A lejohet festimi i vitit te ri me peme .

[ORIONI]

Jeremiah 10:2-5
2 Kështu thotë Zoti: "Mos mësoni të ndiqni rrugën e kombeve dhe mos kini frikë nga shenjat e qiellit, sepse janë kombet që kanë frikë prej tyre.
3 Sepse zakonet e popujve janë kotësi: sepse është si dikush që pret një dru në pyll, puna e duarve të një punëtori me sëpatë.
4 E zbukurojnë me argjend dhe me ar, e fiksojnë me gozhda dhe çekiçë që të mos lëvizë nga vendi.5 Idhujt qëndrojnë drejt si një palmë dhe nuk mund të flasin; duhet t'i mbartësh, sepse nuk mund të ecin. Mos kini frikë prej tyre, sepse nuk mund të bëjnë asnjë të keqe dhe as që kanë mundësinë të bëjnë të mirë".

Kurse kete verset biblik po ta sqaroj une.

Viti i Ri është një festë pagane. Prejardhja e kësaj feste është nga Roma e lashtë pagane.Në Perandorinë Romake kjo festë kremtohej për nder të hyjnisë Jan, prej të cilit rrjedh emri i muajit të parë të vitit-Janari


Ish-diktatorët e kuq, për hir të kësaj feste, ngrinin dolli me venë e raki, jepnin intervista, mbanin fjalime, ku përmendnin me theksime “fitoret”, “arritjet”, “sukseset” në të gjitha fushat, në të gjitha frontet, nën flamurin e partisë… Hanin e pinin ish-diktarorët e kuq, ngrenin gotat me verë e raki, ndërsa populli s’kishte as bukë as ujë të mjaftueshëm! Ata hanin e pinin për partinë e lumturinë e popullit…! Kurse popullit të shkretë – veç shpirti i kishte mbetur…!

Deshti i Madhi Zot, diktaturat u shembën si kulla prej letre, por, megjithëkëtë, Viti i Ri po na vjen në çdo fund viti, e po pritet, po kremtohet e po çmendemi edhe më shumë pas tij.

Tani, gati në çdo shtëpi, për Vitin e Ri, vendoset bredhi i zbukuruar, i dekoruar me kujdes, me drita të vogla shumëngjyrëshe, dhe shtoji kësaj edhe dhuratat e shumta e të kushtueshme…

3 Sepse zakonet e popujve janë kotësi: sepse është si dikush që pret një dru në pyll, puna e duarve të një punëtori me sëpatë.
4 E zbukurojnë me argjend dhe me ar, e fiksojnë me gozhda dhe çekiçë që të mos lëvizë nga vendi.[Jeremiah 10:2-5}

Në vizitë na vjen edhe Baba Dimri me mjekër të bardhë e me kostum e kapuç të kuq, me thesin në shpinë me plot dhurata! Këto dhurata të Baba Dimrit janë ndihmë nga shoqata e organizata, …!

Te kombet e tjera, ky Baba Dimër quhet edhe Santa Claus, Saint Nicholas, Shën Martin, Pere Noël etj. E ndërron emrin, por jo qëllimin, dhe qëllimi nuk është për të ndihmuar, por është për të mashtruar!

Të gjitha këto risi, bidate, për Vitin e Ri, kanë prejardhje pagane, janë vepra shejtani! Ato nuk kanë lidhje me traditën tonë as fetare, as kombëtare…

Shqiptarët që besojnë një Zot, si dhe popujt e tjerë, nuk duhet të zhyten në errësirën pagane mashtruese, duhet të dalin në Dritën Hyjnore, e cila është shpëtuese…!

A nuk është hipokrizi për shqiptarët e krishterë, të cilët mburren e krenohen përpara botës se krishtenimin e kanë përqafuar para 2000 vjetësh, ndër të parët në Evropë, që nga koha e Shën-Palit, dhe për shqiptarët myslimanë që krenohen e mburren se i përkasin fesë islame, fesë më të përsosur, kurse në të vërtetë, shqiptarët – të krishterë e myslimanë, së bashku, kremtojnë Vitin e Ri pagan…!

Sepse në planetin tonë përdoren disa kalendarë, nga të cilët disa janë fetarë e disa kombëtarë, janë hënorë e diellorë…

Hebrenjtë, për shembull, kanë kalendarin e vet fetar e kombëtar. Vitin e ri hebrenjtë e kanë në muajin Tishria dhe në muajin shtator ata kanë hyrë në vitin 5761. Hebrenjtë nuk e kremtojnë Vitin e Ri pagan!

Myslimanët kanë kalendarin e vet, hënor, të Hixhretit ose të shpërnguljes, i cili fillon me shpërnguljen e Profetit Muhammed (a.s.), prej Mekës në Jethrib (që më vonë u quajt Medine-t ul-Nebih ose Qyteti i Pejgamberit). Viti i Ri tek myslimanët fillon me fillimin e muajit Muharrem, i cili është muaji i parë i vitit. Që më 6 prill 2000, myslimanët, që janë mbi një miliardë e gjysmë në botë, kanë hyrë në vitin 1421. Myslimanët nuk e kremtojnë Vitin e Ri pagan!


Persianët, kurdët e disa popuj të tjerë nuk e kremtojnë Vitin e Ri pagan, sepse kanë vitin e ri, Nevruzin, që vjen më 22 mars dhe përputhet me fillimin e pranverës, kur dita e nata janë të barabarta!

Kinezët, edhe popujt e tjerë të Lindjes, kanë kalendarin e vet, me kalendarin e tyre viti i ri fillon në muajin shkurt…

Në botë përdoren edhe kalendarë të tjerë, siç janë Kalendari julian dhe ai gregorian.. Kalendari julian e ka marrë emrin sipas Jul Cezarit, perandor romak, i cili e reformoi kalendarin e vjetër romak, me ndihmën e astronomit të Aleksandrisë, Sozingenit…

Ndërsa, Kalendari gregorian e ka marrë emrin sipas Papës së Romës, Gregorit të 13-të, i cili me vendimin “Inter Gravissimus”, më 25 shkurt 1582, bëri reformimin e Kalendarit julian. Këta kalendarë, që i përdor bota e krishterë, dallojnë prej njëri-tjetrit për 13 ditë! Të krishterët ortodoksë përdorin Kalendarin julian vetëm për shërbimet fetare. Viti i Ri sipas Kalendarit julian fillon më 13 janar…

[deshmuesi]

Kujt besimi i perket ti Orion, qe kerkon te mesosh te krishteret?
Po ta them pergjigjen vetem me nje varg nga bibla. Apostulli Pal ju thote te krishtereve:
Cdo gje qe te beni ta beni per lavdine e Perendise, dhe cdo gje qe behet pa besim eshte mekat. Tani cdo i Krishtere i cili ka Krishtin ne zemer, di te festoje di te beje gjithshka ne bese te Krishtit. Nese nje feste e cfardo lloi qofte ajo, ne qender te saj ka kundershtesen e Perendise, i Krishteri di te largohet dhe te mos e pranoje ate. Prandaj dhe Pali thote: CDO GJE QE TE BENI, BEJENI PER LAVDINE E PERENDISE. kush eshte i krishtere i vertete di te zbatoje fjalen e Perendise.

[ORIONI]

Deshmues dhe dicka jam i paqarte pse thuhet krishtlindjet ne shumes dhe jo krishtlindja ne njejes.

[Manulaki]

Deshmues dhe dicka jam i paqarte pse thuhet krishtlindjet ne shumes dhe jo krishtlindja ne njejes.

Kete pyetje ia kam bere edhe une vetes dhe e verteta eshte qe ka kisha ku perdoret fjala Krishtlindje, ndersa ne te tjera Krishtlindjet. Mendoj se eshte dicka shqiptare, gabim gramatikor, gabime ka plot ne perdorimin e Shqipes. Rendesi ka qe njerezit e dine perse behet fjale: Lindja e Krishtit.

[Manulaki]

Kurse kete verset biblik po ta sqaroj une.

Viti i Ri është një festë pagane. Prejardhja e kësaj feste është nga Roma e lashtë pagane.Në Perandorinë Romake kjo festë kremtohej për nder të hyjnisë Jan, prej të cilit rrjedh emri i muajit të parë të vitit-Janari


Hebrenjtë, për shembull, kanë kalendarin e vet fetar e kombëtar. Vitin e ri hebrenjtë e kanë në muajin Tishria dhe në muajin shtator ata kanë hyrë në vitin 5761. Hebrenjtë nuk e kremtojnë Vitin e Ri pagan!

Myslimanët nuk e kremtojnë Vitin e Ri pagan!

Viti i Ri sipas Kalendarit julian fillon më 13 janar…[/B]

Sic e ke thene ama, Viti i Ri, festohet, pavaresisht nga data qe eshte caktuar. Te diskutosh daten, eshte si te diskutosh pse ne Australi festohet 15 ore me perpara se sa ne Los Angeles.
Festimi i Vitit te Ri, si Feste, nuk eshte dicka pagane, eshte dicka qe cdo popull e ka festuar qe me ekzistimin e tij, kjo feste ka te beje me arritjet e vitit qe ka kaluar dhe me qellimet e vitit qe vjen, ka te beje me mirenjohjen qe i tregohet Perendise per besnikerine e Tij ndaj popullit te tij, ka te beje me perkushtimin qe ky popull i ripremton Perendise se Vet.
Pershendetje

[ari32]

Po ta them pergjigjen vetem me nje varg nga bibla. Apostulli Pal ju thote te krishtereve:
Cdo gje qe te beni ta beni per lavdine e Perendise, dhe cdo gje qe behet pa besim eshte mekat. Tani cdo i Krishtere i cili ka Krishtin ne zemer, di te festoje di te beje gjithshka ne bese te Krishtit. Nese nje feste e cfardo lloi qofte ajo, ne qender te saj ka kundershtesen e Perendise, i Krishteri di te largohet dhe te mos e pranoje ate. Prandaj dhe Pali thote: CDO GJE QE TE BENI, BEJENI PER LAVDINE E PERENDISE. kush eshte i krishtere i vertete di te zbatoje fjalen e Perendise.

Te me falni qe po dal nga tema por me duket se keto vargje nuk mund ti komentojme si te duam.
Nqs beje nje vrasje,dhe me mendjen time them se po e beje per nder te Perendise ,do te me justifikonte kjo gje te Perendia?
Dhe besoj se raste ka plot duke filluar me krqezatat ,dhe deri ne ditet e soteshme ku kleriket bekojne armet .

Sa per pemen e vitit te ri besoj se si ne te gjitha fete jane futur shume nga traditat e vendeve perkatese.Ketu ne Greqi para 30-35 vjetesh nuk stolisnin pemen por nje varke,ose anije te vogel,sigurisht dhe per ne shtepita vinin miniatura(se mos mendoni se vinin varka te verteta

[marcus1]

Te me falni qe po dal nga tema por me duket se keto vargje nuk mund ti komentojme si te duam.
Nqs beje nje vrasje,dhe me mendjen time them se po e beje per nder te Perendise ,do te me justifikonte kjo gje te Perendia?
Dhe besoj se raste ka plot duke filluar me krqezatat ,dhe deri ne ditet e soteshme ku kleriket bekojne armet .

Sa per pemen e vitit te ri besoj se si ne te gjitha fete jane futur shume nga traditat e vendeve perkatese.Ketu ne Greqi para 30-35 vjetesh nuk stolisnin pemen por nje varke,ose anije te vogel,sigurisht dhe per ne shtepita vinin miniatura(se mos mendoni se vinin varka te verteta

Ata që justifikojnë veprat e tyre brutale dhe dhunuese me vargje nga Bibla, nuk kane asnje lidhje me Krishtërimin. Ata mund të jenë fetarë, por jo të Krishterë.

Sa për temën në fjalë dua të them se Krishtërimi i vërtetë nuk është një grumbullim rregullash të cilat duhen zbatuar, dhe nëse dikush i zbaton, ai është dhe i Krishter. Nëse do ishte kështu, Krishtërimi do ishte një fe si gjithë fetë e tjera. Sot fatkeqsisht Krishtërimi modern është kthyer në një fe, arsye e cila bën shumë njerëz t'i largohen. Por, krishtërimi nuk është çështje rregullash, por çështje jete. Ose ke jetën, ose je i vdekur(frymërisht). Nëse dikush ka jetën hyjnore brënda tij, ai do jetojë këtë jetë, nëse nuk e ka por thjesht është fetar, e vetmja gjë që do bëjë është të mundohet të imitojë këtë jetë, por ky person është po aq i vdekur (frymërisht) sa edhe një ateist.

Kështu pra të krishterëve të vërtetë nuk u intereson aspak çështja e pemës. Disa mund t'a stolisin disa jo. Unë p.sh. që jetoj në Greqi i festoj pashkët tani bashkë me ortodoksët. Nëse do jetoja në Itali, do t'i festoja me katolikët, nëse do jetoja në ndonjë vënd musliman, nuk do t'i festoja fare. Pra, siç e kupton, pema, Krishtilindjet, Pashkët apo çdo lloj feste fetare nuk kanë rëndësi për mua. Ato janë rite të cilat nuk janë të domosdoshme në Krishtërim, madje bëhen të dëmshme nëse i jepet më rëndësi se sa duhet.

[ari32]

Sa për temën në fjalë dua të them se Krishtërimi i vërtetë nuk është një grumbullim rregullash të cilat duhen zbatuar, dhe nëse dikush i zbaton, ai është dhe i Krishter.
Kështu pra të krishterëve të vërtetë nuk u intereson aspak çështja e pemës. Disa mund t'a stolisin disa jo. Unë p.sh. që jetoj në Greqi i festoj pashkët tani bashkë me ortodoksët. Nëse do jetoja në Itali, do t'i festoja me katolikët, nëse do jetoja në ndonjë vënd musliman, nuk do t'i festoja fare. Pra, siç e kupton, pema, Krishtilindjet, Pashkët apo çdo lloj feste fetare nuk kanë rëndësi për mua. Ato janë rite të cilat nuk janë të domosdoshme në Krishtërim, madje bëhen të dëmshme nëse i jepet më rëndësi se sa duhet.

Duhet apo nuk duhet qe te zbatojme ato qe thuhen ne Bibel?
Se fund te fundit ato jane rregulla,qe jane dhene,qe njerezit ti zbatojne.
Dhe per fat te keq ato nuk zbatohen se po te zbatoheshin,nuk do te kishte luftra nuk do te kishte urrejtje,dhe nuk do te kishte vuajtje.

A duhet ngatruar fjala e Perendis me traditat njerzore?
Sic eshte pema e vitit te ri dhe shume gjera qe jane futur ne festat fetare.
Meqe jeton ketu ne Gr e ke parasysh se nga te gjithe ditet e vitit 90% jane feta.
thua gjenden ne Bibel keto feta?

[marcus1]

Duhet apo nuk duhet qe te zbatojme ato qe thuhen ne Bibel?
Se fund te fundit ato jane rregulla,qe jane dhene,qe njerezit ti zbatojne.
Dhe per fat te keq ato nuk zbatohen se po te zbatoheshin,nuk do te kishte luftra nuk do te kishte urrejtje,dhe nuk do te kishte vuajtje.

A duhet ngatruar fjala e Perendis me traditat njerzore?
Sic eshte pema e vitit te ri dhe shume gjera qe jane futur ne festat fetare.
Meqe jeton ketu ne Gr e ke parasysh se nga te gjithe ditet e vitit 90% jane feta.
thua gjenden ne Bibel keto feta?

Ari, mos ngatërro gjërat që thuhen në Bibël me ato që bëjnë njerëzit. Nëse ti pret se të vetëquajturit të krishterë do bëjnë ato që thotë bibla e ke gabim, pasi fakti që ata e quajnë veten të krishterë nuk do të thotë se janë me të vërtetë të tillë. Ti jeton në Greqi dhe e di shumë mirë këtë gjë. Pra, mendoj se nuk duhet të kemi iluzione se të "krishterët" do zgjohen një ditë të bukur dhe do kujtohen se çfarë thotë bibla dhe kështu do pushojnë luftërat, urrejtja apo vuajtjet.

Sa për ato që thotë bibla, duhet të dish se ato fjalë u dërgohen vetëm atyre që kanë Jetën e vërtetë brënda tyre. Vetëm ata mund të bëjnë ato gjëra që thotë bibla, pasi siç e kam thënë vetëm ata që kanë jetë mund të jetojnë. Dhe këta persona janë që meritojnë emrin e vërtetë të Krishterë.

Unë e kuptoj reagimin tënd, pasi çuditesh me hipokrizinë e fetarëve të cilët nga njëra anë pretendojnë se janë të krishterët e vërtetë dhe nga ana tjetër kanë shpikur tradita të ndryshme që nuk kanë të bëjnë aspak me besimin e krishter. Që të kthehemi tek pema, festimi i krishtlindjeve apo i pashkëve, unë këto rite fetare nuk i lidh aspak me besimin tim, thjesht i festoj sepse i festojnë edhe të tjerët. Dhe me të thënë të drejtën me bëhet edhe qefi që këtu në Greqi i festojnë pasi do marr "to dhoro tou paska" dhe do kem pushim 4 ditë.

Pra, festimi apo jo i këtyre festave, stolimi apo jo i pemës nuk ka të bëjë aspak me besimin tim.

[Matrix]

Nëse dikush ka jetën hyjnore brënda tij, ai do jetojë këtë jetë, nëse nuk e ka por thjesht është fetar, e vetmja gjë që do bëjë është të mundohet të imitojë këtë jetë, por ky person është po aq i vdekur (frymërisht) sa edhe një ateist.

Jam shume dakord me kete. Une do thoja se ai qe ka Jeten dhe sikur t'i kerkosh te mos i zbatoje ato qe thote Bibla, ai do i zbatoje, dhe sikur te mos i kete lexuar kurre. Madje dhe mund te mos e dije fare qe ato ekzistojne te shkruara ne nje liber qe quhet Bibel.

Eshte e vertete se pas shume shekujsh imitimi, njerezit jane lodhur se imituari. Imoraliteti dhe brutaliteti dhe ndyresia e sotme jane shenjat e kesaj lodhjeje.