Nie Tzche Tung

[Albo]

Unë nuk kam ndërmend të hidhem nga kati i shtatëmbëdhjetë për të provuar a është mirë apo keq.

Ti ben sic bejne shumica e njerezve: a) nuk bejne asgje b) lexojne se cfare kane menduar te tjeret. Dhe ajo qe eshte me e bukura, fakti se ju nuk e njihni Zotin do te thote se Ai nuk ekziston, dhe fakti qe ti nuk e ke marre ndonje mundimin qe te njohesh Zotin, nuk te pengon ty te japesh mendim ne nje teme qe flet pikerisht per Zotin dhe fene.

Nese po vret mendjen se nga e kuptoi Albo qe ti nuk e ke bere as njeren as tjetren, e kuptova tek menyra se si ti nenvlefteson mendimin e besimtareve ne tema filozofike.

Albo

[oiseau en vol]

...tek menyra se si ti nenvlefteson mendimin e besimtareve ne tema filozofike.

Albo

Më fal, Albo, nëse ju kam prekur, por ideja ime ishte që unë e vlerësoj mendimin e besimtarëve si besimtarë, dhe jo si besimtarë të një feje të caktuar. Kjo e fundit quhet proselitizëm.

Besimtarët, kur flasin në tema filozofike, duhet t'i përmbahen trajtimit të Zotit si Zot dhe jo si Zot i veçantë i njërës apo tjetrës fe.

Veçoritë e feve të veçanta mund të thuhen tek tema përkatëse, psh për komunitetin mysliman, të krishterë apo judaikë.

Highlander

[Albo]

Highlander, eshte pula qe beri vezen apo veza qe beri pulen?

Ti merr persiper te flasesh per vezen duke anashkaluar me dashje pulen. Parrulla jote: Kur flasim per veze le te flasim per veze dhe jo per pulen, dhe kur flasim per pulen le te flasim per pulen dhe jo per vezen.

A ndahet pula nga veza dhe veza nga pula?!

[oiseau en vol]

Albo !

Y en a marre ! Në majë të hundës këto historira pulash, vezësh, malesh, fushash, detesh, kënetash, "i thashë një miku... ai miku më tha..." ! Filozofia nuk është thashetheme, sepse përndryshe ky forum do të ishte forumi filozofik par excellence.

Të thashë më lart, Zoti është dhe një kategori filozofike e cila nuk ka asnjë lidhje me kristianizmin, islamin, judaizmin, budizmin, e me -izmat që vijnë prapa. Ideja e Zotit si Zot nuk ka asnjë lidhje me Biblën, Kuranin, Torah, e me shivan dhe brahmën e ku e di unë tjetër.

Sapo dëgjohet dikund fjala Zot, dhe ja menjëherë të mbushur në frymë përhapësit e fjalëve të shenjta, me Bibël dhe Kuran në dorë, duke lëshuar anatema mbi këdo që guxon të thotë dy fjalë "made in vetja".

Albo me përrallat e tij të dëgjuara pranë vatrës së zjarrit, mbrëmjeve vonë, Sokoli nga lartësitë e tij "olimpike", Altini me citatet e gatshme që i nxjerr siç karamelet nga xhepi, e plot e plot të tjerë, nuk bëjnë gjë tjetër veçse shtojnë rradhët e kakarisësve që nuk thonë asgjë, por bëjnë veçse zhurmë.

Sidoqoftë, përshendes kurajon me të cilën ju vazhdoni të besoni që kakarisja është një këndim.

[Dessaretis]

Albo me përrallat e tij të dëgjuara pranë vatrës së zjarrit, mbrëmjeve vonë, Sokoli nga lartësitë e tij "olimpike", Altini me citatet e gatshme që i nxjerr siç karamelet nga xhepi, e plot e plot të tjerë, nuk bëjnë gjë tjetër veçse shtojnë rradhët e kakarisësve që nuk thonë asgjë, por bëjnë veçse zhurmë.

se na shkrive!

Po Highlander-i me cfare? Do ta thuash vete apo ta thone te tjeret?

E keqja e shume diskutanteve ne forum eshte se duan secili qe ta paraqite vetveten si koke te vecante, ndryshe nga te tjeret. Dhe kjo eshte bere mode, eshte bere nje mani tashme... shume e perhapur. Por e bukura eshte se kurre nuk mund te jene aq te vecante nga te tjeret. Vete deshira e cmendur per te qene "te vecante", ju jep shume shume diskutanteve dicka te perbashket, qe nuk i ben me te vecante. Apo jo?

[oiseau en vol]

Sigurisht, i nderuar Dessaretis, sigurisht që jemi të veçantë, dhe aq më mirë. Nuk e kuptova ngutjen tuaj për t'u futur në korin e kakarisësve. Dhe për më tepër, pa n'a bërë të ditur mendimet e tua në lidhje me temën. Nejse, kësaj i thonë : "Po e hedh edhe unë një fjalë, se nuk u bë qameti..."

[[xeni]]

Kur lexova kete shkrimin tend m'u kujtua diçka: "disa njerez perdorin logjiken per te argumentuar paragjykimet e tyre..." (Shaw me duket)

Ideja e Zotit si Zot nuk ka asnjë lidhje me Biblën, Kuranin, Torah, e me shivan dhe brahmën e ku e di unë tjetër.

Ti nuk beson ne Zot, nuk beson ne libra te shenjte, nuk beson ne asgje dhe merr guximin qe te mundohesh te gjesh lidhje (ose te vertetosh qe s'ka lidhje) midis gjithe ketyre gjerave te cilave nuk u beson.

Të thashë më lart, Zoti është dhe një kategori filozofike e cila nuk ka asnjë lidhje me kristianizmin, islamin, judaizmin, budizmin, e me -izmat që vijnë prapa.

Si mund te jete Zoti kategori filozofike?

Sidoqoftë, përshendes kurajon me të cilën ju vazhdoni të besoni që kakarisja është një këndim.

Nuk beson ne Zot, e morrem vesh. Po kjo nuk do te thote qe ke te drejte te ofendosh besimet e te tjereve, menyren se si ata flasin per keto besime. Edhe te mos besosh eshte nje forme besimi. Ti beson qe ajo qe beson eshte pikerisht ajo qe duhet te besosh (perndryshe pse do te besoje ne te?) dhe rrjedhimisht e ndjen te nevojshme qe edhe te tjeret t'i ftosh ne te. (ne rastin tend agnosticizem apo ateizem).

[Dessaretis]

Pershendetje Highlander!

Po une temen e lexova, u kenaqa dhe m'u duk se ka mbaruar me kohe.
Ky qe mund te kete nisur tani, ose qe eshte duke u ngjizur, mund te jete dicka midis "ateisteve" dhe "fetareve", sepse tema me duket plotesoi me kohe qellimin e saj fillestar.

Keshtu qe te gjitha keto qe po bejme ne tani jane kakarisje jashte teme.

Nejse, ja te dalim dhe pak me teper jashte teme.

Ajo c'ka doja te thesha eshte se sigurisht qe cdo njeri eshte pak i vecante, por perseri nuk mund te mendojme se nje njeri i vetem eshte alfa dhe omega ne cdo gje. S'eshte aspak e keqe te kesh nje mesues per shembull, ose nje teori te cilen e beson.

Per shembull (shembull po i marr), Alboja mund te kete pasur mesues gjysherit prane oxhakut, Altini ata ne medrese, kurse Sokoli ta zeme se ka qejf mesimet e grekeve te lashte. Po Highlander-i qe kerkon te jape imazhin se nuk influencohet nga asgje, valle s'ka asnje mesues? Valle imagjinon mendjen e nje njeriu te vetem te jete alfa dhe omega ne pergjigje te gjithshkaje? E pra, edhe mendjet me te ndritura te njerezimit e kane nisur udhetimin e tyre nga influenca e te pakten nje mesuesi.

Pika ime eshte qe s'ka asgje te keqe te mbrosh pikepamjet e ndonje "mesuesi", sidomos te ndonje mesuesi qe i ka dhene mjaft botes dhe njerezimit dhe eshte i afirmuar edhe nga mendje te tjera duke i rezistuar kohes. Pra te besh kete nuk eshte gabim. Gabim eshte te mendosh se mund te dalesh mbi cdo mesues te njerezimit aq thjesht, duke u bazuar vetem ne "mendjen tende". E ke idene se c'deklarate trime mund te ishte kjo?

Pra per mendimin tim edhe njehere s'ka asgje te keqe nese shum njerez qe ti i ke kritikuar, fortifikojne mendimin e tyre duke huazuar nga dituria e mesuesve te tille. Pune tjeter si e zgjedh dhe si e kupton nje mesues individual pastaj, se edhe per kete ceshtje behen gafa... po flas ne pergjithesi. Nuk e di sa qarte u shpreha...

[Dessaretis]

Nuk beson ne Zot, e morrem vesh. Po kjo nuk do te thote qe ke te drejte te ofendosh besimet e te tjereve, menyren se si ata flasin per keto besime.

Ai nuk po ofendon besimet e 'te tjereve' me shume sesa besimet e 'te tjereve' po ofendojne besimet e tij ne fakt.

S'besoj se qellimi i tij eshte "te ofendoje" ketu!!!
(Biles ky keqkuptim ben pjese edhe tek mesimi i Nie Tzche Tung-it me sa po shoh . Sa shpejt harrohen gjerat!)

Pune tjeter nese dikush mund te ndjehet i ofenduar nqs. i konsideron besimet e tij te shenjta ne kuptimin e plote te fjales. Filozofia s'besoj se ka ndonje gje te shenjte... pervec nxitjes per debat (biles edhe ketu te shenjte ne kuptimin metaforik te fjales).

[oiseau en vol]

Dakort, do të mundohem t'i përmbledh ndopak mendimet e mia në lidhje me këto çështje.

Xeni mendon se unë nuk besoj në Zot. Më duket se ky konkluzion është pak i nxituar. Sepse në të gjitha postimet e mia, unë kam lënë për të kuptuar që ekziston diçka që unë nuk do të mundja t'a mbërtheja ashtu siç ajo është. Kësaj diçkaje, gjithçkush mund t'ia vërë emrin qysh të dëshirojë : Zot, Allah, Buda, YHVH. Problemi nuk qëndron tek emri.

Tjetër, unë kam thënë që Zoti është dhe një kategori filozofike. Vini re lidhëzën dhe. Dmth që Zoti mund të shikohet nga këndvështrimi fetar dhe ai filozofik. I pari nuk më intereson. Unë do të doja të dëgjoja ndonjërin të fliste mbi Zotin si kategori filozofike, si Transhendanca, si Perteja, si Pafundësia. Por në vend të kësaj, unë "bombardohem" nga citate të shkëputura andej-këndej a thua se po flasim mbi dallimet God-Allah. Këto dallime mund t'i marr nga ndjekja e një meshe në kishë apo një falje në xhami.

E përsëris, nuk kam asnjë qëllim të fyej ndjenjat e besimtarëve. Por, për të shprehur ato çka unë mendoj, unë kam zgjedhur temat si filozofi, agnosticizëm dhe nuk jam futur ndonjëherë në debatet teologjike.


E lexova replikën tuaj, Dessaretis, dhe nuk e kuptova përse mendoni ju që unë nuk kam asnjë mësues ? Mësuesit e mi janë ato që më tregojnë sesi duhet mësuar dhe jo ato që të më thonë që kjo duhet mësuar. Mësuesi bën për të mësuar, por ai nuk i mëson asgjë nxënësit (në kuptimin e mirëfilltë të fjalës). Mësuesi ka detyrën vetëm për të n'a vënë në rrugën e mësimit dhe kaq. Kur përmenda Albon me përrallat e tij, e kisha fjalën që Albo nuk është përgjigjur ndonjëherë pa këto përralla. Kjo do të thotë që ai ka mbetur rob i frymës mbytëse të mësuesit të tij. Gjithashtu dhe Altini apo Sokoli, secili në mënyrën e vet, nuk bëjnë gjë tjetër veçse mbajnë me të tjerët marrëdhënie të ndërtuara vertikalisht dhe jo horizontalisht. Ato e shikojnë tjetrin nga lart-poshtë duke pretenduar se mbajnë në dorë të Vërtetën që fatkeqësisht të tjerët nuk e shohin !!

Jam shprehur gjithmonë që "sipas vendit, kuvendi". Gjithkush që ka dëshirë të dialogojë, le të kapet me idetë e Tjetrit dhe jo me vetë Tjetrin.