Me ne fund "Leasing" edhe ne Shqiperi!

[ganoid]

Lizing, gati projektligji

Florian Papadhimitri

TIRANË-Përfundon drafti për projektligji “Për qiranë financiare Lizing” dhe me aplikimin e saj, specialistët shpresojnë për një rritje të Produktit të Brendshëm Bruto dhe të nivelit të punësimit. Draftin përfundimtar, që ka ardhur pas ridiskutimeve që janë kërkuar nga Këshilli Konsultativ i Biznesit e ka paraqitur ditën e djeshme ministri i Ekonomisë Anastas Angjeli, i cili bëri të ditur se kjo do të vijë në ndihmë të finanimeve afatgjata të cilat mungojnë në vendin tonë. “Ministria e Ekonomisë në bashkëpunim shumë të ngushtë me SEED dhe ekspertizën ligjore ka punuar me intensitet në ripunimin e ligjit duke marrë në konsideratë të gjitha vërejtjet e bëra si nga Këshilli i Biznesit, por edhe nga ministritë dhe institucionet e tjera”, -tha Angjeli duke shtuar se “sot kemi përpara draftin final, pas disa korrigjimeve të bëra me grupin ndërministerial dhe ekspertizën e SEED”. Lidhur me rëndësinë e kontratave “lesing”, ministri i Ekonomisë tha se “në kushtet aktuale të vendit tone, krahas zhvillimit të biznesit në tërësi dhe kontributit të sistemit bankar, vërehet një mungesë financimesh afatgjata dhe kjo në veçanti për SME-të, ku aksesi i tyre në bankë është i kufizuar, me interesa të larta dhe hua afatshkurtra”.
Leasing
Kontratat “lizing” mud të quhen si kontrata qiraje ku në përfundim të saj qiramarrësi mund të bëhet pronar i objektit që ka marrë me qira. Kështu, me anë të një “lizing”, një subjekt nuk e ka të nevojshme blerjen e objektit që dëshiron, pasi në vend të tij blerjen e bën shoqëria që aplikon “lizing” e cila ia jep me qira objektin kompanisë. Pas kësaj, në kontratën që nënshkruajnë subjektet përcaktohet afati i saj dhe me zbatimin e pikave të kontratës në fund të periudhës së qirasë, objekti i kalon në pronësi kompanisë që ka paguar qiranë. Në Serbi janë ngritur 6 shoqëri, të cilat qarkullojnë rreth 50 milionë euro në vit. Ndërkohë në Europë qarkullohen rreth 200 miliardë euro në vit me këtë mënyrë financimi. Në nivel botëror, industria globale e lizingut mbulon më shumë se një të katërtën e të gjithë financimit të blerjes së pajisjeve, me mbi 40 miliardë dollarë në vit.



19/10/2004

[Arieta]

Eshte mjaft e nevojshme dhe besoje se mund te funksionoje kjo metod ne Kosove.

Ku dihet sa objekte te pashfrytezuara jane si "varreza",kane mbete sidomos ne qytetin e Gjakoves.
Mariglenor\