Prania e Xhihadit Islamik ne Shqiperi

[shirokas]

Ne Artikullin e meposhtem shihet se terrorizmi islamik ka zene rrenje edhe ne Shqiperi.Cduhet te bejne qeveria partite sherbimet sekrete tona,shoqeria Shqiptare komunitet fetare ne menyre qe ne nje te ardheme jo shume te larget te mos gjendemi ne te ardhmen ne syrin e ciklonit,dhe te na mos na vihen epitete jo shume miredashese nga te tjeret??
shirokas


Donacionet ilegale janë pagesa për terroristët e fshehur në Ballkan.
Paratë e jemenasit, rroga për grupet islamike.Artan Hoxha

Paratë e sjella në mënyrë ilegale nga jemenasi Shafeeque Ismael Pateel dyshohet se përdoren për të financuar pagesat e disa anëtarëve të Xhihadit Islamik Egjiptian dhe disa organizatave të tjera terroriste të fshehura në Shqipëri dhe Ballkan nën petkun e fondacioneve të bamirësisë. Informacionet e siguruara nga rrjeti agjenturor i kanë bërë shërbimet inteligjente shqiptare dhe ato amerikane që të dyshojnë pikërisht në financimin e këtyre bërthamave të organizatave terroriste në rajonin e Ballkanit. Shqipëria është zgjedhur si vendi më i sigurt, nga ku jemenasi mund të sjellë shumat e mëdha të parave në gadishull, për shkak se në Bosnje dhe Kosovë hyrjet dhe daljet janë nën kontrollin e rreptë të forcave ushtarake që veprojnë nën komandën e OKB-së dhe NATO-s. Pikërisht ky dyshim i ka bërë strukturat e specializuara të Antiterrorit dhe SHISH-it t'i kalojnë në filtër të gjithë shtetasit e huaj me origjinë arabe që ndodhen në territorin shqiptar. Në Bosje, Kosovë, Shqipëri e Maqedoni mendohet se ka ende anëtarë të organizatave terroriste islamike, të fshehur në stafet e fondacioneve apo organizmave të ndryshëm fetarë. Sipas burimeve nga Antiterrori, në Ministrinë e Rendit, deri në vitin 2000 pagesat për rrjetin e organizatave terroriste islamike, që kanë lidhje me Al Kaedën në rajon, i ka sjellë në Shqipëri Mohameed Al Zavahiri, një nga personat më të kërkuar në botë.

I dyshuari
Strukturat policore të Antiterrorit dhe SHIK-ut kanë qenë në pritje të jemenasit Pateel gjatë mesit të dytë të muajit gusht, por Pateel u ndalua nga policia italiane në Bari, në kohën që po përgatitej të nisej për në Shqipëri. Sipas burimeve nga sektori i Antiterrorit, thuhet se "një shtetas me origjinë arabe pagoi një shumë të madhe si garanci për lirimin e Pateel-it, i cili në të vërtetë tri ditë pas ndalimit u la sërish i lirë". Qysh nga ky çast, agjentët shqiptarë të Antiterrorit i kanë humbur gjurmët e tij. Gjithsesi, nëse Pateel kapet, akuza më e drejtpërdrejtë dhe e bazuar në legjislacionin shqiptar, për të do të jetë futja në mënyrë ilegale e shumave të mëdha në valutë dhe mosdeklarimi i destinacionit të tyre.

Pagesat
Zakonisht paratë e sjella në Shqipëri nga jemenasi mbulohen nën petkun e donacioneve për ndërtimin e objekteve fetare apo për bamirësi, por destinacioni i vërtetë është tjetër gjë. Për të fshehur gjurmët, zgjidhen zakonisht objekte që ndërtohen në zona të thella dhe të largëta të vendit, në mënyrë që të mos tërheqin vëmendjen e askujt. Burime në Komunitetin Musliman Shqiptar deklaruan se "çuditërisht në asnjë rast donacionet e ardhura nga jashtë, pavarësisht se kanë qenë në shuma të mëdha, nuk figurojnë të dokumentuara. Për disa xhami të ndërtuara në zona shumë periferike të vendit janë deklaruar donacione në vlera të mëdha. Por, pas përfundimit të punimeve, është parë se objektet e ndërtuara janë tepër modeste". Sipas të njëjtave burime, thuhet se shoqatat apo fondacionet islamike, që sjellin donacione nga jashtë, këmbëngulin që fondet të mos kalojnë nëpërmjet strukturave të Komunitetit Musliman Shqiptar, për të anashkaluar kështu transparencën dhe dokumentimin e tyre.


Ndihma u premtua gjatë një vizite zyrtare në Britaninë e Madhe

Donacionin nga Anglia e siguroi Sabri Koçi
Ideja për ndërtimin e xhamisë së Leskovikut është ngjizur para vitit 1997. Besimtarët muslimanë të Leskovikut i kanë drejtuar, në atë kohë, një letër kreut të Komunitetit Musliman në Shqipëri, Haxhi Hafiz Sabri Koçi, ku i kërkonin që të shihej mundësia e ndërtimit të një xhamie në këtë qytet, në mënyrë që besimtarët e kësaj zonë të kishin një objekt ku të kryenin ritet fetare. Komuniteti Musliman e miratoi kërkesën, por nuk kishte fonde në dispozicion për të ndërtur një xhami në Leskovik. Drita jeshile u çel gjatë një vizite të kreut të muslimanëve të Shqipërisë, Haxhi Sabri Koçi, në Angli para vitit 2000. Koçit gjatë kontakteve që pati me përfaqësuesit e Muslim Welfare Institute U.K. (Instituti Musliman i Asistencës Sociale, në Blekbwrn të Anglisë) iu premtua financimi i ndërtimit të kësaj xhamie në juglindje të vendit. a.h.


Objekti i ndërtuar nuk e përligj shumën e harxhuar

Misteri i parave në minaren e Leskovikut
Xhamia e Leskovikut ka filluar të ndërtohet tre vite më parë, në vitin 2001. Ndërtimi i këtij objekti është financuar nga "Muslimanët e Britanisë së Madhe". Punëtorët që kanë punuar në të kanë qenë shqiptarë, kryesisht nga Leskoviku, firma zbatuese ka qenë nga Përmeti, ndërsa supervizorët kanë qenë të huaj. Zyrtarisht deklarohet se supervizor i punimeve në këtë xhami ka qenë Muslim Welfare Institute U.K. (Instituti Musliman i Asistencës Sociale, me qendër në Blekbwrn të Britanisë së Madhe). Punimet në xhami nuk kanë shumë kohë që kanë përfunduar, madje pritet të bëhet rrethimi i jashtëm i saj me një mur simbolik, me gurë dekorativë që do ta nxirrnin më në pah këtë objekt. Xhamia e re e Leskovikut ndodhet në fund të shëtitores së vetme të qytetit, vetëm 20 metra larg nga rajoni i policisë së qytetit, në një shesh të vogël. Por minareja e bardhë e saj mund të dallohet qartë nga çdo kënd i qytetit. Banorë të vjetër të qytetit thonë se Leskoviku ka pasur xhami në të kaluarën, e cila ka qenë shumë më modeste dhe jo me përmasa të tilla. Xhamia e vjetër është prishur gjatë viteve 1967-1968, në të famshmen lëvizje rinore për shkatërrimin e objekteve fetare, si kisha, xhami, teqe e manastire. Burime nga Komuniteti Musliman Shqiptar kanë deklaruar se për ndërtimin i kësaj xhamie janë akorduar afro 300 mijë dollarë, gjë të cilën e konfirmuam dhe nga burime të Komunitetit Musliman në Leskovik. Por specialistë të ndërtimit dhe punëtorë vendës, që kanë marrë pjesë në ndërtimin e saj, të pyetur nga "Gazeta", deklaruan se kjo shifër ishte shumë e ekzagjeruar. Sipas tyre, ndërtimi i xhamisë nuk ka kushtuar më shumë 60 mijë dollarë, për shkak të fuqisë së lirë punëtore në Leskovik, kostos së ulët të materialeve të ndërtimit në këtë zonë dhe cilësisë jo shumë të lartë të punimeve. a.h.


Financimi për xhaminë u bë pa dokumenta

Nuk është gjetur asnjëlloj dokumentacioni që të provojë se çfarë është bërë me fondin për ndërtimin e xhamisë së Leskovikut, si janë menaxhuar paratë e dërguara nga Londra, dhe kush është paguar me këto donacione. Nga hetimi rezulton se paratë janë futur në Shqipëri ilegalisht, madje dhe rrogat e punëtorëve janë dhënë pa bordero apo faturë pagese. Gjithçka është bërë me para në dorë dhe pa mandate pagese. Duke qenë se donacioni ishte i dhuruar nga jashtë, autoriteteve të Komunitetit Musliman Shqiptar nuk iu dha asnjë e drejtë për të kontrolluar fondin e investimit dhe mënyrën sesi do të shpenzohej ai. Pikërisht për këtë fakt nuk ekziston dokumentacioni në lidhje me fondet e shpenzuara për ndërtimin e kësaj xhamie.


ps.marre nga GAZETA SHQIPTARE

[[xeni]]

Hahaha...

T'u dridhen kembet e?

Po lene ere shirokas se je edhe "i moshum"! Ç'jane keto prralla? Nje person qe nuk di kuptimin e fjaleve terrorizem dhe Islam (po ta dije nuk i perdorje keto fjale prane njera-tjetres) na u shqetesoka per problemet qe mund t'i shkaktoje ky fenomen vendit tone. Dhe burim frymezimi ka nje gazete "shume te pavarur" qe ne ndyshim nga ato "terroristat" qe permend ne artikull financohet me para jashtezakonisht te pastra dhe perpiqet te zgjidhe hallet e kombit.

[shirokas]

Hahaha... ]

nuk shoh asgja per te qeshe....shko qeshi tjera kuje...jo mu.....po siq duket ti je i mesume me fjalet terrorizem e xhihad....mire per ty...te lumte..vazhdo keshtu....

po si thone:..- qesh mire kush qesh i fundit

KISHE GJE PER TE THENE NDONJE GJE ME KONKRETE PER TEMEN mqs terrorizmi s'eshte nje gje e re per ne.
Desh hollen ne ere ambasaden Amerikane para ca vjetesh...me duket....Ka gje per te qeshur ketu.....????

[[xeni]]

qesh mire kush qesh i fundit

E sipas jush, kush do qeshe i fundit?

Une qesh me driteshkurtesine dhe me pozicionin komik qe marrin shqiptaret si ju, te cileve urejtja per Islamin ua ka bllokuar damaret qe çojne gjak ne tru.

Shqiperia ka problem prostitucionin, varferine ne pergjithesi dhe papunesine, korrupsionin, krimet etj. Shqiperia nuk ka pasur dhe nuk do kete asnjehere probleme nga ato qe ju mundoheni te paraqisni ketu. Perpjekjet per ta paraqitur Shqiperine si vend me probleme terrorizmi u interesojne ndoshta Grekeve, Serbeve etj. por shqiptareve. Aspak! Ne shumicen e rasteve vihet re mungese sinqeirteti dhe ndonjehere naivitet i perzire me injorance.

Ju harroni se ne jemi shqiptare dhe jemi ai komb qe ka ditur te rroje ne paqe pavaresisht nga fakti se ka pasur tre fe pak a shume te ndryshme prej njera-tjetres. Per me teper, kur ia kane ndaluar fare nuk e ka ça shume koken. Une thjesht e ndjek kete propagande qellimekeqe me nje buzeqeshje te hidhur ne buze. Buzeqesh sepse argumentet jane shume komike dhe kjo buzeqeshje eshte e hidhur sepse shoh se padashje, apo me dashje, imazhi i vendit tim, tashme i leckosur, merret neper kembe ne emer te patroitizmit. Kete e bejne ca gazetare dhe ju me siper.

[shirokas]

... shqiptaret si ju, te cileve urejtja per Islamin....

ku duket urrejtja ime per islamin.....me trego nje fjali te vetme ku une jam Shprehu kunder islamit???
Nqs nuk e gjen te lutem me kerko te falun...mqs nuk te kam fy as ty as fene islame.
Edhe dicka...mos me repliko me...e po e bere nuk te pergjigjem.
Merru me temen e mos i kap gjerat personale pse nuk i kam shpike une ato qe thote gazeta......ku ka tym ka edhe zjarr e nqs e ke mizen.....pune per ty.

PS.Mubarak ramadan miqve te mi.

[Dito]

Abuzim mbi fjalen Xhihad, ai qe ja di vertet kuptimin kesaj fraze sdo fliste.

[Qafir Arnaut]

Abuzim mbi fjalen Xhihad, ai qe ja di vertet kuptimin kesaj fraze sdo fliste.

Po une qe ja di vertet kuptimin e kesaj fjale [qe ne fakt ka 2 kuptime e jo 1 si thua ti] lejohem te flas?

[Kleitus]

Pse nuk diskutoni per temen po merreni me rrockelleqe jo filan fjal ka ket domethenie jo ka ate. Lajmi esht i qarte, merruni me lajmin.

[shirokas]

Pse nuk diskutoni per temen po merreni me rrockelleqe jo filan fjal ka ket domethenie jo ka ate. Lajmi esht i qarte, merruni me lajmin.

Sot ka lajme te tjera nga Gazeta Shqiptare te cilat mund te diskutohen mbi vertetesine e tyre apo jo.Me problemet qe kemi si Shqiperi se besoj qe eshte ne te miren tone te kthehemi ne nje province te njerezve te Bin Laden e co.
Sidokjofte prania e radikaleve islamik ne Shqiperi nuk duhet mohuar te pakten teorikisht per disa arsye:
1- Siguria neper pikat kufitare te kalimit eshte minimale dhe kjo favorizon hyrjen e lloj lloj produktesh (arme, droge, etj etj)
2- Ligji per sekuestimin e pasurive te terroristeve eshte shume i ri dhe zbatimi i tij kerkon institucione te fuqishme te ngritura ne parimet e demokracise dhe LIGJIT
3- Niveli i larte i korrupsionit dhe burokracise ne qeverine shqiptare minon edhe ato pak perpjekje qe jane bere per te kthyer Shqiperine ne nje shtet proaktiv dhe jo thjesht reagues ndaj fenomenit 'terrorizem'
Me poshte ka pjese nga gazeta Shqiptare

Kush është Mohameed Al Zavahiri "inxhinieri" i kërkuar nga CIA

Egjiptiani Mohammed Al Zavahiri, i njohur me nofkën "inxhinieri", është vëllai i udhëheqësit shpirtëror të Xhihadit Islamik Egjiptian, Ayman Al Zavahirit, i njohur me nofkën "doktori" dhe njëkohësisht krahu i djathtë i Bin Ladenit. Mohammed rezulton se ka hyrë në Shqipëri nga viti 1994 deri në vitin 2000, pavarësisht se emri i tij ka qenë ndër më të kërkuarit gjatë aksionit të përbashkët antiterror të shërbimit inteligjent amerikan (CIA) dhe SHIK-ut, në pranverën e vitit 1998. Mohammed dhe vëllai i tij Ayman i shpëtuan arrestimit gjatë atij aksioni dhe u larguan nga Shqipëria. Në prill të vitit 1999 gjykata ushtarake e Kajros, gjatë vendimit për katër anëtarët e celulës së Xhihadit Islamik Egjiptian të arrestuar Tiranë, i dënoi dy vëllezërit Zavahiri me vdekje në mungesë, si organizatorë të vrasjes së presidentit egjiptian Al Saddat. Mohammed është treguar mjaft i guximshëm, duke hyrë në Shqipëri edhe pas vitit 1998. Shërbimet inteligjente amerikane dhe të disa vendeve Perëndimore i kanë ndjekur gjurmët e tij edhe gjatë luftës së Kosovës. Për herë të fundit silueta e Mohammed është parë në Shqipëri gjatë vitit 2000. Nuk egziston foto e Mohameed por personat që kanë kontaktuar me të kanë deklaruar se është rreth 180 centimetra i gjatë dhe ka një moshë rreth 42-vjeç.

Incidenti me policinë italiane e shpëtoi rastësisht nga arrestimi jemenasin e dyshuar

Para të dyshimta për 5 kampingje -- Pateel pritej të sillte dollarët në fund të gushtit

Pesë kampingje të hapura gjatë muajve të nxehtë të verës, për fëmijët në nevojë ekonomike, kanë shërbyer si mbulesë për donacionet, në shuma të mëdha të futura ilegalisht në Shqipëri. Për të kamufluar donacionet e mëdha të sjella ilegalisht në Shqipëri, përveç ndërtimit të objekteve të kultit, janë shfrytëzuar dhe hapja e disa kampingjeve verore për fëmijët në nevojë. Gjatë hetimit për të zbuluar veprimtarinë e jemenasit Pateel dhe destinaconin e parave që ai ka sjellë ilegalisht nga jashtë, agjentët e Antiterrorit kanë zbuluar një tjetër aktivitet që përdoret si kamuflim për të humbur gjurmët. Konkretisht, gjatë muajëve të verës, në kohën e pushimeve për fëmijët e shkollës 8-vjeçare, janë hapur kampingje në natyrë, me donatorë shoqata apo fondacione të huaja islamike. Duke ndjekur gjurmët e Pateel-it agjentët e Antiterrorit zbuluan se ai ishte njeriu që do të sillte paratë për shpenzimet e këtyre kampingjeve.

Kampingjet
Gjatë sezonit të pushimeve verore në pesë zona të vendit, kryesisht në periferi të disa qyteteve, u hapën kampingje në natyrë, që kishin si synim trajtimin dhe argëtimin e fëmijëve që rridhnin nga familje në nevojë ekonomike. Në këto kampingje fëmijët trajtoheshin me ushqim në dy vakte, mëngjes dhe drekë. Të gjitha shpenzimet për instruktorët dhe kujdestarët e fëmijëve, për ushqimin e tyre dhe aktivitete të tjera, ishin të financuara nga donacione të ardhura nga jashtë vendit. Nga informacioni që kanë siguruar agjentët e antiterrorit rezulton se jemenasi njihej ose paraqitej si financues i pesë kampingjeve të hapura pranë Yzberishtit, Divjakës, Kavajës, Lushnjës dhe Elbasanit. Këto kampingje kanë funksionuar gjatë gjithë verës dhe janë mbyllur në fund të gushtit, para se të fillonte viti i ri shkollor.

Jemenasi
Pasi kishin siguruar të gjithë informacionin e nevojshëm për lidhjet e jemenasit Pateel me pesë kampingjet e fëmijëve, agjentët e Antiterrorit u bënë gati që t'i bënin një surprizë, sapo ai të shkelte në tokën shqiptare. Këtë radhë shpresohej që ai të mos shpëtonte pa u lagur dhe të largohej përsëri nga Shqipëria, si gjithmonë pa i hyrë gjemb në këmbë. Agjentët e Antiterrorit të policisë dhe SHIK-ut kanë pritur gjatë gjysmës së dytë të muajit gusht të këtij viti që jemenasi Shafeeque Ismael Pateel të vizitonte Shqipërinë për të sjellë paratë me të cilat do të paguheshin shpenzimet e pesë kampingjeve. Por Pateel u ndalua nga policia italiane në Bari, në kohën që po përgatitej të nisej për në Shqipëri. Sipas burimeve nga sektori i Antiterrorit në Ministrinë e Rendit, thuhet se "një shtetas me origjinë arabe pagoi një shumë të madhe si garanci për lirimin e Pateel-it, i cili në të vërtetë, pas këtij veprimi, u la i lirë". Jemenasi, pasi rifitoi lirinë, e ndryshoi drejtimin e tij, duke mos ardhur në Shqipëri. Qysh nga ky çast agjentët shqiptarë të Antiterrorit i kanë humbur gjurmët e tij, pavarësisht se e kanë rritur vigjilencën në pikat e kalimit kufitar. Madje, për këtë fakt u vendosën në Rinas ish-agjentë të Antiterrorit në kryeqytet, të cilët u trajnuan për disa muaj rresht gjatë verës së këtij viti në Egjipt për antiterrorizëm, nga instruktorë të shërbimeve inteligente amerikane.


Xhamia e Leskovikut u përdor si mbulesë për donacionet ilegale

Ndërtimi i xhamisë së Leskovikut dyshohet se është përdorur si koperturë për të fshehur destinacionin e vërtetë të donacioneve në shuma të mëdha të nisura nga Anglia në drejtim të Ballkanit. U zgjodh pikërisht qyteti i vogël i Leskovikut, për faktin se ndodhet në një zonë pothuajse të harruar nga pjesa tjetër e vendit. Ndërtimi i xhamisë ka zgjatur për më shumë se dy vjet, ndërkohë që përmasat e objektit janë modeste. Një tjetër detaj që ngjall dyshime mbi destinacionin e shumës së madhe, që pretendohet se është investuar në këtë xhami, është edhe madhësia e objektit, si dhe cilësia e punimeve. Cilësia e punimeve ka qenë e dobët, madje për këtë fakt burime nga Komuniteti Musliman pohuan se ka pasur ankesa dhe nga supervizorët e objektit. Pas përfundimit të punimeve, xhamia që u është vënë në dispozicion besimtarëve të Leskovikut nuk e përligj shumën që pretendohet se është investuar aty.


Identikiti i korrierit
Nuk disponohet asnjë foto për jemenasin
Agjentët e Antiterrorit nuk disponojnë asnjë foto të jemenasit Pateel, duke e vështirësuar kështu së tepëmi zbulimin e tij gjatë hyrjes dhe daljes nga Shqipëria. Por, nga informacioni që agjentët e Antiterrorit kanë siguruar në rrugë operative, rezulton se jemenasi ka një trup mesatar, rreth 165-168 centimetra. Ai preferon kapelet sportive dhe mban pak mjekër. Pamja dhe veshja e jemenasit është krejt normale, aq sa nuk bie në sy dhe nuk tërheq vëmendjen e personave përreth. Nuk disponohen gjurmët e gishtave të tij, por dihet vetëm identiteti që është: Shafeeque Ismael Pateel. Ndërkohë, burime nga Komuniteti Musliman pohuan se gjatë dy-tre viteve të fundit i ka vizituar një person që kishte emrin Shefik, por ai është paraqitur si musliman me origjinë nga Pakistani dhe me banim në Britaninë e Madhe.


PARATE
Strukturat e specializuara antiterrorizëm kanë dokumentuar tetë vizita të jemenasit Shafeeque Ismael Pateel në Shqipëri. Në të gjitha këto raste jemenasi ka sjellë me vetë në mënyrë ilegale shuma nga 800 mijë deri në 1.3 milionë dollarë, të cilat nuk janë deklaruar në pikat e kalimit kufitar të Shqipërisë. Pateel i ka kaluar shumat e mëdha të parave pa u zbuluar nga kontrollet rutinë të autoriteteve shqiptare në aeroport. Gjatë muajve të nxehtë të verës janë ngritur pesë kampingje në zona të ndryshme të vendit, për fëmijët në vështirësi ekonomike. Kampingjet u ngritën në periferi të Tiranës, afër Yzberishtit, në Kavajë, në Divjakë, në Lushnjë dhe në Elbasan.

[Klevis2000]

Jo propagande ne kete forum!

Albo