Ofertat me te reja per pune

[ganoid]

Pershendetje!

Qe kur mora ne dore drejtimin e ketij nenforumi kisha nje ide per te hapur nje teme me oferta pune. Problemi qendronte vetem tek sigurimi i informacionit. Une u perpoqa qe te krijoj disa lidhje ose te gjeja faqe interneti te firmave ose institucione shteterore, por jane shume shume te pakta. Mgja une po mundohem tju sjell te gjitha informacionet qe do te kem.
Do tju lutesha qe cdo informacion qe keni ta shtonit ne faqen tone.
Duke shpresuar ne bashkpunimin tuaj,
Ju faleminderoj!

mariglennora

[ganoid]

Oferte pune ne bashkine e Tiranes

-Në zbatim të ligjit nr. 8549, dt.11.11.1999 “Statusi i Nëpunësit Civil”, si dhe Urdhërin nr. 431 prot.dt. 11.9.2003, Bashkia e Tiranës shpall konkursin për një vend të lirë pune, në pozicionin Drejtor i Drejtorisë së Prokurimeve Publike.
Kandidati duhet të plotësojë kërkesat e përgjithshme në përputhje me nenin 12 të ligjit nr.8549 dt.11.11.1999 “Statusi i nëpunësit civil”.

Kërkesa të veçanta për kandidatin

• Të kenë kryer arsimin në Fakultetin e Drejtorisë dhe Ekonomisë.
• Të kenë mbi 2 vjet përvojë në punë.
• Të njohin programet bazë të kompjuterit, preferohet me çertifikatë të njohur nga Ministria e Punës dhe Çështjeve Sociale.
• Të njohin një gjuhë të huaj të BE.
• Të kenë aftësi të mira organizuese, komunikuese dhe kërkuese për realizimin e detyrave.

Përshkrimi specifik i punës:

Organizon, koordinon dhe kontrollon punën e sektorëve që ka në varësi. Përpilon dhe paraqet për miratim pranë kryetarit të entit prokurues planin vjetor të punës në varësi të fondeve dhe destinacionit të tyre. Relaton pranë kryetarit të entit prokurues në çdo kohë mbi ecurinë e procedurave të prokurimit dhe problemet e hasura gjatë zbatimit të tyre. Kërkon nga sektorët kryerjen e procedurave të prokurimit në afat dhe në përputhje me legjislacionin në fuqi.
Paraqitja e dokumentave
Kandidati duhet të paraqesë brenda datës 11.10.2003 në Drejtorinë e Burimeve Njerëzore këto dokumenta:
" Kërkesën për aplikim.
" Curriculum Vitae
" Çertifikatë përbërje familjare.
" Fotokopje të diplomës dhe listës së notave të noterizuara.
" Çertifikata kualifikimi (në rast se ka).
" Vlerësim pune nga punëdhënësi i fundit.
" Dëshmi e gjëndjes gjyqësore dhe mjeksore.
Konkurimi është i hapur për nëpunësit civilë të të njëjtës klasë nëpërmjet procedurave të lëvizjes paralele, ngritjes në detyrë si dhe për kandidatët jashtë administratës publike sipas procedurave të pranimit në shërbimin civil.
Konkurimi do të bazohet mbi njohuritë për Kushtetutën, Kodin e Procedurave Administrative, ligjin “Statusi i nëpunësit civil”, ligjin nr. 8652 dt.31.7.2000 “Për organizimin dhe funksionimin e qeverisjes vendore”, legjislacioni për prokurimet publike.

- Në zbatim të ligjit nr. 8549, dt.11.11.1999 “Statusi i Nëpunësit Civil”, si dhe Urdhërin nr. 431/1 prot.dt. 11.9.2003, Bashkia e Tiranës shpall konkursin për një vend të lirë pune, në pozicionin Përgjegjës në Sektorin e Projekteve të Infrastrukturës pranë Drejtorisë së Përgjithshme të Punëve Publike.
Kandidati duhet të plotësojë kërkesat e përgjithshme në përputhje me nenin 12 të ligjit nr.8549 dt.11.11.1999 “Statusi i nëpunësit civil”.

Kërkesa të veçanta për kandidatin

• Të kenë kryer arsimin e lartë preferohen : Fakulteti i Inxhinierisë së Ndërtimit.
• Preferohet të kenë mbi 3 vjet përvojë në punë.
• Të njohin programet bazë të kompjuterit, preferohet me çertifikatë të njohur nga Ministria e Punës dhe Çështjeve Sociale.
• Të njohin një gjuhë të huaj të BE.
• Të kenë aftësi të mira organizuese, komunikuese dhe kërkuese për realizimin e detyrave.
Përshkrimi specifik i punës:
Organizon, koordinon dhe kontrollon punën e sektorit dhe të specialistëve që ka në varësi. Përpilon dhe harton projekte të rrjetit të furnizimit dhe rrjetit të kanalizimeve. Ideon projekte për përmirësimin e infrastrukturës rrugore në të gjithë natyrën e tyre.

Paraqitja e dokumentave

Kandidati duhet të paraqesë brenda datës 11.10.2003 në Drejtorinë e Burimeve Njerëzore këto dokumenta:
" Kërkesën për aplikim.
" Curriculum Vitae
"Çertifikatë përbërje familjare.
" Fotokopje të diplomës dhe listës së notave të noterizuara.
" Çertifikata kualifikimi (në rast se ka).
" Vlerësim pune nga punëdhënësi i fundit.
" Dëshmi e gjëndjes gjyqësore dhe mjeksore.
Konkurimi është i hapur për nëpunësit civilë të të njëjtës klasë nëpërmjet procedurave të lëvizjes paralele, ngritjes në detyrë si dhe për kandidatët jashtë administratës publike sipas procedurave të pranimit në shërbimin civil.
Konkurimi do të bazohet mbi njohuritë për Kushtetutën, Kodin e Procedurave Administrative, ligjin “Statusi i nëpunësit civil”, ligjin nr. 8652 dt.31.7.2000 “Për organizimin dhe funksionimin e qeverisjes vendore”, legjislacionin në fushën e hartimit të projekteve të infrastrukturës nëntokësore.

[ganoid]

“AFORSA” sh.p.k.
“Aforsa” sh.p.k. është një agjenci punësimi e hapur tre muaj më parë dhe e licensuar nga Ministria e Punës dhe e Çështjeve Sociale. Avni Zeqo, presidenti i kësaj kompanie, thotë se, gjatë këtyre tre muajve, pranë kësaj agjencie janë regjistruar rreth 1 mijë të papunë. “Shumica e këtyre punonjësve janë specialistë që e kanë përfunduar fakultetin,” shprehet Zeqo. “Prej këtyre, agjencia ka arritur të punësojë rreth 30 punëtorë brenda vendit. Shumica janë punësuar në Tiranë, por ka edhe nga ata që janë punësuar në Durrës, Rrogozhinë etj.,” vazhdon Zeqo. Punësimin nëpër rrethe kjo agjenci arrin ta realizojë nëpërmjet agjentëve që janë të shpërndarë në të gjithë Shqipërinë. Ndërkohë që një numër i konsiderueshëm i të papunëve të regjistruar pranë kësaj agjencie janë punësuar jashtë vendit, në Itali, Amerikë e Greqi, falë kontratave që “Afrosa” ka me agjencitë e tjera jashtë vendit. Njerëzit që duan të regjistrohen në këtë agjenci nuk paguajnë asgjë. Detyrimin për të paguar e ka kompania që kërkon punëtorë. Agjencia e arrin fitimin në rast se punësimi realizohet, pasi kompania në këtë rast duhet t’i paguajë agjencisë gjysmën e rrogës së parë që do të marrë punëtori. Ndërsa për ata që duan të punësohen jashtë shtetit, tarifat e punësimit janë më të larta dhe në këtë rast duhet të paguajë edhe punëtori, edhe kompania. Për të ardhmen, agjencia kërkon të zgjerohet në të gjitha rrethet e vendit, me qëllim që të jetë sa më afër nevojave të biznesit shqiptar, që ata të kenë mundësi të punësojnë njerëzit e përshtatshëm

[jonidapasho]

SHUME INTERESANTE KJO TEME.

SHQIPERIA DITA DITES KA ZHVILLIME,

GJITHE TE MIRAT

[Benni]

nje faqe qe me terhoqi vemendjen.

http://www.ofertapune.com/


Edhe pse nuk ka aq shume vende pune, ja vlen ta vizitosh.

A ka ndonje faqe te ngjashme per tregun shqiptar te punes?
A ka iniciativa per te bere dicka te tille ne internet?
Beni eshte gati tju ndihmoj si gjithmone:

Me pune vullnetare pa lek e pa pare!

[Arlind]

un te them te drejten sbesoj se do gjesh ndonje te afte dhe qe mbush keto kriteri mariglen

nejse un te uroj gjith te mirat dhe te falenderoj per kete teme pasi mund te jet shum e perdorshme dhe e nevojshme per antaret ne shqiperi .

[ganoid]

PROJECT FOR OIL IN KAZKHSTAN



Pershkrimi

APPLICATIONSE Manager, Welding Foreman, Planning Engineer,Mechanical Eng.
Environmental Engineer, Total Quality Specialist,Production off-shore Superint.
Tel: ETS,Switzerland, Tel. +41 91 921 01 21
URL: Contact.Neziri,
e-mail: ets.neziri@ticino.com
Mobil: ++41 76 412 49 89

[gene]

interesante kjo tema

mund te kete shume zhvillim nese ka pak interes

edhe une si beni ofrohem vullnetar per te ndihmuar

[ganoid]

Viola Gjoni - 14/04/2004

Biznesi: “Tregu i punës ka mungesë të burimeve njerëzore”

Përfaqësuesit e bizneseve më të mëdha janë takuar me përfaqësues të universiteteve shqiptare për të diskutuar mbi bashkëpunimin në tregun intelektual të punës


Mungesa e një tregu intelektual të kualifikuar ka bërë që komuniteti i biznesit dhe komuniteti universitar të organizojnë një tryezë të rrumbullakët bashkëpunimi për interesa të ndërsjella midis dy palëve. Ditën e djeshme në mjediset e hotel “Sheraton” është paraqitur projekti i titulluar “Ditët e karrierës” mbi çështjet që shtrohen sot për zgjidhjen dhe rekrutimin e burimeve njerëzore. “Tregu i punës nuk është një treg i rregulluar, por është një treg i deformuar, dhe në veçanti tregu intelektual i punës është një treg spontan”, - është shprehur Luan Bregasi, kryetar i Dhomës së Tregtisë dhe Industrisë së Tiranës si prezantues i projektit të bashkëpunimit midis biznesit dhe universiteteve. Sipas tij, qëllimi i këtij takimi që do të pasohet me të tjera takime në ditët e ardhshme, është që të bëhet sa më shumë të jetë e mundur që biznesi të marrë rolin e një rregullatori të tregut intelektual të punës. Janë më se 120 kompani private që kanë shprehur interesin e tyre për të bashkëpunuar në këtë projekt në kuadër të zhvillimit të një tregu intelektual të kualifikuar. Kanë marrë pjesë në takim dhe kanë shprehur shqetësimet dhe propozimet e tyre përfaqësues nga kompanitë: “2K Group”, “AM Group”, “Vodafon”, AMC, “Western Union”,”Ferlut”, përfaqësues nga: Universiteti i Tiranës, i Ekonomisë, Inxhinierisë, Shkencat e Natyrës etj., si dhe ministri i Punës dhe Çështjeve Sociale Ëngjëll Bejtaj. Mendimin e biznesmenit Koço Kokëdhima se “po shpenzojmë shumë për rekrutimin e burimeve njerëzore për arsye se universitetet e vendit nuk po nxjerrin specialistë të një niveli të lartë”, e kanë mbështetur dhe biznesmenët e tjerë të pranishëm. Ndërsa Dhori Kule, dekan i Fakultetit të Ekonomisë, është shprehur: “Ne prodhojmë një produkt që biznesi e përdor dhe nuk mund të bëjë pa të, ashtu si dhe ne kemi nevojë për biznesin”. Sipas Kules, tregu i punës nuk është primar, por është pasojë e disa tregjeve të tjera. Për këtë duhen rregulluar politikat ekonomike në mënyrë që të bëjë të vlefshëm dhe tregun e punës. Veç të tjerash, është theksuar se roli i shtetit duhet të jetë më veprues, ai duhet të krijojë strategji dhe politika të atilla që t’i paraprijë kërkesës dhe ofertës së tregut të punës. Një gjë e tillë është pohuar dhe nga ministri Bejtaj për pozicionin kyç që ka ministria që ai përfaqëson, por që nuk ka qenë i tillë deri tani. Ndërsa Shezai Rrokaj, rektor i Universitetit të Tiranës, është shprehur se nisma e sotme përbën një urë komunikimi dhe afrimi midis dy komuniteteve që bizneset të shikojnë pranë universitetit atë “lëndë” që u shërben për prespektivën e zhvillimit të bizneseve. Diskutimet e takimit të sotëm do të monitorohen dhe do të sistemohen për t’u lënë rrugë të hapur interesave të ndërsjella. Duke filluar nga java e ardhshme, sipas një grafiku të përcaktuar, kompanitë private të interesuara do të shkojnë nëpër fakultete për të prezantuar nevojat që ato kanë për menaxherë, më pas do t’u jepet mundësia studentëve të intervistohen nga kompanitë private.

[ganoid]

Vende pune te shpallura nda Departamenti i administrates publike

Detajet e punes me reference 609

Data e Shpalljes 2/27/2004

Data e Konkursit

Pershkrimi
Pergjegjes Sektorit te Drejtesise dhe Ceshtjeve te Brendshme
Drejtoria e Integrimit Europian
Ministria e Integrimit Europian

Faza 1: 1/4/2004
Faza 2: 4/4/2004
Faza 3:

Kriteret

te kete mbaruar arsimin e larte ne degen juridik ose shkenca politike, perbejne avantazh studimet pasuniversitare per ceshtjet europiane
te kete jo me pak se 2 vjet experience
te njohe gjuhen angleze, perben avantazh njohja e nje gjuhe te dyte
te perdore programet baze te kompjuterit
te kete aftesi te mira komunikuese dhe te punes ne grup

Fusha e Testimit


njohuri mbi procesin e stabilizim-asociimit dhe maredheniet Shqiperi - BE
njohuri mbi historine, funksionimin, strukturat, instrumentat ligjore, vendimarjen ne BE
raportet e Shqiperise ne Procesin e Stabilizim-Asociimit
ligji nr 9131, dt 08.09.2003 "Per regullat e etikes ne administraten publike"


Data e Konkursit

Pershkrimi
Pergjegjes Sektorit te Profesioneve te Lira
Ministria e Drejtesise

Faza 1: 5/4/2004
Faza 2: 9/4/2004
Faza 3:

Kriteret

te kete mbaruar arsimin e larte ne fakultetin e drejtesise
te kete jo me pak se 3 vjet experience ne pune
te njohe nje gjuhe te BE
te perdore programet baze te kompjuterit
te kete aftesi te mira komunikuese dhe te punes ne grup

Fusha e Testimit

e drejta kushtetuese
e drejta administrative
ligji nr. 9109, dt 17.07.2003 "per profesionet e avokatit ne Republiken e Shqiperise"
ligji nr. 8790, dt 10.05.2001 "Per Noterine"
Kodi procedurave administrative
ligji nr. 9131, dt 08.09.2003 "per regullat e etikes ne administraten publike"