TBN, Benny Hinn.....

[ester]

Pershendetje vellezer dhe motra,

jam bekuar shume nga te gjitha diskutimet tuaja.

edhe kete diskutim e kam lexuar me shume interes sepse eshte nje nga temat qe me te vertete nuk kam nje pergjigje te sakte. gjithsesi kam nje pyetje...

Pse qenka mekat te dyshosh vepren e Bennyt? A nuk eshte e vertete qe djalli mund te vishet si engjell drite?

Shume bekime ne Shpetimin

[Peniel]

ester,


gjykimi nuk na takon neve për njerëz të tillë. Gjëja më e urtë që do të bënim në raste të tilla është të largohemi ose më thjesht të mbajmë distancë nga njerëz të tillë. Tani nëse Benny Hinn është 'djalli i veshur me dritë', këtë e di vetëm Perëndia.



Isha në një takim të madh që u zhvillua këtu në Athinë ku ishte edhe Benny Hinn. Ai ishte organizatori i këtij takimi. E kisha ndjekur nga TV dhe më shtyu kureshtja ta shoh nga afër këtë njeri për të cilin flitet kaq shumë. Takimi u hap nga besimtarë grekë dhe më pas erdhi në skenë vetë Benny Hinn. Ky takim kishte anët pozitive dhe anët negative për mendimin tim.


Anët pozitive:


Ishte hera e parë që mblidheshin kaq shumë besimtarë në një vend kaq të madh. Kishte një adhurim të mrekullueshëm dhe predikimi ishte shumë i bekuar dhe inkurajues. Ishte një mesazh i cili ftonte të gjithë tek Krishti. Më dha të kuptoj se me mesazhin e tij që shpesh i vë në dyshim shumë njerëz, ftoi njerëz në besim dhe shumë besimtarë që kishin sëmundje të ndryshme u shëruan me besim. Duket pak e çuditshme po është e vërtetë. Nuk flasim për njerëz që shpesh i quajmë të paguar, por jo. Ishin njerëz që nuk dolën në skenë por ishin midis të gjithë besimtarëve dhe besuan se Perëndia mund t'i shëronte dhe kjo ndodhi. Nuk e di se çfarë ndodhi me jo të krishterët që ishin të pranishëm aty.


Anët negative:

Më bëri shumë përshtypje prania e rojeve personale. Nuk arrij ta kuptoj edhe sot pse kaq shumë roje personale. A ka frikë ky njeri nga vdekja? Ka frikë nga njerëzit? Është e detyrueshme me ligj prania e tyre? Këto janë disa nga pyetjet e mia që nuk kam gjetur ende përgjigje. Diçka tjetër që për mua ishte negative ishte prania e shumë të sëmurëve jo të krishterë. Jo se ishte diçka e keqe, por nuk e di se sa arritën këta njerëz të kuptojnë mesazhin. Nuk e di se si e kishin marrë vesh dhe kishin ardhur aty. Kjo ka pak rëndësi sepse ishte një rast i mirë për ta që të dëgjonin për Perëndinë. Ajo që më mërziti dhe më bëri të ndihem keq ishte se ata njerëz besonin se ky njeri do t'i shëronte. Nuk dëgjova lutje nga ana e tij për këta njerëz në mënyrë të veçantë. Nuk më kujtohet diçka e veçantë por pashë se shumë nga këta njerëz u larguan të zhgënjyer që aty. Nuk e di se sa morën atë që prisnin.

Diçka tjetër që nuk më pëlqeu, ishte se ky njeri kërkoi pagesë për disa mësime që do t'u dërgonte të gjithëve çdo muaj nëpërmjet postës elektronike por edhe asaj së zakonshme. Dakort, ka shpenzime për këtë punë, por ka shumë të tjerë që e bëjnë këtë gjë falas. Për më tepër shuma nuk përcaktohej dhe personalisht nuk u ndjeva mirë me këtë. Jo se më vjen keq për lekët por nuk ishte ide e mirë për mendimin tim që kjo gjë të bëhej publike. Kjo u jep shkas shumë njerëzve të flasim keq dhe të përçmojnë Perëndinë dhe ata që i shërbejnë me besnikëri Atij.



Kaq kisha për të thënë për këtë njeri. Nuk mund të gjykoj dhe nuk mund të them asgjë më tepër përveç asaj që pashë me sytë dhe dëgjova me veshët e mi. Perëndia është gjykatësi i të gjithëve dhe Ai do të gjykojë një ditë për të gjitha, të gjithë. Të gjithë njerëzit do të japin llogari përpara Perëndisë një ditë dhe aty do të dalin në dritë të gjitha. Ajo që ne thirremi të bëjmë është të bëjmë një jetë sipas vullnetit të Perëndisë dhe të pranojmë Jezu Krishtin si Shpëtimtar dhe Zot të jetës tonë.



Nën Hirin e Tij,

ns

[ester]

Pershendetje Peniel,

Faleminderit per fjalen. Eshte e vertete, nuk na takon ne te gjykojme persona, por nuk besoj te jete gabim te provohet vepra e gjithsecilit. Por kete gje e the edhe ti besoj.

Falenderoj Zotin qe nuk na le ne konfuzion. Per ato pyetje qe kemi nevoje per pergjigje, Ai do te na e jape. Per te tjera pyetje, pergjigja e te cilave nuk eshte e domosdoshme, sna mbetet gje tjeter vetem te besojme qe Ai ka gjithcka nen kontroll. Ai eshte e verteta!

Bekime

[piu]

Tani persai perket temes, nuk dua te gjykoj sepse nuk me perket mua te bej nje gje te tille por para disa kohesh po lexoja nje Liber te shkruar nga Mike Brown "Pergjigje per Deshmitaret e Jehovait", dhe nder te tjerash thuheshe...

Mënyra më e mirë për të dalluar një kartmonedhë false nuk është të shohësh gjithmonë të falsifikuarat, por të dish mirë se si janë në realitet kartmonedhat e vërteta. Në këtë mënyrë, kur del kartmonedha false, është e lehtë ta dallosh dhe të shohësh se ku qëndron falsifikimi.

Ky eshte nje parim qe une po e ve ne praktik dite pas dite dhe ja u keshilloj.

Respekte
Piu