Edi Rama po shet Parkun "Rinia"

[Brari]

Rd shkruan:


.........


Lulishtja më e bukur e Tiranës do t'i kalojë për një "copë bukë" shoqërisë "Taiwan"

Edi Rama po shet Parkun "Rinia"

Kryetari i Bashkisë së Tiranës bën gati vendimin për shitjen e 1310 metra katrorë rrotull lokalit "Taiwan". Sipas ekspertëve, çmimi i shitjes është qesharak, pasi me të tilla shifra toka mund të blihet në periferi të kryeqytetit. Cilat janë interesat që e lidhin Edi Ramën me grupin e "Taiwan"-it dhe vendimet e marra në favor të biznesit të këtij lokali gjatë stinës së verës dhe më tej

Kryetari i Bashkisë së Tiranës i ka propozuar Këshillit Bashkiak shitjen e një pjese të konsiderueshme të Parkut "Rinia", duke ia dhënë këtë pronë një prej miqve të tij, i cili ka marrë në pronësi po prej kryetarit të Bashkisë së Tiranës Kompleksin "Taiwan". Ky kompleks ndodhet në zemër të kryeqytetit dhe është një prej parqeve më të njohur dhe më të bukur të Tiranës. Përfitues i kësaj prone është shoqëria "Taiwan" sh.p.k., e cila e ka marrë në pronësi atë pas një shitjeje të dyshimtë të bërë nga Edi Rama në korrikun e 2001. Vendimi për shitjen e "Taiwan" shoqërisë me të njëjtin emër është bërë në mënyrë të menjëhershme pas zgjedhjes në krye të detyrës së kryetarit të Bashkisë së Tiranës, Edi Rama, në 2001. Si rrjedhojë e kësaj shitjeje, përfituesi përmes aferave të dyshimta arriti që të marrë në dorë 1815 metra katrorë dhe mbi të 1460 metra katrorë ndërtim.

Por sipërfaqja e dhënë nuk i ka mjaftuar firmës së sipërpërmendur. Ajo ka shtrirë ndërtimin e saj edhe në një sipërfaqe prej 1310 metra katrorë, duke e shtrirë sipërfaqen e saj në gati 40 përqind më shumë nga sa ka privatizuar realisht nga vendimi i parë i Edi Ramës, që daton katër vjet më parë.


Ligjin "Për shtesat" e shfrytëzon i pari Edi dhe "Taiwan"

Për të shtrirë shitjen e tij edhe me 1310 metra të tjera katrorë në qendër të kryeqytetit, Edi Rama po kërkon ta bëjë një gjë të tillë përmes legalizimit për shtesat në ndërtim. Nuk është shumë e vështirë që të kuptohet se përse Edi Rama lejoi që në qendër të Tiranës të bëhet një ndërtim i paligjshëm prej 1310 metra katrorë. Është bërë e njohur se tashmë, qytetarëve të ndryshëm iu prishet qoftë edhe një garazh pa leje, edhe kur ky është në periferi të Tiranës. Ndërsa në rastin konkret për ndërtimin e bërë në mënyrë të paligjshme në parkun e qendrës së kryeqytetit, policët bashkiakë nuk kanë vepruar për ta ndaluar, ndërsa tani po nxitojnë për ta legalizuar një ndërtim të tillë. Është i kuptueshëm në këtë rast implikimi i Edi Ramës në këtë aferë të blerjes së një prej lokaleve më të lakmueshëm të Tiranës. Përmes dokumentacioneve, Rama po kërkon tani që të legalizojë këtë ndërtim të paligjshëm, duke shitur truallin në të cilën është bërë ndërtimi.

Në dokumentacionin që i është paraqitur Këshillit Bashkiak, thuhet se: "Me hyrjen në fuqi të Ligjit nr. 9209 dt. 23.3.2004 "Për legalizimin e shtesave në ndërtime" dt. 25.5.2004, subjekti juridik "Eurostrade" paraqiti në drejtim të Drejtorisë së Legalizim Shpronësimeve, pranë Drejtorisë së Përgjithshme të Urbanistikës, kërkesën me nr. E-692/1, prot. 25.8. 2004 për legalizim të shtesës së realizuar në ndërtimin e tij në Rrugën "Dëshmorët e 4 shkurtit", konform nenit 6 të këtij ligji".

Po në këtë dokumentacion theksohet se shoqëria "Taiwan" sh.p.k ka paraqitur dokumentacion pronësie për truallin 1815 metra katrorë dhe nuk ka paraqitur dokumentacion pronësie për truallin 1310 metra katrorë.

Rama dhe Hipoteka vendosin shitjen me 12 mijë lekë/m2

Maskarada e kësaj shitje të Parkut "Rinia" vazhdon edhe në Hipotekë. Kjo ndodh pasi ekspertët e këtyre zyrave kanë bërë një vlerësim në bazë të të cilit vlera e tregut e përcakton se metri katrorë në Parkun "Rinia" nuk është më shumë se 12 mijë lekë/m2. Aq qesharak është ky konkluzion i ekspertëve të Hipotekës, sa mjafton të kujtohet se vetëm një m2 apartament pak metra më tutje dhe në kat të dhjetë shitet me 1 mijë euro/metri katrorë, ndërsa është e kuptueshme se sa mund të shitet realisht një m2 që gjendet në qendër të Tiranës dhe që do të përdoret për aktivitet biznesi. Korrupsioni, edhe në këtë rast, është evident. Gjithashtu dhe bashkërendimi i punëve mes sipërmarrësit të "Taiwan", hajdutëve të Bashkisë dhe hajdutëve të Hipotekës.

Ja se si thuhet në dokumentin zyrtar që përcakton edhe vlerën për m2 të ekspertëve të Hipotekës për Parkun "Rinia":

"Me shkresën nr. 3895/1 prot.dt.03.12.004 dhënë nga Zyra e Rregjistrimit të Pasurive të Paluajtshme, Tirana 1, çmimi mesatar i shitblerjes së truallit për tre muajt e fundit në zonën kadastrale 8380, në zonën e pasurisë nr.189 është 12.000 lek/metër katrorë. Gjithashtu me shkresën nr. 3918/1, prot. dt. 06.12.2004 është konfirmuar nga Zyra e Regjistrimit të Pasurive të Paluajtshme, Tirana 1, se nga të gjitha anët e pasurisë nr.7/189 ndodhet pasuria kufitare nr.7/187, e cila është pasuri shtetërore".

A është ortak Edi Rama tek "Taiwan"?

Vetëm një naiv mund të thotë se Edi Rama nuk ka lidhje me "Taiwan" dhe se gjithçka ka shitur dhe kërkon të shesë me çmim qesharak për këto ambiente është jashtë interesave të tij. Në të vërtetë, faktet flasin për të kundërtën. Historia e privatizimit të këtij objekti është mjaft e dyshimë dhe autori i kësaj shitje është Edvin Rama, i cili ia ka faturuar këtë pronë një biznesmeni, me lidhje mjaft të dyshimta me familjen kryeministrore, por edhe me probleme me drejtësinë, pasi është i denoncuar nga ortakët e tij për mashtrime prej miliona dollarësh në shitje të pronave të caktuara. Gjithsesi, Edi Rama është bërë objekt i një debati mjaft të gjatë të bërë vetëm pak muaj më parë, kur sapo nisi sezoni veror. Pronarët e lokaleve tek lagja e ish-Bllokut në Tiranë e akuzuan atë direkt se po synonte falimentimin e bizneseve të tyre, duke inkurajuar pronarin e "Taiwan".

Fillimisht Rama bëri një investim prej disa qindra milionë lekësh, duke zgjeruar rrugën që kalon në krah të "Taiwan"-it, duke i dhënë një hapësirë mjaft të konsiderueshme për parking këtij ambienti. Vetëm një naiv mund të besojë se një veprim të tillë ku u shpenzuan shumë të tilla, Edvin Rama e bëri pa asnjë interes.

Më pas, inaugurimi i lokalit "Taiwan" koinçidoi me një vendim të kryetarit të Bashkisë së Tiranës sipas të cilit, automjetet nuk duhet të kalonin nga ora 18.00 deri në orën 23.00 në rrugicat më të preferuara për të rinjtë, ato të ish-Bllokut. Sipas pronarëve të lokaleve të kësaj zone, arsyeja e këtij vendimi ishte mjaft e thjeshtë dhe bëhej vetëm për të shpërngulur klientelën e lokave të Bllokut tek ambientet e "Taiwan". Ata protestuan kundër këtij vendimi të Ramës, por askush nuk e dëgjoi zërin e tyre. Shumë lokale shkuan drejt falimentimit, pasi në orët më të preferuara për të rinjtë, Blloku ishte i mbyllur për ata që kalonin me automjete në këto rrugica. Vetëm naivët mund të besojnë se edhe këtë vendim Rama e nxori pa pasur asnjë interes. Kryebashkiaku i Tiranës është një nga njerëzit kryesorë që e ka të lidhur vendimmarrjen e institucionit që ai drejton me interesat e tij personale. Rasti i "Taiwan" është një dëshmi e padiskutueshme e kësaj filozofie prej të korruptuari të Edi Ramës.


----------------------------------------------------------------









mir e ka RD-ja qe ashtu eshte.. lulishte e bukur eshte ajo tek taivani.. por pse Rd e PD-se qe e paska ditur qe kjo paska qene lulishte e bukur e la ne koh te vet te behet Mega-nevojtore ose Big-Hale shqip..lol.


Perdit kalonte aty me Benx berish Mjeku ..qe do te thot njeri qe kupton rendesin e Oksigjenit per Njeriun.. e Meks arkitekt inxhinieri qe do thot Njeri qe kupton cfar eshte estetika.. a nuk u ra ne sy se aty po shk...erdhatohej qendra e Tiranes..

Ja cdo te thot kur nuk je konseguent ne politike..... te bie ne tok fjala e sta ha as qeni kallajxhiut..

Jan ata sharlatane qe e lan Tiranen ta shker..dhej Sali Kelmend Brojka dje .. pa ben qejf sot Edvin Enver Hoxh Nano ruco Finua..me bandat mafioze te Tepelen Terbacit qe e kan fut ne xhep Tiranen sot per pes kacidhe..



..qashtu..