Kamikaz shqiptar kunder shtetit grek

[altin55]

Shahini: Nuk më dhanë vizë greke, do të vetëdigjesha




TIRANË- Një 46- vjeçar, rezident në Greqi prej 14 vitesh, ka tentuar t’i vërë flakën vetes, duke bërë kamikazin para kamerave të “Top Chanel”, mëngjesin e ditës së djeshme. Vasil Shahini është ndaluar pak minuta më pas, nga policia e komisariatit nr. 3 dhe është izoluar në qelitë e paraburgimit, për prishje qetësie. Shkaku i tentativës për djegie të trupit para kamerave, sipas tij ka qenë mohimi i një vize greke dhe keqtrajtimi që kishte pësuar në vendin fqinj. Burime të policisë thanë për gazetën “Shekulli” se 46- vjeçari, që jeton tashmë me familjen në Tiranë ka patur shqetësime të shpeshta, që kanë kaluar në stres dhe depresion. Vetë i ndaluari ka pohuar para agjentëve se ai ishte keqtrajtuar nga grekët dhe “mafia greke”, ndërsa tashmë nuk i jepnin më vizën për t’u kthyer atje. Ai ka dhënë edhe një intervistë për gazetën pas daljes nga qelia.

Ngjarja
Vasil Shahini, i veshur me një bluzë me shqiponjë, ku dallohej dhe një flamur grek, ka mbërritur në qendër të Tiranës, pranë Muzeut Kombëtar rreth orës 08.00 të mëngjesit. Gjatë një pjese të mirë të rrugës, ai ka ecur duke e spërkatur veten me një bidon me benzinë. Ai ka shkuar tek qendra e Tiranës, pranë Muzeut Kombëtar, në kohën që një grup xhirimi po filmonte për emisionin e mëngjesit. Shahini ka dalë para kamerës, duke vazhduar të lyhej me benzinë. E gjithë skena është transmetuar më pas direkt nga stacioni televiziv. Vasil Shahini ka nxjerrë nga xhepi një çakmak dhe e ka afruar në drejtim të trupit të tij. Ndërhyrja e forcave të policisë ka shmangur vetëdjegien e Shahinit para kamerave.

Shmangia e tragjedisë
Burime të policisë pohuan se ishin njoftuar për ngjarjen, sapo Shanini kishte shkuar në qendër dhe kishte spërkatur trupin me benzinë. Në momentin e fundit, policët kanë ndërhyrë, duke i hequr emigrantit çakmakun nga dora dhe duke i vënë prangat. Pas një qetësimi prej një ore, Shahini është marrë në pyetje nga krerët e komisariatit numër 3 të Tiranës, ku ka shpjegur arsyet që e kanë çuar drejt aktit ekstrem. “Mua më ka keqtrajtuar dhe me kërcënon mafia greke. Atje kam ndenjur prej 14 vitesh, por kohët e fundit më kanë rrahur e dëbuar. Tashmë dua një vizë që të kthehem përsëri atje, për të ndjekur gjyqin në shkallën e dytë por këtë vizë nuk ma japin”, -ka thënë me pak fjalë 46- vjeçari nga Tirana, para agjentëve të policisë. Sipas dëshmisë së tij, shkaku i tentativës për vetëflijim ka ardhur pasi në ambasadën greke nuk i kishin dhënë vizë.



17/11/2004

http://www.shekulli.com.al/index.php...c5ba5c57b53fc6

O albo tani ku do ta cosh paralajmerimin tend.Per temen qe hapa dje.