Debati mbi buxhetin 2005 në kuvend

[StormAngel]

Kreu i PD tha dje se sipas raportit të “Brewton ODS” 2/3 e taksave ose 700 milionë euro nuk hyjnë në arkën e shtetit

Buxheti, të gjitha replikat e djeshme në Parlament


N.Perndoj

TIRANE- Kryetari i Partisë Demokratike, Sali Berisha u ka kërkuar dje deputetëve që të përgjysmohen shpenzimet për Presidencën, Kuvendin dhe Këshillin e Ministrave. “A jeni burra, a keni ndjenjë, moral. Le të vendosim që të përgjysmojmë shpenzimet e Kuvendit, qeverisë, presidentit, të gjitha. Dalin me dhjetëra milionë dollarë shpenzime. Bëjeni këtë. Hajdeni ta vendosim, por ju nuk e bëni dot. Nëse doni të dilni nga krimi ekonomik, urdhëroni të ribëjmë buxhetin, të kufizojmë shpenzimet në radhë të parë për aparatin qendror, për Këshillin e Ministrave, për Kuvendin, për institucionet”, - tha dje Berisha. Sipas tij në vitin ‘96 Presidenca ka pasur një buxhet prej 46 milionë lekë, ndërsa sot Moisiu na kërkon 240 milionë lekë dhe i duket pak. “Në Presidencë ka pasur 53 rrogëtarë tani ka 66”,-tha Berisha. Për herë të parë, lideri i opozitës, ka bërë publike edhe të dhënat e një raporti të një prej institucioneve financiare më të rëndësishme. Duke iu referuar këtij raporti, Berisha deklaroi se rreth 2/3 ose 700 milionë euro nuk hyjnë në arkën publike, si rezultat i vjedhjes së taksave. “Faqja juaj e zezë qëndron në mënyrën e vjeljes së taksave. Raporti i fundit i institucionit financiar “Brewton ODS” për Shqipërinë pohon se vjelja e taksave në Shqipëri është 2 deri në 3 herë më e ulët për të njëjtin nivel fiskal, sesa vendet e tjera të rajonit. Pra rreth 2/3 e taksave apo rreth 700 milionë euro nuk hyjnë në arkën publike, por vidhen. Po ky raport në faqen 103 denoncon taksat e paguara nga taksapaguesit shqiptarë që shndërrohen në pasuri personale të disa zyrtarëve publikë. Pra në këtë denoncim të institucioneve financiare më prestigjioze të botës, rezulton se ju taksat i mblidhni jo si qeveri, por si një bandë, që nuk njeh ligj as moral se dikujt i merrni edhe çdo qindarkë, ndërsa tjetrit nuk i merrni miliarda”, - tha dje Berisha. Në këtë raport, citoi Berisha, thuhet gjithashtu se indeksi i korrupsionit në vitin ‘96 ishte 24 kundrejt 68 që është në vitin 2003, pra sipas tij, është rritur tre herë dhe tre herë është ulur vjelja e taksave në krahasim me vitin ‘96. “Po kështu indeksi i kontrollit të korrupsionit sipas këtij raporti që do ta dalë së shpejti ishte 60 në vitin 1996 dhe ka zbritur në 23.2 në vitin 2003”,- tha ai. Berisha theksoi se me 700 milionë euro të humbura do të ishin hapur 110.000 vende pune për të papunët. “Se kjo shumë është e barabartë me konsumimin me katër korsi të dy akseve kryesore të vendit Qafë Thanë- Durrës dhe Durrës-Kukës dhe se 700 milionë euro janë të barabartë me dy TEC, me kapacitete të instaluar nga ajo që po projektohet për TEC-in e Vlorës”,- shtoi ai. Berisha deklaroi gjithashtu dje se taksa mbi fitimin nuk paguhet nga ministra kryesorë të kabinetit “Nano”. “Kush nuk e paguan këtë taksë, ata që shëtisin në kroçerë kryeministrin Fatos Nano. Nuk paguajnë “Leskajt”. Importin e naftës e bëjnë Durakët dhe Angjelët, ndërsa importin e alkoolit e bën Duka. Kush e bën importin e cigareve? E bën first-meni me klanin e tij”,- tha ai.

Akuzat e Berishës

Kush nuk e paguan taksën e tatim fitimit?
Ata që shëtisin në kroçerë kryeministrin Fatos Nano
Nuk paguajnë “Leskajt”
Importin e naftës e bëjnë Durakët dhe Angjelët
Importin e alkoolit e bën Duka.
Kush e bën importin e cigareve? E bën first-meni me klanin e tij
Vetëm Isakët e tij shpenzojnë telefona celularë dhe fiksë 92 milionë lekë, pra 15% më shumë se Këshilli i Ministrave në vitin ‘96
Kush nuk e paguan doganën? Fatos Nano fut helikopterë dhe autobusë i pari.
Pas këtij klani është Duraku dhe Angjeli që ia kalojnë edhe Dukës, sepse janë 700.000 ton naftë që nuk zhdoganohen
I treti vihen klani i Zemunit me pluhrat e bardha, sheqerin etj.

[Veshtrusja]

Rrini pa votuar rrini!
________________________________________

Data: 21/12/2004
Gazeta 55

Banda e turpit dhe aristokratët e mafies që vjedhin shqiptarët



Buxheti ndikon më shumë se çdo gjë tjetër në jetën e qytetarit dhe kjo, sepse çdo qindarkë e të ardhurave të tij, është mund, djersë, sakrificë, dhimbje. Qytetarët e të gjitha moshave, shtresave, profesioneve, nga të sapolindurit e deri tek të moshuarit, nga më të pasurit tek më të varfërit dhe nga më të shëndoshët tek më të sëmurët, paguajnë si taksa e tatime direkte e indirekte shtetit, duke u bërë kështu aksionerë të tij. Kështu që, asgjë nuk rëndon më shumë mbi ta, se sa ngarkesa që duhet të paguajnë dhe akoma më shumë mënyra, e si vilet kjo ngarkesë fiskale dhe si përdoren këto taksa. Me të gjitha këto, shqiptarëve u duhet të shtrojnë vetëm dy pyetje thelbësore. Sa taksa paguajnë shqiptarët në krahasim me qytetarët e tjerë perëndimorë dhe si vilen ato dhe, së dyti, si përdoren këto taksa nga qeveria. Përgjigja e pyetjes së parë, është se qytetarët shqiptarë, si qytetarët më të varfër të Europës, paguajnë taksat më të larta në Europë dhe rreth 36% më të larta se qytetarët e SHBA-së. Por, kjo është vetëm njëra anë e zezë e medaljes, ndërsa ana tjetër, është në mënyrën e vjeljes së taksave. Për të shmangur çdo spekullim për këtë çështje, unë do i referohem raportit të fundit të institucionit "Bred on ëood" për Shqipërinë. Ky raport, sqaron se vjelja e taksave për Shqipërinë, është 2-3 herë më e ulët për të njëjtin nivel fiskal se vende të tjera të rajonit, që do të thotë se 2/3 e taksave apo së paku rreth 700 milionë euro, nuk hyjnë ne arkën publike, por vidhen. Po ky raport, në faqen 103 të tij, denoncon si më poshtë: Taksat e paguara nga takspaguesit shqiptarë, veçanërisht nga biznesmenë, shndërrohen në pasuri personale të disa zyrtarëve publikë. Raporti vazhdon se, taksat nuk mblidhen tek disa njerëz që kanë influencë në politikë. Pra, me këtë denoncim, institucionet prestigjoze të botës theksojnë se, ju taksat i mblidhni jo si qeveri, por si bandë që nuk njeh ligj, as moral se dikujt i merrni edhe qindarkën e fundit, madje rrobat e ilaçet, ndërsa tjetrit nuk i merren miliardat, kur dikujt i merrni taksa, edhe për ilaçet e, dikush tjetër fut helikopterë kontrabandë, se një pjesë i derdh në arkën e shtetit, ndërsa 2/3në arkën e Nanos dhe kleptokratëve të tij. Gabojnë apo thonë të vërtetën institucionet "Bred on Ëood?". T'u referohemi shifrave që vetë socialistëtë kanë paraqitur. Sipas tyre, në Shqipëri, vilen 240 miliardë lekë të ardhura apo 22% e GDP-së, ne një kohë që në vitin '93-96, vitet në të cilat TVSH-ja ishte sa gjysma e kësaj së sotmes dhe vite në të cilat më shumë se 50% e produketeve, kanë qenë pa taksa, janë vjelur mesatarisht 23% e GDP-së, kurse ju në aktualitet me dyfishimin e TVSH-së dhe shtrirjen e taksave në të gjitha mallrat dhe produktet mblidhni vetëm 22% të GDP-së, pra tre herë më pak. Por, mazhoranca mund të thotë se përse PD në gjysmën e këtyre taksave dhe me tatimin e vetëm të 45% të të gjitha prodhimeve, mblidhte 23% të prodhimit të brendshëm? Shpjegimin nuk e kam unë, shpjegimin e jep raporti i institucionit "Bred on ëood" që shkruan tekstualisht se, indeksi i korrupsionit në vitin '96, ishte 24 kundrejt 68 që është në vitin 2003. Pra, është rritur tre herë dhe është ulur vjelja e taksave, në krahasim me vitin '96. Indeksi i kontrollit të korrupsionit, sipas këtij raporti, që do të publikohet së shpejti, ishte 60 në '96 dhe ka zbritur në vitin 2003 në 23.2%, ndërsa fuqia e zbatimit të ligjit, është ulur deri në 0.17% në këtë vit.

Por, edhe nëse krahasojmë vjeljen e taksave me vendet fqinje, që kanë një nivel të njëjtë taksash me ne. Të gjitha vendet e rajonit, pa përjashtim, mblidhet nga 80%-350% më shumë se qeveria e Fatos Nanos. Nëse lexojmë se kush nuk i mbledh taksat, sipas institucioneve ndërkombëtare dhe kush i vjel këto taksa, ku vidhen këto dhe kush i vjedh 700 milionë eurot e qytetarëve më të varfër të Europës? Përgjigjen e jep buxheti socialist, duke theksuar vetëm një moment se 700 milionë euro, janë të barabarta me hapjen e 110 mijë vendeve të punës, për shqiptarët e papunë se 700 milionë euro, janë të barabarta me përfundimin me katër korsi të dy akseve kryesore të vendit Qafëthanë - Durrës dhe Durrës - Kukës se, 700 milionë euro janë të brabarta me dy tece, kapacitete të instaluara nga ato që projektohen në Vlorë. Pra, kush ua bën shqiptarëve këtë hata të vërtetë? Le ta gjejmë së bashku. Le të marrim për këtë të dhënat e maxhorancës. Cila është taksa që paguajnë të gjithë shqiptarët pa përjashtim? Ka një taksë nga buxheti juaj, që paguan edhe fëmija në barkun e nënës dhe deri tek i moshuari, që qytetari kur kapërcen pragun e varrit dhe kjo taksë quhet TVSH, është taksa e konsumatorit, kjo taksë ekziston mbi çdo mall që blejnë qytetarët, kjo taksë paguhet pa dalë nga dyqani, paguhet pa konsumuar asgjë dhe pasi konsumojnë çdo gjë. Kjo taksë, në atë buxhetin tuaj, përbën 50% të të ardhurave, nga më të lartat se kudo në Europë. Po kush i vjedh 700 milionët e eurove? Nëse shohim edhe taksat e tjera, e marrim taksën mbi të ardhurat personale që tek ne mblidhet 4-6 herë më pak se në vendet e tjera të rajonit dhe në Shqipëri kjo taksë përbën vetëm 0.81% të GDP-së, ndërsa në vendet e tjera të rajonit 3,2% e më shumë që fillon nga Maqedonia, etj. Po përse nuk paguhet kjo taksë? Thjesht, se banda e hajdutëve nuk njeh të ardhurat, thjesht se ju qeveritarë nuk deklaroni të ardhurat, thjesht se ju transferoni në banka të huaja të ardhurat. Po ku shkojnë tjetër 700 milionë euro dhe ku shkojnë e kush vjedh? Le të shohim taksën tjetër, tatimin mbi fitimin që është taksa e malajvitave e dukëve, e durakëve, e mamuthëve, e angjelëve, e këtyre "fitimtarëve" të mëdhenj. Këtë taksë, nuk e paguajnë Aleksandrët që e shëtisin Nanon me kruazierë, nuk paguajnë Pustinët, Leskajt, nuk paguajne se i pagujanë "first-Man-it". Le të shohim një taksë tjetër, atë të aristrokratëve të mafies, e dukëve të krimit, etj. Fjala është për akcizën. Kush e ka akcizën? Kush bën importin e naftës? Importin e naftës e bëjnë Durakët dhe Angjelët, kush e bën importin e alkolit? E bën Duka, kush e bën importin e pijeve alkolike? E bën kushëriri i first man-it me ekskluzivitet të plotë. Sa fitohet pra, nga kjo taksë? Kush e bën importin e cigareve? E bën first man-i me rrethin e tij. Po le të shohim, se sa fiton ai nga kjo taksë. Të ardhurat nga akcizat në Shqipëri, janë 1.85% e prodhimit të brendshëm bruto, kurse për Kroacinë këto janë 350% më të larta, janë 5.5% e prodhimit të brendshëm. Po le të marrim Maqedoninë më afër nesh. Sa e ka Maqedonia të ardhurën nga akcizat, në raport me GDP-në? I ka 4,8% të GDP-së, 2205 më shumë se sa qeveria e kleptokratit Fatos Nano. Ku vidhen tjetër 700 milionë euro tek doganat e malaj-vitës. Sa i kemi tarifat doganore sot, 14% i kemi. Sa i ka Maqedonia? 12% po sa merr Shqipëria nga tarifat doganore? 1,7% e prodhimit të brendshëm. Maqedonia vjel 2,6 të këtij prodhimi nga doganat e saj. Pra, kush nuk i paguan doganat? Po Fatos Nano fut helikopterët kontrabandë. Po tjetër. Sigurisht që, Duraku dhe Angjeli janë kampionë dhe ia kalojnë edhe klanit të Zemunit. Kjo, sepse janë 700 mijë tonë naftë që nuk zhdoganohet. Kurse i treti vjen klani i Zemunit me pluhurat e bardha me sheqerin, miellin, etj, etj me radhë, pasuar nga Shefikati. Këto janë të vertetat dhe ja ku janë taksat tuaja të nderuar qytetarë. Se qytetarët shqiptarë, paguajnë edhe pse e kanë taksën më të lartë në Europë dhe ata janë më të varfërit. Së bashku me qytetarët shqiptarë, le të shohim se si shpërndahen këto taksa që mblidhen? Këto taksa dhe para së gjithash përdoren nga qeveria me një babëzi të jashtëzakonshme. Më lejoni të jap disa shifra. Nëse në vitin '96, presidenca e Republikes kishte një buxhet prej 46 milionë lekësh, sot Moisiu, na kërkon 240 milione dhe i duket pak. Presidenca ka patur 53 rrogëtarë dhe ka sot 66 rrogëtarë. Por, nuk ka babëzi më të papërmbajtur. Këshilli i Ministrave, sipas fletores zyrtare të botuar në vitin '96, harxhonte 86 milionë lekë, ndërsa ministrat e Nanos shpenzojnë 1 miliardë e njëqind milionë lekë. Isakët e tij shpenzojnë telefona celularë dhe fiks 92 milionë lekë, pra 15% më shumë se sa aparati i këshillit të ministrave, me 220 punonjës në vitin 96. Po parlamenti, a e dini se sa i kushton një qytetari shqiptar? Vetëm një deputet, i kushton 52 mijë euro në vit, nga 220 milionë që ishte buxheti i kuvendit në '96, sot është 740 milionë. A kanë qeveritarët tanë moral? A janë burra? Atëherë, le të vendosim së bashku shkurtimin e shpenzimeve të parlamentit qeverisë të presidentit dhe kështu do të teprojnë me dhjetëra miliojë USD. nuk ka vend në botë që tëketë sistemin 1 me 40 sic e kenmni vendosur ju. vendet perëndimore e kanë 1 me 5 vendet evtjrra e kanë 1 me 10 kurse mazhoranca jonë e ka 1,e 40 për rrogratër dhe 1 me 80 për pensionet. cdo ditë jeni zotuar se do të shyrtonipagat dhe kurrë nuk i shqyrtoni sepse vetë i lukuni firmosni në 3,4, apo 5 bordero në muaj dhe s'keni moral e fyturë që t'i trgoni kujt se s'muind të merrni 4 apo 5 milionë lekë në muaj. Ndaj edhe nga mos pakësohen fondfet për arsimin, për shëndetësinë. nëse arrinin vërtet arrini të dilni nga strofkulla e krimit atëherë le ta ribëjmë këtë buxhet

Sali BERISHA