Puthja

[nausika]

sigurisht qe e di pergjigjen...te gjithe e dine pergjigjen, prandaj ka kaq shume pergjigje...

nqs. nuk e din veriun dhe jugun...atere duhet busull

tani qe po e mendoj...po per puthjet nga larg, per ato pa kontakt fizik...mund te thuhet ndonje gje sublime?

[ElMajico]

Naustika: "Kshu nga larg t;puth gjithe diten une"...ka than i burre i zgjuar...

[nausika]

..lol..

kisha ne mendje dicka tjeter...po nejse

P.S. eshte Nausika

[helene]

Jashte Teme!!

[ice_storm]

Mbreme isha duke menduar per kete teme.
E dime te gjithe qe puthja paraqet nje nga pjeset me te rendesishme te lidhjes mes nje mashkulli dhe nje vajze,dhe kam ca pyetje per ju.

e hangu ne trimi, re ne ti mrena lol

C`simbolizon puthja per ju?
Putheni me sy te hapur apo i mbyllni syte?
Pse i mbyllni syte,qe te shijoni me shume momentin,apo paramendoni se puthni dike tjeter?
Ju ka ndodhur ndonjehere qe jeni duke puthur nje person ndersa paramendoni nje tjeter?
Sa e vleresoni puthjen ju?


Stormi

1 puthja, prekje buzesh, eshte personi qe puth qe i jep simbol

2 hmm, varet se ku gjendem, nqs jam duke nga makinen, do shikoj semaforin dhe makinat e tjera kshu qe me sy hap nqs jam ne nje vend qe skam nevoj te shikoj, edhe i mbyll syte

3 arsyet jan te shumta, normalisht eshte pija e tepert, nganjeher kam shoqeri qe ja vlen me i myll syt, se eshte nje ambjent i tille

4 me duket se mka ndodh nja ca her, biles njeher thash edhe emrin

5 siç e thash ma siper, varet se ke puth

[Prototype]

Ju lutem shkruani shqip!Flm.

[amaro]

me sa lexova te gjithe ktu perveç motres evelyn puthjen e pergjithesojn vetem me buzet, ju lutem mos harroni efektin llap...!

[Snow^White]

Mbreme isha duke menduar per kete teme.
E dime te gjithe qe puthja paraqet nje nga pjeset me te rendesishme te lidhjes mes nje mashkulli dhe nje vajze,dhe kam ca pyetje per ju.

C`simbolizon puthja per ju?
Putheni me sy te hapur apo i mbyllni syte?
Pse i mbyllni syte,qe te shijoni me shume momentin,apo paramendoni se puthni dike tjeter?
Ju ka ndodhur ndonjehere qe jeni duke puthur nje person ndersa paramendoni nje tjeter?
Sa e vleresoni puthjen ju?


Stormi

Per mua puthja simbolizon ndjenjen e dashuris
Nuk mund te puthem dot me sy hapur
I mbyll syte sepse dua te shijoj cdo ndjenj me ate njeri kur me puth,
Fatkeqesisht me ka ndodh te puth dike dhe te mendoj tjeter
dhe e vlersoj puthjen shume!

[Hyllien]

Per mua puthja simbolizon ndjenjen e dashuris.
Nuk mund te puthem dot me sy hapur
I mbyll syte sepse dua te shijoj cdo ndjenj me ate njeri kur me puth,
Fatkeqesisht me ka ndodh te puth dike dhe te mendoj tjeter
dhe e vlersoj puthjen shume!

Mesimi qe do nxjerrim eshte, mbaji syte hapur qe ta dish ke po puth.

[Xhuxhumaku]

Një puthje nuk është kurrë thjesht një puthje

Keith Thomas

Një gjest i thjeshtë që mund të shprehë dashuri dhe nderim? ose fyerje dhe tradhëti

'Times'

Në atë që konsiderohet si vepra më e gjatë që i kushtohet puthjes, 'Opus Polyhistoricum de Osculis', dijetari gjerman Martin von Kempe mblodhi rreth 1 040 faqe me fraza nga burimet klasike, biblike, ligjore, mjekësore dhe të tjera për të krijuar enciklopedinë e puthjes. Ai renditi më shumë se 20 lloje puthjesh. Këtu përfshihet puthja e nderimit, e paqes, puthja që kristianët u japin imazheve dhe relikeve dhe paganët idhujve të tyre, puthja e këmbës së Papës, puthja që superiorët u japin inferiorëve, puthja që jepet në ceremonitë e diplomimit akademik, puthja e të dashuruarve, puthja e tradhëtisë bashkëshortore, puthja që të sapomartuarit shkëmbejnë pas dhënies së premtimeve, puthja e pajtimit, puthja që sjell infeksion, puthja hipokrite dhe puthja e Judës. Nuk është e vështirë të zgjasësh listën e von Kempe deri në pafundësi. Sepse puthjet kanë kaq shumë kuptime. Një puthje mund të jepet privatisht ose në publik, mes burrave, mes grave, nga burrat tek gratë, nga të rriturit te fëmijët apo fëmijët mes tyre. Puthjet mund të jenë të njëanshme ose reciproke. Ato mund të jepen në buzë, në faqe apo në çdo pjesë tjetër të trupit. Ato mund të jepen në ajër. Një puthje mund të shprehë nderim, respekt, bindje, marrëveshje, adhurim, miqësi, dëshirë, ngrohtësi, dashuri, superioritet, inferioritet e madhe edhe fyerje. Nuk ka asgjë që krahasohet me një puthje. Konvencionet që orientojnë kuptimin e puthjes si një përshëndetje apo një shenj lamtumire janë, gjatë periudhave historike, janë përcaktuar vetëm në një ide të përgjithshme dhe vetëm për klasat e larta të shoqërisë. Çfarë lloj gjestesh, nëse ka patur ndonjë, shkëmbeheshin gjatë takimeve apo në festat e shekullit të 12-të. Kur, nëse ndodhte ndonjëherë, gruaja e një minatori të shekullit të 18-të i puthte miqtë e saj? Këto nuk janë pyetje të cilave mund t'u japësh një përgjigje të saktë. Por, puthja e ka një histori të sajën. Ndërsa, psikologët dhe psikoanalistët tentojnë ta përshkruajnë puthjen si një gjest psikologjik, kjo është larg praktikës universale. Kjo duket se ka luajtur rol më pak të ndërgjegjshëm në ritualet apo jetën erotike të aziatikëve, polinezianqëve dhe shoqërive subsahariane, ndërsa në Perëndim normat dhe konvencionet që nga fillesat kanë ndryshuar vazhdimisht. Ndokush mund të përpiqet ta përmbledhë këtë evolucion duke thënë se përdorimi i puthjes si një mjet ceremonial të shprehjes së marrëdhënies personale, sociale apo politike që ka, gjatë 800 viteve të fundit, ka tentuar të reduktohet, ndërsa nënkuptimi i saj erotik është theksuar vazhdimisht. Që prej historisë së hershme të kishës, kristianët shkëmbyen puthjet si simbol të bashkimit të tyre në Krisht. Por, më pas ndërsa burrat dhe gratë e kongregacionit u ndanë për të evituar puthjen mes sekseve, pjesëtarët e kongregacionit nisë të puthin më shumë simbolin e paqes sesa njëri-tjetrin. Në shekullin e 16-të, protestantët e 'harruan' puthjen. Edhe format e tjera ceremoniale të puthjes u zhdukën. Në një farë pike, në periudhën e mesjetës së vonë dhe në fillim të kohërave moderne (mes shekullit të 14-të dhe shekullit të 18-të), shtrëngimi i duarve dhe puthja u pranuan si simbole të pajtimit. Në Angli, puthjet mes burrave ishin të pazakonta, përvecse në një ceremoni familjare apo në gjyq. Ndërkohë, kuptimi erotik i puthjes u bë edhe më i rëndësishëm. Në vitin 1649 një shkrimtar anglez do të shkruante se puthja përdorej për përshëndetje, pajtim apo vlerësim, përgëzim, miratim, nënshtrim, bashkim, por në mënyrë më të vecantë si shprehje e dashurisë. Puthja sociale angleze mes burrave dhe grave dikur jepej në buzë dhe më pas u zhduk, ndërsa puthja franceze në faqe nuk u cilësua më si shumë erotike dhe dukej gjithnjë e më e zakonshme.

Përktheu: Elira ÇANGA

Ndalimi i përkohshëm i puthjes

Perandori romak Tiberius ishte i pari që lëshoi një dekret i cili ndalonte puthjen për shkak të përhapjes së një sëmundjeje të rrezikshme të quajtur 'mentagra' dhe që shpërfytyronte fytyrat e fisnikëve romakë. Jo sepse kontakti fizik ishte kaq racional. Por, disa zakone që dikur toleroheshin, në kohë të tjera përceptohen tërësisht ndryshe. 'Sikleti' social dhe fizik i mjekëve të shekullit të 18-të nuk i lejoi ata të përdornin taktikën e frymëmarrjes gojë më gojë si një metodë të respektueshme, edhe pse e dinin se ajo mundësonte rikthimin e jetës. Në të njëjtin shekull autoritetet dënuan praktikën e atyre që 'afrohen aq afër saqë të ofendojnë me frymën e tyre', duke e konsideruar këtë si një zakon të tnmerrshëm. Dhe në fund, kur aristokratët puthnin miqtë apo klientët e tyre, ata e 'parfumosnin' frymën e tyre.

Puthja e pare

Puthja e parë është natyrisht ajo që mbahet mend dhe ngulitet thellë në kujtesë, si një shenjë e pashlyeshme, por magjia e vërtetë qëndron kur vijnë puthjet e tjera, në të cilat personaliteti i partnerëve mëson të bashkohet një kod të përbashkët komunikimi në dyshe, në një pritje gjë që merr fund atëherë kur buzët takohen.

A eshte tradheti?

A është e rëndë të puthësh një 'tjetër'? Në përgjithësi gratë e përjetojnë këtë gjë si abandonim të partnerit sepse i japin puthjes një rëndësi shumë të madhe afektive. Burrat në të kundërt, tentojnë ta identifikojnë tradhëtinë vetëm si mardhënie seksuale të plotë. Dhe nëse zbulohen justifikohen duke thënë: 'ishte vetëm një puthje'. Një fjali që mund të kushtojë shtrenjtë. Në shkaqet e divorceve, një puthje e ?jashtëligjshme? për partnerin mund të ketë të njëjtat efekte me tradhëtinë e plotë.

A eshte mekat?

Edhe sipas fesë me puthjet nuk luhet. Urdhëresa e dhjetë thotë qartë: 'Mos dëshiro gruan e tjetrit'. Një puthje që nuk është miqësore, por që shpreh dëshirim fizik, konsiderohet si tradhëti. Sepse një mëkat kryehet më parë me zemër sesa me trup.

Milosao.