Festivali 2004

[Qerim]

Kenga me e mire e 10 viteve te fundit ne Shqiperi.

Duhet te shkoje patjeter ne Eurovision.

[Qerim]

Sipas shortit për pjesëmarrjen në Festivalin Evropian, Shqipëria do të jetë e teta në natën finale. Eshtë realizuar videoklipi, kënga është përkthyer dhe riorkestruar

Teta, një numër shansi për Ledina Çelon

Alma Mile

Të shpresojmë që numri tetë, të jetë po aq me fat për Ledina Çelon, sa edhe 13-ta për Anjeza Shahinin, një vit më parë. Në datën 20 mars, në Kiev të Ukrainës është zhvilluar takimi mes kryetarëve të delegacioneve të vendeve pjesëmarrëse në Festivalin Evropian 2005, ku është diskutuar për edicionin e këtij viti. Me këtë rast është hedhur edhe shorti për radhën e interpretimit në netët e festivalit. Sipas kryetarit të delegacionit shqiptar, Gëzim Podgorica, kënga shqiptare do të jetë e teta në natën finale. “Arsyeja e këtij takimi nuk ishte vetëm shorti, por edhe paraqitja e të gjitha materialeve, duke përfshirë muzikën e masterizuar, edhe videoklipin”, - thotë Podgorica, sipas të cilit, kriteret e konkurrimit janë po ato të një viti më parë. Edhe votimi do të jetë po ai, përmes televotimit. Sipas Podgoricës, këtë vit do të marrin pjesë më shumë vende. Konkurrojnë 39 shtete, mes të cilëve Bullgaria, Moldavia dhe Hungaria, vijnë për herë të parë. “Gjatë këtyre ditëve kemi kryer takime me përfaqësues të shteteve të tjera dhe u shfaq interesi i dyanshëm për promovimin e këngëve pjesëmarrëse, duke krijuar një lloj “lobingu” mbështetjeje. Përveç vendeve të rajonit, diskutuam edhe me përfaqësues të vendeve të tilla si Bjellorusia, Letonia, Malta e Qiproja, për promovimin e këngëve. Pavarësisht se janë vende të vogla, ato kanë të njëjtën sasi pikësh në votim”. Podgorica shton faktin që Çelo do të jetë e pranishme në disa koncerte që do të zhvillohen në Bjellorusi e Letoni. Përsa i përket këngës “Nesër shkoj”, fituesja e Festivalit të 43-të të Këngës në RTSh, tashmë kanë përfunduar të gjitha përgatitjet. Teksti i këngës së Pandi Laços është përkthyer në gjuhën angleze, është riorkestruar nga kompozitorët Adrian Hila dhe Shpëtim Saraçi, duke bërë më të dallueshme instrumentet popullorë shqiptarë, si daullja, apo çiftelia. Gjithashtu është realizuar edhe videoklipi, përshtatur me fabulën e këngës. Ledina Çelo është e veshur me të bardha, në sfond atmosferë dasme, balerinët që kërcejnë i bien violinave dhe daulles. Por nuk mungon edhe dhëndri që kërcen me nusen, që në këtë rast është Fatjon Pustina. Videoklipi është realizuar në Maqedoni. “Tashmë gjithçka është gati, ndihemi më të përgatitur dhe më të sigurtë, aq më tepër që ende ruhej jehona e këngës së kënduar nga Anjeza Shahini një vit më parë”, - thotë Podgorica. Çelo do të shoqërohet nga një performancë baleti, me koreografi të Arian Sukniqit, interpretuar nga pesë balerinë të Akademisë së Dancit.
Festivali Evropian këtë vit do të zhvillohet në 21 maj në Kiev të Ukrainës, nga doli dhe fituesja e edicionit të kaluar, Rusllana, me këngën “Wild dance”. Për Shqipërinë kjo është pjesëmarrja e dytë. Kënga shqiptare u përfaqësua në 2004 nga Anjeza Shahini me “Imazhi yt”, kompozim i Edmond Zhulalit. Në bazë të televotimeve, Shahini u rendit në vendin e gjashtë. Kjo renditje i dha të drejtën këngës shqiptare që këtë vit të hyjë drejtpërdrejt në finale.

24/03/2005
KATEGORIA: Kulture


Festivali Evropian, këtë vit 50 vjeç

Shekulli

Kënga fituese e edicionit të sivjetshëm të Festivalit Evropian të këngës, do të kujtohet gjatë, sepse ky vit shënon jubileun e aktivitetit. Sipas Gëzim Podgoricës, në takimin e zhvilluar në Kiev, u diskutua edhe mbi organizimin e një koncerti të madh, që do të zhvillohet në Danimarkë, në muajin tetor me rastin e 50- vjetorit të Festivalit Evropian. Do të marrin pjesë këngët më të votuara në vite, përmes internetit. “Edhe këngët tona do të konkurrojnë në internet. Mundet që një syresh të marrë pjesë në këtë koncert. Ne po këmbëngulim që kënga shqiptare të prezantohet në të gjitha aktivitetet e mëdha ndërkombëtare”, - tha Podgorica.

24/03/2005
KATEGORIA: Kulture

[BvizioN]

Duhet te shkoje patjeter ne Eurovision.

DUHEJ te shkonte,per arsye se tani eshte teper vone."Hena dhe yjet dashurojne" eshte kenga me e pelqyer per mua por nuk jam teper i sigurte nese do bente me shume PERSHTYPJE sesa kenga e Ledines ne ESC 2005!

[BvizioN]

Qerim,faleminderit per njoftimin.
A din ndonje link nga mund te degjojme Kengen e Ledines te ripunuar ne gjuhe Anglishte??

[Qerim]

DUHEJ te shkonte,per arsye se tani eshte teper vone."Hena dhe yjet dashurojne" eshte kenga me e pelqyer per mua por nuk jam teper i sigurte nese do bente me shume PERSHTYPJE sesa kenga e Ledines ne ESC 2005!

Po, eshte e vertete se ben me shume Pershtypje, por me sa kam pare une neper internet, te gjithe ata qe kane shkruajtur ,ju pelqen me shume kenga e "Hena dhe Yjet".

[Leila]

Po mos e kishte shkruajtur Agim Doci kengen e Anjeza Shahinit, si do i vinte puna kesaj? Ja te themi qe ato fjale i ka shkrojtur dikush tjeter, psh. Do e lavderonte me kaq zell Anjezen Brari?

[Qerim]

Faqja 22 - KULTURE


Mars 25, 105

Hila: Gjithë detajet e përgatitjes për Eurovizion

Ledina, në studion ku ka regjistruar Whitney Houston


Admirina Peçi


Nesër shkoj", kënga me të cilën Shqipëria shkon në Eurovizion më 23 maj, është krejt gati. Kompozitori Adrian Hila rrëfen shumë të fshehta të përgatitjes së kësaj kënge. Tashmë "Nesër shkoj" është në versionin anglisht dhe është regjistruar në një studio të famshme në Itali, ku ka regjistruar edhe Whitney Houston. Kompozitori thotë se është realizuar një riorkestrim i saj në një bashkëpunim mes tij dhe Shpëtim Saraçit, duke kërkuar suksesin në bashkimin e aftësive e duke i lënë mënjanë konkurrencat profesionale. "Në fakt, Shpëtimi është lodhur më shumë sesa unë, sepse ka regjistruar dhe ka ripunuar me orë të tëra të gjithë instrumentet live, çiftelitë, harqet, instrumentet frymore popullore, kitarat, kitarën bas, daulle, dajre…"
Dhe erdhi momenti i regjistrimit…thuhet se e keni regjistruar në një studio të famshme…
Është regjistruar në një nga studiot më në zë në Itali. Është studioja ku ka regjistruar Whitney Houston dhe David Fosters (kompozitori i kolonës zanore të filmit "Truproja" me Whitney Houston dhe Kevin Kostner). Më tej kënga u masterizua në një tjetër studio të famshme në Itali. Duke pasur një orkestracion shqip dhe një realizim teknik në parametra shumë të mirë, e ndiejmë veten shumë të kënaqur.

Kush e ka realizuar përkthimin e këngës në anglisht?
Tekstin e çuam për ta përkthyer në Amerikë dhe është përkthyer nga Sidorela Risto. Na ka ardhur në tre versione, në versionin e recituar, në versionin me diksion e recituar rrokje më rrokje dhe në versionin e kënduar nga Endru King. Më tej versioni në anglisht u regjistrua i kënduar nga Ledina në Itali.

Po ashtu është realizuar edhe videoklipi. Çfarë paraqet?
Videoklipi, i cili është transmetuar vetëm një herë në Televizionin Shqiptar, është realizuar në Maqedoni. Kur të nisë fushata promocionale e vajtjes së Shqipërisë në Festivalin Evropian, atëherë do të fillojë sërish transmetimi i tij. Videoklipi paraqet një dasmë shqiptare, ku Ledina është e veshur edhe si nuse, por edhe me veshje popullore të krahinave Dibër, Pogradec dhe Korçë.

Kënga me gjithë komponentët e saj u dorëzua në EBU, dhe tani Shqipëria, pas hedhjes së shortit, është e teta në vijën e garës, apo jo?
Po, materialet janë dorëzuar kundrejt rregullave të EBU-së në Kiev. Kënga është dorëzuar më datë 21 mars, në audio dhe video, në versionin anglisht dhe në versionin shqip, dhe radha e interpretimit natën finale më 23 maj është e teta.

Në cilin version do të këndohet kënga në Eurovizion?
Kënga do të këndohet në versionin anglisht. Më pëlqen ai version. Edhe anglisht tingëllon goxha bukur.

Do të veçonit ndonjërin nga konkurruesit më të fortë të këtij viti?
Ka konkurrencë shumë të fortë. Ka shumë emra të nivelit botëror që këndojnë këtë vit. Një pjesë të madhe të këngëve i kemi dëgjuar dhe janë këngë shumë të bukura. Por Greqinë do të veçoja. Është këngëtarja e grupit "Antik", një nga këngëtaret më në zë në Greqi, që ka bërë histori në muzikën moderne greke. Më ka pëlqyer shumë kënga e saj.

Dhe së fundmi, sa pretendoni në këtë konkurrim evropian?
Nuk më intereson pozicionimi. Dua vetëm të mos dalim nga dhjetëshja, në mënyrë që artisti që do të ketë fatin të shkojë vitin tjetër, të hyjë direkt në finale.


Ledina Çelo, më e komentuara në internet

Në Kiev, kënga shqiptare dhe këngëtarja Ledina Çelo janë në qendër të komenteve. Sipas informacioneve që japin anëtarët e grupit të punës që ka dorëzuar materialet në kryeqytetin e Ukrainës të hënën më 21 mars, interesimi është i madh. Ndërsa në faqet e internetit, ku kanë nisur prej kohësh komentet për pjesëmarrësit e sivjetshëm të Eurovizionit, Ledina Çelo është një ndër artistët konkurrues më të komentuar. "Kjo gjë na bën të ndihemi shumë mirë dhe njëkohësisht shumë të emocionuar", thonë organizatorët shqiptarë në RTSH. Më tej ata japin informacione për disa sondazhe që po realizohen në shtetet fqinje, ku Ledina radhitet në pozicione shumë të mira.


Kënga në anglisht

Please, don't get sad,
You had dreamt
A white veil,
Mother bless me
I don't cry,,
Tomorrow I will leave,
It is the last night..

Do you recall,
How much you had imagined
The white gown,
And I have the fate
Like any other girl,
I know I will miss,
Those sweet words...

Maybe I'll cry,
Because
you'll be missing me,
Missing me!
Eh ri-ti-da, eh ri-ti-da,
Let a drum roll,
Eh ri-ti-da, eh ri-ti-da,
May all of the world tremble,
Let the song start,
Oh the wedding don't gotta stop.
Ti-ti-ta.
Eh ri-ti-da, eh ri-ti-da,
Let a drum roll,
Eh ri-ti-da, eh ri-ti-da,
May all of the world tremble,
Let the song start,
Oh the wedding don't gotta stop.
Ti-ti-ta-ti.
Tomorrow I will leave,
I will be out of this door
With the white star,
Greet me out mother
And begift me,
With the golden tear,
Those sweet words......
Maybe I'll cry,
Because
you'll be missing me,
Missing me!
Eh ri-ti-da, eh ri-ti-da,
Let a drum roll,
Eh ri-ti-da, eh ri-ti-da...

[BvizioN]

Qerim...eshte ky perkthimi i mesiprm i kenges versioni perfundimtar me te cilen do paraqitet kenga ne ESC 2005??
Per arsye se nuk mund ta imagjinoj dot se si mund te perputhet me muziken!! Normalisht kur ndryshohet versioni,teksti ose muzika,apo te dyja bashke ndryshojne pak por pa e humbur origjinalitetin ne pergjithesi!
Jam shume kurioz dhe mezi pres ta degjoj.