Mblidhen rektorët e universiteteve ballkanike

[StormAngel]

B. Prifti

Dje është mbajtur konferenca e parë e rektorëve të Universiteteve të Ballkanit e promovuar nga ambasada italiane, Ministria e Arsimit dhe Shkencës së Shqipërisë dhe Konferenca e Rektorëve të Universiteteve të Shqipërisë. “Universitetet e Ballkanit përballë sifidës së Kartës së Bolonjës drejt Bashkimit Evropian” ka qenë tema qendrore e konferencës, gjatë së cilës janë mbajtur referate të ndryshme lidhur me këtë proces. Në praninë e 24 rektorëve dhe 14 përfaqësuesve nga 38 universitete nga Rumania, Bullgaria, Kroacia, Serbia Mali i Zi, Bosnja, Hercegovina, Shqipëria, Maqedonia e Greqia është diskutuar në parim lidhur me të mirat e procesit të Bolonjës për afrimin me universiteteve, shkëmbimin e përvojave, lëvizje e transferime të lira e kështu me radhë. Sipas rektorit të Universitetit të Tiranës, për universitetet tona është shumë i rëndësishëm zbatimi i autonomisë financiare, që mbetet vetëm në letër. “Sipas saj, shteti duhet të tatojë vetëm 10% të të ardhurave e pjesa tjetër t’i mbetet universitetit”,- tha Rrokaj, duke theksuar më tej se implementimi i Kartës së Bolonjës është një proces i pakthyeshëm. Sipas rektorit të Universitetit të Braca Harric në Beograd, Daniel Cujeticanin, arsimit i duhet kushtuar shumë vëmendje, padyshim edhe nga ana e qeverisë. Takimi u mbyll me nënshkrimin e dy dokumenteve. Një marrëveshje dypalëshe bashkëpunimi mes Konferencës së rektorëve italianë dhe atyre shqiptarë dhe deklaratës së Tiranës që duhet t’i paraprijë krijimit të një rrjeti mes universiteteve të Ballkanit. I pranishëm në konferencë ka qenë edhe ministri i Arsimit, Memushi, sipas të cilit autonomia është një proces që nuk fillon e mbaron në një ditë.

[Kryeplaku]

Nuk e di permbajtjen e gjithe Kartes se Bolonjes por di qe inkurajon edhe afrimitetin e dtudenteve nga vendet e bdryshme. Ky afrimitet duhet te behet i domosdoshem ne rastine Ballkanit ku urrejtja midis popujve ka sjellur pasoja shkatruese!

Kush ka lajme me teper reth Kartes se Bolonjes do ishte mire te na i sillte!

Faleminderit