Perkushtim per N...

[macia_blu]

mjaft te bukura... vecse nuk kuptoj dot kujt ia ke kushtuar keto poezi, te dashures dhe dashurise, apo shatervanit dhe "magjise"se shatervanit?
Shume te bukura, vecse perseritja e fjales shatervan gjate te gjitha poezive me habit.
Urime....

[Teli]

Po të mos ishte Shatërvani s'do të isha unë, s'do të ishte as dashuria
Macë Blu, ne jemi kalimtarë në këtë botë, Shatërvani është përjetësia

[Teli]

Sa më vjen inati, nuk u dha ne media gjithe ajo rëmujë
Gjatë natës në katër krojet e Shatërvanit nuk rrodhi asnjë pikë ujë
Gjatë gjithë natës kisha etje, kish etje shpirti të vetmuar e kishe lënë
Në ngricat e natës, në akuj me të ftohtin gjithë natën ish nxënë

I ftohtë dhjetori përreth Shatërvanit, i ftohtë mëngjesi zbardhi
E ftohtë kaloi nata, i ftohte para mëngjesit jam zgjuar
Të strukur në mëngjes e gjej shpirtin buzë rrjedhës së Lumbardhit
Me krah te thyer, me frymëmarrje të rëndë e të trishtuar

I buzëqesha ëmbël, dhe e parakalova pa i shkuar pas
I thash vuaj nga të ftohtit, dhe kujto a ishte veç një përjetim
E shikova vëngër dhe e lash le të mërdhihet i thash plas
Pse su veshe më trash kur u nise në shtegtim

[Teli]

I trishtuar iu dhash një ndjenje të brishtë
tek e vijëzoi nata terrshëm në mua një vragë
Ëndër ka qenë, ka qenë ëndërr e trishtë
në natën e hequr zvarë u rishfaq dhembja në plagë

Jeta tmershëm disa netë i mbulon me errësirë
Hëna jo rrallë s'ka fuqi e mbuluar nga retë e zeza kob
fantazmat ngriten peshë, në plagë pa mëshirë
sulmojnë e sulmojnë pasi e zënë gjakun rob

Ka dorë djalli vetë që e ushqen dobësinë
Nëpërë shpirtëra me djallëzin sa herë mundet udhëton
Ka qënë ëndërr e ftohtë që e aktivizoi zjarrminë
Frikë për shpirtin tim që në trupin tënd jeton

[Teli]

Është zbardhur nga bora sot qyteti, sa shumë më mungon...
Sa i shkretë është Shatërvani pa ty, sa e shkretë bardhësia
Sa e shkretë rrjedha e katër krojeve…uji fare nuk gurgullon…
Sa e trishtueshme sot më ka mbështjellur ftohtësia

[Teli]

I thash hënës mos shiko vëngër, pse ke zili
ç'je bërë pikë e pesë përmbi retë e dendura
E s'e sheh sa bukur, Shatërvani ka hijeshi
kur nga krojet rrjedhin dashuritë e çmendura

A s'e sheh sa lirshëm, dendësonhen dashuritë
në shetitoren e jetës, mbrëmbja tek bie
Lakmi ia kanë yjet, lakmi ia kanë galaksitë
tek mbushet hapësira me cicërima dashurie

Dhe dehen çmendurisht koha e hapësira
Kur bie nata në Shatërvan
Mos shiko vëngër oj hënë e mira
çmendu nëse do tjetër s'ke çka bën

[Teli]

Për pak caste ikëm nga jeta, i ikëm pritës
Jemi me vetveten duam ta harrojmë botën
Ikëm për pak çaste ta pimë helmin e mesditës
Ta pimë helmin e ta bëjmë cope e grime gotën

E harruam botën, e tretëm kohën në hapësirë
Hapësirën e shndërruam në topth dëbore
Besoni u veshëm me ndjenjën e mirë
E ikëm nga kjo botë me dashurinë për dore

Jemi vetem, jemi shkrirë në borë, në bardhësi
Tek e pimë helmin e dashurisë me një gëllënkë

[Teli]

Nëpër Damarë të gjakut shtegton
çdo qelize i jep frymë e dashuri
çdo gjë përpara shemb... marshon
tejpërtej mishit, ashtit nëpër brendësi

Rebelohen rruzat e kuqe, rruzat e bardha rebelohen
formojnë murana mbrojtëse, pyesin çpo ngjet
Kush po na sulmon, bedenat po rënohen
Në Kala kush po ngre pushtet

Kaq forcërisht, nga vjen kjo shtrëngatë
habiten forcat mbrojtëse, tek bien pa jetë
Krismat bartnin kumtin në këtë natë
Është ajo...është ajo................ajo vetë


Në hyrje të kalas si emblemë e praruar
Me dritën e hënës, ndezet një shëndan
cep më cep të zemrës së pushtuar
E gjithpushtetshme u ngrite... Muranë

[Teli]

Nën shtatë palë rathë të jetës marrë frymë
Dhe s’hetoj fare pranin time në këtë jetë
Në mëngjesin e ri të këtij viti jam si një brymë
Që ka rënë mbi kuptimësinë e pavërtet

Nuk e di a jam a s’jam, sepse s’flet gjë gjendja fizike
Për shpirtin s’ka rrugë le të plas s’ka tjetër
Ti kapërceve skaj Shatërvanit, u ndale pak e ike
Duke e lënë pas rrjedhjen e plagës së vjetër

Vërtet s’e di a jam a s’jam fare sepse asgjë s’ka kuptim
As viti i ri, as i vjetri, as tjetri që do të vjen në rradhë
Hëna, dielli dhe yjet kanë pushuar të jenë ngushëllim
Mungesa jote në Shatërvan është çmimi më i madh…

Çmimi, të cilin e paguaj me mungesë të motivit për të qenë…

[Teli]

Nuk e di çka ndodhi në dimër me pranverën
dielli u çmend pa rënë në tokë shkriu borën
Nuk di cka ngjau, nuk e di çka po ndodhë me erën
Nuk di çka ngjau me akrepat që ma ndalën orën

U çmend dielli e çmend, u çmend, u çmend
nuk e la borën të shndërrohet në fluska fare
mes të qytetit Shatërvani kam mbetur pa mend
stina stinës... stina stinës i përgatit varre

Kur stinët nuk vijnë e shkojnë me rend
Në lëkurën time e përjetova... ngjan
Tërmet ndodh - se lë pa prekur asnjë vend
Tërmet në Shatërvan.................................

.................................................. .................
.................................................. .................
.................................................. .................
.................................................. .................

Kam ndezur qirinjë për shpirtin e mbytur në gërmadha

P.S.
Edhe varianti i parë i kësaj vjershe humbi ne gërmadhat e tërmetit. Kjo është ajo që ka shpëtuar...