Firefox në shqip

[Mister Enigma]

Besnik Bleta, ti je i palodhshëm.

[BB_ose_bb]

Nga kjo lidhje mund të shkarkohet versioni më i fundit për Windows, i cili duhet të shmangë shenjat parazite te shumica e menuve - një katror i çuditshëm në vend të Alt, Ctrl etj.

Një hollësi për përdoruesit e thjeshtë që pata harruar ta prek në postimet e mëparshme:

Derisa të qarkullojë versioni i përditësuar i Këmbyesit të Shkathët të Vendores (Quick Locale Switcher - një shtesë që lejon kalimin në Firefox të ndërfaqes së përdoruesit nga një gjuhë në tjetrën, e që e lejon për më shumë se dy gjuhë të instaluara, kështu që kalamau i poshtër snob e përdor në Anglisht, kurse baba vet prapanik në Shqipen e BB-së), këmbimi duhet bërë dorazi. Pas qarkullimit të FF3, kjo do të jetë çështje e zgjidhur me një klikim mbi gjuhën e dëshiruar te menuja e KSHV-së

[BB_ose_bb]

Ja edhe lidhja për KVSH-në.

[BB_ose_bb]

Disa foto ekrani nga përkthimi në punë e sipër mund të shihen në këtë album

[edspace]

Besnik,

Vura re në galerinë e përkthimeve se fjalën "setup" e keni përkthyer "rregullim". Mendoj se kjo fjalë të lë të mendosh se diçka është e prishur. Do të sugjeroja fjalët "sajim", "përgatitje", "krijim", "parainstalim" si më të përshtatshme.

Gjithashtu do ishte mirë të përdorje fjalët e përdorura në përkthimet e Windows XP, Vista, dhe Office me qëllim që të formohet pak a shumë një fjalor "standard" në shqip. Kjo do përparonte gjuhën dhe do lehtësonte përdorimin e softuereve nga shqiptarët.

Instalova Firefox 3 beta (në anglisht) por s'më pëlqeu...kryesisht për arsye se shumica e shtesave nuk punojnë.

[BB_ose_bb]

edspace,

Ka një hollësi që dua ta vë në dukje për të interesuarit ndaj kësaj teme. Fotot japin një ide, sigurisht, për programin, por nuk janë programi vetë. Pra, ftesa ime është të shtyheni pak më tej sesa fotot, ngaqë 10 apo 20 foto nuk mund të tregojnë dot se sa e ndërlikuar është puna.

Konkretisht:

Setup duhet të shkojë bashkë termin settings .

Atëherë:

Sajim <=> ? Ndoshta sajesë, por më ngelet Web Forgery zbuluar.

Përgatitje <=> ? Përgatitjet?
Krijim <=> ? Krijimet?
Parainstalim <=> ? Parainstalimet?

Ndoshta komentet nga lexues të tjerë mund t'i japin një drejtim përmirësimit për sa më sipër.

Nuk e çmoj dot se sa fitimprurëse do ishte marrja e përkthimeve për Windows XP, Vista, dhe Office si pikë referimi. Nevoja e standardizimit është urgjente. Por rezervat janë po aq të mëdha.
Po komentoj më të thjeshtën, së pari, mundësinë praktike për konsultimin e këtyre përkthimeve, e cila është zero, ngaqë MS nuk është burim i hapur.
Së dyti, ndaj vetë këtyre përkthimeve ka pasur rezerva nga shumë anë.
Së treti, fakti që janë bërë nën sqetullën e MS nuk i shndërron vetvetiu në standard.

Sa për Firefox 3 beta..., duhet pritur hedhja në qarkullim e versionit përfundimtar e pas kësaj edhe përditësimi i shtesave. Ndryshe nuk bëhet. Pra është ende herët për t'i vënë kryq si program.

Edhe një herë faleminderit për vërejtjet, dhe uroj që të mos e lësh me kaq.

[BesmirG]

Teme e rendesishme kjo, dhe do te ishte mire edhe per fjale te tjera per te cilat ka paqartesi! Atehere, duke qene se edhe une personalisht perkthej programe, dhe e kam po aq te veshtire te gjej fjalen me te sakte deri sa edhe nje fjalor i informatikes qe mund te ekzistoje vetem sa shqipton fjalet nga anglishtja ne shqip, atehere me duhet te mendoj per fjale te tjera, sigurisht duke hapur fjalorin e gjuhes shqipe.
"Setup" = "Ndërtim" - te pakten kjo eshte formula te cilen kam perdorur deri me tani. Qe ta shpjegoj se pse, po abstraktoj pak: une i shikoj Windows-in, Linux-in apo te tjera sisteme operative si nje shtepi te madhe. Ne kete shtepi te madhe, softueret apo programet kompjuterike jane si mure shtese me shtesa te tjera, pra jane shume te rendesishme ne teresine e tyre, por sigurisht jo aq sa shtepia vete. Ndaj, sipas meje, muret mundet vetem te ndertohen, ngrihen ose vendosen. Per zgjedhje personale, mora fjalen "ndërtoj", edhe sepse ne kohen kur fillova te perkthej nuk kishte ndonje fjale me te sakte sesa kjo. Kjo mund te duket si shume e personalizuar, e di, por derisa nuk ka nje gjuhe standarde te krijuar qe me pare, atehere edhe eksperimentet nga individe te caktuar nuk bejne keq. Fjala "sajoj" me duket shume buuuuu, lol (jo mire), me gjithe ato "j".
Edhe shprehjet "Set up a computer", "Set up a car", me japin pershtypjen sikur kane te bejne me teper me "ndertimin", sigurisht edhe me "sajimin", por une e thashe pse nuk me pelqen ajo fjale dhe besoj se edhe prejardhjen do e kete pak te çuditshme.
Shpresoj te kete zgjidhje te tjera, ne menyre qe edhe po ta kem une gabim, te mund ta korrigjoj ne gjithe perkthimet e mia.

[lor]

Përshëndetje të gjithëve,

sigurisht tema është tepër interesante, por njëkohësisht është tepër e vjetër (Besnikut mund t'i kujtohen diskutime të ngjashme vite e vite më parë) :-)

Sidoqoftë, ja mendimi dhe im dhe çfarë jam duke vënë në zbatim.

Tashmë, të paktën për mjedisin Open Source, kemi në dispozicion një "minierë" të vërtetë me përkthime, duke filluar nga GNOME/KDE, OpenOffice.org, Mozilla/Firefox, TP e shumë e shumë programe të tjerë që përdorim çdo ditë. Po lë jashtë përkthimet e kryer për Windows, pasi nuk i njoh dhe, më kryesorja, nuk mund të "vë duart" në to.

Në këtë pikë lind pyetja: sa të vlefshme janë këto përkthime? Për fat të keq askush nuk është në gjendje të vlerësojë vlefshmërinë e përkthimeve; nuk ekziston akoma një organ me aftësitë e nevojshme për të kryer një rol të tillë (dua të kujtoj që kemi të bëjmë në pjesën më të madhe me terminollogji teknike, apo terme që ndeshen pak ose aspak në gjuhën shqipe). Një profesor i mirëfilltë i gjuhës shqipe në këtë fushë mund të ndihmojë vetëm pjesërisht (apo thjesht në drejtshkrim apo ndreqjen e gabimeve në shkrim).

Zgjidhja? Akoma jo... rruga që jam duke ndjekur është kjo:
1- Kalimi në nivel të dytë i saktësisë së përkthimeve (pra pak rendësi për përcaktimin nëse: setup -> rregullime, apo setup -> ndërtime, apo setup -> konfigurime)
2- Vënia në plan të parë të njëtrajtshmërisë së përkthimeve: Në çfarëdolloj përkthimi, për çfarëdolloj programi, një term anglisht të jetë përkthyer në të njëjtën menyrë në shqip!
Në këtë menyrë nesër, do ta kemi tepër të thjeshtë të ndryshojmë një përkthim të papërshtatshëm me përkthimin që, sipas mendimit të të gjithëve, do të jetë më i drejtë/përshtatshëm.

Në praktikë, ja si veproj përsa i takon mjedisit GNOME:
Kam në dispozicion rreth 50.000 vargje/fraza të përkthyera. Për fat të keq këto përkthime tani për tani mund të shfrytëzohen vetëm pjesërisht po të marrim parasysh rrezikun e vazhdimit të shtimit të përkthimeve të ndryshme në shqip për të njëjtin term në anglisht tek përkthimet e reja.
Prandaj ka filluar puna e "pastrimit" të përkthimeve: një script më "lexon" të gjithë përkthimet, gjen termet e njëjtë në anglisht dhe "shkëput" pjesët në të cilat ekzistojnë përkthime të ndryshme në shqip për termin e mësipërm në anglisht.

Le të shohim konkretisht "setup", si është përkthyer nga përkthyes të ndryshëm:

# (poconflicts) sq/evince.HEAD.sq.po
#: ../shell/ev-window.c:4113
msgid "Print Set_up..."
msgstr "Rreg_ullimet e printimit..."

# (poconflicts) sq/evince.gnome-2-20.sq.po
#: ../shell/ev-window.c:4293
msgid "Print Set_up..."
msgstr "Rreg_ullimet e printimit..."

# (poconflicts) sq/libgnomeui.HEAD.sq.po
#. Print Setup
#: ../libgnomeui/gnome-app-helper.c:137
msgid "Print S_etup..."
msgstr "Konfigurimi i shtyp_jes"

# (poconflicts) sq/libgnomeui.gnome-2-20.sq.po
#. Print Setup
#: ../libgnomeui/gnome-app-helper.c:135
msgid "Print S_etup..."
msgstr "Konfigurimi i shtyp_jes"

# (poconflicts) sq/dia.HEAD.sq.po
#: ../app/diapagelayout.c:803 ../app/pagesetup.c:76
msgid "Page Setup"
msgstr "Rregullimi i faqes"

# (poconflicts) sq/eog.HEAD.sq.po
#: ../src/eog-print-image-setup.c:840
msgid "Page Setup"
msgstr "Rregullimi i faqes"

# (poconflicts) sq/eog.gnome-2-20.sq.po
#: ../src/eog-print-image-setup.c:813
msgid "Page Setup"
msgstr "Rregullimi i faqes"

# (poconflicts) sq/eog.gnome-2-22.sq.po
#: ../src/eog-print-image-setup.c:840
msgid "Page Setup"
msgstr "Rregullimi i faqes"

# (poconflicts) sq/gedit.gnome-2-20.sq.po
#: ../gedit/dialogs/gedit-page-setup-dialog.c:527
#: ../gedit/dialogs/gedit-page-setup-dialog.glade.h:9
msgid "Page Setup"
msgstr "Rregullimi i faqes"

# (poconflicts) sq/gtk+.HEAD.sq.po
#: ../gtk/gtkpagesetupunixdialog.c:1122 ../gtk/gtkprintunixdialog.c:2182
msgid "Page Setup"
msgstr "Rregullimi i faqes"

# (poconflicts) sq/gtk+-properties.HEAD.sq.po
#: ../gtk/gtkprintjob.c:143 ../gtk/gtkprintjob.c:144
#: ../gtk/gtkprintunixdialog.c:241
msgid "Page Setup"
msgstr "Rregullimet e faqes"

# (poconflicts) sq/gtk+.gtk-2-12.sq.po
#: ../gtk/gtkpagesetupunixdialog.c:1121 ../gtk/gtkprintunixdialog.c:2177
msgid "Page Setup"
msgstr "Rregullimi i faqes"

# (poconflicts) sq/gtk+-properties.gtk-2-12.sq.po
#: ../gtk/gtkprintjob.c:143 ../gtk/gtkprintjob.c:144
#: ../gtk/gtkprintunixdialog.c:241
msgid "Page Setup"
msgstr "Rregullimet e faqes"

Sikurse mund të shihet tani e kam shumë më të thjeshtë të "korrigjoj" përkthimet, në trajtën më të përshtashme sipas zgjedhjes sime. Mbas "rregullimeve" kthej mbrapsht në vëndet/file përkatës korrigjimet e kryera.

Nëse zgjedhja ime do të rezultojë nesër e papërshtatshme, do ta kem shumë më të lehtë të kryej korrigjimet e duhura por, kësaj rradhe, në menyrë të njëtrajtshme.

Tani përfytyroni këtë metodollogji pune shtrirë tek të gjithë përkthimet ekzistuese në shqip (pra jo vetëm GNOME). Si rezultat do të mund të krijohet një bazë e përgjithshme të dhënash e shfrytëzueshme në të gjitha përkthimet e reja, për çfarëdolloj mjedisi/programi.

Mund t'ju siguroj që lista me termet "në konflikt" është me të vërtetë e gjatë!
Nëse dikush është kurioz, mund ta shtoj këtu.

[BB_ose_bb]

BehadesgO,

Setup-i në fakt i ngjan më shumë sistemimit apo rregullimit të apartamentit që e ka NDËRTUAR dikush tjetër . Problemi qëndron te harxhimi i fishekëve pa largpamësi. Kur të vijë puna për të përkthyer Build do të më/të/i duhet të prish(ë) një dorë përkthimesh ku fjalën Ndërtim e kam(e) përdorur më parë.

P.S. Sajoj në fakt është shqipe e pastër. Dhe elegante për më tepër: as edhe një bashkëtingëllore të vështirë.

[BB_ose_bb]

lor,

skema jote mund të shpjerë edhe në gjendjen ku një përkthim i papërshtatshëm ose ta lërë përdoruesin të ftohtë, ose të rrënjoset dhe, kur të duan ta ndreqin, të mos kenë më mundësi, ngaqë gjithkush do të jetë mësuar me zhargonin e deriatyshëm. Shembull? Azhurnim dhe Përditësim. Mjafton, besoj, për të kuptuar ku e kam fjalën ku i trembem rrënjosjes.

N.B. Javascript-et janë lodra me zarar. Përdor grep më mirë...