Një pyetje për ju

[marcus1]

Freethinker, unë i shoh me vënd pyetjet e tua. Unë nuk jam i mendimit se duhet te mos pyesim apo mos flasim kur shohim abuzime në kishë nën pretekstin se po gjykojmë kishën e Perëndisë.

Të sygjeroj të harxhosh pak kohë dhe të kesh pak durim të lexosh librin "Ortodoksia e Kishës" që ne kemi postuar në forum. Nëse ti do kesh aq durim saqë ta lexosh të gjithë librin dhe nëse përsëri do kesh pyetje, atëhere mund t'i shtrosh pyetjet e tua këtu. Besoj se ai libër jo vetëm që do i japë përgjigje shumë pyetjeve të tua, por edhe do të të ndihmojë t'i shohësh gjërat nga një këndvështrim tjetër më të pastër.

[freethinker]

E lexova postimin tuaj, ku ne kete liber flitet per ate qe eshte shkruar ne Zbulese.
Zbulesa eshte nje nga librat qe une e kam lexuar disa here. Aty duket qarte qe ne kohet e fundit, pra perpara se te kthehet Zoti dhe ti jape fund historise se mekatit, gjerat dhe situata si e kishes ashtu edhe e botes veshtiresohet dhe keqesohet. Gjithashtu shihet qe ne fund arrihet kulminacioni midis Zotit dhe djallit, si dhe se vertetes dhe asaj se remes. Tek Zbulesa 14:6-12 eshte nje thirrje qe ne te jemi besnik ndaj Zotit dhe te mbajme urdherimet e Tij. E verteta eshte qe ne jetojme ne nje "corbe, miks fesh dhe ideologjish" te cilat e bejne te veshtire qe ne te zgjedhim rrugen e drejte. Prandaj eshte me vend te diskutojme ne lidhje me doktrinen, apo jo?!

[marcus1]

I dashur Freethinker, në radhë të parë me lejo të të uroj mirëseardhjen në këtë forumin e besimtarëve të Krishter. Gjithashtu me lejo të të thërras edhe vëlla, gjë që më jep të drejtën të të quaj të tillë duke parë edhe shkrimet e tua. Kjo gjë vetëm do ketë një rëndesë ndaj teje, pasi kështu mund të të flas në njëjës. Ashtu se në një familje vëllezërit nuk i flasin në shumës njëri tjetrit, ashtu edhe ne që i përkasim familjes qiellore, nuk besoj se duhet t'i drejtohemi njeri tjetrit në shumës. Nuk e di se çfarë moshe ke, por ja imagjinoje pak t'i drejtoheshin besimtarët e thjeshtë Palit plak në shumës. Nuk ma merr mëndja se ndodhte diçka e tille.

Se u zgjata tani! Le të futemi ne temë. Unë nuk jam kundër diskutimeve të çdo lloji. Nuk e kam problem të nxjerr në pah gabimet doktrinore të njërës apo tjetrës kishë, për aq sa mendoj unë se kam të drejtë. Megjithatë, ti thua se je teolog dhe kam përshtypjen se ti i di përgjigjet e pyetjeve që bën. Nuk do ishte më mirë të hapje tema të caktuara që kanë lidhje me pyetjet e tua dhe të flasësh mbi to? Kështu edhe ne do merrnim pjesë në këto diskutime, secili duke shprehur mendimin e vet. Ose mund t'i bësh pyetjet dhe të jesh ti i pari që do japësh përgjigjet që ti mendon se janë të drejta.

Në lidhje me doktrinën, përsëri unë besoj se Doktrina nuk është një gjë, por një Person i gjallë. Doktrina është vetë Jezu Krishti. Do doja të flisja më gjatë mbi këtë pikë por mbase një herë tjetër. Ti, çfarë mendimi ke mbi këtë çështje?

Ndërkohë përsëri insistoj që të lexosh librin që rekomandova më sipër deri në fund.

[Matrix]

E lexova postimin tuaj, ku ne kete liber flitet per ate qe eshte shkruar ne Zbulese.
Zbulesa eshte nje nga librat qe une e kam lexuar disa here.

Ne librin Ortodoksia e Kishes nuk flitet per Zbulesen, por autori niset nga zbulesa per te folur per historine e Kishes.


Kuptohet qe ka shume doktrina te ndryshme qe me teper e bejen konfuz nje te krishtere se sa e sqarojne. Problemi nuk eshte te gjejme se cila eshte doktrina e sakte ndermjet qindra te tjerave. Problemi eshte vete te mundohesh te njohesh te verteten nepermjet doktrines.

Njeriu, pas renies, filloi te krijoje sisteme doktrinore, fetare, morale, teknika, ligje, rregulla te pafundme, derisa e pa te veten te roberuar, te mbyllur ne nje labirinth pa asnje shprese.

Ne kete moment vjen Krishti dhe i ben thirrje njerezve qe ta ndjekin, ta pranojne, dhe te hane prej Tij. Ai tha se Una jam Rruga, E Verteta dhe Jeta.Pra, keto gjera qe njeriu donte t'i arrinte nepermjet sistemeve, Krishti tha se mund t'ua jap vetem Une, dhe askush, apo asgje tjeter.

Pas shume kohe, te krishteret filluan te bejne te njejtin gabim qe bene njerezit para tyre. Ata filluan te ngrejne sisteme fetare, doktrinore, morale te krishtera.Pra ata ngriten nje mini-sistem te krishtere (qe ne fakt ishte pjese e sistemit boteror te rene). Ti vete e the se sot ka nje mishmash kishash, doktrinash e rregullash.

Kuptohet qe kohe pas kohe, kane dale e do te dalin njerez qe bejne thirrje per t'u shkeputur nga menyra e rene e te menduarit, dhe per t'u kthyer ne thjeshtesine e Krishtit. Keta njerez jane injoruar ne rastin me te mire, dhe persekutuar ne rastin jo fort te keq.

Ndersa ne rastin me te keq, pasuesit e tyre, pas disa kohesh kane ngritur serisht sisteme fetare, duke e braktisur thjeshtesine e Krishtit.

[freethinker]

Faleminderit per mireseardhjen!
Ndoshta do ishte me vend nje prezantim i shkurter i vetes time. Me quajne Trifjol dhe jam 24 vjec. Studioj teologji ne Kroaci ne nje fakultet te Kishes Adventiste. Nuk jam i sigurt ne qofte se dikush nga 'kisha ime' ka marre pjese ne kete forum, megjithate mua nuk me pelqen te identifikohem si anetar i nje 'kishe' apo institucioni, por si nje vella ne Krisht!

Mund te hapja nje teme tjeter, por per momentin mund te vazhdojme me temen prezente.

Persa i perket doktrines, historia ka treguar se ka qene e veshtire te ruash ortodoksine e fjales. Megjithate kur bie fjala per shpetimin tone, nuk eshte doktrina ne kuptimin e rendomte te fjales, por marredhenia jone me Krishtin, ajo cfare na shpeton. Kur te shkojme ne qiell, pyetja nuk do te jete: a e njeh doktrinen e sakte, por a e njeh Krishtin. Ne kuptimin Biblik, "te njohesh" nuk nenkuptohet njohuri kognutive, por "te njohesh" do te thote te kesh marredhenie me dike!
Pra ne ceshtje shpetimi doktrina eshte nje person! Megjithate kjo nuk justifikon papajtueshmerine qe ekziston ne rrethin teologjik. Une jam i mendimit qe ne kohen e sotshme, dhe me njohurine e zgjeruar qe kemi rreth arkeologjise, gjuheve dhe shkrimeve antike, eshte e mundur te gjejme ne menyre progresive, te verteten (e kam llafin per doktrinen). Zoti do qe ne te perdorim intelektin aty ku mundemi!
Ne te njejten kohe mendoj se ne mund te jemi te ndryshem nga njeri-tjetri por te bashkuar ne Krishtin. Le te marr nje shembull: kohet e fundit eshte bere nje diskutim ne lidhje me muziken e krishtere. Disa shkuan aq larg sa te deklarojne qe cdo lloj muzike rock vjen nga Djalli. Megjithate Bibla nuk jep nje pergjigje te sakte ne lidhje me kete ceshtje, por thjesht principe per te perzgjedhur llojin e muzikes.
Pra me pak fjale: ne gjera te vogla dhe te parendesishme mund te jemi te ndryshem, por ne doktrina te cilat ndikojne perceptimin tone ndaj karakterit te Zotit dhe rrjedhimisht marredhenien tone me te, duhet te perpiqemi te gjejme dhe te ndjekim te verteten.
E cila me nxjerr ne nje pyetje tjeter: Si do te jete kisha e Zotit ne kohet e fundit? Nje 'lemsh' apo 'nje trup'?

[Matrix]

shih me poshte...............

[Matrix]

Megjithate kjo nuk justifikon papajtueshmerine qe ekziston ne rrethin teologjik. Une jam i mendimit qe ne kohen e sotshme, dhe me njohurine e zgjeruar qe kemi rreth arkeologjise, gjuheve dhe shkrimeve antike, eshte e mundur te gjejme ne menyre progresive, te verteten (e kam llafin per doktrinen). Zoti do qe ne te perdorim intelektin aty ku mundemi!...

Si do te jete kisha e Zotit ne kohet e fundit? Nje 'lemsh' apo 'nje trup'?

I dashur vella.
Te falenderoj per prezantimin tend publik. Me vjen shume mire qe ti ketu prezantohesh si nje vella i thjeshte ne Krisht.

Ne rast se shohim ne gjithe Veprat e Apostujve, fjala "Vella" ze vendin kryesor. Vetem tre lloj personash shihen ne veprim ne veprat e apostuve:

Vellezerit(dhe motrat)
Apostujt
Kisha

Kuptohet qe Ai qe i vinte ne levizje keta ishte Fryma, dhe jo njohuria teologjike. Ata kishin vetem nje besim:
Krishti eshte Zoti yne, dhe Ai jeton brenda nesh, nepermjet Frymes se Tij. Ne kemi vdekur bashke me Te, dhe tani eshte Ai qe jeton nder ne.


Besoj se mjafton te lexosh librin e Veprave duke hequr "syzet teologjike", per te pare te verteten. Nuk ka nevoje te kesh njohuri arkeologjike, gjuhesore apo cfaredo lloj tjeter njohurie. Mjafton zemer te paster per te kuptuar.
Mos harro se Ai ua shfaq misteret foshnjave dhe ua fsheh te diturve.

Ti ben nje pyetje shume interesante.
Si do te jete Kisha ne ditet e fundit, nje lemsh apo nje trup?
Une besoj se kjo varet nga ne. Nqs ne fokusohemi ne njohuri doktrinore, teologjike etj, Kisha do shnderrohet ne lemsh. Ne rast se fokusohemi tek Ai qe jeton brenda nesh, Kisha do jete e gjalle dhe plot jete, Trupi i lavdishem i Krishtit ne toke.

Ja le te marrim nje shembull.
Ti je nje i krishtere qe ben pjese ne kishen adventiste. Si i tille te kerkohet, qe pervec te pranuarit te gjakut te Qengjit, duhet te respektosh dhe diten e shtate.
Une jam nje i krishtere qe jam rritur ne Kishen Ortodokse. Si i tille, pervec gjakut te Qengjit, duhet te zbatoj dhe ligjet qe kjo kishe ka zhvilluar pergjate shekujve.
Dikush tjeter eshte katolik, Ai duhet te pranoje gjakun e Qengjit, po keshtu dhe doktrinat katolike.
Dikush ungjillor. Ai, pervec gjakut te Qengjit, duhet te kete parasysh interpretimet qe ben kisha e tij ndaj Bibles, etj...

Tani, nqs keta te krishtere kane paqe dhe dashuri te krishtere mes njeri-tjetrit, do te thote se ata shohin vetem gjakun e Qengjit, dhe jo pluset e tjera. Ne rast se ata, fillojne te diskutojne se kush nga ata ka te drejte, ata nuk e shohin gjakun e Qengjit.

Duhet te kemi parasysh dicka. Kisha nuk eshte bashkesia e denominacioneve te Krishtera qe ekzistojne sot ne bote. Kisha nuk mund te jete kurre nje organizate nder-denominacionale. Po ashtu, as nje denominacion i vetem i krishtere, i udhehequr nga njeriu, nuk mund te jete kishe, sepse ajo ka per koke kete lider, dhe jo Krishtin.


Tani i kthehemi pyetjes se si do jete Kisha ne kohet e fundit?


Une besoj se ne kohet e fundit Kisha do jete nje trup.
Por, gjithashtu, ne kohet e fundit do behen te dukshme dy lloj gjerash:

1-) Bashkimi i gjithe te krishtereve, te vulosur me gjakun e Qengjit. Keta do te jene Nusja e Krishtit.
2-) Bashkimi i gjithe feve dhe denominacioneve te botes, te vulosur me vulen e njeriut (666), te perkrahur nga Fuqia Politike boterore. Keta do te marrin nje lloj certifikate ligjore, ku te shenohet Feja e tyre: Besimi ne Zotin dhe moralin e perbashket njerezor!

Ata qe nuk do ta kene kete certifikate, nuk do u lejohet te bejne asnje lloj biznesi. Do te jene komplet te paligjshem. Kuptohet qe keta do jene ata qe do refuzojne te marrin vulen e njeriut.

Por Zoti do te nderhyje per t'i dhene fund kesaj feje. Vete shteti do te kthehet kunder kesaj organizate fetare dhe do ta nxjerre jashte ligjit, duke e turperuar para gjithe kombeve, per skandalet qe ajo paraqet.
Pasi fuqia politike ta kete gllaberuar organizaten nderkombetare, nder-fetare dhe nder-denominacionale, Zoti do te nderhyje per ta shkaterruar kete fuqi politike, dhe Ai do jete Mbret i Mbreterve dhe Zot i Zoterve.
Ai do te mbreteroje ne perjetesi bashke me Nusen e Tij, qe e bleu me Gjakun e Vet.

[freethinker]

ku do te qendroje ndryshimi midis "gjithe te krishtereve te vulosur me gjakun e Qengjit" dhe atyre te "vulosur me vulen e njeriut"? Cili eshte dallimi thelbesor?

[marcus1]

Faleminderit per mireseardhjen!
Ndoshta do ishte me vend nje prezantim i shkurter i vetes time. Me quajne Trifjol dhe jam 24 vjec. Studioj teologji ne Kroaci ne nje fakultet te Kishes Adventiste. Nuk jam i sigurt ne qofte se dikush nga 'kisha ime' ka marre pjese ne kete forum, megjithate mua nuk me pelqen te identifikohem si anetar i nje 'kishe' apo institucioni, por si nje vella ne Krisht!

I dashur vëlla i shenjte freethinker, (mendoj se është më mirë të përdorim pseudonimet) faleminderit për prezantimin tënd. Të uroj t'ja kalosh sa më mirë këtu midis nesh.

Do kisha dashur që kjo temë të ishte hapur 3 ditë më vonë, pasi gjatë këtyre tre ditëve jam shumë i zënë. Mendoja të filloja të përgjigjesha të hënën, por nuk munda ta mposht tundimin për t'u përgjigjur.

Persa i perket doktrines, historia ka treguar se ka qene e veshtire te ruash ortodoksine e fjales. Megjithate kur bie fjala per shpetimin tone, nuk eshte doktrina ne kuptimin e rendomte te fjales, por marredhenia jone me Krishtin, ajo cfare na shpeton. Kur te shkojme ne qiell, pyetja nuk do te jete: a e njeh doktrinen e sakte, por a e njeh Krishtin. Ne kuptimin Biblik, "te njohesh" nuk nenkuptohet njohuri kognutive, por "te njohesh" do te thote te kesh marredhenie me dike!

Deri këtu në esencë jam dakort me ty. Njohuria e Krishtit vjen vetëm si një mardhënje e ngushtë me të. Njohuritë e tjera janë njohuri për Krishtin dhe jo njohuri e Krishtit. Ne mund të lexojmë volume të tëra për një person në histori, por megjithatë ne nuk mund t'a njohim atë person përveç se njerëzit që jetonin afër tij në atë kohë. Ne nuk kemi mundësi të kthehemi në kohë në mënyrë që të jetojmë (të kemi mardhënje) me të, por ajo që ndodh me Krishtin në kundërshtim me çdo lloj besimi tjetër ( Muhamedin për myslimanizmin, Budën për Budizmin dhe akoma Jehovain për Hebrenjtë) është se Krishti jo vetëm se është i gjallë, por Ai banon në frymën tonë. Bukuria pra e besimit tonë është se ne nuk kemi nevojë të udhëtojmë në hapërsirë dhe kohë, në mënyrë që të njohim Zotin tonë të mrekullueshëm.

Pra ne ceshtje shpetimi doktrina eshte nje person! Megjithate kjo nuk justifikon papajtueshmerine qe ekziston ne rrethin teologjik. Une jam i mendimit qe ne kohen e sotshme, dhe me njohurine e zgjeruar qe kemi rreth arkeologjise, gjuheve dhe shkrimeve antike, eshte e mundur te gjejme ne menyre progresive, te verteten (e kam llafin per doktrinen). Zoti do qe ne te perdorim intelektin aty ku mundemi!

Ne te njejten kohe mendoj se ne mund te jemi te ndryshem nga njeri-tjetri por te bashkuar ne Krishtin. Le te marr nje shembull: kohet e fundit eshte bere nje diskutim ne lidhje me muziken e krishtere. Disa shkuan aq larg sa te deklarojne qe cdo lloj muzike rock vjen nga Djalli. Megjithate Bibla nuk jep nje pergjigje te sakte ne lidhje me kete ceshtje, por thjesht principe per te perzgjedhur llojin e muzikes.
Pra me pak fjale: ne gjera te vogla dhe te parendesishme mund te jemi te ndryshem, por ne doktrina te cilat ndikojne perceptimin tone ndaj karakterit te Zotit dhe rrjedhimisht marredhenien tone me te, duhet te perpiqemi te gjejme dhe te ndjekim te verteten.

I dashur vëlla, e kuptoj shumë mirë shqetësimin tënd. Uroj dhe shpresoj që të jetë një shqetësim i vënë nga vetë Ai në zemrën tënde. Problemi është aq i lashtë sa është edhe historia e njeriut mëkatar. Problemi filloi me ngrënjen e frutit nga pema e njohjes. Por në fakt ky problem mbaroi një herë dhe përgjithmonë kur Perëndia vuri Pemën e Jetës brënda nesh. Fatkeqësisht shumë të Krishterë sot vazhdojnë të ushqehen nga pema e njohjes, në vënd që të ushqehen nga Pema e Jetës, që është vetë Krishti. Ata të Krishterë që kanë mësuar apo mësojnë të ushqehen nga Pema e jetës, e kanë të zgjidhur këtë problem.

Çfarë dua të them me këto gjëra? Në kisha sot diskutohen shumë çështje morale dhe ato mundohen t'i zgjidhin këto çështje. P.sh. Kisha katolike flet për ndalimin e përdorimit të profilaktikëve, për paqen në botë, për mirëqënjen etj, kishat protestante nga ana tjetër diskutojnë çështje të tilla si puna e muzikës, seksit paramartesor, veshjes se grave në kishë, vendosjes së shamisë në kokë nga gratë si dhe shumë gjëra të tjera të tipit "duhet apo s'duhet". Të gjitha këto gjëra janë produkt i së ushqyherit nga pema e njohjes.

E kam thënë edhe herë të tjera dhe po e them edhe tani. Çështja e të Krishterit nuk është çështje njohurie intelektuale. Nëse do ishte e tillë, Pjetri i pari nuk do ishte bërë i Krishterë. Nëse do ishte e tillë, Krishtërimi do ishte vetëm për intelektualët. Nëse do ishte e tillë, drejtimi i kishës do ishte çështje vetëm e të shkolluarve. (fatkeqsisht kjo gjë sot ndodh në një masë të madhe) Por a do të thotë kjo se ne nuk duhet të përdorimi intelektin? Kurrsesi jo, por ky intelekt duhet të jetë nën drejtim të frymës, pra të jetë i thyer. (Për më shumë hollësi lexo librin "Clirimi i Frymës" nga W.Nee që gjëndet si kryetemë në forum.)

Në lidhje me muzikën pra dua të them se nëse të Krishterët do të ishin të zënë duke u ushqyer nga Pema e Jetës, nuk do kishin kohë të merreshin me çështje të tilla. Kur dikush ushqehet nga Pema e Jetës, ai zbulon se ky frut është shumë më i shijshëm se ai i pemës së njohjes. Dhe sa më shumë të ushqehesh nga Pema e Jetës, aq më pak ke dëshirë të marrësh nga pema e njohjes. Sa më shumë ushqehesh nga pema e Jetës, aq më shumë jetë do kesh dhe aq më shumë jetë do përcjellësh tek të tjerët. Sa më shumë të ushqehesh nga pema e njohjes, aq më pak jetë do kesh dhe aq më shumë vdekje do përcjellësh tek të tjerët.

Të krishterët sot ushqehen nga pema e njohjes, në mënyrë që të kenë sa më shumë njohuri dhe të mund t'i pëlqejnë Zotit sa më shumë me veprat e tyre "të mira". Por ata kanë harruar se njeriu nuk mund t'i pëlqejë KURRË Zotit me veprat e tij, sado të mira të duken ato në sytë tona. Nëse ne i pëlqejmë Perëndisë, kjo gjë ndodh pasi tek ne Ai sheh Birin e Tij të vetëm. Pra që nga çasti që ne kemi besuar ne jemi bërë të pastër, të shenjtë, të bukur në sytë e Tij, pamvarësisht nga veprat tona.

Nëse nuk kuptojmë ndryshimin midis njohurisë dhe jetës, do e kemi shumë të vështirë të triumfojmë si të Krishterë.

E cila me nxjerr ne nje pyetje tjeter: Si do te jete kisha e Zotit ne kohet e fundit? Nje 'lemsh' apo 'nje trup'?

Kësaj pyetje mendoj se nuk mund t'i përgjigjesh me nje ose dy fjali. Më parë duhet t'i përgjigjemi pyetjes se cila është Kisha dhe më pas mund të përgjigjemi se si do jetë kisha.

Mendoj se kisha e Zotit janë të gjithë të zgjedhurit e Tij, pra të gjithë ata që kanë besuar në Të, pamvarësisht nga institucioni fetar apo denominacioni që ata marrin pjesë. Të rilindurit, pra, ata që kanë jetën e Krishtit brëna tyre, janë Trupi i Tij, Nusja e Tij, Kisha e Tij. Kjo përsa i përket konceptit të përgjithshëm, apo se si Perëndia e sheh kishën e Tij. Nëse ne nuk biem dakort në këtë gjë, mendoj se nuk mund të vazhdojmë të diskutojmë më tej. Kjo është themeli nga ku mund të fillojmë diskutimin. Ka njerëz që thonë se vetëm personat e njërës apo tjetrës kishë janë besimtarë, por kështu ata bëhen sektarianë, pasi përçajnë trupin e Krishtit. Pra, unë besoj se kisha e Perëndisë është e përbërë nga besimtarë të vërtetë nga të gjitha kishat; Katolike, Ortodokse, Protestante dhe kisha të tjera të pavarura.

Por a është e mjaftueshme kjo gjë, kur ne shohim se shumë gjëra që ndodhin në kisha të ndryshme janë në kundërshtim me mësimet e biblës? A egziston një kishë ashtu siç egzistone në shekullin e parë, një kishë ku me të vërtetë besimtarët mësojnë të ushqhehen direkt nga Krishti, një kishë ku qëndër e saj bëhet Krishti?

Përsëri të kujtoj se një përgjigje të mirë do marrësh nëse lexon librin "Ortodoksia e Kishës". Ndërkohë nëse kjo pyetje të është vënë nga vetë Perëndia në zemër, besoj se një ditë, do t'a marrësh përgjigjen e saktë.

Pra, si do të jetë kisha në kohët e fundit? Një lëmsh apo një trup? Në radhë të parë dua të them se ne jemi në kohët e fundit dhe kohët e fundit kanë filluar që në epokën e Dhjatës së Re. Gjithashtu dua të them se me të vërtetë mund të duket në sytë e njerëzve se kisha është bërë një lëmsh, por duhet të mos harrojmë se kisha është një trup qiellor, kisha është qëllimi i përjetshëm i Perëndisë, dhe çdo gjë që Ai planifikon, do bëhet sipas planit të Tij. Nuk është në dorën tonë t'i prishim planet Atij, por është në dorën e Tij t'i sjellë gjërat ashtu si don Ai.

E vetmja gjë që më ngelet të them është se uroj që ne të jemi nga ata persona që Ai na ka përfshirë ne planin e Tij, në mënyrë që të përjetojmë kishën këtu në tokë ashtu si e ka planifikuar Ai, ashtu si e dëshiron Ai.

[Matrix]

ku do te qendroje ndryshimi midis "gjithe te krishtereve te vulosur me gjakun e Qengjit" dhe atyre te "vulosur me vulen e njeriut"? Cili eshte dallimi thelbesor?

Tani nuk mund ta perkufizoj qarte, por kur te vije ajo kohe, jam i sigurt se do ta dish. Jo sepse do te ta thote dikush nga jashte, por Dikush nga brenda.