Qeveria britanike kerkon te dënoje bankat e pandershme

[ganoid]

Një ligj i ri mbi kartat e kreditit dënon bankat e pandershme




Londër, Reuters – Qeveria britanike deklaroi se do të ndryshojë ligjin mbi përdorimin e kartave të kreditit si masë për të dënuar sërish ofruesit e paskrupullt të këtyre shërbimeve. Ligji i ri duhet të miratohet në parlament para zgjedhjeve të ardhshme me qëllim që të rivendosë në vend të drejtat e konsumatorëve dhe të fuqizojë rregullat në biznesin e kartave të kreditit.
“Ligji për Mbrojtjen e Konsumatorëve do të zgjerohet për mbrojtjen e përdoruesve të kartave të kreditit, pasi gjatë viteve të fundit shumë qytetarë kanë rënë pre e praktikave jo të ndershme dhe abuzive. Ligji do të krijojë gjithashtu më shumë transparencë dhe konkurrencë reale në këtë treg”, - iu tha mbretëresha lordëve dhe politikanëve dje, kur paraqiti planin e qeverisë për sesionin e ardhshëm parlamentar.
Zyrtarët thanë se ligji i ri do të realizojë krijimin e një testi ndershmërie, gjë që do të vërë në dukje praktikat e pandershme dhe do t’ua paraqisë ato gjykatave; do të ndërtojë një zgjidhje alternative jashtë gjykatave nëpërmjet Avokatit të Popullit për financat; të detyrojë subjektet që ofrojnë karta krediti të jenë më transparente dhe të informojnë saktë klientët e vet, përfshi një analizë vjetore; i jep Zyrës së Tregtisë së Ndershme fuqinë e licensimit dhe heqjes së licensave për biznesin e kredive konsumatore…