Nano "antiskaf", Opozita Hesht, Koci thote "Show"

[alumni]

http://www.balkanweb.com/gazeta/gazeta.htm
Faqja 2 - FAQE E PARE Gusht 28, 2002

Koçi: Operacioni antitrafik është një show i Qeverisë

Drejtuesi i lëvizjes për politikë të pastër brenda Partisë Socialiste, Petro Koçi, e cilësoi operacionin antitrafik të ndërmarrë nga qeveria, si një show nga kjo e fundit. "Shteti ka mundësi për të arritur rezultate më të larta, sesa ajo që u arrit në operacionin kundër trafikut klandestin apo qenieve njerëzore. Mendoj se duhet hequr dorë nga aktet e tipit demonstrativ apo të një show antitrafik", tha Koçi. Të tilla operacione, shtoi ai, janë të nevojshme të zhvillohen nga ana e strukturave të policisë për të goditur njerëzit e implikuar në këtë trafik ilegal, por jo në të tilla forma e mënyra.

"Unë do të kisha propozuar që në vullnetin e qeverisë për të luftuar ketë trafik, të përdorej një taktikë tjetër, një angazhim serioz në luftën në tokë kundër skafeve dhe përdorimit më të madh të inteligjencës, sesa forcës fizike apo motorike", shtoi Koçi. Ai shtoi se faza e dytë apo angazhimi i qeverisë në luftën kundër këtij trafiku të jetë më rezultative e të mos ketë më ngjyrat e një operacioni show Për sa i përket lëvizjes që ai drejton brenda PS-së, Koçi tha se shtatori do të dëshmojë vijueshmërinë e kesaj lëvizjeje. "Duke parë krijimin e qeverisë dhe të platformave mbi të cilat u krijua ajo, qëndrimet oponente do të jenë aktive. Kjo pasi ka një tendencë nga ana e Nanos për të ripersonalizuar qeverisjen, si dhe një rikonsolidim të platformave per të bërë kompromise që po kthehen në një inflacion, që në shumë raste është i korruptuar. Ai shtoi se në lëvizjen e drejtuar prej ka edhe mbështetjen e bazës.