat e Njeriut në Hickory Hills, Illinois, paradokohe ka pranuar disa raporte të kundërshtimit për ndërtimin e qendrave islame, thotë Ahmad Tansheet, koordinator i qendrës. “Kjo është një gjë e re pas 11 shtatorit”, thotë ai për tensionet e ngritura. “Nuk posdeojmë ndonjë statistikë për shkak se është një gjë e re. Shpresoj se më në fund ato do të ulen”.

Madje edhe para sulmeve të 11 shtatorit, ndërtimi i një xhamie në SHBA “nuk ishte një punë e lehtë”, ka thënë Ibrahim Hooper, zëdhënës i Këshillit për Marrëdhënie Islamo-Amerikane – grup për të Drejtat e Njeriut nga Washington D.C. Tani, thotë ai, ajo mund të jetë edhe më e vështirë. “Zakonisht ekzistojnë aq shumë diskutime dhe argumentime për parkingun, trafikun e madh dhe gjërat tjera, që shpesh shihen si mbulesa për çështjen e vërtetë”, thotë Hooper. “Me këtë shihet qartë se jotoleranca është duke dalë në sipërfaqe”.


Numri i muslimanëve në SHBA është duke u rritur


Konfliktet e reja rreth ndërtimit të xhamive janë paraqitur me rritjen e numrin të muslimanëve në SHBA.

Grupet muslimane në përgjithësi pajtohën se numri i muslimanëve në Amerikë që shkojnë në xhami është rreth 2 milion, në krahasim me rreth 500 mijë para dy dekadave. Grupet muslimane vlerësojnë se në Amerikë ka 6 deri 7 milionë muslimanë dhe më shumë se 1.200 xhami, 60 për qind e të cilave janë ndërtuar gjatë 20 vjetëve të kaluara.

Për disa vjet, besimtarët e rinj muslimanë kanë blerë shkolla dhe kisha të vjetra dhe i kanë shndërruar në xhami, thotë Ahmed ElHattab, drejtor i përgjithshëm i Shoqërisë Islame të Fondacionit Amerikan për Zhvillim në Planinfield, Indiana. Tani, thotë ElHattab, besimtarët e vjetër dëshirojnë vende të tyre të disejnuara apostafat si xhami me arkitekturë tradicionale siç janë kubeja, minaret dhe hapësirat e mëdha për falje. Zakonisht, thotë ElHattab, komunitetet i mirëpresin xhamitë.

Njëjtë sikur ata që kërkojnë të ndërtojnë kisha dhe sinagoga, muslimanët që dëshirojnë të hapin xhami në rajone rezidenciale (rajone të banuara), janë të mbrojtur nga një ligj të cilin Kongresi Amerikan e ka miratuar në vitin 2000. Ky ligj i ndalon qytetet të përdorin ligje lokale për të luftuar planet e tilla. Por ky akt nuk i imunizon shtëpitë e lutjes nga rregullat e përdorimit të tokës, përderisa po këto rregulla nuk bëjnë diskriminim ndaj grupeve fetare.


Konfliktet anembanë Amerikës


Pas 11 shtatorit, përveç konfliktit në Voorhees, ka pasur edhe disa konflikte tjera rreth ndërtimit të xhamive.

● Në fshatin Morton Grove, një paralagje e Chicagos, në shtetin amerikan Illinois, banorët kanë kundërshtuar një propozim të një grupi të muslimanëve për ndërtimin e një xhamie dhe zyrtarët janë në një luftë legale që është duke u vëzhguar nga avokatët për të Drejtat e Njeriut nga Departamenti Amerikan i Drejtësisë.

Qendra Arsimore Muslimane ka udhëhequr një shkollë në Morton Grove nga viti 1989. Ditëve të xhuma, nxënësit, prindërit dhe anëtarët tjerë të komunitetit janë falur në sallën e shkollës. Në nëntor të vitit 2002, udhëheqësit muslimanë kanë propozuar ndërtimin e një xhamie në territor të shkollës. Edhe pse fshati ka refuzuar të jep leje, kundërshtimet e fqinjve për planin e xhamisë nuk ishin kënaqëse. Në shtator, ata kanë akuzuar fshatin për përpjekje të detyrimit të zyrtarëve të ndalojnë lutjet. Web-faqja e grupit ka akuzuar qytetin se ka lejuar që shkolla të bëhet “një mega-xhami rajonale”. Grupi dëshiron që qyteti të miratojë një ligj lokal që ndalon lutjet, pa ndonjë leje speciale. Grupi i muslimanëve u përgjigj ashpër në tetor me një akt-padi kundër qytetit. Akt-padia thekson se nevoja për të pasur leje për falje, shkel ligjin federal.

“Lagja dëshiron që fshati mos t’i lejojë ata”, thotë John Mauck, një avokat që përfaqëson qendrën Islame. “Ajo është shkelje e praktikimit të lirë të fesë”.

Zyrtarët e fshatit thonë se ata nuk dëshirojnë që të ndalojnë faljet, por kanë refuzuar të lejonë ndërtimin e xhamisë për shkak se plani i saj për parkim nuk ishte i mjaftueshëm. “Pjesa më e madhe e banorëve të Morton Grove nuk paragjykohen, dhe ata nuk e pëlqejnë mënyrën se nga është duke shkuar fshati i tyre”, thotë Ted Hadley, avokati i fshatit. “E gjith çështja është se a kanë vend të mjaftueshëm për parkim”. Palët në konflikt janë duke u marrë vesh.

● Një plan i propozuar për ndërtimin e një xhamie në Scottsdale, në shtetin Arizona, është duke shkaktuar paraqitjen e shenjave “Në shitje” në një lagje afër maleve McDowell. Një grup i muslimanëve që posedon 1.36 hektarë vend, ka kërkuar ndërtimin e një xhamie më pak se një javë para 11 shtatorit. Në janar pas disa mbledhjeve dhe planeve të shqyrtuara, xhamia fitoi leje për ndërtim. Fqinjët thonë se kanë kundërshtuar ndërtimin e xhamisë për shkak se minarja e planifikuar ishte 10.5 metra dhe kjo ishte vetëm një shkak estetik.

Robert Hart, shtëpia e të cilit gjendet në pjesën veriore të xhamisë, ka thënë se ai dhe fqinjët e tij do të kishin kundërshtuar ndërimin e çfarëdo objekti që nuk ishte vend për vetëm një familje. Ai thotë se vizioni dhe mbrojtja e fuqishmë, ndihmojnë në ruajtjen e definimit të lagjes. “Gazeta lokale e bëri këtë si të jetë një gjë muslimane. Të them sinqerisht, ajo nuk ishte”, ka thënë Hart, i cili ka vendosur të zhvendoset.

Tarif Jaber, i cili është duke e udhëhequr projektin e xhamisë për Qendrën Islame të Northeast Valley në Scottsdale, thotë se kundërshtimet estetike “nuk tregojnë të gjithë çështjen” e kundërshtimit. “Nëse ju kujtohet, ne e bëmë këtë menjëherë pas 11 shtatorit. Shumë njerëz filluan ta shoqërojnë këtë fe me dhunë…I sigurojmë ata se ne jemi fqinjë të mirë”.

Grupet lokale fetare janë paraqitur për të ndihmuar Rabbi Charles Herring nga Temple Kol Ami nga Phoenix thotë se banorët rrallë janë të lumtur për të qenë nikoqirr të ndonjë institucioni fetar. “Në këtë rast, ndjeva se diçka kaloi prapa vlerave të strehimit të thjeshtë. Vërtetë ishte një ndjenjë anti-Islame. Nuk isha i kënaqur”.

● Një xhami e vogël në Marietta, në shtetin Georgia, ka ndimuar që shtëpitë e hapura të njohin fqinjët e tyre, pasi që plani i tyre për ndërtimin e një xhamie u refuzua. Për shtatë vjet, xhamia ka vepruar jashtë objektit thotë Amjad Taufique, një nga zyrtarët e xhamisë. Në muajin dhjetor të vitit 2002, zyrtarët e xhamisë kanë kaluar prapa bordit lokal në kërkim të varianteve për të ndërtuar xhaminë me një minare 20-metërshe. Taufique ka menduar se nuk do të jetë problem, pasi që kishat lokale ishin po aq të larta.

Bordi ka refuzuar kërkesën me një votim 5 me 2. Anëtari i bordit W.O. Wilkerson, i cili ka votuar për të miratuar lejen, thotë se: “u votua kundër lejes vetëm për shkak se ata ishin muslimanë. Fqinjët…kanë thënë se ata nuk dëshirojnë muslimanë në lagje…Nëse flasim për një shtet me ligje, atëherë duhet të jetojmë sipas atyre ligjeve”.

Udhëheqësi i bordit James Mills thotë se ka votuar kundër planit për shkak se grupi nuk ka sqaruar në mënyrë adekuate se çfarë është duke planifikuar. Fqinjët “ragonin për shkak të mungesës së komunikimit”, thotë Mills. “Ajo nuk kishte të bëjë për shkak se ata ishin muslimanë”.

Por, Taufique thotë se në procesin publik, “njerëzit kanë bërtitur dhe…kanë dalur tërësisht nga kontrolli…Njerëzit vërtetë ishin të brengosur se kush jemi ne dhe çka ishim duke planifikuar në lagjen e tyre. Ata ishin të frikësuar”.

Vitin e kaluar, grupi i muslimanëve kishte blerë një pronë (vend) në afërsi të vendit të aktual. Taufique thotë se grupi ndoshta do të provojë sërish. “Mendojmë se kjo gjë do të rregullohet”, përfundon ai.


Donna Leinwand, USA TODAY




Jusuf Islamit i refuzohet hyrja në Sh.B.A.

Një fluturim prej Londre në Washington është kthyer në Maine kur është zbuluar se udhëtari Yusuf Islam (Jusuf Islam)– dikur i njohur si këngëtari Cat Sevens – është në listën qeveritare të kujdesit dhe i është ndaluar hyrja në Sh.B.A.

Fluturimi 919 i kompanisë ajrore United Airlines është dashur të aterojë në Aeroportin Ndërkombëtar Dulles, kur është zbuluar lidhja ndërmjet një udhëtarit dhe një emri në listën e kujdesit, ka thënë Nico Melendes, zëdhënës i Administratës për Siguri të Transportit.

Aeroplani është pritur nga agjentë të FBI-së në Aeroportin Ndërkombëtar të Mainit, Bangor rreth orës 3 pasdite, ka thënë Melendez.

Zëdhënësi i Departamentit për Sigurinë e Vendit Dennis Murphy kishte identifikuar udhëtarin si Islam. “Ai u intervistua dhe iu ndalua hyrja në Shtetet e Bashkuara në baza sigurie”, ka thënë Murphy. Ai tha se Yusuf Islami do të kthehet prapa me fluturimin e parë që do të shkojë jashtë shtetit.

Zyrtarët nuk kanë dhënë hollësi tjera se pse aktivisti i paqes mund të konsiderohet si rrezik për Shtetet e Bashkuara të Amerikës.

Një zyrtar duke folur nën kushte anonime, ka thënë se 56 vjeçari Islam, është identifikuar nga Sistemi i Avancuar për Informata të udhëtarëve, që kërkon nga kompanitë ajrore të dërgojnë informata për udhëtarët në dogana dhe në Qendrën për Mbrojtjë të Kufijve. Pas identifikimit është kontaktuar Administrata për Siguri të Transportit dhe është kërkuar që aeroplani të aterojë në aeroportin më të afërt, ka thënë zyrtari.

Melendes ka shtuar se Yusuf Islami është marrë në pyetje nga zyrtarë të FBI-së, Emigracionit dhe Doganës.

Edhe një zyrtar federal, që ka folur nën kushte anonimiteti për shkak të politikës së agjencisë, ka thënë se pas intervistës zyrtarët e Doganës kanë vendosur që mos të lejojnë Yusuf Islamin të hyjë në Shtetet e Bashkuara.

Fluturimi 919 ka vazhduar për në Dulles, pas largimit të Islamit nga aeroplani.

Yusuf Islam, i cili është lindur si Stephen Georgiou, ka marë emrin Cat Stevens si emër skene dhe kishte një numër të hiteve në vitet e ’60-ta dhe ’70-ta, duke përfshirë “Wild World” dhe “Morning Has Broken”.

Vitin e kaluar ai ka realizuar dy këngë, duke përfshirë edhe ri-incizimin e hitit të tij të viteve të ’70-ta “Peace Train” për të shprehur kundërshtimin e tij për luftën e udhëhequr nga Sh.B.A.-të në Irak.

Ai hoqi dorë nga karriera e tij muzikore nga fundi i viteve të ’70-ta dhe ndërroi emrin e tij pasi dijetarët muslimanë e bindën se mënyra e jetës së tij është e ndaluar sipas Ligjit Islam.

Ai më vonë u bë mësues dhe përkrahës (promovues) i fesë, duke themeluar një shkollë muslimanë në Londër, në vitin 1983.

Një deklaratë e botuar në një internet faqe ku promovohet muzika e tij, thotë se emri i Islamit në listën e kujdesit “është me siguri ndonjë gabim”.

“Është poashtu një gjendje keqardhëse për çështjet kur një njeri i njohur aq mirë për nga dashuria për paqen vendoset në një kategori me Osama bin Ladenin vetëm për shkak të fesë së tij të zgjedhur”, thuhet në deklaratë.

Yusuf Islam tërhoqi vëmendje negative në fund të viteve të ’80-ta kur përkrahu vendimin e Ayatollah Khomeinit për dënim me vdekje kundër Salman Rushdi, autorit të “The Satanic Verses” (“Vargjeve Satanike”)

Megjithatë, kohëve të fundit, Islami ka kritikuar aktet terroriste, duke përfshirë edhe sulmet e 11 shtatorit në Sh.B.A., si dhe ngjarjet e këtij muaji në shkollën Beslan në Rusi, ku humbën jetën më shumë se 300 persona, gati gjysma e tyre fëmijë.

Në një deklaratë të botuar në internet faqen e tij ai shkroi: “Krimet kundër personave të pafajshëm në çfarëdo rrethana nuk kanë asnjë bazë në jetën Islame dhe në shembullin model të Pejgamberit Muhammed s.a.v.s.”

Pas sulmeve të 11 shtatorit, Yusuf Islam ka lëshuar një deklaratë ku thuhet: “Asnjë pasues i logjikshëm i Islamit nuk mund të arsyetojë një veprim të tillë: Kur’ani barazon vrasjen e një njeriu të pafajshëm me vrasjen e gjithë njerëzimit”.


Associated Press - WASHINGTON, 23 Shtator 2004

[ORIONI]

Shko tani dhe pyet Papen nese lejon ndonje xhami ne Vatikan?

[xfiles]

Mire e kane qe tja kufizojne te drejtat,
ashtu si ja kufizojne te drejtat ne arabi.

Pastaj ne afganistan askush nuk i kthen me zor mysimanet,
misionaret bejne punen e vete dhe nuk vrasin ata qe nuk kthehen.
Eshte shume ndryshe nga "vrasja" qe arabia dhe ca te tjera e praktikojne.

[xfiles]

Shko tani dhe pyet Papen nese lejon ndonje xhami ne Vatikan?

po çlidhje ka kjo me vatikanin,
ne vend sa te akuzosh vatikanin te cilin nuk po ta mbron njeri na thuaj se ku eshte toleranca ne islam.
Pastaj ti e di qe vatikani eshte aq i vogel sa nuk do kishte vend as per nje kishe e jo me per xhami, pastaj vatikani eshte shtet i vockel ku nuk ka qytetare te thjeshte por vetem prifterinj, e òa pret ti atje?

Ne rome ka xhamija plot, edhe une kam nje ktu afer.
çudi, qafirat nuk i bien me qafe besimtareve mysliman te praktikojne fene e tyre,
fatkeqesisht "Besimtaret" saudit nuk ja lejojne kete gje te tjereve, a thua te jene fe e Zotit valle?

[ORIONI]

Feja e Zotit nuk e lejon te hyj idhujtari ne vendet e shenjta.Ne vendet ku profetet si Ibrahimi Muhamedi etj kane ndertuar bazat e monoteizmit.

Te njejten gje do bente dhe Jezusi nese do kishte krijuar mundesine te forcohej ushtarakisht dhe me njerez.

27 Veç kësaj, i sillni këtu armiqtë e mi, të cilët nuk donin që unë të mbretëroja mbi ta dhe i vritni përpara meje!"``.(Luka 19)

[xfiles]

gjynah te ankoheni ju se neper evrope eshte plot me xhamija e nuk i pengon njeri myslimaneve te mbajne kurane me vete.

[Labeati]

Shko tani dhe pyet Papen nese lejon ndonje xhami ne Vatikan?

Ma e madhja xhami e Europes eshte ndertuar ne Rome, i cili mbahet si "kryeqytet" i katolicizmit, ne nje pjese te se ciles ndodhet edhe selia e Papes.

Roma per katoliket asht njisoj si Meka per muslimanet, dhe pak a shume edhe Vatikani si Qabja, vende pelegrinazhi per besimtaret.

Tashti muslimanet nuk jane te kenaqur, derisa te ndertojne nje xhami mu ne apartamentin e Papes, dhe nje hamam ngjitur me WC-ne.

Muslimanet ne Itali shkulin kryqet nga vendet publike (spital) dhe i flakin nga dritarja gjithe arrogance, hedhin ne gjyq shtetin italian se ne shkollen e shtetit jane te vendosur kryqe dhe kjo cenon (i vret syte) femijeve te muslimanit, qe erdhen ne Itali me gomone e karroceri makinash si lypsare, e ju dhane buke e strehe e i mesuan se jane njerez.
Po kur magjypi bahet pasha vret te atin kane thene.

Nji histori e vertete:
60 vjet ma pare nji delegacion musliman i kerkoi leje Musolinit te ndertonin nji xhami ne Rome.
Megjitheqejf - ju pergjigj Duçja - kur te ndertoni edhe ju nje kishe ne Meke.

Mirepo pasardhesit e Duces, nuk kane pritur te civilizohen muslimanet e arabise (dhe te ndertohet ndonje kishe ne Meke), por i trajtojne ata si njerez, nderkohe qe ata nuk mberrijne ta kuptojne dhe ju duket dobesi e perendimit.

Thote nji fjale e vjeter:

BEJI DIKUJT NJE TE MIRE - heren e pare do ta dije per nder
BEJI PRAPE NJE TE MIRE - perseri do ta dije per nder
BEJI PRAPE NJE TE MIRE - do te kujtoje se e ke per detyre

Keshtu muslimano-arabet hipokrite.

PS. Cili nga muslimanet di adresen e ndonje kishe ne Arabi Saudite (nuk po them ne qytetin e mekes), ja di per shume faleminderit te na e tregoje, qe te hedhim poshte gojet e keqija qe shajne islamin si fe jo-tolerante, dhunuese etj.

[xfiles]

E çlidhje ka kjo me temen?
Dhe me thuaj se kush po mbron vrasesit?
Kur ti e quan te drejte vrasjen e njerezve te pafajshem vetem e vetem sepse besojne ne krisht atehere eshte e kote te flasesh.

Po meqe tema flet mbi te drejtat e myslimaneve mjaft bere copy-paste bibles dhe kur'anit dhe jepi pergjigje Labeatit mbi ate qe tha,
Kur nuk keni nga tja mbani ju filloni e citoni kur'anin e biblen kot pa lidhje, sikur ne ketu jemi dakord me vrasesit e hajdutet dhe ju te drejtet. E kush po mbron vrasesit?

[ORIONI]

Une po them perderisa kristianet do besojne se Jezusi eshte Zot dhe nuk do ti binden llogjikes se shendoshe se Ai ishte njeri, bir i Maries dhe profet i nderuar i Zotit nuk do te hyjne kurre ne vendet Islame te shenjta.Ato perderisa do te adhurojne ikonat, krijesat dhe njerzit ato kurre nuk do te hyjne ne mbreterine e Zotit.

Sheriati Islam hyjnor nuk e lejon ne vendet Islame te shenjta Ne Arabi hyrjen e politeisteve.

Kurse ne vende te tjera islame jashte Arabise politeistet mund te jetojne brenda rregullave qe percaktojne librat e tyre.

Qe mos besh ndonje pyetje per ndonje gje tjeter lexo biblen


Ligji i Përtërirë, kapitulli 20 dhe na e komentoni sipas llogjikës tuaj njerzore:

“ Kur t’i afrohesh një qyteti për ta sulmuar, do t’i ofrosh së pari Paqen. Në qoftë se pranon ofertën tënde të paqes dhe t’i hap dyert e tij, tërë populli që ndodhet aty ka për të paguar haraçin(xhizen) dhe do të shërbejë. Por në rast se nuk do të bëjë paqe me ty dhe kërkon luftë kundër teje, atëherë ti do ta rrethosh. Kur më vonë Zoti, Perëndia yt, do të ta japë në dorë, do të vrasësh me shpatë tërë meshkujt e tij; por gratë, fëmijët, bagëtin dhe të gjitha ato që ndodhen në qytet, tërë prenë e tij, do t’i marrësh si plaçkën tënde; dhe do të hash plaçkën e armiqve të tu që Zoti, Perëndia yt, të ka dhënë. Kështu do të veprosh në të gjitha qytetet që janë shumë larg nga ti dhe që nuk janë qytete të këtyre kombeve.